ត្បូងឃ្មុំ ៖ ឯកឧត្តម អ៊ាង សុផល្លែត រដ្ឋលេខាធិការក្រសួង បានអញ្ជើញដឹកនាំកិច្ចប្រជុំត្រួតពិនិត្យវឌ្ឍនភាពការងារបរិស្ថានខេត្តត្បូងឃ្មុំឆ្នាំ២០២0 និងលើកទិសដៅអនុវត្តន៍បន្ត ដោយមានការអញ្ជើញចូលរួមពីសំណាក់ លោកជំទាវ ព្រំ សុភី អនុរដ្ឋលេខាធិការក្រសួងបរិស្ថាន ឯកឧត្តម ចេង ប៊ុណ្ណារ៉ា អភិបាលរងខេត្ត ឯកឧត្តម ជា ស៊ីណា អគ្គនាយកគាំពារបរិស្ថាន តំណាងអគ្គនាយកដ្ឋានចំណុះក្រសួង លោកប្រធានមន្ទីរបរិស្ថានខេត្ត តំណាងមន្ទីរពាក់ព័ន្ធ រដ្ឋបាលខេត្ត អភិបាលក្រុង-ស្រុក និងមន្ត្រីមន្ទីរបរិស្ថាន នាព្រឹកថ្ងៃពុធ ១៣រោច ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១០ ខែកុម្ភៈ ឆ្នាំ២០២១ នៅសាលាខេត្តត្បូងឃ្មុំ ។ បន្ទាប់ពីបានពិនិត្យ ដោះស្រាយ និងផ្តល់អនុសាសន៍លើបញ្ហាប្រឈម និងការងារដែលនៅសេះសល់មួយចំនួនកន្លងមក ឯកឧត្តមប្រធានអង្គប្រជុំបានដាក់ចេញនូវការងារដែលត្រូវអនុវត្តបន្តរួមមាន៖ ១. សម្រាប់រយៈពេលខ្លី -មន្ទីរត្រូវសហការជាមួយរដ្ឋបាលក្រុង ស្រុក រៀបចំចលនាសម្អាតភូមិ ឃុំ ជាប្រចាំ និងដាំឈើ និងផ្កាលម្អនៅតាមគេហដ្ឋានក៏ដូចជាមូលដ្ឋាន និង២.ផែនការរយៈពេលវែង -មន្ទីរត្រូវសហការជាមួយអគ្គនាយកដ្ឋានចំណេះដឹង និងព័ត៌មានបរិស្ថាន…

ភ្នំពេញ ៖ អគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព រៀបចំសន្និសីទសារព័ត៌មានស្តីពីពិធីប្រកាសផ្សព្វផ្សាយ «របាយការណ៍បច្ចុប្បន្នភាពការចូលរួមចំណែករបស់ជាតិ ដើម្បីអនុវត្ដអនុសញ្ញាក្របខ័ណ្ឌសហប្រជាជាតិស្ដីពីការប្រែប្រួលអាកាសធាតុ» ក្រោមអធិបតីភាព ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន ឯកឧត្តម ទិន ពន្លក រដ្ឋលេខាក្រសួងបរិស្ថាន ឯកឧត្តម វ៉ាន់ មុនីនាថ អគ្គលេខាធិការនៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព ឯកឧត្តម ជួប ប៉ារីស៍ អគ្គនាយកនៃអគ្គនាយដ្ឋានចំណេះដឹង និងព័ត៌មានបរិស្ថាន ថ្នាក់ដឹកនាំក្រសួងបរិស្ថាន ព្រមទាំងមានការអញ្ជើញចូលរួមពីតំណាងក្រសួង ស្ថាប័នពាក់ព័ន្ធសំខាន់ៗ ដៃគូអភិវឌ្ឍន៍ អង្គការមិនមែនរដ្ឋាភិបាល អ្នកសារព័ត៌មាន និងវិស័យឯកជនជាច្រើនរូប នារសៀលថ្ងៃចន្ទ ១១រោច ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៨ ខែកុម្ភៈ ឆ្នាំ២០២១ នៅទីស្តីការក្រសួងបរិស្ថាន ។ ថ្លែងបើកសន្និសីទសារព័ត៌មាននាពេលនោះ ឯកឧត្តម នេត្រ ភក្រ្តា បានបញ្ជាក់ថាកម្ពុជាក្នុងនាមជាសមាជិកអនុសញ្ញាក្របខ័ណ្ឌសហប្រជាជាតិស្តីពីការប្រែប្រួលអាកាសធាតុ (UNFCCC) និងកិច្ចព្រមព្រៀងទីក្រុងប៉ារីសស្តីពីការប្រែប្រួលអាកាសធាតុ បានរៀបចំ និងដាក់ជូនរបាយការណ៍ការចូលរួមចំណែករបស់ជាតិលើកទី១ទៅលេខាធិការដ្ឋាន UNFCCC នៅឆ្នាំ២០១៥ និងដាក់ជូនរបាយការណ៍បច្ចុប្បន្នភាព (Updated…

ភ្នំពេញ ៖ អគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព បានរៀបចំពិធីប្រកាសផ្សព្វផ្សាយស្តីពី «របាយការណ៍បច្ចុប្បន្នភាពការចូលរួមចំណែករបស់ជាតិ ដើម្បីអនុវត្ដអនុសញ្ញាក្របខ័ណ្ឌសហប្រជាជាតិស្ដីពីការប្រែប្រួលអាកាសធាតុ» ក្រោមអធិបតីភាព ឯកឧត្តម សាយ សំអាល់ ប្រធានក្រុមប្រឹក្សាជាតិអភិវឌ្ឍន៍ដោយចីរភាព និងជារដ្ឋមន្ត្រីក្រសួងបរិស្ថាន និងមានការអញ្ជើញចូលរួមតំណាងពីក្រសួង ស្ថាប័នពាក់ព័ន្ធសំខាន់ៗ ដៃគូអភិវឌ្ឍន៍ អង្គការមិនមែនរដ្ឋាភិបាល អ្នកសារព័ត៌មាន និងវិស័យឯកជនជាច្រើនរូប នៅទីស្តីការក្រសួងបរិស្ថាន នារសៀលថ្ងៃចន្ទ ១១រោច ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៨ ខែកុម្ភៈ ឆ្នាំ២០២១ ។ ឯកឧត្តម សាយ សំអាល់ បានគូសបញ្ជាក់ថា ប្រទេសកម្ពុជាបានដើរតួជាប្រទេសមួយដែលមានជំហរគាំទ្រដ៏រឹងមាំចំពោះសកម្មភាពពហុភាគី ក្នុងការឆ្លើយតបទៅនឹងការប្រែប្រួលអាកាសធាតុ។ ក្នុងនាមជាប្រទេសមួយដែលងាយរងគ្រោះពីផលប៉ះពាល់នៃការប្រែប្រួលអាកាសធាតុ រាជារដ្ឋាភិបាលបានយល់ពីភាពបន្ទាន់ដែលតម្រូវឱ្យចាត់វិធានការដើម្បីដោះស្រាយបញ្ហាការប្រែប្រួលអាកាសធាតុប្រកបដោយមហិច្ឆតា ស្របទៅតាម «ការទទួលខុសត្រូវរួម តែកម្រិតផ្សេងគ្នាទៅតាមសមត្ថភាពរៀងៗខ្លួន» ក្រោមអនុសញ្ញាក្របខ័ណ្ឌសហប្រជាជាតិស្តីពី ការប្រែប្រួលអាកាសធាតុ។ ឯកឧត្តម បានបន្ថែមទៀតថា របាយការណ៍ Updated NDC របស់ប្រទេសកម្ពុជា បានបង្ហាញពីការប្តេជ្ញាចិត្ត និងតម្រូវការសម្រាប់ទសវត្សរ៍បន្ទាប់ ដើម្បីធ្វើឱ្យសម្រេចបាននូវចក្ខុវិស័យនៃសង្គមមួយដែលមានការបញ្ចេញកាបូនតិច មានភាពធន់ទៅនឹងការប្រែប្រួលអាកាសធាតុ និងការអភិវឌ្ឍប្រកបដោយចីរភាព។ ជាមួយគ្នានេះដែរ ឯកឧត្តម…

ភ្នំពេញ ៖ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បានអនុញ្ញាតឲ្យប្រធានសមាគមអ្នកវិនិយោគជប៉ុន ចូលជួបសម្តែងការគួរសម និងធ្វើការស្វែងយល់អំពីទយ្យទានបរិស្ថាន នាទីស្តីការក្រសួងបរិស្ថាន កាលពីថ្ងៃពុធ ៦រោច ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៣ ខែកុម្ភៈ ឆ្នាំ២០២១ នាទីស្តីការក្រសួង ។ ក្នុងឱកាសនោះដែរ ឯកឧត្តមរដ្ឋមន្ត្រី បានសម្តែងនូវការស្វាគមន៍យ៉ាងកក់ក្តៅ និងជម្រាបជូនដល់ប្រតិភូអំពីការយកចិត្តទុកដាក់ ខ្ពស់នូវការវិនិយោគរបស់ជប៉ុនមកកាន់កម្ពុជា ធ្វើយ៉ាងណារាល់ការវិនិយោគរបស់ក្រុមហ៊ុនជប៉ុននៅកម្ពុជា ត្រូវទទួលបាននូវការលើកទឹកចិត្ត និងជំរុញឲ្យទទួលបានការជោគជ័យនៅក្នុងអាជីវកម្មរបស់ខ្លួន។ពាក់ព័ន្ធនឹងទយ្យទានបរិស្ថាន ឯកឧត្តមរដ្ឋមន្ត្រី បានឲ្យដឹងថា ទយ្យទានបរិស្ថាននេះ គឺជាគោលការណ៍ចូលរួមដោយស្ម័គ្រចិត្តរបស់ក្រុមហ៊ុនវិនិយោគ រាល់ថវិកាទាំងអស់ ដែលទទួលបានពីទយ្យទានបរិស្ថាននេះ គឺសម្រាប់យកមកបម្រើការងារគាំពារបរិស្ថាន ។កន្លងមកក្រសួងបរិស្ថាន តែងតែមានការផ្សព្វផ្សាយដល់ក្រុមហ៊ុនទាំងអស់ នូវចំនួនថវិការួមចំណែកដែលទទួលបានពីក្រុមហ៊ុន។ ជាមួយគ្នានេះដែរ ឯកឧត្តមរដ្ឋមន្ត្រី បានថ្លែងអំណរគុណចំពោះក្រុមហ៊ុនជប៉ុនទាំងអស់ ក៏ដូចជាក្រុមហ៊ុនដែលមកពីបណ្តាប្រទេសដទៃទៀតផងដែរ ដែលបានចូលរួមចំណែកក្នុងការកិច្ចគាំពារបរិស្ថាន និងបង្កើនឱកាសការងារជូនប្រជាជនកម្ពុជានាពេលកន្លងមក៕ ដោយ / គ្រី សម្បត្តិ

«សម័យតេជោសន្តិភាព យើងត្រូវផ្លាស់ប្ដូរផ្នត់គំនិត និងឥរិយាបថក្នុងការរស់នៅព្រោះយើងរស់នៅក្នុងសុខសន្តិភាព និងមានពេលវេលាគ្រប់គ្រាន់ដើម្បីគិតគូរពីសុខភាព អនាម័យបរិស្ថាន និងធ្វើយ៉ាងណាឱ្យសង្គមកម្ពុជាយើងមានបរិស្ថានស្អាត និងពលរដ្ឋមានផាសុកភាព»។ នេះគឺជាការថ្លែងរបស់ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាននៅក្នុងពិធីបើកសិក្ខាសាលាបណ្តុះបណ្តាលថ្នាក់តំបន់ស្តីពីការផ្តល់បច្ចេកទេសក្នុងការអនុវត្តមុខងារវិស័យបរិស្ថានជូនរដ្ឋបាលថ្នាក់ក្រោមជាតិកាលពីល្ងាចថ្ងៃទី៣ ខែកុម្ភៈ ឆ្នាំ២០២១ នៅសាលាខេត្តព្រៃវែង។ ឯកឧត្តមរដ្ឋមន្រ្តីបានគោរពថ្លែងអំណរគុណរាជរដ្ឋាភិបាលកម្ពុជា ក្នុងនោះសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃដែលបានគាំទ្រសិក្ខាសាលាដ៏មានសារៈសំខាន់ និងជាពិសេសបានឯកភាពបញ្ចូលលក្ខណៈសម្បត្តិ «មានអនាម័យ សោភ័ណ្ឌភាពនិងបរិស្ថានល្អ» ចូលទៅក្នុងគោលនយោបាយភូមិឃុំសង្កាត់មានសុវត្ថិភាព។ ឯកឧត្តមរដ្ឋមន្ត្រីបានជំរុញឱ្យអាជ្ញាធរពាក់ព័ន្ធរួមនឹងប្រជាពលរដ្ឋរួមគ្នាសម្អាតអនាម័យបរិស្ថាន រស់នៅស្អាត និងហូបស្អាតដើម្បីផាសុកភាពក្នុងការរស់នៅនិងទប់ស្កាត់ជំងឺនានាជាពិសេសចូលរួមអនុវត្តវិធានការអនាម័យដើម្បីចូលរួមទប់ស្កាត់ជំងឺឆ្លងកូវីដ១៩។ សូមបញ្ជាក់ថាសិក្ខាសាលាតំបន់ដែលរៀបចំរយេៈពេល ៣ ថ្ងៃនៅខេត្តព្រៃវែងគឺជាសិក្ខាសាលាតំបន់លើកទី៣ ដែលក្រសួងបរិស្ថានបានរៀបចំឡើងដើម្បីផ្តល់បច្ចេកទេសក្នុងការអនុវត្តមុខងារក្នុងវិស័យបរិស្ថាន ធនធានធម្មជាតិ ជីវៈចម្រុះ និងការរស់នៅប្រកបដោយចីរភាពជូនរដ្ឋបាលថ្នាក់ក្រោមជាតិ ដោយមានការចូលរួមពីតំណាងខេត្តព្រៃវែង ត្បូងឃ្មុំ ស្វាយរៀង និងកំពង់ចាម។ សិក្ខាសាលាដែលមានការធ្វើបទបង្ហាញពីមន្ត្រីជំនាញក្រសួងបរិស្ថាននិងអង្គភាពពាក់ព័ន្ធនានា។ ដោយ / គ្រី សម្បត្តិ

សេចក្ដីជូនដំណឹងរបស់ក្រសួងបរិស្ថាន ស្តីពីគុណភាពខ្យល់នៅរាជធានីភ្នំពេញ និងនៅតាមបណ្តាខេត្តនានា នាវេលាព្រឹក ម៉ោង៧:០០នាទី ថ្ងៃទី៤ ខែកុម្ភះ ឆ្នាំ២០២១។

ភ្នំពេញ ៖ ជីវិតរីករាយផ្សារភ្ជាប់ជាមួយទេសចរណ៍ធម្មជាតិនៅក្នុងពិធីប្រគល់ជ័យលាភីការប្រកួតប្រជែងវីដេអូស្តីពីបរិស្ថាន ក្រោមប្រធានបទ«សម្រស់ស្រុកយើង»នៅរសៀលថ្ងៃអង្គារ ៥រោច ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២ ខែកុម្ភៈ ឆ្នាំ២០២១ នៅទីស្តីការក្រសួងបរិស្ថាន ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានលើកឡើងថា នៅពេលប្រទេសកំពុងមានសុខសន្តិភាពពេញលេញ ជាឱកាសនៃការអភិវឌ្ឍទេសចរណ៍ផ្សារភ្ជាប់នឹងធម្មជាតិរបស់ប្រជាជនកម្ពុជា។ ឯកឧត្តមរដ្ឋមន្រ្តី បានបន្ថែមថានៅពេលកម្ពុជាមានសុខសន្តិភាពនេះហើយ គឺបំផុសឱ្យប្រជាពលរដ្ឋ បានយល់អំពីសក្តានុពល តម្លៃ និងសម្រស់នៃធនធានធម្មជាតិរបស់កម្ពុជា និងមានឱកាសរីករាយផ្សារភ្ជាប់នឹងធម្មជាតិ។ ឯកឧត្តម បានបង្ហាញថា ការជំរុញលើកកម្ពស់សកម្មភាពទេសចរណ៍ផ្សារភ្ជាប់ជាមួយធម្មជាតិ រួមចំណែកសំខាន់ក្នុងកិច្ចការពារអភិរក្សធនធានធម្មជាតិឱ្យកាន់តែរឹងមាំផងដែរ។ ឯកឧត្តម សាយ សំអាល់ បានវាយតម្លៃខ្ពស់ចំពោះការលះបង់របស់យុវជនទាំងអស់ដែលបានបង្ហាញពីទឹកចិត្តស្រឡាញ់ទឹកដី ស្រឡាញ់សន្តិភាព និងបានចូលរួមផ្សព្វផ្សាយបរិស្ថាន តាមរយៈការថតរូប និងផលិតវីដេអូស្អាតៗពីធម្មជាតិដ៏ស្រស់បំព្រងរបស់កម្ពុជាទៅកាន់ពិភពលោក។ ឯកឧត្តមរដ្ឋមន្រ្តី បានគូសបញ្ជាក់បន្ថែមថា ចាប់តាំងពីឯកឧត្តមត្រូវបានរាជរដ្ឋាភិបាលតែងតាំងជារដ្ឋមន្រ្តីក្រសួងសបរិស្ថានមក គឺនៅឆ្នាំ២០១៣ មានកិច្ចការជាច្រើនដែលត្រូវធ្វើ ក្នុងនោះការលើកកម្ពស់ឱ្យមានការចូលរួមពីសាធារណជន គឺជារឿងចាំបាច់មួយក្នុងបុព្វហេតុការពារ និងអភិរក្សធនធានធម្មជាតិ។ ក្នុងឱកាសនោះ ឯកឧត្តម សាយ សំអាល់ បានលើកទឹកចិត្តឱ្យក្រុមទទួលបានជ័យលាភីនាពេលនេះ បន្តខិតខំចូលរួមផ្សព្វផ្សាយបន្ថែមទៀត អំពីសម្រស់ធម្មជាតិស្រុកយើង ដើម្បីជួយលើកកម្ពស់លើវិស័យទេសចរណ៍ផ្សារភ្ជាប់នឹងធម្មជាតិ។…

ភ្នំពេញ ៖ ក្រសួងបរិស្ថានបានរៀបចំពិធីប្រគល់ជ័យលាភី ការប្រកួតវីដេអូខ្លី ស្តីពីបរិស្ថាន ក្រោមប្រធានបទ «សម្រស់ស្រុកយើង» ជូនដល់ក្រុមទទួលបានជ័យលាភី ចាប់ពីចំណាត់ថ្នាក់លេខ១ ដល់លេខ១១ ក្រោមអធិបតីភាព ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន នារសៀលថ្ងៃអង្គារ ៥រោច ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២ ខែកុម្ភៈ ឆ្នាំ២០២១ នៅទីស្តីការក្រសួងបរិស្ថាន ។ ឯកឧត្តម ជួប ប៉ារីស៍ អគ្គនាយកនៃអគ្គនាយដ្ឋានចំណេះដឹង និងព័ត៌មានបរិស្ថាន បានមានប្រសាសន៍ វាយតម្លៃខ្ពស់ចំពោះក្រុមបេក្ខជនដែលបានផលិតវីដេអូដែលមានគុណភាពល្អ បង្ហាញនូវតំបន់នានាដែលមានសក្តានុពលទេសចរណ៍ និងសម្រស់ស្រស់ល្អឯកនៃធម្មជាតិនៅប្រទេសកម្ពុជា។ ឯកឧត្តមអគ្គនាយកបានបន្តថា ក្រសួងបរិស្ថានបាននឹងកំពុងខិតខំយកចិត្តទុកដាក់យ៉ាងខ្លាំង ក្នុងការលើកកម្ពស់ការផ្សព្វផ្សាយដល់សាធារណជន អំពីសក្តានុពល និងសម្រស់ដ៏ស្រស់ត្រកាលនៃធម្មជាតិនៅប្រទេសកម្ពុជា។ តាមរយៈកិច្ចខិតខំប្រឹងប្រែងកន្លងមក យើងសង្កេតឃើញនូវការផ្លាស់ប្តូរផ្នត់គំនិតជាវិជ្ជមានចំពោះបរិស្ថាន ដោយក្នុងនោះ សារធារណៈជន ជាពិសេសយុវជន បានយល់ដឹងអំពីភាពសម្បូរបែបនៃធនធានធម្មជាតិ និងសម្រស់ធម្មជាតិដែលមានតម្លៃ ក្នុងការចូលរួមការពារ និងអភិរក្សសម្រាប់ឧត្តមប្រយោជន៍ក្នុងពេលបច្ចុប្បន្ន និងអនាគត។ ក្នុងឱកាសនោះឯកឧត្តម សាយ សំអាល់ បានអបអរសាទរចំពោះក្រុមបេក្ខជនទទួលជ័យលាភីនាពេលនេះ ដែលបានបញ្ចេញស្នាដៃក្នុងការផលិតវីដេអូនៃសម្រស់ធម្មជាតិនៅកម្ពុជា…

ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន នៅរសៀលថ្ងៃពុធ ១៤កើត ខែមាឃ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៧ ខែមករា ឆ្នាំ២០២១ បានអញ្ជើញកាត់ខ្សែបូសម្ពោធដាក់ឱ្យប្រើប្រាស់ជាផ្លូវការនូវស្ថានីយ៍ផលិតថាមពលអគ្គិសនីដើរដោយពន្លឺព្រះអាទិត្យកម្លាំង៣២គីឡូវ៉ាត់ជាមួយប្រព័ន្ធផ្ទុកថាមពល(អាគុយ)៨៧គីឡូវ៉ាត់ម៉ោង នៅមជ្ឈមណ្ឌលស្រាវជ្រាវនិងអភិរក្សកេសរកូល សុខ អានភ្នំគូលែន ក្នុងខេត្តសៀមរាប។ ព្រឹត្តិការណ៍មានការអញ្ជើញចូលរួមពីថ្នាក់ដឹកនាំ និងមន្រ្តីក្រសួងបរិស្ថាន តំណាងក្រសួង-ស្ថាប័ន ពាក់ព័ន្ធ តំណាងអាជ្ញាធរខេត្តសៀមរាប តំណាងស្ថានទូតស៊ុយអែតប្រចាំកម្ពុជា ដៃគូអភិវឌ្ឍន៍និងមន្រ្តីឧទ្យានុរក្ស និងប្រជាសហគមន៍មួយចំនួនទៀត។ ឯកឧត្តម ង៉ាន់ ភិរុណ អភិបាលរងនៃគណៈអភិបាលខេត្តសៀមរាប បានបញ្ជាក់ថាសមិទ្ធផលថ្មីសម្រាប់ខេត្តសៀមរាប ដែលជាខេត្តគោលដៅទេសចរណ៍ វប្បធម៌ និងធម្មជាតិ ដូចនេះការប្រើប្រាស់ថាមពលស្អាត មិនប៉ះពាល់ដល់បរិស្ថាន គឺជាចំណុចចាប់ផ្ដើមគំរូដល់រមណីដ្ឋានដទៃនៅក្នុងខេត្តសៀមរាប ក៏ដូចជាខេត្តដទៃទៀត ដែលមិនមានបណ្ដាញអគ្គិសនីជាតិ។ លោកស្រី (Ms.) Sonali Dayaratne តំណាងកម្មវិធីអភិវឌ្ឍន៍អង្គសហប្រជាជាតិប្រចាំកម្ពុជា UNDP បានវាយតម្លៃខ្ពស់ចំពោះសមិទ្ធផលដែលជួយឱ្យបរិស្ថានស្អាត ការការពារ និងអភិរក្សធនធានជីវៈចម្រុះ និងការគាំទ្រចំពោះគោលជំហរកម្ពុជាក្នុងការឆ្លើយតបនឹងការប្រែប្រួលធាតុអាកាសធាតុ។ ក្នុងឱកាសនោះ ឯកឧត្តម សាយ សំអាល់ មានប្រសាសន៍ចាត់ទុកថាស្ថានីយផលិតថាមពលពីពន្លឺព្រះអាទិត្យនេះគឺជាមជ្ឈមណ្ឌលទី១…