បរទេស ៖យោងតាមការបង្ហាញទិន្នន័យនៅថ្ងៃចន្ទនេះបានឱ្យដឹងថា ប្រទេសជប៉ុនដែលជាមហាអំណាចសេដ្ឋកិច្ចធំបំផុតទី3 លើសាកលលោកបានងើបចេញពីវិបត្តិសេដ្ឋកិច្ចដោយសារកូវីដ19 ទាំងគួរឲ្យភ្ញាក់ផ្អើលជាមួយនឹងអត្រាកំណើនដល់ទៅ 5 ភាគរយនៅក្នុងត្រីមាសទី 3 នេះ។ កន្លងមកសេដ្ឋកិច្ចរបស់ជប៉ុនបានធ្លាក់ចុះខ្លាំងអំឡុងពេលដើមឆ្នាំ និងត្រីមាសទី2 ដោយសារតែការសម្រេចចិត្តរបស់រដ្ឋាភិបាលក្នុងការបិទវិស័យផលិតកម្ម និងក៏ដូចជាការបិទនូវការចាយវាយរបស់ពលរដ្ឋខ្លួនផងនោះ ប៉ុន្តែមកដល់ពេលនេះកំណើនសេដ្ឋកិច្ចបែរជាបានងើបឡើងវិញយ៉ាងខ្លាំងដោយតាមរយៈព្រឹត្តិការណ៍មួយដែលអ្នកជំនាញសេដ្ឋកិច្ចបានហៅវាថា Zoom boom។ Zoom boom ត្រង់នេះគឺសំដៅទៅលើការកើនឡើងនៃតម្រូវការនូវផលិតចាំបាច់មួយចំនួនដូចជាអេក្រង់ និងកំព្យូទ័រយូរដៃ ខណៈដែលមនុស្សរាប់ពានលាននាក់ត្រូវបានគេដឹងថានៅតែបន្តធ្វើការងារចេញពីផ្ទះរបស់គេនៅឡើយ “Work from Home” ហើយភាគច្រើនស្ទើរតែទាំងអស់គឺបានប្រើប្រាស់កម្មវិធី Zoom ដើម្បីទំនាក់ទំនងការងាររបស់ពួកគេ។ ក្រៅពីនេះ សេដ្ឋកិច្ចជប៉ុនក៏ហាក់ឡើងមួយកម្រិតទៀតនៅក្រោយពេលដែលខ្លួនបានចូលរួមក្នុងការចុះហត្ថលេខាលើកិច្ចព្រមព្រៀងពាណិជ្ជកម្មសេរីRCEP ជាមួយនឹងបណ្តាប្រទេស 14 ផ្សេងទៀតកាលពីចុងសប្តាហ៍កន្លងមក។ ប្រភពដដែលបានសរសេរទៀតថា GDP ឬផលិតផលក្នុងស្រុកសរុបរបស់ជប៉ុនមានការកើនឡើងប្រមាណជា 5 ភាគរយក្នុងត្រីមាសទី 3 នេះធៀបទៅនឹងត្រីមាសទី 2 ដែលមានតួលេខធ្លាក់ចុះដល់ទៅ ដក 8,2 ភាគរយ៕

បរទេស៖ យោងតាមការបញ្ជាក់របស់សាស្ត្រាចារ្យម្នាក់ដែលស្ថិតនៅក្នុងចំណោមក្រុមការងារផលិតវ៉ាក់សាំងកូវីដ19 បានជោគជ័យនៅសប្តាហ៍នេះបានលើកឡើងហើយថាវ៉ាក់សាំងកូវីដ19 នឹងអាចចាប់ផ្តើមដំណើរការចែកចាយរបស់ខ្លួនចាប៉ពីរដូវក្តៅខាងមុខនេះហើយចំណែកឯជីវិតរបស់មនុស្សលោកក៏នឹងអាចត្រឡប់មកធម្មតាវិញបានដែរនារដូវរងាបន្ទាប់។ លោកសាស្ត្រាចារ្យ Prof. Ugur Sahin ជាស្ថាបនិករបស់ក្រុមហ៊ុន BioNTech របស់អាល្លឺម៉ង់ដែលទើបតែបានប្រកាសថាបានរកឃើញវ៉ាក់សាំងកូវីដ19 ដែលមានប្រសិទ្ធភាពដល់ទៅ 90 ភាគរយនោះបានបញ្ជាក់ទៀតថាវ៉ាក់សាំងនឹងអាចកាត់បន្ថយដំណើរការឆ្លងរបស់វិរុសហើយនេះមានន័យថាចំនួនករណីឆ្លងនឹងមានការធ្លាក់ចុះយ៉ាងខ្លាំងជាមិនខាន។ គួរឲ្យដឹងដែរថា BioNTech បានសហការជាមួយនឹងក្រុមហ៊ុនអាមេរិក Pfizer ដើម្បីការងារស្រាវជ្រាវនិងផលិតវ៉ាក់សាំងនេះជាច្រើនខែមកហើយហើយជាលទ្ធផលកាលពីថ្ងៃចន្ទសប្តាហ៍មុនវ៉ាក់សាំងដែលមានប្រសិទ្ធភាពដល់ទៅ 90 ភាគរយគឺត្រូវបានរកឃើញក្រោយបានធ្វើតេស្តទៅលើមនុស្សប្រមាណជា 43 000នាក់មកហើយមកពី6ប្រទេស។ គួរឲ្យដឹងដែរផងដែរថា អង់គ្លេសនឹងរំពឹងថាអាចទទួលបានវ៉ាក់សាំងដែលជាផលិតផលរបស់ BioNTech/Pfizer យ៉ាងហោចណាស់ 10 លានដូសនៅដំណាច់ឆ្នាំនិង 30 លានដូសទៀតនៅពេលបន្ទាប់ហើយតាមការសាកល្បងកន្លងមកសម្រាប់មនុស្សម្នាក់នឹងត្រូវការចាក់វ៉ាក់សាំងនេះចំនួន 2 ដងក្នងរយៈពេល 3 សប្តាហ៍៕

បរទេស ៖ ទូរទស្សន៍ BBC ចេញផ្សាយនៅថ្ងៃចន្ទនេះបានសរសេរថា បណ្តាប្រទេសចំនួន១៥នៅលើសាកលលោកបានសម្រេចចិត្តរួមគ្នាបង្កើតជាប្លុកពាណិជ្ជកម្មដ៏ធំបំផុតមួយលើលោកដែលវាមានទំហំស្ទើរតែ១ភាគ៣នៃសេដ្ឋកិច្ចសកល។ កិច្ចប្រជុំ និងកិច្ចព្រមព្រៀងដែលមានឈ្មោះថា RCEP(The Regional Comprehensive Economic Partnership) ត្រូវបានធ្វើឡើងដោយមានការចូលរួមចុះហត្ថលេខាពីសំណាក់សមាជិកប្រទេសអាស៊ានទាំងបូករួមជាមួយនឹងប្រទេសកូរ៉េខាងត្បូង ចិន ជប៉ុន អូស្ត្រាលី ព្រមទាំង ញូវសឺឡេនផងដែរ។ ទោះបីជាយ៉ាងណាប្រភពដដែលបានបន្តទៀតថាកិច្ចព្រមព្រៀងដែលបានធ្វើឡើងនេះត្រូវបានគេមើលឃើញថា វាគឺជាការពង្រីកឥទ្ធិពលចិននៅក្នុងតំបន់បន្ថែមទៀត ដោយមិនមានវត្តមានរបស់មហាអំណាចអាមេរិកឡើយ ដែលនាពេលកន្លងមកអាមេរិកគឺបានដកខ្លួនចេញពីកត្តាសញ្ញាពាណិជ្ជគូប្រជែងរបស់អាស៊ីប៉ាស៊ីហ្វិកមួយនេះតាំងតែពីឆ្នាំ 2017 មកម្ល៉េះ។ ប្រធានាធិបតីលោក Donald Trump គឺជាអ្នកសម្រេចចិត្តក្នុងការដកខ្លួនចេញពីកិច្ចព្រមព្រៀង TTP (Trans-Pacific Partnership)តាំងតែពីគាត់បានឡើងកកាន់អំណាចដំបូងមក។កិច្ចព្រមព្រៀងដែលមានពាក់ព័ន្ធនឹងប្រទេសចំនួន១២មួយនេះគឺកិច្ចខំប្រឹងប្រែងរបស់ប្រធានាធិបតីអាណិត្តមុនលោក Barak Obama ក្នុងគោលបំណងប្រើប្រាស់វាជារបាំងរារាំងឥទ្ធិពលរបស់ចិន។ គួរឲ្យដឹងដែរថា កិច្ចព្រមព្រៀង RCEP មួយនេះគឺត្រូវបានគេចាប់ផ្តើមពិភាក្សាចរចាតាំងតែពីឆ្នាំ 2012 ហើយទីបំផុតវាត្រូវបានចុះហត្ថលេខាកាលពីថ្ងៃអាទិត្យម្សិលមិញនៅក្នុងកិច្ចប្រជុំអាស៊ានដែលមានវៀតណាមជាម្ចាស់ផ្ទះ៕

ភ្នំពេញ៖ ឧបនាយករដ្ឋមន្ត្រី ហោ ណាំហុង បង្ហាញឆន្ទៈលើកទឹកចិត្ត ដល់តំបន់សេដ្ឋកិច្ចពិសេសក្រុងព្រះសីហនុ គួរតែពង្រីកខ្លួនឱ្យក្លាយជាមូលដ្ឋានផលិតកម្មធំ នៅក្នុងសហគមន៍អាស៊ាន ដែលមានប្រជាជនជាង ៦០០ លាននាក់ ដើម្បីនាំចេញផលិតផលចម្រុះសម្បូរបែប ទៅក្នុងសហគមន៍អាស៊ាន ដូចជាប្រទេសដទៃទៀត។ ឧបនាយករដ្ឋមន្ត្រី​ ហោ ណាំហុង ធ្វើឡើងក្នុងពេលអនុញ្ញាតឱ្យលោក ចិន ជាំងកាង (CHEN JIANGANG) ប្រធានតំបន់សេដ្ឋកិច្ចពិសេស ក្រុងព្រះសីហនុ នៅទីស្ដីការគណៈរដ្ឋមន្ត្រី ដើម្បីរាយការណ៍អំពីការអភិវឌ្ឍ នៅតំបន់សេដ្ឋកិច្ចពិសេសក្រុងព្រះសីហនុ។ លោក ចិន ជាំងកាង បានជម្រាបដល់ឧបនាយករដ្ឋមន្ត្រី ហោ ណាំហុង ថា នាពេលបច្ចុប្បន្ន ក្នុងតំបន់សេដ្ឋកិច្ចពិសេសក្រុងព្រះសីហនុ មានក្រុមហ៊ុនវិនិយោគសរុបទាំងអស់ ១៦៥ ក្រុមហ៊ុន ដែលបានបង្កើតឱកាសការងារ ដល់កម្មករនិយោជិតប្រមាណ ៣០,០០០ កន្លែង។ ក្រុមហ៊ុនក៏បានកសាងអគារស្នាក់នៅចំនួន ៦ ខ្នង សម្រាប់ឱ្យកម្មករនិយោជិតប្រមាណ ៣,០០០ នាក់ស្នាក់នៅផងដែ។ ប្រធានតំបន់សេដ្ឋកិច្ចពិសេសក្រុងព្រះសីហនុ បន្តថា ចាប់ពីខែមករាដល់ខែតុលា ឆ្នាំ២០២០ ទំហំទឹកប្រាក់នៃការនាំចេញ និងនាំចូលរបស់តំបន់សេដ្ឋកិច្ចពិសេសក្រុងព្រះសីហនុមានចំនួនសរុប…

ភ្នំពេញ៖ យោងតាមការក្រុមប្រឹក្សាអភិវឌ្ឍន៍កម្ពុជា ក្រុមហ៊ុនទាំង៥រួមមាន៖១- “LIAN FENG SHOES MATERIAL CO.,LTD.” គម្រោងបង្កើតរោងចក្រផលិតគ្រឿងបន្សំស្បែកជើង កាបូប និងសម្លៀកបំពាក់ ដែលមានទីតាំងវិនិយោគស្ថិតនៅភូមិអង្គរោង ឃុំមហាឫស្សី ស្រុកគងពិសី ខេត្តកំពង់ស្ពឺ មានទុនវិនិយោគប្រមាណ ២,១លានដុល្លារអាមេរិក និងអាចបង្កើតការងារបានចំនួន ២៩១កន្លែង។ ២- “G4TEC PROPERTY & INVESTMENT CO.,LTD.”គម្រោងបង្កើតរោងចក្រផលិតស្រោមដៃ ដែលមានទីតាំងវិនិយោគស្ថិតនៅភូមិព្រៃពាយ ឃុំត្រពាំងភ្លាំង ស្រុកឈូក ខេត្តកំពត មានទុនវិនិយោគប្រមាណ ៣,៩លានដុល្លារអាមេរិក និងអាចបង្កើតការងារបានចំនួន ៥៧៩កន្លែង។ ៣- “ZHONG BAO (CAMBODIA) FOOD SCIENCE & TECHNOLOGY CO.,LTD.”គម្រោងបង្កើតរោងចក្រកែច្នៃផ្លែឈើគ្រប់ប្រភេទ ដែលមានទីតាំងវិនិយោគស្ថិតនៅភូមិវាលធំ (ទី៦) ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ មានទុនវិនិយោគប្រមាណ ៥,១លានដុល្លារអាមេរិក និងអាចបង្កើតការងារបានចំនួន ១.២១៦កន្លែង។ ៤- “MING YUNG HUNG…

ភ្នំពេញ ៖ ក្រុមហ៊ុនសែលកាត ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុនរ៉ូយ៉ាល់គ្រុប បានចុះហត្ថលេខាលើកិច្ចព្រមព្រៀងក្របខ័ណ្ឌ (Framework Agreement) ដ៏សំខាន់មួយ ជាមួយនឹងក្រុមហ៊ុនសាជីវកម្ម ZTE សម្រាប់ការនាំយកនូវបច្ចេកវិទ្យា 5G និងការបង្កើនសេវាគ្របដណ្ដប់ និងសមត្ថភាពបច្ចេកវិទ្យា 4G នៅទូទាំងប្រទេសកម្ពុជា នាព្រឹកថ្ងៃទី១១ ខែវិច្ឆិកា ឆ្នាំ២០២០ ។ កិច្ចព្រមព្រៀងនេះ ត្រូវបានធ្វើឡើងស្របគ្នានឹងកាលៈទេសៈដ៏សំខាន់សម្រាប់ក្រុមហ៊ុនសែលកាត និងក្រុមហ៊ុនរ៉ូយ៉ាល់គ្រុប ដែលកំពុងដាក់ចេញនូវផែនការជាផ្លូវការក្នុងការនាំយកនូវបច្ចេកវិទ្យា 5G ក៏ដូចជាការបង្កើននូវសេវាគ្របដណ្ដប់ និងគុណភាពរបស់បច្ចេកវិទ្យា 4G LTE។កិច្ចព្រមព្រៀងនេះ នឹងនាំមកនូវការវិនិយោគហិរញ្ញវត្ថុដ៏សំខាន់មួយ ដែលនឹងជួយឱ្យកម្ពុជាក្លាយជាប្រទេសឈានមុខគេមួយនៅក្នុងតំបន់ ទៅលើការប្រើប្រាស់បច្ចេកវិទ្យា 5G ។ គួររំលឹងផងដែរ សែលកាតដែលជាប្រតិបត្តិករគ្រប់គ្រងដោយជនជាតិខ្មែរតែមួយគត់នៅកម្ពុជា និងក៏ជាក្រុមហ៊ុនដែលបម្រើសេវាកម្មយូរបំផុតដែរ ដោយមានរយៈពេលប្រតិបត្តិការរហូតតទៅដល់ ២៤ ឆ្នាំ បានមានគម្រោងជាយូរមកហើយក្នុងការនាំយកនូវបច្ចេកវិទ្យា 5G ហើយទន្ទឹមនឹងនោះក្រុមហ៊ុនក៏ចង់សម្រេចឱ្យបាននូវចក្ខុវិស័យរបស់លោកអគ្គនាយកក្រុមហ៊ុនរ៉ូយ៉ាល់គ្រុប ក្នុងការអភិវឌ្ឍវិស័យឌីជីថលប្រកបដោយភាពជោគជ័យនៅក្នុងប្រទេសកម្ពុជាផងដែរ។ បន្ថែមលើនេះ ចក្ខុវិស័យរបស់អ្នកឧកញ៉ា គិត ម៉េង គឺគាំទ្រផ្ទាល់ទៅលើគម្រោងរបស់រាជរដ្ឋាភិបាលសម្រាប់ឧស្សាហកម្ម ៤.០ ពោលគឺគាំទ្រដល់កំណើនសេដ្ឋកិច្ចជាតិ និងផលិតផលក្នុងស្រុកសរុប ហើយក្នុងនោះក៏ជួយជម្រុញឱ្យពលរដ្ឋកម្ពុជាទទួលបាននូវអត្ថប្រយោជន៍ពីការរស់នៅក្នុងសម័យឌីជីថលផងដែរ។ក្រុមហ៊ុន Cellcard, Wing…