កណ្តាល៖ ឯកឧត្តម សុខ សូកេន អនុប្រធានក្រុមការងារគណបក្សប្រជាជនកម្ពុជាចុះមូលដ្ឋានស្រុកស្អាង និងជាប្រធានក្រុមការងារគណបក្សចុះមូលដ្ឋានឃុំស្អាងភ្នំ បានអញ្ជើញដឹកនាំសមាជិកសមាជិកាគណបក្សប្រជាជនកម្ពុជាប្រចាំឃុំស្អាងភ្នំ ចូលរួមក្នុងការដង្ហែក្បួនបិទបញ្ចប់យុទ្ធនាការឃោសនាបោះឆ្នោតប្រចាំស្រុកស្អាង ដែលបានចេញដំណើរពីទីតាំងវត្ដព្រែកអំបិល ក្រោមអធិបតីភាពរបស់ ឯកឧត្តម ទី សុគន្ធ អនុប្រធានក្រុមការងារគណបក្សចុះមូលដ្ឋានស្រុកស្អាង ដោយមានការចូលរួមប្រកបដោយសណ្តាប់ធ្នាប់របៀបរៀបរយ បរិយាកាសសប្បាយរីករាយ និងសំឡេងគាំទ្រកងរំពងចេញពីក្រអៅបេះដូងពីសំណាក់សមាជិកសមាជិកាគណបក្សប្រជាជានកម្ពុជានៃឃុំទាំង៦ ក្នុងស្រុកស្អាង សរុបចំនួនប្រមាណ៣០០០នាក់ នៅព្រឹកថ្ងៃទី២១ ខែកក្កដា ឆ្នាំ២០២៣ ។ បន្ទាប់ពីការដង្ហែក្បួនរួមគ្នា ឯកឧត្តមប្រធានក្រុមការងារឃុំស្អាងភ្នំបានបន្តដឹកនាំក្បួនហែកាត់ភូមិទាំង៩ក្នុងឃុំស្អាងភ្នំ ដោយមានសមាជិកប្រមាណជាង៥០០នាក់ ដែលចូលរួមជិះម៉ូតូ និងរថយន្តតូចធំតាក់តែងលម្អដោយបដា ទង់ជាតិ ទង់បក្ស និងស្លាកសញ្ញាគណបក្ស ដើម្បីបង្ហាញពីការស្នេហាជាតិ និងការគាំទ្រប្រកបដោយភក្តីភាពចំពោះគណបក្សប្រជាជានកម្ពុជា។ ក្នុងពិធីសំណេះសំណាល និងពិសាអាហារសាមគ្គីជាមួយមហាគ្រួសារគណបក្សប្រជាជនឃុំស្អាងភ្នំ ក្រោយពេលបញ្ចប់ការដង្ហែក្បួន ឯកឧត្តម សុខ សូកេន បានថ្លែងអំណរគុណដល់ប្រជាពលរដ្ឋ សម្រាប់ការគាំទ្រដ៏ស្មោះស្ម័គ្រនិងឥតងាករេចំពោះគណបក្សប្រជាជន ដែលបានដឹកនាំរក្សាសុខសន្តិភាព និងការអភិវឌ្ឍដ៏ត្រចេះត្រចង់លើគ្រប់វិស័យជូនសង្គមជាតិកម្ពុជា។ ជាមួយគ្នានេះ ឯកឧត្តម ក៏បានលើកឡើងអំពីភាពចាំបាច់របស់សមាជិកគណបក្សប្រជាជន ក្នុងការបំពេញកាតព្វកិច្ចរបស់ខ្លួនជាពលរដ្ឋល្អ ដោយចូលរួមបោះឆ្នោតឱ្យបានគ្រប់ៗគ្នា និងបោះឆ្នោតជូនគណបក្សប្រជាជនកម្ពុជាដែលមានលេខរៀងទី១៨ នៅថ្ងៃទី២៣ ខែកក្កដា ឆ្នាំ២០២៣ ខាងមុខនេះ។ សូមបញ្ជាក់ថា ការបោះឆ្នោតជ្រើសរើសតំណាងរាស្រ្តនីតិកាលទី៧…