-
លោក គីម ជុងអ៊ុន ថ្ងូរថា កូរ៉េខាងជើងខ្វះស្បៀងព្រោះកូវីដ១៩
លោក គីម ជុងអ៊ុន មេដឹកនាំវ័យក្មេងរបស់កូរ៉េខាងជើង នៅថ្ងៃទី១៦ មិថុនា ២០២១នេះ បាន អំពាវនាវឱ្យមានវិធានការណ៍ដើម្បីដោះស្រាយស្ថានការណ៍ស្បៀងអាហារដែលកំពុងជួបបញ្ហាបណ្តាលមកពីជំងឺឆ្លងកូវីដ-១៩ នេះបើតាមការទីភ្នាក់ងារសារព័ត៌មានរដ្ឋកូរ៉េខាងជើង។ ទីភ្នាក់ងារព័ត៌មាន KCNA បានឱ្យដឹងថា ថ្មីៗនេះ លោក គីម បានដឹកនាំកិច្ចប្រជុំពេញអង្គនៃគណៈកម្មាធិការកណ្តាលរបស់គណបក្សពលករកូរ៉េ ដែលជាបក្សកំពុងកាន់អំណាច ដើម្បីពិនិត្យឡើងវិញនូវវឌ្ឍនភាពលើគោលនយោបាយសំខាន់ៗនិងវិធានការមួយចំនួន ដើម្បីដោះស្រាយបញ្ហាសេដ្ឋកិច្ច ជាពិសេសបញ្ហាស្រូវអង្ករ និង ស្បៀងអាហារ។ យ៉ាងណាក៏ដោយ មេដឹកនាំវ័យ៣៧ឆ្នាំ បាននិយាយក្នុងកិច្ចប្រជុំ កាលពីថ្ងៃទី១៥ មិថុនានោះដែរថា សេដ្ឋកិច្ចរបស់ប្រទេសខ្លួនមានភាពប្រសើរឡើងនៅឆ្នាំ២០២១ ប៉ុន្តែចំពោះបញ្ហាខ្វះខាតស្បៀងនេះ លោកក៏បានជំរុញដល់មន្ត្រីរបស់ខ្លួនខិតខំលើផលិតផលកសិកម្ម ដើម្បីស្រោចស្រង់វិញ៕
-
ហ្វីលីពីនរំពឹងថា វ៉ាក់សាំង AstraZeneca ចំនួន១៧លានដូសដែលផលិតនៅថៃនឹងមកដល់ក្នុងឆ្នាំនេះ ក្រោយមានការពន្យារពេលដឹកជញ្ជូន (មានវីដេអូ)
-
ក្រុមហ៊ុន AstraZeneca បរាជ័យក្នុងការសាកល្បងព្យាបាលជំងឺកូវីដ១៩ដោយឱសថរបស់ខ្លួន (មានវីដេអូ)
-
លោក ចូ បៃដិន ត្រៀមខ្លួនរួចរាល់ហើយសម្រាប់ជំនួបជាមួយលោក វ៉្លាឌីមៀ ពូទីន ក្រោយធ្វើដំណើរទៅដល់ទីក្រុងហ្ស៊ឺណែវ (មានវីដេអូ)
-
សហភាពអឺរ៉ុបចង់ពន្លឿនការផលិតវ៉ាក់សាំង ក្រោយសម្រេចការចាក់វ៉ាក់សាំងដល់ប្រជាជនខ្លួនជាង៣០០លានដូសហើយ (មានវីដេអូ)
-
លោក ចូ បៃដិន ៖ ត្រៀមខ្លួនរួចរាល់ហើយសម្រាប់ជំនួបជាមួយលោក វ៉្លាឌីមៀ ពូទីន ក្រោយធ្វើដំណើរទៅដល់ទីក្រុងហ្ស៊ឺណែវ
ស្វីស៖ ប្រធានាធិបតីអាមេរិកលោក ចូ បៃដិន នៅថ្ងៃអង្គារនេះ (ម៉ោងក្នុងតំបន់) បានធ្វើដំណើរទៅដល់ទីក្រុងហ្ស៊ឺណែវ ប្រទេសស្វីសហើយ សម្រាប់កិច្ចប្រជុំកំពូលលើកដំបូងជាមួយសមភាគីរុស្ស៊ីរបស់លោក គឺលោក វ៉្លាឌីមៀ ពូទីន ខណៈជំនួបនេះត្រូវបានសេតវិមានសង្ឃឹមថា នឹងអាចកំណត់ “ខ្សែបន្ទាត់ក្រហម” យ៉ាងច្បាស់ ដើម្បីការពារទំនាក់ទំនងរវាងសហរដ្ឋអាមេរិក-រុស្ស៊ីពីភាពតានតឹងបន្ថែមទៀត ។ថ្លែងប្រាប់អ្នកសារព័ត៌មានទាំងទឹកមុខញញឹម នៅពេលត្រូវបានសាកសួរថាតើលោកត្រៀមខ្លួនរួចរាល់រឺនៅសម្រាប់ជំនួបជាមួយលោក ពូទីន នោះ ប្រធានា ធិបតីអាមេរិករូបនេះបាននិយាយថា ខ្ញុំបានប្រុងប្រៀបខ្លួនជានិច្ច ។ លោក បៃដិន និងលោក ពូទីន នឹងសម្រាកកាយជាច្រើនម៉ោងសិននៅថ្ងៃពុធនេះ នៅឯវិមាន មាត់បឹងដ៏ប្រណិតមួយក្នុងទីក្រុងហ្ស៊ឺណែវ ដែលជាការរំលឹកពីកិច្ចប្រជុំកំពូលសង្គ្រាមត្រជាក់រវាងប្រធានាធិបតីអាមេរិកលោក Ronald Reagan និងមេដឹកនាំសូវៀតលោក Mikhail Gorbachev ក្នុងទីក្រុងប្រទេសស្វីសកាលពីឆ្នាំ១៩៨៥ ។គួរកត់សម្គាល់ កិច្ចពិភាក្សានៅឯវិមាន La Grange villa ត្រូវបានគេរំពឹងថា នឹងចាប់ផ្តើមប្រព្រឹត្តទៅនៅម៉ោងប្រមាណ១រសៀល ហើយវាមានរយៈពេលយូររហូទដល់៥ម៉ោង ៕ ប្រភព៖ CNA
-
សហភាពអឺរ៉ុបចង់ពន្លឿនការផលិតវ៉ាក់សាំង ក្រោយសម្រេចការចាក់វ៉ាក់សាំងដល់ប្រជាជនខ្លួនជាង៣០០លានដូសហើយ
ព្រុចសែល៖ សហភាពអឺរ៉ុបមានផែនការលើកកម្ពស់ប្រព័ន្ធប្រកាសអាសន្នរបស់ខ្លួននាពេលថ្មីៗនេះ និងសមត្ថភាពអចិន្ត្រៃយ៍ក្នុងការផលិតវ៉ាក់សាំងប្រមាណ៣០០លានដូសក្នុងរយៈពេល៦ខែដំបូង ដើម្បីត្រៀមក្នុងគ្រាអាសន្នផ្នែកសុខភាពថ្មីណាមួយ ។ស្នងការសុខភាពសហភាពអឺរ៉ុបលោកស្រី Stella Kyriakides បានប្រាប់ក្នុងសន្និសិទសារព័ត៌មានមួយថា អ្នកវិទ្យាសាស្រ្តបានប្រាប់យើងថា នេះជាពេលវេលានៃជំងឺរាតត្បាត ហើយថា វិបត្តិសុខភាពផ្សេងទៀតក៏អាចកើតឡើងផងដែរ… យើងដាច់ខាតត្រូវតែធានាថា យើងបានត្រៀមខ្លួនរួចរាល់ដើម្បីធ្វើការឆ្លើយតបប្រកបដោយប្រសិទ្ធិភាពបំផុត ។ គួរកត់សម្គាល់ គិតត្រឹមថ្ងៃចន្ទដើមសប្តាហ៍នេះ ៥៣.៣ភាគរយនៃចំនួនប្រជាជនពេញវ័យនៅសហភាពអឺរ៉ុបបានទទួលការចាក់វ៉ាក់សាំងយ៉ាងហោចណាស់មួយដូស ខណៈវ៉ាក់សាំងចំនួន៣៥៣លានដូសត្រូវបានចែកចាយទៅកាន់រដ្ឋចំនួន២៧ ។បើតាមប្រធានគណៈកម្មការអឺរ៉ុប លោកស្រី យូស៊ូឡា វ៉ុន ដឺ ឡេយែន បានប្រកាសនៅលើបណ្តាញសង្គម Twitter ថា រាល់ថ្ងៃយើងកំពុងខិតជិតដល់គោលដៅរបស់យើងហើយ គឺផ្ដល់ការចាក់វ៉ាក់សាំងឱ្យបាន៧០ភាគរយ នៃចំនួនប្រជាជនពេញវ័យរបស់យើង នៅសហភាពអឺរ៉ុបនៅខែក្រោយនេះ ៕ ប្រភព៖ CNA
-
ក្រុមហ៊ុន AstraZeneca បរាជ័យក្នុងការសាកល្បងព្យាបាលជំងឺកូវីដ១៩ដោយឱសថរបស់ខ្លួន
អង់គ្លេស៖ ក្រុមហ៊ុន AstraZeneca (AZN.L) បាននិយាយនៅក្នុងសេចក្តីថ្លែងការណ៍មួយនៅថ្ងៃអង្គារនេះថា ឱសថដែលត្រូវបានផលិតដោយការបញ្ចូលគ្នាអង់ទីគ័រពីរប្រភេទមិនបានជោគជ័យតាមគោលបំណងសំខាន់របស់ខ្លួន សម្រាប់ការព្យាបាលអ្នកជំងឺកូវីដ១៩ឡើយ ។ ការព្យាបាលបានកំពុងធ្វើឡើងដល់ដំណាក់កាលទី៣ ឬការសាកល្បងព្យាបាលដំណាក់កាលចុងក្រោយ ដើម្បីវាយតម្លៃពីសុវត្ថិភាព និងប្រសិទ្ធភាពរបស់ថ្នាំ ។ ក្រុមហ៊ុន AstraZeneca បានឲ្យដឹងថា មនុស្សធំពេញវ័យដែលមិនទាន់បានចាក់វ៉ាក់សាំង១ពាន់១២១នាក់ដែលបានប៉ះពាល់ជាមួយអ្នកឆ្លងកូវីដ១៩ក៏ជាផ្នែកមួយនៃការសាកល្បងក្នុងការព្យាបាលនេះដែរ ។ បើតាមសេចក្តីថ្លែងការណ៍ខាងលើនេះ ការព្យាបាលថ្នាំដោយ AZD7442 បានកាត់បន្ថយហានិភ័យនៃអាការរោគកំពុងវិវត្តបានតែ៣៣ភាគរយប៉ុណ្ណោះ ដែលមិនទាន់ដល់លទ្ធផលដែលចង់បានឡើយ ។ ទោះបីជាយ៉ាងណា ក្រុមហ៊ុននៅតែបន្តសាកល្បងព្យាបាលទៀត ដើម្បីវាយតម្លៃថាតើថ្នាំរបស់ខ្លួនអាចការពារកូវីដ១៩ ឬព្យាបាលរោគសញ្ញាធ្ងន់ធ្ងរបានអត់ ៕ ប្រភព៖ Reuters
-
ហ្វីលីពីនរំពឹងថា វ៉ាក់សាំង AstraZeneca ចំនួន១៧លានដូសដែលផលិតនៅថៃនឹងមកដល់ប្រទេសខ្លួនក្នុងឆ្នាំនេះ
ហ្វីលីពីន៖ រដ្ឋាភិបាលហ្វីលីពីនរំពឹងថា ការបញ្ជាទិញវ៉ាក់សាំងកូវីដ១៩ របស់ក្រុមហ៊ុន AstraZeneca Plc ចំនួន១៧លានដូសផលិតនៅក្នុងប្រទេសថៃ នឹងមកដល់ក្នុងឆ្នាំនេះ បន្ទាប់ពីមានការពន្យារពេលក្នុងការដឹកជញ្ជូន ។ លោក ចូយ ខុនសិបសិន ដែលជាប្រធានទីប្រឹក្សាសហគ្រាសសហគ្រិន ដែលដឹកនាំក្រុមហ៊ុនឯកជនរបស់ហ្វីលីពីន ដើម្បីទិញវ៉ាក់សាំងបានឱ្យដឹងថា វ៉ាក់សាំង AstraZeneca ជិត១,២លានដូសដែលបញ្ជាទិញដោយក្រុមហ៊ុនហ្វីលីពីន នឹងដឹកមកដល់នៅពាក់កណ្តាលខែកក្កដាខាងមុខ ជាជាងនៅខែមិថុនានេះ ។ លោកបន្ថែមថា ការពន្យារពេលនេះ នឹងអនុញ្ញាតឱ្យក្រុមហ៊ុនមានពេលច្រើន ដើម្បីបញ្ចុះបញ្ចូលនិយោជិតអោយចាក់វ៉ាក់សាំង ហើយថា ដូសនៅសេសសល់ភាគច្រើនរំពឹងថា ដឹកមកដល់ហ្វីលីពីនក្នុងឆ្នាំ ២០២១ នេះ ។ ដោយឡែកអ្នកដឹកនាំការទិញវ៉ាក់សាំងរបស់ហ្វីលីពីន លោក កាលីតូ ហ្គាល់វេស បាននិយាយនៅក្នុងការប្រជុំនៅព្រឹទ្ធសភានៅថ្ងៃអង្គារសប្តាហ៍នេះថា ប្រទេសហ្វីលីពីនរំពឹងថា វ៉ាក់សាំង AstraZeneca ចំនួន១៧លានដូសដែលបានបញ្ជាទិញដោយក្រុមហ៊ុននានា និងរដ្ឋាភិបាល នឹងដឹកមកដល់នៅត្រីមាសទី២ឆ្នាំក្រោយ ៕ ប្រភព៖ Bangkok Post
-
អ្នកឆ្លង COVID-19 នៅទូទាំងពិភពលោកកើនឡើងដល់១៧៧លាន៤០ម៉ឺននាក់ ក្នុងនោះស្លាប់៣លាន៨៣ម៉ឺននាក់ និងជាសះស្បើយ១៦១លាន៨៣ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១៧៧លាន៤០ម៉ឺន៨ពាន់៦១៨ករណី ក្នុងនោះមានអ្នកជម្ងឺសរុបចំនួន៣លាន៨៣ម៉ឺន៨ពាន់៣៧៥នាក់ស្លាប់ និង ជាសះស្បើយឡើងវិញសរុបចំនួន១៦១លាន៨៣ម៉ឺន៧ពាន់៩១៨នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី១៦ ខែមិថុនា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៣៤លាន៣៥ម៉ឺន២ពាន់១៨៥នាក់ ស្លាប់ចំនួន៦១ម៉ឺន៥ពាន់៧១៧នាក់ និងជាសះស្បើយចំនួន២៨លាន៥៧ម៉ឺន៨ពាន់៧០១នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន២៩លាន៦៣ម៉ឺន២ពាន់២៦១នាក់ ស្លាប់៣៧ម៉ឺន៩ពាន់៦០១នាក់ និងជាសះស្បើយ២៨លាន៣៨ម៉ឺន៦៣៤នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន១៧លាន៥៤ម៉ឺន៣ពាន់៨៥៣នាក់ ស្លាប់ចំនួន៤៩ម៉ឺន១ពាន់១៦៤នាក់ និងជាសះស្បើយ១៥លាន៩៤ម៉ឺន៤ពាន់៦៤៦នាក់ ៕ ប្រភព៖ worldometers