ប្រទេស​វៀតណាម​គ្រោង​នឹង​ធ្វើការ​នាំ​យក​នូវ​បច្ចេកវិទ្យា​ផលិត​វ៉ាក់សាំង​ការពារ​កូ​វី​ដ​ ​m​RN​A​ ​ដែល​ត្រូវ​បាន​ប្រើប្រាស់​សម្រាប់​ផលិត​វ៉ាក់សាំង​ដោយ​ក្រុមហ៊ុន​ ​P​f​i​z​e​r ​របស់​ ​សហរដ្ឋអាមេរិក​ ​នេះ​បើ​តាម​ការ​ចេញផ្សាយ​ដោយ​ទីភ្នាក់ងារ​ព័ត៌មាន​ ​Vietnam​ ​News​ ​កាលពី​ថ្ងៃ​ ​អង្គារ​ ​ទី​១​១​ ​ខែ​ឧសភា​ ​ឆ្នាំ​២​០​២​១​។ ​ផ្អែក​តាម​ប្រភព​ ​រដ្ឋ​ម​ន្រ្តី​ក្រសួងសុខាភិបាល​វៀតណាម​បាន​ជួប​ជជែក​ពិភាក្សា​ជាមួយ​ ​តំណាង​អង្គការសុខភាព​ពិភពលោក​ ​អំពី​ការ​នាំ​យក​បច្ចេកវិទ្យា​ ​និង​ ​ស​ម្ភារៈ​បច្ចេកទេស​ ​សម្រាប់​ផលិត​វ៉ាក់សាំង​ការពារ​កូ​វី​ដ​ ​មកកាន់​ប្រទេស​វៀតណាម​។​ ​វៀតណាម​ក៏​កំពុង​ពិចារណា​សាងសង់​រោងចក្រ​ដើម្បី​ផលិត​វ៉ាក់សាំង​កូ​វី​ដ​ ​នៅ​ក្នុង​ប្រទេស​ខ្លូ​ន​ ​ក្រោយ​ការនាំចូល​វ៉ាក់សាំង​ពីក្រៅ​ប្រទេស​មាន​ភាព​យឺតយ៉ាវ​ខ្លាំង​៕​ ​

កាល​ពីម្សិលមិញ​ ​អាជ្ញាធរ​ថៃ​បាន​ប្រកាស​ពី​ការ​ស្លាប់​អ្នកជំងឺ​កូ​វី​ដ​១​៩​ ​ចំនួន​៣​១​នាក់​ ​ខណៈ​ព្រឹក​ថ្ងៃ​ទី​១​២​ ​ឧសភា​ ​ប្រកាស​ថា​ ​ស្លាប់​ចំនួន​៣​៤​នាក់​ទៀត​ ​ក្នុង​ពេល​២​៤​ម៉ោង​ចុងក្រោយ​។​ ​ជាមួយគ្នា​នេះ​ដែរ​ ​ថៃ​ក៏បាន​ប្រកាស​ពី​ការ​ឆ្លង​ថ្មីៗ​ ​ចំនួន​ជិត​២​ពាន់​នាក់​ ​ខណៈ​ដែល​អ្នកជំងឺ​២​០​០​៦​នាក់​បាន​ជាសះស្បើយ​ ​និង​ត្រូវ​បាន​អនុញ្ញាត​ឲ្យ​ទៅផ្ទះ​វិញ​ហើយ​៕​ ​ប្រភព​ពី​ ​T​h​e​ ​Nation​

លោកនាយករដ្ឋមន្ត្រីថៃ ប្រាយុទ្ធ ចាន់អូចា បាននិយាយ នៅថ្ងៃទី១១ ឧសភា ២០២១នេះថា លោកមានបំណងចង់ឲ្យបើកដំណើរការអាជីវកម្មនៅតំបន់ក្រហមឡើងវិញ ទោះអត្រាឆ្លងនិងស្លាប់ព្រោះកូវីដនៅតែមិនទាន់ថមថយក្នុងប្រទេស។ លោកថា លោកចង់ឲ្យមានការបើកលក់ដូរឡើងវិញ កាន់តែឆាប់ កាន់តែល្អ ហើយលោកបានបញ្ជាទៅដល់អភិបាលរាជធានី ខេត្ត ពិចារណាប្រចាំថ្ងៃក្នុងការបន្ធូរបន្ថយការរឹតបន្តឹងគ្រប់គ្រង់ជំងឺកូវីដ១៩។ លោកឧត្តមសេនីយ៍ថៃរូបនេះបានអះអាងថា គ្រប់អភិបាលទាំងនោះគួរពិចារណាពីអាជីវកម្មនិងសកម្មភាពណាដែលអាចបន្តឡើងវិញ ដើម្បីឲ្យប្រជាពលរដ្ឋត្រលប់ទៅរកជីវិតធម្មតាកាន់តែច្រើន។ លោកបញ្ជាក់ថា គួរថ្លឹងថ្លែងពីតុល្យភាពរវាងសេដ្ឋកិច្ចនិងសុខភាពសាធារណៈ។ តែលោកលើកទឹកចិត្តពលរដ្ឋក្នុងសហគមចាក់វ៉ាក់សាំង ដើម្បូសុវត្ថិភាព។ ការបង្ហាញបំណងនេះធ្វើឡើង ខណៈថ្ងៃនេះ ថៃបានប្រកាសពីអ្នកជំងឺស្លាប់៣១នាក់ ឆ្លងថ្មីជិត២ពាន់នាក់ ក្នុងរយៈពេល២៤ម៉ោងចុងក្រោយ។ រលកទី៣ បច្ចុប្បន្ន បណ្តាលឲ្យថៃឆ្លងប្រចាំថ្ងៃ មិនក្រោម១ពាន់នាក់ទេ ហើយស្លាប់វិញ មិនក្រោម១០នាក់ដែរ៕ ប្រភពពីបាងកកប៉ុស្តិ៍