សិង្ហបុរី៖ មេដឹកនាំប្រទេសសមាជិកអាស៊ានទាំង១០ បានបង្ហាញក្តីព្រួយបារម្ភរបស់ខ្លួនចំពោះការកើនឡើងនៃនិន្នាការគាំពារនិយម សកម្មភាពពាណិជ្ជកម្មឯកតោភាគី និងសង្គ្រាមពាណិជ្ជកម្មរបស់ប្រទេសមហាអំណាចមួយចំនួន។ មេដឹកនាំអាស៊ានបានលើកឡើងថា សកម្មភាពទាំងនេះ បាននិងកំពុងតែដាក់សម្ពាធ និងគំរាមកំហែងដល់ស្ថិរភាពកំណើនសេដ្ឋកិច្ច និងវិបុលភាពនៃតំបន់ ជាពិសេសប្រទេសកំពុងអភិវឌ្ឍន៍។ កង្វល់របស់មេដឹកនាំអាស៊ាន បានស្តែងឡើងពិធីពិសាអាហារការងារថ្ងៃត្រង់ ក្រោមប្រធានបទ «ពាណិជ្ជកម្មសេរី និងសេដ្ឋកិច្ចសកលលោក» នៅក្នុងថ្ងៃពុធសប្តាហ៍នេះ នៅប្រទេសសិង្ហបុរី ទីដែលមេដឹកនាំអាស៊ានកំពុងរៀបចំកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធជាច្រើនផ្សេងទៀត។ ក្រៅពីមេដឹកនាំអាស៊ានទាំង១០ ពិធីនេះក៏មានការអញ្ជើញចូលរួមពីលោក ចាសស្ទីន ទ្រូដូ នាយករដ្ឋមន្រ្តីកាណាដា លោក សេបាសស្ទៀន ពីណេរ៉ា ប្រធានាធិបតីនៃសាធារណរដ្ឋឈីលី និងនាយកគ្រប់គ្រងមូលនិធិហិរញ្ញវត្ថុអន្តរជាតិ (IMF) ស្រី គ្រីស្ទីន ឡាហាដ។ មេដឹកនាំអាស៊ានក៏បានចាត់ទុកការជួបនេះ គឺជាវេទិកាដ៏កម្រមិនធ្លាប់មានពីមុនមក ហើយស្ថិតក្រោមប្រធានបទមួយប្រកបដោយសារសំខាន់ណាស់សម្រាប់តំបន់ និងសកល នៅក្នុងបរិការណ៍សេដ្ឋកិច្ច និងពាណិជ្ជកម្មបច្ចុប្បន្ន។ មេដឹកនាំអាស៊ានបានគូសបញ្ជាក់ក្នុងនោះថា ដើម្បីឆ្លើយតបនឹងក្នុងបរិកាណ៍នៃការកើនឡើងនៃនិន្នាការគាំពារនិយម សកម្មភាពពាណិជ្ជកម្មឯកតោភាគី និងសង្គ្រាមពាណិជ្ជកម្មនេះ អាស៊ានកំពុងតែប្រឹងប្រែងជំរុញការធ្វើសមាហរណកម្មសេដ្ឋកិច្ចក្នុងតំបន់ឲ្យកាន់តែស៊ីជម្រៅ តាមរយៈការពន្លឿនការធ្វើពាណិជ្ជកម្មសេរី។ ក្នុងកិច្ចប្រជុំនោះដែរ មេដឹកនាំទាំងអស់បានឯកភាពគ្នាក្នុងការចេញសេចក្តីប្រកាសរបស់ប្រធានកិច្ចប្រជុំអាហារថ្ងៃត្រង់ ដែលរៀបចំដោយលោក លី ស៊ានឡុង នាយករដ្ឋមន្រ្តីសិង្ហបុរី៕ម.ន

សហរដ្ឋអាម៉េរិក៖ សារព័ត៌មាន CGTN របស់ចិនបានចេញផ្សាយថា តួលេខជនរងគ្រោះបាត់បង់ជីវិត ក្នុងករណីភ្លើងឆេះព្រៃនៅភាគខាងជើងរដ្ឋកាលីហ្វ័រញ៉ា បានកើនឡើងដល់៥០នាក់ហើយ ខណៈចំនួននេះ ត្រូវរំពឹងថា នឹងបន្តកើនឡើងថែមទៀត។ គិតត្រឹមយប់ថ្ងៃអង្គារ៍សប្តាហ៍នេះ ខេម ហ្វាយអឺ បានដុតបំផ្លាញផ្ទៃដីទំហំជាង ៥២,០០០ហិកតា និងត្រូវគ្រប់គ្រងបានតែ៣៥ភាគរយប៉ុណ្ណោះ។

សហរដ្ឋអាម៉េរិក៖ ទីប្រឹក្សាសន្តិសុខជាតិអាម៉េរិកលោក ចន បូលតុន បានគូសបញ្ជាក់ថា ខ្សែអាត់សំឡេងនៃការធ្វើឃាតអ្នកកាសែតជនជាតិអារ៉ាប៊ីសាអូឌីត លោក ចាម៉ាល់ ខាហ្សូកជី គឺពុំមានភ័ស្តុតាងជាក់លាក់ណាមួយ ដែលអាចបញ្ជាក់ថា ព្រះអង្គម្ចាស់ស្នងរាជ្យអារ៉ាប៊ីសាអូឌីត មហាំម៉េដ ប៊ីន សាល់ម៉ាន់ មានជាប់ពាក់ព័ន្ធក្នុងរឿងនេះឡើយ។

រុស្ស៊ី៖ សូមរំលឹកថា សមយុទ្ធយោធាទ្រង់ទ្រាយធំ ទ្រីឌេន ជំាងឆើ របស់អង្គការណាតូ ត្រូវបានធ្វើឡើងនៅឯឈូងសមុទ្រ និងដែនដីរបស់ប្រទេសន័រវែស កាលពីថ្ងៃទី២៥ ខែតុលា រហូតដល់ថ្ងៃទី០៧ ខែវិច្ឆិកាកន្លងទៅ។ សមយុទ្ធយោធានេះមានការចូលរួមពីកងទ័ព៥០,០០០នាក់ មកពីប្រទេសចំនួន៣១ យន្ដហោះចម្បាំង ២៥០គ្រឿង នាវាចម្បាំង៦៥គ្រឿង និងរថពាសដែក ព្រមទាំងរថក្រោះ១០,០០០គ្រឿង។

អ៊ីរ៉ង់៖ រដ្ឋមន្ត្រីការបរទេសអ៊ីរ៉ង់លោក ម៉ូហាម៉េដ ចាហ្វាដ ហ៊្សារីស បាននិយាយថា ការដាក់ទណ្ឌកម្មរបស់សហរដ្ឋអាម៉េរិក នឹងមិនមានផលប៉ះពាល់ខ្លាំងលើការនាំចេញប្រេងរបស់អ៊ីរ៉ង់ឡើយ ទោះបីជាមានការគំរាមកំហែងជាបន្តបន្ទាប់របស់ទីក្រុងវ៉ាស៊ីនតោន ក្នុងការកាត់បន្ថយវាដល់ចំណុចសូន្យក៏ដោយ។

អាល្លឺម៉ង់៖ បន្ទាប់ពីលោកប្រធានាធិបតី ដូណាល់ ត្រាំ ចាត់ទុកគម្រោងបង្កើតកងទ័ពអឺរ៉ុប ជារឿងមាក់ងាយសហរដ្ឋអាម៉េរិកនោះ អធិការបតីអាល្លឺម៉ង់លោកស្រី អាន់ជែឡា មឺហ្គែល បានប្រកាសច្បាស់ៗថា អឺរ៉ុបត្រូវការកងទ័ពមួយពិតប្រាកដ។ ក្នុងកិច្ចប្រជុំសភាអឺរ៉ុបក្នុងទីក្រុង ស្ទ្រេតប៊ឺគ មេដឹកនាំអាល្លឺម៉ង់រូបនេះក៏ស្នើឱ្យបង្កើតក្រុមប្រឹក្សាសន្តិសុខអឺរ៉ុប ដែលនឹងទទួលបន្ទុកគោលនយោបាយសន្តិសុខ និងការការពាររបស់ទ្វីបមួយនេះផងដែរ។ នៅចំពោះមុខសមា

វៀតណាម៖ ប្រទេសវៀតណាមបាននាំចេញកៅស៊ូជាង១,២លានតោន មានតម្លៃជិត១,៧ពាន់លានដុល្លារអាម៉េរិក អំឡុងរយៈពេល១០ ចាប់ពីខែមករា ដល់តុលា ២០១៨ កើនឡើង១៣,៤ភាគរយ ប៉ុន្តែចំណូលធ្លាក់ចុះ៧,៦ភាគរយទៅវិញ បើធៀបនឹងរយៈពេលដូចគ្នា កាលពីឆ្នាំ២០១៧ នេះបើតាមការចេញផ្សាយរបស់សារព័ត៌មាន ហ្ស៊ីនហួរ កាលពីម្សិលមិញ ដោយផ្អែកតាមរបាយការណ៍របស់សមាគមកៅស៊ូវៀតណាម។

វៀតណាម៖ ក្រុមហ៊ុនអាកាសចរណ៍វៀតណាមថ្មីមួយឈ្មោះថា Bamboo Airways ទើបតែទទួលបានអាជ្ញាប័ណ្ណ ហើយនឹងត្រូវចាប់ផ្តើមធ្វើប្រតិបត្តិការជាផ្លូវការនាចុងឆ្នាំនេះ នេះបើតាមការដកស្រង់ការផ្សាយចេញពីសារព័ត៌មាន Channelnewsasia នៅថ្ងៃពុធនេះ។ Bamboo Airways បានសម្រេចបោះទុនប្រមាណ៧០០ពាន់លានដុង ឬ ៣០,៤លានដុល្លារ ជាមួយនឹងការបម្រើការហោះហើរថ្នាក់ជាតិ និងអន្តរជាតិចំនួន១០០ជើង ដោយផ្តោតសំខាន់លើការធ្វើដំណើរត្រង់ រវាងទីក្រុងជាច្រើននៅលើពិភពលោក និងទីតាំងទេសចរណ៍ល្បីៗនៅក្នុងប្រទេសវៀតណាម។ Bamboo Airways ត្រូវបានគេដឹងថាជាកម្មសិទ្ធិរបស់មហាសេដ្ឋីម្នាក់ ក្នុងប្រទេសវៀតណាម មានឈ្មោះថា Trinh Van Quyet ។

ចិន៖ ទូរទស្សន៍រដ្ឋរបស់ចិន ហ្ស៊ីនហួរ បានចាប់ផ្តើមដំណើរការ ការអានព័ត៌មានដោយមនុស្សសប្បនិម្មិត ឬអ្នកអានព័ត៌មាន AI ឬ អ្នកអានព័ត៌មានដោយប្រើប្រាស់បញ្ញាខួរក្បាលសប្បនិម្មិត ដោយមានសំឡេងជាភាសាអង់គ្លេស និងភាសាចិនថ្មីៗនេះ។ អ្នកអានព័ត៌មាន AI ឈ្មោះ Zhang Zhao បានចាប់ផ្តើមអានព្រឹត្តិការណ៍ព័ត៌មាន តាមរយៈបច្ចេកវិទ្យា AI រួមបញ្ចូលជាមួយសំឡេង ដើម្បីឲ្យដូចជាការអានពិតៗ ដោយក្នុងវីដេអូនេះ អ្នកអានព័ត៌មាន AI បាននាំអារម្មណ៍ប្រិយមិត្តអ្នកទស្សនា ឲ្យទៅចាប់អារម្មណ៍លើមន្ត្រីម្នាក់នៃប្រទេសប៉ាណាម៉ា និងអ្នកជំនួញចិនដ៏ល្បី Jack Ma និយាយអ្វីមួយ។

ជប៉ុន៖ អនុប្រធានាធិបតីអាម៉េរិកលោក ម៉ៃ ផេន បាននិយាយថា ការធ្វើកិច្ចព្រមព្រៀងពាណិជ្ជកម្មទ្វេភាគីជាមួយជប៉ុន គឺជាវិធីដ៏ល្អបំផុត ដើម្បីដោះស្រាយអតុល្យភាពពាណិជ្ជកម្ម ដែលទីក្រុងវ៉ាស៊ីនតោននិយាយថា ខ្លួនបានធ្វើឲ្យផលិតផលសហរដ្ឋអាម៉េរិកមានឧបសគ្គ។