១. គ្រោះថ្នាក់ចរាចរណ៍ ៩ករណី ស្លាប់ ៥នាក់ និងរបួសធ្ងន់ស្រាល ១៧នាក់។ ២. បទល្មើសព្រហ្មទណ្ឌ ៨ករណី ឃាត់ខ្លួនជនសង្ស័យ ១០នាក់។ ៣. គ្រឿងញៀន ៧ករណី ឃាត់ខ្លួនជនសង្ស័យ ២៩នាក់។ ៤. កូវីដ ២១៩ករណី និងជាសះស្បើយ ៤៥៧នាក់។ អ្នកឆ្លងសរុប ១១៣ ៤៧៥នាក់ អ្នកជាសះស្បើយ ១០៤ ៨៦៥នាក់ អ្នកស្លាប់ ២ ៤០៦នាក់ ៥. បទល្មើសនឹងវិធានការសុខាភិបាលសរុប ១០ករណី។ ឃាត់ខ្លួនអប់រំ និងពិន័យសរុប ២០នាក់ ឃាត់រថយន្ដ ២គ្រឿង ឃាត់ម៉ូតូ ៨គ្រឿង ពិន័យជាប្រាក់ ២២ ៣០០ ០០០រៀល ចេញផ្សាយ ១២:១៥ ថ្ងៃទី៤ តុលា ២០២១

រកឃើញករណីឆ្លងថ្មី ២១៩នាក់ ជាសះស្បើយ ៤៥៧នាក់ ស្លាប់ ២៣នាក់ គិតត្រឹមថ្ងៃទី៤ តុលា ២០២១ ចំនួនអ្នកឆ្លងសរុប៖ ១១៣.៤៧៥នាក់ ចំនួនអ្នកជាសះស្បើយ៖ ១០៤.៨៦៥នាក់ ចំនួនអ្នកស្លាប់សរុប៖ ២.៤០៦នាក់

ការពិភាក្សានេះជាការវិវត្តដ៏សំខាន់មួយ ចាប់តាំងពីការបរាជ័យក្នុងកិច្ចខិតខំប្រឹងប្រែងផ្សះផ្សារកាលពីឆ្នាំ ២០១៤ ដែលឈានដល់ការប៉ះទង្គិចយោធាខ្នាតធំ។ យ៉ាងណាមិញ ក្រុម TTP បានចេញសេចក្ដីថ្លែងការណ៍ជំរុញសមាជិករបស់ខ្លួនឱ្យបន្តធ្វើការវាយប្រហារទៅលើយោធាប៉ាគីស្ថាន ព្រមទាំងបានច្រានចោលការរាយការណ៍អំពីការបែកបាក់ផ្ទៃក្នុង និងមិនទទួលស្គាល់អំពីការចរចាជាមួយរដ្ឋាភិបាល។ ក្រុម TTP និងក្រុមតាលីបង់អាហ្វហ្កានីស្ថានមាននិន្នាការ និងដើមកំណើតតែមួយ ហើយមានទំនាក់ទំនងយ៉ាងជិតស្និតរវាងគ្នានិងគ្នា។ យ៉ាងណាមិញ TTP ជាសត្រូវរបស់រដ្ឋាភិបាលប៉ាគីស្ថាន ខណៈដែលក្រុមតាលីបង់អាហ្វហ្កានីស្ថានបែរជាសម្ព័ន្ធមិត្តយ៉ាងជិតស្និទរបស់ប៉ាគីស្ថានទៅវិញ។ ប្រភព៖ New York Times

អុីរ៉ង់បានបដិសេធធ្វើការចរចាដើម្បីស្ដារកិច្ចព្រមព្រៀងនុយក្លេអ៊ែរ ២០១៥ ដោយផ្ទាល់ជាមួយអាមេរិក ខណៈការចរចាដោយប្រយោលបានជាប់គាំងតាំងពីខែមិថុនាមកម្ល៉េះ។ ដោយសារតែការដាក់ទណ្ឌកម្មរបស់អាមេរិកទៅលើវិស័យធនាគារ និងថាមពល អុីរ៉ង់មិនអាចដកប្រាក់របស់ខ្លួនរាប់ពាន់លានដុល្លារនៅធនាគារបរទេស ដែលភាគច្រើនជាចំណូលមកពីការនាំចេញប្រេង និងឧស្ម័នធម្មជាតិ។ យោងតាមរដ្ឋមន្ត្រីការបរទេសអុីរ៉ង់ អុីរ៉ង់នឹងវិលត្រឡប់ទៅការចរចាដោយប្រយោលនៅក្រុងវីយ៉ែនណា ប្រទេសអូទ្រីសនៅពេលឆាប់ៗនេះ។ អុីរ៉ង់ទាមទារឱ្យអាមេរិកដកទណ្ឌកម្មទាំងអស់របស់ខ្លួនលើអ៉ីរ៉ង់ ចាប់តាំងពីប្រធានាធិបតីអាមេរិកលោក Donald Trump ដកអាមេរិកចេញពីកិច្ចព្រមព្រៀងកាលពីឆ្នាំ២០១៨។ ប្រភព៖ Reuters

ប្រាសាទបន្ទាយឆ្មារ នៅខេត្តបន្ទាយមានជ័យ📍 📸-គឹម បញ្ញារ័តន៍