នៅល្ងាចថ្ងៃទី០២ខែធ្នូឆ្នាំ២០២០នេះ ឯកឧត្តម ងួន រតនៈ អភិបាលខេត្តបាត់ដំបង អមដំណើរដោយលោក ផេង សិទ្ធី អភិបាលក្រុងបាត់ដំបង លោក ហាន ស៊ីហ៊ីប នាយកទីចាត់ការផែនការ និងវិនិយោគសាលាខេត្តបាត់ដំបង ព្រមទាំងមន្ត្រីសំខាន់ៗមួយចំនួន បានចុះពិនិត្យមើលស្ថានភាពផ្លូវក្រួសក្រហមចំនួន ០២ខ្សែ ដែលស្ថិតក្នុងសង្កាត់អូរម៉ាល់ និងសង្កាត់វត្តគរ ក្រុង-ខេត្តបាត់ដំបង។ ក្នុងការចុះពិនិត្យមើលនេះ ក៏មានចៅសង្កាត់ ក្រុមប្រឹក្សាសង្កាត់ទាំង២ ខាងលើផងដែរ។      កន្លងទៅនេះបើទោះបី ជាកម្ពុជាទទួលរងផលប៉ះពាល់ជាសកលពីវិបត្តិកូវីដ-19ក្តី តែការអភិវឌ្ឍន៍និងការកែលម្អហេដ្ឋារចនាសម្ព័ន្ធសង្គម ដែលជាតម្រូវការចាំបាច៎របស់ប្រជាពលរដ្ឋ ត្រូវបានរាជរដ្ឋាភិបាល យកចិត្តទុកដាក់និងនៅតែបន្តធ្វើជាបន្តបន្ទាប់។ ដោយឡែក សម្រាប់ខេត្តបាត់ដំបង ដោយមើលឃើញពីកង្វល់របស់ប្រជាពលរដ្ឋក្នុងសង្កាត់ទាំង២ខាងលើនេះ។ នៅរសៀលថ្ងៃនេះ ឯកឧត្តមអភិបាលខេត្តបាត់ដំបង បានចុះទៅពិនិត្យមើលពីស្ថានភាពជាក់ស្តែងរបស់ប្រជាពលរដ្ឋ ដោយបានចុះទៅពិនិត្យមើលផ្លូវក្រាលក្រួសក្រហម ចំនួន ២ខ្សែនៅក្នុងសង្កាត់អូរម៉ាល់និងសង្កាត់វត្តគរ ដោយគ្រោងធ្វើការកែលម្អ ជាផ្លូវក្រាលកៅស៊ូ (DBST)វិញ។        ខ្សែផ្លូវដែលត្រូវចុះពិនិត្យមើលនោះដោយក្នុងនោះ៖ផ្លូវខ្សែទី១-ស្ថិតនៅក្នុងសង្កាត់អូម៉ាល់ ក្រុងបាត់ដំបង ស្ថិតនៅខាងលិចផ្សារបឹងរាំងដោយឆ្លងកាត់ភូមិបឹងរាំងនិងភូមិដាក់សសរ។ ហើយផ្លូវនេះរដ្ឋបាលខេត្តបាត៎ដំបង គ្រោងផែនការ ក្នុងការកែលម្អទៅជាផ្លូវក្រាលកៅស៊ូDBST ដែលមានប្រវែងប្រមាណ ៣ គ.ម និងទទឹងផ្លូវ…

ភ្នំពេញ៖ ក្នុងសារលិខិតមួយដែលទទួលបាន នៅល្ងាចថ្ងៃទី០២ ខែធ្នូ ឆ្នាំ២០២០ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានថ្លែងអំណរគុណក្រុមហ៊ុនអាកាសចរណ៍ ខេមបូឌា អ៊ែរវ៉េ (Cambodia Airway) ដែលបានផ្តល់យន្តហោះពីរគ្រឿង ដឹកម៉ាស និងបរិក្ខារប្រយុទ្ធប្រឆាំងជំងឺកូវីដ១៩ ទៅកាន់ប្រទេសទីម័រ នៅថ្ងៃទី០២ ខែធ្នូ ឆ្នាំ២០២០ ។ ក្នុងសារលិខិត សម្តេចតេជោ ហ៊ុន សែន បានមានប្រសាសន៍ថា រាជរដ្ឋាភិបាលកម្ពុជា សូមថ្លែងអំណរគុណ និងកោតសរសើរដោយស្មោះចំពោះក្រុមហ៊ុនអាកាសចរណ៍ខេមបូឌា អ៊ែរវ៉េ ដែលបានជួយឧបត្ថម្ភការហោះហើរជាមនុស្សធម៌ជាលើកទី២ ដឹកជញ្ជូនម៉ាសចំនួន ១លាន៥ម៉ឺន និងបរិក្ខារពេទ្យសរុបចំនួន ១២មុខ សម្រាប់ប្រយុទ្ធប្រឆាំងនឹងជំងឺកូវីដ១៩ ដែលជាអំណោយរបស់រាជរដ្ឋាភិបាលកម្ពុជា យកទៅជូនរដ្ឋាភិបាលនៃសាធារណរដ្ឋប្រជាធិបតេយ្យទីម័រឡេស្ត នៅថ្ងៃទី០២ ខែធ្នូ ឆ្នាំ២០២០ ។ គួររំលឹកថា កាលពីថ្ងៃទី២៦ ខែវិច្ឆិកា ឆ្នាំ២០២០ ក្រុមហ៊ុនអាកាសចរណ៍ ខេមបូឌា អ៊ែរវ៉េ ក៏បានផ្តល់យន្តហោះប្រមាណ ៣គ្រឿង ជួយដឹកម៉ាស និងបរិក្ខាប្រយុទ្ធប្រឆាំងជំងឺកូវីដ១៩ ទៅកាន់ប្រទេសមីយ៉ាន់ម៉ាផងដែរ។…

ភ្នំពេញ៖ នៅរសៀលថ្ងៃទី ២ខែធ្នូឆ្នាំ២០២០នេះឯកឧត្តម ឃួង ស្រេង អភិបាលរាជធានីភ្នំពេញនិងជាប្រធានគណៈបញ្ជាការឯកភាពរដ្ឋបាលរាជធានីភ្នំពេញជាមួយនឹងកងកម្លាំងសមត្ថកិច្ចប៉ូលិសនិងអាជ្ញាធរខណ្ឌទួលគោកនិងខណ្ឌសែន សុខ បានចុះចែកម៉ាសជូនប្រជាពលរដ្ឋជាអ្នកដំណើរ ខណៈពួកគាត់កំពុងធ្វើដំណើរនៅតាមដងផ្លូវនៅតាមបណ្ដោយលេខ២៧១ត្រង់ស្ថានីយ៍ប្រេងតូតាល់ទល់មុខពេទ្យលោកសង្ឃក្នុងសង្កាត់ទឹកថ្លាខណ្ឌសែន សុខ។ម៉ាសដែលអភិបាលរាជធានីភ្នំពេញចែកនេះជាអំណោយរបស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលសម្ដេចបានប្រគល់មករដ្ឋបាលរាជធានីភ្នំពេញចំនួន១លានម៉ាស់បន្ថែមទៀតកាលពីយប់ថ្ងៃទី១ធ្នូនេះ ខណៈដែលកាលពីថ្ងៃទី ១១ខែវិច្ឆិកាកន្លងមកនេះ សម្តេចបានប្រគល់មកចំនួន២លានម៉ាសរួចម្តងមកហើយមកដល់រដ្ឋបាលរាជធានីភ្នំពេញ ហើយត្រូវបានអាជ្ញាធររាជធានីភ្នំពេញ បានធ្វើការចាត់ចែងបន្តទៅឲ្យប្រជាពលរដ្ឋក្រីក្រនៅតាមសហគមន៍នៅតាមមូលដ្ឋាន ប្រជាពលរដ្ឋដែលធ្វើដំណើរតាមផ្លូវសាធារណៈដើម្បីចូលរួមទប់ស្កាត់នូវការរីករាលដាលជំងឺកូវីដ១៩ខណៈដែលបាននឹងកំពុងរាតត្បាតចូលដល់សហគមន៍ហើយនោះ។ក្នុងឱកាសនោះ ឯកឧត្តម ឃួង ស្រេង បានធ្វើការអំពាវនាវឱ្យប្រជាពលរដ្ឋទាំងអស់ចូលរួមពាក់ម៉ាស លាងដៃនិងសាប៊ូ ជែល អាកុល និងអនុវត្តវិធានទៅតាមការណែនាំរបស់ក្រសួងសុខាភិបាល និងសម្ដេចតេជោហ៊ុន សែនដើម្បីទប់ស្កាត់នូវការរីករាលដាលជំងឺកូវីដ-១៩ទាំងអស់គ្នា៕សម្បត្តិ