ភ្នំពេញ ៖ ព្រឹត្តិការណ៍ប្រណាំងម៉ូតូត្រៃឆ្លង់ឧបសគ្គស្វែងរកជើងឯកប្រចាំឆ្នាំ២០២៣ នឹងចាបផ្តើមការប្រកួតជាផ្លូវការនៅថ្ងៃទី២០ -២១ ខែឧសភាឆ្នាំ2023 នៅទីលានសន្តិភាព ស្ថិតនៅសង្កាត់ស្វាយប៉ាក ខណ្ឌព្រែកព្នៅ ជាប់គល់ស្ពានព្រែកព្នៅក្នុងតំបន់ដីអ្នកឧកញ៉ាលី យ៉ុងផាត់ ផ្លូវវិមានឈ្នះឈ្នះ។ខណៈកីឡាករដែលត្រៀមចូលរួមប្រកួតបានមកជិះសាកល្បងនៅក្នុងទីលានមុនការប្រកួតមួយសប្តាហ៍ ។ លោក ពេជ្យ សុខា អ្នករៀបចំព្រឹត្តិការណ៍ការប្រណាំង បានអោយដឹងថា សម្រាប់ការប្រណាំងម៉ូតូត្រៃឆ្លងឧបសគ្ខនេះមានកីឡាករកីឡាការិនីបាន ចុះឈ្មោះចូលរួមប្រណាំងជាង៨០នាក់ហើយ ក្នុងនោះមានវត្តមានកីឡាករជាតិ កីឡាករអន្តរជាតិ និងកីឡាការិនីផងអាចមានដល់ចំនួន១៥នាក់ ខណៈការប្រកួតកាលឆ្នាំមុន២០២២កន្លងទៅមានត្រឹមតែ៨នាក់ប៉ុណ្ណោះ ។ អ្នករៀបចំព្រឹត្តិការណ៍រូបនេះ បានបញ្ជាក់ទៀតថា ចំពោះបងប្អូនកីឡាករ កីឡាការិនី ដែលមានបំណងចង់ចូលរួមប្រកួត ក៏សូមរួសរាន់ធ្វើការចុះឈ្មោះអោយបានលឿន ដើម្បីទទួលបានឱកាស ចូលរួមប្រណាំងបង្ហាញសមត្ថភាព ។តាមរយៈការរៀបចំព្រឹត្តិការណ៍ប្រកួតនេះ លោក ពេជ្យ សុខា សង្ឃឹមថា វិស័យកីឡាមួយនេះ មានការរីកចម្រើនទទួលបានការគាំទ្រច្រើនពីមហាជន ជាពិសេសអន្ដរជាតិ ។ លោក នួន ឧត្តម តំណាងក្រុមហ៊ុនជួយឧបត្ថម្ភនៅក្នុងព្រឹត្តិការណ៏ខាងលើ សង្ឃឹមថា តាមរយៈការចូលរួមគាំទ្រដល់ព្រឹត្តិការណ៍ប្រណាំងម៉ូតូត្រៃនេះ នឹងក្លាយជាចំណែកមួយជួយអភិវឌ្ឍវិស័យកីឡាប្រណាំងម៉ូតូនៅកម្ពុជាឲ្យរីកចំរើន។ សូមបញ្ជាក់ថា សម្រាប់ព្រឹត្តិការណ៍ប្រណាំងម៉ូតូត្រៃឆ្លងឧបសគ្គស្វែងរកជើងឯកឆ្នាំ២០២៣ ជាការប្រកួតឆ្នាំទី២ហើយ បន្ទាប់ពីវិបត្តិកូវីដ១៩ ដែលគ្រោងដំណើការប្រកួតនៅថ្ងៃទី២០ -២១…

ភ្នំពេញ៖ មានប្រសាសន៍នៅពេលចាប់ផ្ដើមកិច្ចប្រជុំពេញអង្គគណៈរដ្ឋមន្ត្រី នៅព្រឹកថ្ងៃទី១៩ ខែឧសភា ឆ្នាំ២០២៣ ក្រោមអធិបតីភាពដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ដោយមោទកភាពយ៉ាងខ្លាំងចំពោះជោគជ័យដ៏ធំធេង នៃភាពជាម្ចាស់ជាម្ចាស់ផ្ទះព្រឹត្តិការណ៍កីឡាស៊ីហ្គេម លើកទី៣២ របស់កម្ពុជា ថា ព្រឹត្តិការណ៍នេះ បានបំបែកកំណត់ត្រាប្រវត្តិសាស្ត្រអាស៊ាន ។ សម្ដេច ក៏បានណែនាំឱ្យសម្ដេចពិជ័យសេនា ទៀ បាញ់ ដែលជាប្រធានគណៈកម្មាធិការជាតិរៀបចំកីឡាស៊ីហ្គេម លើកទី៣២ ចាត់ចែងរៀបចំឆ្លាក់ព្រឹត្តិការណ៍ស៊ីហ្គេមដ៏អស្ចារ្យ ដែលកម្ពុជាធ្វើបានដោយជោគជ័យ លើផ្ទាំងសិលា នៅបរិវេណវិមានឈ្នះ-ឈ្នះ ដើម្បីទុកជាមរតកឱ្យកូនចៅទៅថ្ងៃក្រោយ ដោយមានទាំងផលិតជាវីដេអូរួមមួយ និងធ្វើជាវីដេអូទៅតាម ជំនាញ នៃវិញ្ញាសានីមួយៗផងដែរ។ មោទនភាពជាតិខ្មែរ សម្រាប់ស៊ីហ្គេមនេះ គឺធំធេងណាស់។ សម្តេចនាយករដ្ឋមន្ត្រី ហ៊ុន សែន បានបញ្ជាក់ថា ក្នុងឋានៈជាម្ចាស់ផ្ទះកម្ពុជា បានធ្វើកិច្ចការដ៏ល្អ។ ជាជោគជ័យ ដ៏ធំដែលមិននឹកស្មានដល់។ នេះជាមោទនភាពជាតិដ៏ធំ ដែលបំបែកកំណត់ត្រាប្រវត្តិសាស្ត្រ អាស៊ាន ហើយវាក៏ដូចជាកំណែទម្រង់មួយដែរ តាមរយៈកម្ពុជា ដែលនឹងធ្វើឲ្យអ្នករៀបចំក្រោយ ត្រូវតែគិតគូរឡើងវិញថា បើកម្ពុជាក្រប៉ុណ្ណឹង មិនយកប្រាក់ បើហោចណាស់ បើអ្នកមានចិត្ត ក៏មិនយកប្រាក់ពីកម្ពុជាវិញដែរ…

ភ្នំពេញ ៖ កុមារកម្ពុជា៤រូប ទទួលបានឱកាសបានកាន់ដៃកីឡាករបាល់ទាត់ល្បីៗក្លិបបាល់ទាត់Tottenham Hotspur នៅក្នុងពិធីបើកព្រឹត្តិការណ៍ការប្រកួត Premier League នៅទីក្រុងឡុងដ៏ ចក្រភពអង់គ្លេស នៃជំនួប Tottenham Hotspur ប៉ះក្រុមបាល់ទាត់ Brentford នាថ្ងៃទី២០ ខែ ឧសភា ឆ្នាំ២០២៣។ ថ្លែងប្រាប់អ្នកព័ត៌មានមុនឡើងយន្តហោះ នាឱកាសអន្តរជាតិភ្នំពេញ លោក ស្រី ជួប វិច្ឆិកា ប្រធានអង្គការផ្កាយសមុទ្រកម្ពុជា បានថ្លែងបញ្ជាក់ថា កុមារ៉ាកុមារី៤រូបរបស់អង្គការផ្កាយសមុទ្រ ដែលដឹកនាំទៅចក្រភពអង់គ្លេសនេះ ត្រូវបានជ្រើសរើស ដោយក្រហ៊ុនធានារ៉ាប់រងអាយុជីវិត និងសុខភាព AIA Cambodia លើសំបុត្រយន្តហោះ ហូបចុកស្នាក់នៅ។ លោក ស្រីប្រធាន អង្គការ បានលើកឡើងទៀតថា ការទទួលបានឱកាសបានទៅកាន់ដៃកីឡាករល្បីចូលក្នុងទីលាន ដែលផ្តល់ឱកាសដោយក្រុមហ៊ុន AIA Cambodiaនេះ ក្នុងនាមលោក ស្រីជាប្រធានអង្គការ និងជាអ្នកដឹកនាំកុមារ៉ាកុមារីទៅចូលរួមមានអារម្មណ៍រំភើបនិងមានមោទកភាពខ្លាំងណាស់ ព្រោះនេះជាឱកាសដ៏កម្រ។ លោក ស្រី បានចាត់ទុក ការទទួលបានឱកាសរបស់កុមារកម្ពុជាបានកាន់ដៃកីឡាករល្បីៗក្នុងក្លិប Tottenham Hotspurក្នុងព្រឹត្តិការណ៍ការប្រកួត Premier…

ភ្នំពេញ ៖ ក្នុងនាមម្ចាស់ផ្ទះជាប្រវត្តិសាស្ត្រដំបូងនៃស៊ីហ្គេម ២០២៣ ប្រភេទកីឡាចំបាប់បានបំណែកកំណត់ត្រាប្រវត្តិសាស្ត្រថ្មី ដោយដណ្តើមបានមេដាយមាស ប្រាក់ និងសំរឹទ្ធសរុប ២០គ្រឿង ដែលនេះចំនួនច្រើនបំផុតជាងពេលណាៗទាំងអស់ លើប្រភេទកីឡាអូឡាំពិកមួយនេះ។ ថ្លែងក្រោយបញ្ចប់ការប្រកួត លោក ខេស៊ី បាណេត អនុប្រធានសហព័ន្ធកីឡាចំបាប់កម្ពុជា និងជាប្រធានសហព័ន្ធកីឡាចំបាប់អាស៊ីអាគ្នេយ៍បានបង្ហាញក្តីរំភើបរីករាយជាខ្លាំង ដែលក្នុងនាមម្ចាស់ផ្ទះ កម្ពុជាបានបំណែកកំណត់ត្រាថ្មីនូវចំនួនមេដាយច្រើនបំផុតមិនធ្លាប់មាន ក្នុងព្រឹត្តិការណ៍អន្តរជាតិ ជាពិសេសស៊ីហ្គេម កន្លងមក។ ចំពោះម្ចាស់មេដាយមាស ហេង វុទ្ធី ក៏បានបង្ហាញមោទកភាពជាតិផងដែរ ក្រោយចូលរួមស៊ីហ្គេមជាច្រើនលើក និងទើបធ្វើសម្រេចជោគជ័យមេដាយមាសជាលើកដំបូង។ គួរបញ្ជាក់ថា មេដាយចំបាប់កម្ពុជាសរុប២០គ្រឿងនេះ រួមមាន មេដាយមាស៥គ្រឿង ប្រាក់៤ និងសំរឹទ្ធ១១ ដោយចំណាត់ថ្នាក់លេខ៣ រីឯវៀតណាម លេខ១ មេដាយមាស១៣ ខណៈឥណ្ឌូណេស៊ី មេដាយមាស ៦។ ចំពោះហ្វីលីពីន មេដាយមាស៤ ខណៈថៃ និងសិង្ហបុរី មេដាយមាសម្នាក់១គ្រឿងដូចគ្នា៕ ចាន់ វិចិត្រ

ខេត្តកំពត៖ ការប្រកួតកីឡាទូកប្រពៃណីខ្នាតអន្តរជាតិ(ទូកនាគ) ក្នុងព្រឹត្តិការណ៍កីឡាស៊ីហ្គេមលើកទី៣២ ឆ្នាំ២០២៣នេះ មានវិញ្ញាសាសរុបចំនួន១៣ ហើយកីឡាករ កីឡាការិនី កម្ពុជាយើងទទួលបានមេដាយសរុបចំនួន ៨គ្រឿង ក្នុងនោះរួមមាន៖ មេដាយមាស ចំនួន ០២គ្រឿង ប្រាក់ ចំនួន ០២គ្រឿង និងមេដាយសំរិទ្ធ ចំនួន ០៤គ្រឿង ។ ក្នុងឱកាសអញ្ជើញជាអធិបតី ក្នុងពិធីបិទការប្រគួត កីឡាទូកប្រពៃណីខ្នតអន្តរជាតី (ទូកនាគ) កាលពីថ្ងៃទី១៦ ខែឧសភា ឆ្នាំ២០២៣ នៅមជ្ឈមណ្ឌលកីឡដ្ឋានលើទឹក ក្នុងក្រុងកំពត ខេត្តកំពត ឯកឧត្តម ប៉ាន សូរស័ក្តិ រដ្ឋមន្រ្តីពាណិជ្ជកម្ម បានសម្ដែងនូវក្តីរំភើបរីករាយយ៉ាងក្រៃលែង និងសម្ដែងនូវការអបអរសាទរចំពោះកីឡាករ-កីឡាការិនីទាំងអស់ ដែលទទួលបានជ័យលាភីពីការប្រកួតដ៏ស្វិតស្វាញនេះ ព្រមទាំងបានថ្លែងកោតសរសើរ និងវាយតម្លៃខ្ពស់ ចំពោះ «គណៈកម្មាធិការជាតិ CAMSOC និងសហព័ន្ធកីឡាទូកកានូ និងរ៉ូអ៊ីងកម្ពុជា សហការជាមួយ រដ្ឋបាលខេត្តកំពត បញ្ជាការរដ្ឋានកងទ័ពជើងទឹក និងមន្ទីរ-អង្គភាពនានាជុំវិញខេត្តទាំងអស់» ដែលបានខិតខំរៀបចំកម្មវិធីប្រកួតកីឡាទូកប្រពៃ ណីខ្នាតអន្តរជាតិ “ទូកនាគ” ក្នុងព្រឹត្តិការណ៍ប្រកួតកីឡាអាស៊ីអាគ្នេយ៍លើកទី៣២ ឆ្នាំ២០២៣ ប្រកបដោយភាពអធិកអធម និងមហោឡារឹក…

ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានលើកឡើងថា ស៊ីហ្គេមលើកទី៣២ ឆ្នាំ២០២៣ កម្ពុជា ទទួលបានមេដាយសរុប២៨២ ដោយឈរលំដាប់ទី៤ ខាងមេដាយមាស និងឈរលំដាប់ទី៣ ខាងមេដាយច្រើន។ នេះបើតាមបណ្ដាញសង្គមតេលេក្រាមរបស់សម្ដេចតេជោ នៅព្រឹកថ្ងៃទី១៧ ខែឧសភា ឆ្នាំ២០២៣ ។ សម្ដេចតេជោ បានបញ្ជាក់លើបណ្ដាញសង្គមតេលេក្រាមដូច្នេះថា៖ កាលពីស៊ីហ្គេមលើកទី២០ ឆ្នាំ១៩៩៩ កម្ពុជា ស្ថិតនៅចំណាត់ថ្នាក់លេខ១០ ជាមួយនឹង ០ មេដាយ ។ សម្ដេចបន្តថា ស៊ីហ្គេម លើកទី៣២ ឆ្នាំ២០២៣ កម្ពុជា ទទួលបានមេដាយសរុប២៨២គ្រឿង ដោយឈរលំដាប់ទី៤ ខាងមេដាយមាស និងឈរលំដាប់ទី៣ ខាងមេដាយច្រើន (សូមមើលតារាងប្រៀបធៀប) ។ សម្ដេចតេជោ នាយករដ្ឋមន្ត្រី បានបន្ថែមថា នេះជាសមិទ្ធិផលរបស់ប្រជាជាតិទាំងមូលដែលប្រឹងងើបឈរឡើង ក្នុងការកសាងជាតិនិយាយជារួម និងក្នុងវិស័យកីឡានិយាយដោយឡែក ។ សូមជម្រាបថា នៅល្ងាចថ្ងៃទី១៧ ខែឧសភា ឆ្នាំ២០២៣ គឺជាថ្ងៃបិទនៃព្រឹត្តិការណ៍ស៊ីហ្គេមដែលកម្ពុជា បានធ្វើជាម្ចាស់ផ្ទះ។…