ភ្នំពេញ៖ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិបានអនុញ្ញាតដល់ក្រុមអត្តពលិកកម្ពុជា រស់នៅក្រៅប្រទេស ដែលម្ចាស់ជ័យលាភីជាម្ចាស់មេដាយមាស ប្រាក់ និងសំរឹទ្ធចូលជួប មុនពេលដែលពួកគេត្រូវជម្រាបលាពីមាតុភូមិកម្ពុជាទៅកាន់ប្រទេសរៀងៗខ្លួនវិញ ។ សម្តេចពិជ័យសេនា ទៀ បាញ់ បានកោតសរសើរ និងវាយតម្លៃខ្ពស់ចំពោះកីឡាករ កីឡាការិនី កម្ពុជារស់នៅក្រៅប្រទេសទាំងអស់ ដែលបានខិតខំប្រឹងប្រែងប្រកបដោយឆន្ទៈ និងស្មារតីយកចិត្តទុកដាក់ក្នុងការហ្វឹកហាត់នាពេលកន្លងមករហូតដល់ចូលរួមប្រកួតកីឡាស៊ីហ្គេម លើកទី៣២ ទទួលបានមេដាយមាស ប្រាក់ សំរឹទ្ធ ជូនជាតិមាតុភូមិយើងប្រកបដោយវិជ្ជាជីវៈ គុណផល ភាពថ្លៃថ្នូរក្នុងនាមជាម្ចាស់ផ្ទះ និងបានលើកតម្កើងកិត្តិនាម កេរ្តិ៍ឈ្មោះកម្ពុជា នៅក្នុងតំបន់ និងសកលលោក ។ សម្តេចពិជ័យសេនា មានប្រសាសន៍ទៀតថា ជោគជ័យដែលក្មួយៗទទួលបានក្នុងព្រឹត្តិការណ៍កីឡាអាស៊ីអាគ្នេយ៍បានបង្ហាញថា ប្រជាពលរដ្ឋខ្មែរ ទោះបីទៅរស់នៅប្រទេសណាក៏ដោយ ប៉ុន្តែពុំដែលបោះបង់ចោលប្រទេសជាតិមាតុភូមិរបស់ខ្លួនឡើយ ហើយគ្រប់ពេលវេលាដែលប្រទេសជាតិត្រូវការ ក្មួយៗក៏ដូចជាប្រជាពលរដ្ឋដទៃទៀតតែងតែចូលរួមគាំទ្រលើកតម្កើងកិត្តិនាម កេរ្តិ៍ឈ្មោះប្រទេសជាតិនៅលើឆាកអន្តរជាតិ។ ទាំងអស់នេះ បានបង្ហាញពី ឆន្ទៈស្នេហាជាតិ ស្រឡាញ់ជាតិមាតុភូមិរបស់យើង នោះគឺការសាមគ្គីភាព ឯកភាពជាតិ បាននាំមកនូវ ជោគជ័យនៃការអភិវឌ្ឍប្រទេសជាតិលើគ្រប់វិស័យ ពិសេសវិស័យកីឡា ដែលជាវិស័យមួយតម្រូវឱ្យ យុវជនទាំងក្នុង និងក្រៅប្រទេសរួមគ្នាលើកតម្កើងឱ្យកាន់តែខ្លាំងក្លាថែមទៀត៕ អត្តបទ…

ភ្នំពេញ ៖ ក្រុមកីឡាវាយសីកម្ពុជា ប្រកួតលើវិញ្ញសាក្រុមចម្រុះ ដណ្តើមបានមេដាយមាសសម្រេចគោលដៅជូនសហព័្ធក្នុងព្រឹត្តិការណ៍កីឡាស៊ីហ្គេម លើកទី៣២ ដែលកម្ពុជាធ្វើជាម្ចាស់ផ្ទះ បន្ទាប់ពីយកឈ្នះក្រុមកីឡាវាយសីប្រទេសមីយ៉ាន់ម៉ា ដោយលទ្ធផល ៣សិតទល់ ២សិត វគ្គផ្តាច់ព្រ័ត្រ នាល្ងាចថ្ងៃទី១០ ខែឧសភា ឆ្នាំ២០២៣ នាកីឡដ្ឋានមរតកតេជោ។ ជ័យជំនះជាប្រវត្តិសាស្រ្តដែលធ្វើបាននៅក្នុងទឹកដីកំណើតរបស់ខ្លួននេះ ត្រូវបានឯកឧត្តម ឧត្តមសេនីយ៍ទោ ជាម សុភា អគ្គលេខាធិការ សហព័ន្ធកីឡាវាយសីកម្ពុជា បានបញ្ជាក់ថា កន្លងមកក្នុងព្រឹត្តិការណ៍ប្រកួតកីឡាស៊ីហ្គេម ក្រុមកីឡាវាយសីកម្ពុជាពុំធ្លាប់ទទួលបានមេដាយជូនជាតិឡើយ ។ ឯកឧត្តម បានបញ្ជាក់ទៀតថា មេដាយមាសដែលកម្ពុជាទទួលបាននាពេលនេះ មិនមែនជាមេដាយទទួលបានដោយចៃដននោះទេ ពោល គឺ ថ្នាក់ដឹកនាំឯកឧត្តម លី កុសល់ ប្រធានសហព័ន្ធកីឡាវាយសីបានរៀបចំយុទ្ធត្រៀមទុកយូហើយ ក្នុងការទទួលបានមេដាយជូនជាតិ ហើយក៏ជាការបើទំព័រប្រវត្តិសាស្រ្តថ្មីសម្រាប់កីឡាសីប្រទេសកម្ពុជា។ ឯកឧត្តម ឧត្តមសេនីយ៍ទោ រូបនេះ បានលើកឡើងទៀតថា មេដាយមាសកំណត់ត្រាថ្មីដណ្តើមបានក្នុងស៊ីហ្គេមដែលកីឡាវាយសីកម្ពុជាធ្វើជាម្ចាស់ផ្ទះនេះនឹងជួយឲ្យប្រភេទកីឡាស៊ីរបស់កម្ពុជាបន្ថែមនូវប្រជាប្រិយភាព។ទន្ទឹមជាមួយគ្នានេះដែរ ឯកឧត្តម តំណាងឲ្យឯកឧត្តម លី កុសល ប្រធានសហព័ន្ធកីឡាវាយសីកម្ពុជា សូមថ្លែងអំណរគុណយ៉ាងជ្រាលជ្រៅចំពោះប្រមុខរាជរដ្ឋាភិបាលសម្តេចតេជោ ហ៊ុន សែន នាយករដ្ឋមន្រ្តី ក្រសួងអប់រំយុវជន និងកីឡា…

ភ្នំពេញ៖ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ឧបត្ថម្ភ ១មុឺនដុល្លារ ដល់កីឡាការនីកម្ពុជា ប៊ូ សំណាង ដើម្បីលើកទឹកចិត្ត ក្រោយរត់ក្រោមដំណក់ទឹកភ្លៀងរហូតដល់ទីបញ្ចប់ ។ តាមរយៈបណ្ដាញសង្គមនៅរសៀលថ្ងៃទី១០ ខែឧសភា ឆ្នាំ២០២៣ សម្តេចតេជោ ហ៊ុន សែនបានបញ្ជាក់ដូច្នេះថា៖ បើទោះជាខ្ញុំកំពុងប្រជុំកំពូលអាស៊ាន នៅឥណ្ឌូនេសុី តែខ្ញុំក៍នៅបន្តតាមដានការប្រកួតកីឡាសុីហ្គេមលើកទី៣២ នៅកម្ពុជាយើងបានដែរ។ សម្ដេចបន្តថា រឿងដែលគួរឲ្យចាប់អារម្មណ៍គឺកីឡាការិនី ប៊ូ សំណាង រត់ក្រោមដំណក់ទឹកភ្លៀងរហូតដល់ទីបញ្ចប់ ទោះបីជាខ្លួន មិនជាប់ចំណាត់ថ្នាក់ក៍ដោយ។ សម្ដេចតេជោ បញ្ជាក់ថា ដើម្បីលើកទឹកចិត្តសម្រាប់ការអត់ធ្មត់ ខ្ញុំនិងភរិយា សូមជួយឧបត្ថម្ភ ១មុឺនដុល្លារ ។ សូម លោក សេង ទៀង យកថវិកា ជូនកូនស្រី ប៊ូ សំណាង ដោយផ្ទាល់ដៃ ។ សូមរំលឹកថា កីឡាការនីកម្ពុជា ប៊ូ សំណាង បានយកឈ្នះបេះដូងទាំងពលរដ្ឋខ្មែរ និងជាតិសាសន៍ផ្សេងទៀត ដោយការតាំងចិត្តជាកំពូលរបស់អត្តពលិកកម្ពុជាមួយរូប តស៊ូរត់ក្រោមភ្លៀងកំពុងតែធ្លាក់ខ្លាំង…

ភ្នំពេញ ៖ ជាមួយការធ្វើជាម្ចាស់ផ្ទះ និងពិសេសការរៀបចំព្រឹត្តិការណ៍ស៊ីហ្គេមលើកទី ៣២នាកន្លងមកបានធ្វើឱ្យយុវជកម្ពុជាមួយចំនួនបានបង្ហាញពីក្តីសប្បាយរីករាយ និងមានមោទកភាពដែលកម្ពុជាបានរៀបចំព្រឹត្តិការណ៍មួយនេះបានយ៉ាងរលូន និងអស្ចារ្យដែលគេរកនឹកស្មានមិនដល់ថាកម្ពុជាអាចធ្វើលវាបានក្នុងកម្រិតមួយដ៏ខ្ពស់បែបនេះឡើយ ។ គួរបញ្ជាក់ថាកាលពីថ្ងៃទី ០៥ ខែឧសភា ឆ្នាំ ២០២៣កន្លងមកកម្ពុជាបានបើកពិធីព្រឹត្តិការណ៍កីឡាស៊ីហ្គេមលើកទី៣២ និង អាស៊ានប៉ារ៉ាហ្គេមលើកទី ១២ ដែលកម្ពុជាធ្វើជាម្ចាស់ផ្ទះនៅពហុកីឡាដ្ឋានជាតិ មរតកតេជោ បានយ៉ាងរលូន និង ពោរពេញទៅដោយបរិយាកាសយ៉ាងសប្បាយរីករាយ និង ស្ញប់ស្ងែងក្រែលែង។ ទន្ទឹមជាមួយភាពជោគជ័យនេះបណ្តាយុវជនបានចាត់ទុកថាព្រឹត្តិការណ៍នេះមិនត្រឹមតែបង្ហាញពីភាពអស្ចារ្យរបស់កម្ពុជាទេ តែវាក៏បានបង្ហាញពីភាពសម្បូរបែបរបស់កម្ពុជា និង ពិសេសជាងនេះគឺការបង្ហាញពី កីឡា ទម្រង់សិល្បៈវប្បធម៌ អរិយធម៌ដ៏កំពូលរបស់កម្ពុជាទៀតផង។ ដោយចង់បង្ហាញពីការអបអរសាទរ និងស្រឡាញ់ពេញចិត្តជាមួយព្រឹត្តិការណ៍ដ៏ធំដែលកម្ពុជាបានទទួលជោគជ័យនាថ្មីៗបំផុតមកនេះកញ្ញា រឿនស្រីមុំ រស់នៅរាជធានីភ្នំពេញបានបញ្ជាក់ប្រាប់ថារូបកញ្ញាពិតជាពេញចិត្ត និងមោទកភាពប្រទេសកម្ពុជាដែលរយៈពេលជាង៦០ឆ្នាំមកនេះបានធ្វើជាម្ចាស់ផ្ទះនៃការប្រកួតកីឡាស៊ីហ្គេមជាថ្មីម្តងទៀត។ជាមួយគ្នានេះឃើញថាពលរដ្ឋកម្ពុជាបានរួមគ្នាជាធ្លុងមួយក្នុងការលើកតម្កើង និងលើកស្ទួយកីឡាកម្ពុជាក្នុងការប្រកួតក្នុងព្រឹត្តិការណ៍ដ៏ធំអស្ចារ្យប្រចាំតំបន់អាស៊ីអាគ្នេយ៍ខណៈពេលនេះ។ កញ្ញា ទ្រី ម៉ាឡាកា ជាយុវនិស្សិតរៀននៅសាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ចឆ្នាំទី១នារាជធានីភ្នំពេញ ដែលកំពុងគាំទ្រកីឡាកម្ពុជាដោយបានកាន់នូវទង់ជាតិព្រះរាជាណាចក្រកម្ពុជាជាប់នឹងដៃ ជាមួយក្រុមមិត្តភក្តិដទៃទៀតបានបង្ហាញពីអារម្មណ៍ផ្ទាល់ខ្លួនឱ្យដឹងក្នុងពហុកីឡាដ្ឋានជាតិអូឡាំពិកថា”តាមរយៈការប្រកួតកីឡាស៊ីហ្គេមនេះមានភ្ញៀវអន្តរជាតិជាច្រើនចូលរួម។ខ្ញុំគិតថាវាបានធ្វើឱ្យជនបរទេសកោតសរសើរ និង ពិសេសបានយល់ដឹងពីប្រវត្តិសាស្រ្តខ្មែរកាន់តែច្រើនដែលធ្វើឱ្យកម្ពុជាគេកាន់តែស្គាល់ច្រើនឡើងលើឆាកអន្តរជាតិ”។ ដោយឡែក លោក ពា វុឌ្ឍី ពលរដ្ឋមួយរូបទៀត រស់នៅរាជធានីភ្នំពេញបានលើកឡើងជុំវិញការបើកព្រឹត្តិការណ៍ស៊ីហ្គេមលើកទី ៣២កន្លងមកថា”ព្រឹត្តិការណ៍នេះពិតជាអស្ចារ្យណាស់ពីព្រោះថាតាំងតែពីកើតមកខ្ញុំពុំធ្លាប់បានឃើញព្រឹត្តិការណ៍ដ៏អស្ចារ្យបែបនេះទេ។អាចចាត់ទុកថាសំណាងដែរដែលយើងកើតទាន់ជំនាន់នេះ ហើយបានឃើញការរៀបចំស៊ីហ្គែមដ៏អស្ចារ្យរបស់កម្ពុជាយើង”។ យុវនារី យឿង…

ភ្នំពេញ៖ អបអរសាទរកីឡាការិនី ពៅ សុខា និង សឿ ច័ន្ទលក្ខិណា ដែលបានឈ្នះមេដាយមាស ប្រភេទកីឡាវ៉ូវីណាម វិញ្ញាសាសម្ដែងស្នៀតការពារខ្លួន ប្រើដាវជាគូ នៅមជ្ឈមណ្ឌលពិព័រណ៍អន្តរជាតិជ្រោយចង្វារ ថ្ងៃទី០៩ ខែឧសភា ឆ្នាំ២០២៣ ។ កីឡាការិនី ពៅ សុខា ធ្លាប់ឈ្នះមេដាយពិភពលោក៥គ្រឿង កាលពីឆ្នាំ២០១៧ នៅប្រទេសឥណ្ឌា ក្នុងនោះមានមេដាយមាស១, ប្រាក់៣ និងសំរឹទ្ធ១។ កីឡាការិនី ពៅ សុខា បានចូលហ្វឹកហាត់កីឡាវ៉ូវីណាម កាលពីឆ្នាំ២០១១។ កីឡាការិនីរូបនេះ បានក្លាយជាម្ចាស់ជើងឯកពិភពលោក ក្នុងឆ្នាំ២០១៧ នៃការប្រកួត World Championship នៅប្រទេសឥណ្ឌា និងឈ្នះ World Championship ម្ដងទៀត ឆ្នាំ២០១៩ នៅកម្ពុជា។ នៅអំឡុងខែឧសភា ឆ្នាំ២០២២ កញ្ញា ពៅ សុខា បានឈ្នះមេដាយសំរិទ្ធ១ ក្នុងព្រឹត្តិការណ៍ស៊ីហ្គេម លើកទី៣១ នៅទីក្រុងហាណូយ ប្រទេសវៀតណាម។ ក្នុងការប្រកួតកីឡាស៊ីហ្គេម លើកទី៣២…

ភ្នំពេញ៖ បើទោះជាមិនបានឈ្នះមេដាយ នៅក្នុងវិញ្ញាសារត់ចម្ងាយ ៥០០០ម៉ែត្រ ក្នុងព្រឹត្តិការណ៍កីឡាស៊ីហ្គេម លើកទី៣២ នៅកម្ពុជា កាលពីថ្ងៃទី០៨ ឧសភា ឆ្នាំ២០២៣ កីឡាការនីកម្ពុជា ប៊ូ សំណាង បានឈ្នះបេះដូងទាំងពលរដ្ឋខ្មែរ និងជាតិសាសន៍ផ្សេងទៀត ដោយការតាំងចិត្តជាកំពូលរបស់អត្តពលិកកម្ពុជាមួយរូប តស៊ូរត់ក្រោមភ្លៀងកំពុងតែធ្លាក់ខ្លាំង និងបានរត់រហូតដល់ទីបញ្ចប់ ។ កីឡាការិនីជម្រើសជាតិ ប៊ូ សំណាង ត្រូវបានប្រជាជនកម្ពុជា កោតសរសើរ និងមានមោទកភាពចំពោះភាពអំណត់ និងការតស៊ូរបស់កញ្ញាសម្រាប់ការប្រកួតរត់ចម្ងាយ៥គីឡូម៉ែត្រ ក្នុងព្រឹត្តិការណ៍កីឡាស៊ីហ្គេមលើកទី៣២ ក្រោមមេឃភ្លៀងធ្លាក់យ៉ាងខ្លាំង។ បើទោះបីខ្លួនមិនទទួលបានមេដាយ ហើយនៅសល់តែម្នាក់ឯង ក៏កញ្ញា ប៊ូ សំណាង តស៊ូរត់ដល់ទីបញ្ចប់ដែរ។ ប្រជាជនខ្មែរជាច្រើន រួមទាំងសារព័ត៌មានបរទេស បានចាប់អារម្មណ៍ និងបានកោតសរសើរ ចំពោះការតស៊ូរបស់កញ្ញា ប៊ូ សំណាង ក្នុងវិញ្ញាសាររត់ចម្ងាយ ៥គីឡូម៉ែត្រនេះ។ ក្រោមដំណក់ទឹកភ្លៀងរាប់ពាន់ រាប់ម៉ឺនដំណក់ កញ្ញា ប៊ូ សំណាង បានរត់តែម្នាក់ឯងយ៉ាងកណ្តោចកណ្តែង រហូតដល់ទីបញ្ចប់ដែលមានចម្ងាយ៥គីឡូម៉ែត្រ។ ក្នុងចំណោមប្រជាជនកម្ពុជាទាំងមូល ក៏មានបុគ្គលល្បីៗជាច្រើន បានចែករំលែករូបភាពរបស់កីឡាការិនីរត់ក្រោមទឹកភ្លៀងលាយឡំជាមួយនឹងទឹកភ្នែក ដែលមើលទៅពិតជារំជួលចិត្ត និងឆក់យកបេះដូងមនុស្សជាច្រើន។…

ភ្នំពេញ ៖ នៅថ្ងៃទី៨ ខែឧសភា ឆ្នាំ២០២៣នេះ ក្រុមកីឡាការិនីវាយកូនបាល់កម្ពុជាប្រកួតលើវិញ្ញសាជាក្រុម ទទួលបានត្រឹមមេដាយសំរិទ្ធប៉ុណ្ណោះ ដោយចាញ់កីឡាការិនីមកពីប្រទេសឥណ្តូនេស៊ីវគ្គពាក់កណ្តាលផ្តាច់ព្រ័ត្រ ។ ការប្រកួតវិញ្ញសាជាក្រុមទាំងបុរសនិងនារី នៅថ្ងៃទី៨ ខែ ឧសភា ឆ្នាំ២០២៣នេះ និងបញ្ចប់ទាំងអស់។ខណៈកម្មវិធីបំពាក់មេដាយវិញ្ញសាជាក្រុមនឹងធ្វើនៅថ្ងៃទី៩ស្អែកនេះ ហើយការប្រកួតឯកក្តជនទាំងបុរសនិងនារីដំណើរការប្រកួតបន្ត។ សូមបញ្ជាក់ថា ព្រឹត្តិការណ៍ប្រកួតកីឡាវាយកូនបាល់ក្នុងព្រឹត្តិការណ៍កីឡាស៊ីហ្គេមលើកទី៣២នេះ មានប្រទេសចូលរួមប្រកួតចំនួន៩ ដោយធ្វើការប្រកួតលើ៣វិញ្ញសាធំ គឺ វាយគូបុរសនារី ប្រកួតឯកក្តជន បុរសនិងនារី និង ប្រកួតជាក្រុមបុរសនារី ខណៈកីឡាករកីឡាការិនិកម្ពុជាបានដាក់សមាសភាពចំនួន១០រូប បុរស៥និងនារី៥៕ ជាវ ចន្ធូ