កម្ពុជាបន្តរក្សាដំណែងចំណាត់ថ្នាក់លេខ ១ដដែល សម្រាប់ការប្រកួតកីឡាវ៉ូវីណាមជើងឯកអាស៊ីអាគ្នេយ៍ លើកទី៦ នៅថ្ងៃទី២ កាលពីថ្ងៃទី២៨ ខែមីនា ឆ្នាំ២០២៣ ដែលកម្ពុជាទទួលធ្វើម្ចាស់ផ្ទះ នៅសាកលវិទ្យាល័យភូមិន្ទភ្នំពេញ រាជធានីភ្នំពេញ។ ម្ចាស់ផ្ទះ កម្ពុជា ដែលបន្តរក្សាដំណែងលេខ១បណ្តោះអាសន្ន នៅថ្ងៃទី២នេះ គឺឈ្នះមេដាយបន្ថែម ក្នុងនោះមេដាយមាស៣គ្រឿង ប្រាក់៤ និងសំរឹទ្ធ២។ សរុបទាំងពីរថ្ងៃ ថ្ងៃទី២៧-២៨ ខែមីនានេះ គឺមេដាយសរុបបណ្តោះអាសន្ន ចំនួន១៨គ្រឿង ក្នុងនោះមេដាយមាស ៨ ប្រាក់ ៦ និងសំរឹទ្ធ៤។ ចំណែកឯម្ចាស់ក្បាច់គុន វៀតណាម ឈរនៅចំណាត់ថ្នាក់លេខ២ ជាមួយមេដាយមាស ៥ ប្រាក់៦ ខណៈលេខ៣ ថៃ មេដាយមាស ២ ប្រាក់៤ និងសំរឹទ្ធ៣។ មីយ៉ាន់ម៉ា ឈរលេខ៤ ដោយដណ្តើមបានមេដាយមាស ២ ប្រាក់២ និងសំរឹទ្ធ១៣គ្រឿង ខណៈឥណ្ឌូណេស៊ី មេដាយមាស២ និងសំរឹទ្ធ៨ ស្របពេលហ្វីលីពីន និងឡាវ មិនទាន់ដណ្តើមមេដាយមាសនៅឡើយ ដោយបានត្រឹមមេដាយប្រាក់ និងសំរឹទ្ធ។…

ភ្នំពេញ៖ កីឡាករ លី បូរមី ឈ្នះមេដាយមាស១ និងជាមេដាយមាសដំបូងក្នុងការប្រកួតកីឡាវ៉ូវីណាមជ្រើសរើសជើងឯកអាស៊ីអាគ្នេយ៍លើកទី៦ ឆ្នាំ២០២៣ លើប្រភេទវិញ្ញាសា មេគុនសម្តែង Five gate form Male. ការប្រកួតកីឡាវ៉ូវីណាម ជ្រើសរើសជើងឯកអាស៊ីអាគ្នេយ៍លើកទី៦ ឆ្នាំ២០២៣ ក្នុងបរិវេណសាកលវិទ្យាល័យភូមិន្ទភ្នំពេញ ក្រុងភ្នំពេញ ប្រទេសកម្ពុជា។ចាន់ វិចិត្រ

ហាណូយ៖ ភ្លើងគប់ស៊ីហ្គេម និងអាស៊ានប៉ារ៉ាហ្គេម ២០២៣ បានទៅដល់ប្រទេសវៀតណាមហើយកាលពីយប់ថ្ងៃទី២២ ខែមីនា ឆ្នាំ២០២៣នេះ។ ដំណើរដល់ទីក្រុងហាណូយ ប្រទេសវៀតណាម ដែលជាគោលដៅទីមួយ នៃដំណើររត់គប់ភ្លើងជុំវិញប្រទេសអាស៊ាន មុនចេញដំណើរទៅកាន់ប្រទេសភីលីពីន ទីម័រខាងកើត ព្រុយណេ ឥណ្ឌូនេស៊ី សឹង្ហបុរី ថៃ មីយ៉ាន់ម៉ា និងឡាវ មុនមកដល់កម្ពុជាវិញ នឹងដង្ហែរជុំវិញបឹងទន្លេសាបមុនមកដល់ពហុកីឡដ្ឋានជាតិមរតកតេជោ។ ប្រតិភូនេះដឹកនាំដោយឯកឧត្តម ហោ សារុន រដ្ឋលេខាធិការក្រសួងទេសចរណ៍ និងជាបេសកជនពិសេសទទួលបន្ទុកដំណើរភ្លើងគប់៕ ចាន់ វិចិត្រ

ភ្នំពេញ ៖ ក្រុមបាល់ទះនារីវិទ្យាល័យ GVA ក្នុងការប្រកួតកីឡាសិស្សវិទ្យាល័យជើងឯករាជធានីភ្នំពេញប្រចាំឆ្នាំ២០២៣ បានឈ្នះដៃគូប្រជែងបានពីរវិទ្យាល័យហើយ គឺក្រុមបាល់ទះនារីវិទ្យាល័យដុនបុសហ្គូនៅថ្ងៃទី១៤ និងបន្តឈ្នះក្រុមបាល់ទះនារីវិទ្យាល័យសិលាមាសនភថ្ងៃទី១៥ ដោយលទ្ធផល៣សិតទល់០ក្នុងពិន្ទុ ២៥ទល់១០ .២៥ទល់១៩និង២៥ទល់៧ ខណៈថ្ងៃទី១៦ បន្តប៉ះក្រុមបាល់ទះនារីវិទ្យាល័យជាស៊ីសាមគ្គី ក្នុងការដណ្តើមតំណែងជើងឯក។ កីឡាការិនី អៀង សុវណ្ណលីណា ប្រធានក្រុមបាល់ទះនារីវិទ្យាល័យ GVA បានបង្ហាញអារម្មណ៍សប្បាយរីករាយចំពោះជ័យជំនះ២ប្រកួតជាប់ៗគ្នានេះ និងប្តេជ្ញាចិត្តរួបរួមសាមគ្គីគ្នា ដណ្តើមជើងឯកជូនសាលាឲ្យបានបន្តទៀត ។ លោក ម៉ុន សុជា នាយកសាលា GVA បានលើកឡើងថា ការដែលលោកដឹកនាំក្រុមបាល់ទះសាលារបស់លោក មកចូលរួមក្នុងការប្រកួតមួយនេះ គឺ លោក ចង់ចូលរួមចំណែកការអភិវឌ្ឍវិស័យកីឡាកីឡាបាល់ទះផ្នែកនារីនៅកម្ពុជា និងចង់ឲ្យសិស្សនារីមានរាងកាយមាំមួន ប្រាជ្ញាឆ្នាតវៃ សុខភាពល្អ ពិសេស អាចបញ្ចេញសមត្ថភាពនិងទេពកោសល្យផ្នែកកីឡាបាល់ទះ។ សូមបញ្ជាក់ថា សាលារៀនGVA ការប្រកួតកីឡាដែលរៀបចំដោយមន្ទីរអប់រំយុវជននិងកីឡារាជធានីភ្នំពេញ គឺផ្នែកវិញ្ញាសាបាល់ទះនារី ដណ្តើមបានពានឯកចំនួន២ហើយ គឺ បាល់ទះនារីបឋមសិក្សា បាល់ទះនារី អនុវិទ្យាល័យ ខណៈបាល់ទះវិទ្យាល័យនឹងដណ្តើមជើងឯកនៅថ្ងៃស្អែក ដោយត្រូវប៉ះក្រុមកីឡាការិនីវិទ្យាល័យជាស៊ីសាមគ្គី៕ អត្ថបទៈ ជាវ ចន្ធូ

ខេត្តបាត់ដំបង ៖ ដើម្បីអបអរសាទរនូវការរៀបចំសង្ក្រាន្តឆ្នាំថ្មី២០២៣ នៅពេលឆាប់ៗខាងមុខនេះ សហភាពសហព័ន្ធយុវជនកម្ពុជាខេត្តបាត់ដំបង បានសហការជាមួយរដ្ឋបាលខេត្ត រៀបចំកម្មវិធីរត់ម៉ារ៉ាតុងបាត់ដំបងលើកទី៥ ចម្ងាយ៥គីឡូម៉ែត្រ កាលពីថ្ងៃទី១២ ខែមីនា ឆ្នាំ២០២៣ នៅខាងមុខបរិវេណនៃអតីតអគារសាលាខេត្តចាស់ ក្រុង-ខេត្តបាត់ដំបង ។ ឯកឧត្តម ស រដ្ឋា ប្រធានសហភាពសហព័ន្ធយុវជនកម្ពុជាខេត្តបាត់ដំបង បានថ្លែងថា ព្រឹត្តិការណ៍រត់ម៉ារ៉ាតុងលើកទី៥នាពេល គឺមានអ្នកចូលរួមប្រមាណជាង២ពាន់នាក់ គឺធ្វើឡើងដោយផ្តោតក្នុងគោលបំណង ដើម្បីអបអរសាទរនូវសង្ក្រាន្តបាត់ដំបងសម្រាប់ឆ្នាំ២០២៣នាពេលឆាប់ៗខាងមុខនេះ។ហើយក៏ដូចជាការរួមចំណែក ក្នុងការលើកកម្ពស់នូវវិស័យកីឡាជាតិយើង ឲ្យកាន់តែមានភាពរីកចម្រើន និងស្របខណៈពេលដែលព្រះរាជាណាចក្រកម្ពុជានិងធ្វើជាម្ចាស់ផ្ទះក្នុងការរៀបចំនូវព្រឹត្តិការណ៍ស៊ីហ្គេមលើកទី៣២ និង អាស៊ានប៉ារ៉ាហ្គេមលើកទី១២ ក្រោមពាក្យស្លោក ‘‘កីឡារស់នៅក្នុងសន្តិភាព’’ផងដែរ ។ ឯកឧត្តម ធូ ភា អភិបាលរងខេត្ត និងជាតំណាងឯកឧត្តម សុខ លូ អភិបាលខេត្តបាត់ដំបង បានលើកឡើងថា៖ ការរៀបចំនូវព្រឹត្តិការណ៍ម៉ារ៉ាតុងថ្ងៃនេះ គឺដើម្បីពង្រឹងសមត្ថភាពនិងកាយសម្បទាថែមទាំងជាការលើកទឹកចិត្តដល់យុវជនជំនាន់ថ្មីឱ្យខិតខំនិងចូលរួមលេងកីឡា ដើម្បីជាការបញ្ចៀសឲ្យយុវជនយើងចៀសឆ្ងាយពីគ្រឿងញៀន ព្រមទាំងនាំគ្នាចូលរួមបំផុស និង ធ្វើការផ្សព្វផ្សាយពីសក្ដានុពលវិស័យវប្បធម៌ និងទេសចរណ៍នៅក្នុងខេត្តបាត់ដំបង ដើម្បីសំដៅក្នុងការទាក់ទាញភ្ញៀវជាតិ-អន្តរជាតិ ដែលបានមកស្នាក់នៅកម្សាន្តសប្បាយនៅក្នុងខេត្តបាត់ដំបងយើងឱ្យកាន់តែច្រើនឡើងបន្ថែមទៀតផងដែរ។ ឯកឧត្តម ស សុខា អនុប្រធានសហភាពសហព័ន្ធយុវជនកម្ពុជា ក៏បានថ្លែងបិទនូវកម្មវិធីរត់ម៉ារ៉ាតុងបាត់ដំបងថា៖ កម្មវិធីនេះ…

ភ្នំពេញ ៖ ប្រធានអង្គការផ្កាយសមុទ្រកម្ពុជា បានអះអាងថា ព្រឹត្តិការណ៍ប្រកួតបាល់ទាត់កុមារីប្រចាំឆ្នាំ របស់អង្គការផ្កាយសមុទ្រជាឳកាស សម្រាប់កីឡាការនីបញេ្ចញសមត្ថភាព និងពង្រឹងភាពក្លាហាន។ ដើម្បីចូលរួមអរសាទរទិវាសិទ្ធិនារី ៨មីនា ឆ្នាំ២០២៣ អង្គការផ្កាយសមុទ្រកម្ពុជា បានបង្កើតព្រឹត្តិការណ៍បាល់ទាត់ ដែលអនុញ្ញាតឲ្យក្រុមនារីចូលរួមចំនួន ៣៩ក្រុមសរុបកីឡាការិនី ៤៦៨នាក់មកពី ៩រាជធានី ខេត្ត ។ អ្នកស្រី ជួប វិច្ឆិកា ប្រធានអង្គការផ្កាយសមុទ្រកម្ពុជា បានបញ្ជាក់ថា ព្រឹត្តិការណ៍ប្រកួតបាល់ទាត់នេះ មានកីឡាការិនីចូលរួម៣ប្រភេទអាយុ គឺកីឡាការិនីក្រោមអាយុ១៨ឆ្នាំ អាយុក្រោម១៤ឆ្នាំ និងអាយុក្រោម១០ឆ្នាំ ក្នុងគោលបំណងផ្តល់ឱកាសឲ្យកីឡាការិនីដែលបានហ្វឹកហាត់កីឡាបាល់ទាត់បានប្រកួតបញ្ចេញសមត្ថភាពនិងសម្រេចក្តីស្រមៃរបស់ខ្លួនក្នុងវិស័យកីឡា ក៏ដូចជារួមចំណែកជំនះឧបសគ្គយេនឌ័រនានា ដែលផ្តល់ផលប៉ះពាល់ដល់ពួកគេផងដែរ ។ លោក ស្រី ប្រធានអង្គការ បានបញ្ជាក់ទៀតថា នៅកម្ពុជា ស្ត្រី និងកុមារីមិនសូវមានឱកាសបានចូលរួមក្នុងសកម្មភាពកីឡានោះទេ ហើយមនុស្សភាគច្រើនគិតថា កីឡាគឺសម្រាប់តែបុរសប៉ុណ្ណោះ ។ តាមរយៈ ការស្រាវជ្រាវក្នុងសហគមន៍មូលដ្ឋានបានបង្ហាញថា កុមារីជាញឹកញាប់មានទឹកចិត្តស្រលាញ់ចូលចិត្ត និងចង់លេងបាល់ទាត់យ៉ាងខ្លាំង ។ តែវាជារឿងមួយគួរឲ្យសោកស្តាយ ដែលក្តីស្រមៃរបស់ពួកគេត្រូវបានរារាំងដោយសារតែភាពក្រីក្រ ទំនៀមទំលាប់ និងផ្នត់គំនិតមិនសមហេតុផល និងផ្តល់តម្លៃឲ្យ បុរសខ្ពស់ជាង ។…

កំពង់ធំ ៖ វត្តមាននៃប្រភេទកីឡាថ្មី គឺបាល់ទាត់លើតុ បានបង្ហាញខ្លួនលើកដំបូងដើម្បីផ្សព្វផ្សាយទៅកាន់មហាជន នៅក្នុងពិធីបុណ្យទន្លេ លើកទី៧ ឆ្នាំ២០២៣ នៅខេត្តកំពង់ធំ ។ បើតាមការឱ្យដឹងពីគណៈកម្មការរៀបចំការប្រកួតបានឱ្យដឹងថា ការរៀបចំឱ្យប្រភេទកីឡាបាល់ទាត់លើតុបង្ហាញវត្តមានក្នុងពិធីបុណ្យទន្លេនេះ គឺមិនមែនជាការប្រកួតយកចាញ់ យកឈ្នះអ្វីនោះទេ គ្រាន់តែជាការសម្តែង បង្ហាញពីរបៀបលេង និងលក្ខន្តិកៈនៃការប្រកួត ដើម្បីផ្សព្វផ្សាយពីប្រភេទកីឡាថ្មី ចែកជូនដល់មហាជន ដែលបានមកចូលរួម កំសាន្តក្នុងពិធីបុណ្យទន្លេនេះបានស្គាល់ ពីកីឡាថ្មីនេះប៉ុណ្ណោះ ។ ជាពិសេសការបង្ហាញនូវប្រភេទកីឡាថ្មីនេះ ក៏ជាផ្នែកមួយក្នុងការអបអរបុណ្យទន្លេឱ្យមានភាពប្លែកភ្នែក និងអាចស្រូបទាញអ្នកដែលបានទស្សនាចូលរួម លេងកីឡាប្រភេទនេះ ឱ្យកាន់តែផុសផុលថែមទៀតផង ។ សូមជម្រាប ឱ្យដឹងថា ប្រភេទកីឡាបាល់ទាត់លើតុនេះ មានឈ្មោះជាភាសាបរទេសហៅថា (Table football) មានដើមកំណើតចេញមកពីប្រទេសហុងគ្រី ដែលភាគច្រើនខាងសហគមន៍អឺរ៉ុប គេនិយមលេងកីឡាប្រភេទនេះ ខណៈដែលកម្ពុជាទើបតែចាប់ផ្តើមយកមកហ្វឹកហាត់ប៉ុណ្ណោះ ៕ ជាវ ចន្ធូ