ភ្នំពេញ៖ ថ្លែងនៅក្នុងពិធីចុះហត្ថលេខា លើអនុស្សរណៈនៃការយោគយល់ សម្រាប់កិច្ចសហប្រតិបត្តិការ ដាក់ឱ្យប្រើថ្នាលផ្ទៀងផ្ទាត់ ឯកសារ verfy.gov.kh ការរៀបចំប្រព័ន្ធបច្ចេកវិទ្យាឌីជីថល និងការរៀបចំ ហេដ្ឋា រចនា សម្ព័ន្ធ និងការតភ្ជាប់អ៊ីនធឺណិត រវាងក្រសួងប្រៃសណីយ៍ និង ទូរគមនាគមន៍និងក្រសួង កសិកម្ម រុក្ខាប្រមាញ់និងនេសាទ កាលពីរសៀល ថ្ងៃទី២ ខែឧសភា ឆ្នាំ២០២៣នេះ ឯកឧត្តម ជា វ៉ាន់ដេត រដ្ឋមន្រ្តីក្រសួង ប្រៃសណីយ៍និងទូរគមនាគមន៍បានលើកឡើងថា គណៈកម្មាធិការជាតិ រៀបចំការប្រកួតកីឡាស៊ីហ្គេមលើកទី៣២ (CAMSOC) បានចំណាយ ថវិកាប្រហែល៥០ម៉ឺនដុល្លារ ដើម្បីបំពាក់ WiFi សាធារណៈដោយឥតគិតថ្លៃ (Public WiFi) នៅពហុកីឡដ្ឋានជាតិមរតកតេជោនិងពហុកីឡដ្ឋានជាតិ អូឡាំពិក នៃព្រឹត្តិការណ៍ស៊ីហ្គេម។ ឯកឧត្តមរដ្ឋមន្រ្តីបញ្ជាក់បន្ថែមផងដែរថា ព្រឹត្តិការណ៍ស៊ីហ្គេមនេះ ក្រសួង បានបំពាក់ពីរ កន្លែងធំៗ សំខាន់ៗ ទី១៖ ពហុកីឡដ្ឋានជាតិ មរតកតេជោ និងទី២៖ ពហុកីឡដ្ឋានជាតិអូឡាំពិក, ក្រសួងបានបំពាក់ Public WiFi ដែលប្រើប្រាស់ថវិកា…

ភ្នំពេញ៖ ព្រឹត្តិការណ៍កីឡាស៊ីហ្គេម លើកទី៣២ នឹងបើកជាផ្លូវការនៅថ្ងៃទី០៥ ខែឧសភា ឆ្នាំ២០២៣ ។ មុនពិធីបើកជាផ្លូវការ ការប្រកួតកីឡាបាល់ទះក្នុងសាល ផ្នែកបុរស នឹងចាប់ផ្ដើមនៅល្ងាចនេះ ដោយមាន ២ប្រកួត ក្នុងនោះក្រុមជម្រើសជាតិបាល់ទះកម្ពុជា ក្នុងនាមម្ចាស់ផ្ទះ និងជាម្ចាស់មេដាយសំរឹទ្ធ កាលពីស៊ីហ្គេមលើកទី៣១ ត្រូវប្រកួតដំបូងក្នុងពូល B ជាមួយក្រុមជម្រើសជាតិសិង្ហបុរី នាវេលាម៉ោង ៧ និង ៣០នាទីយប់ ក្រោយជំនួបរវាងក្រុមម្ចាស់មេដាយមាស ស៊ីហ្គេមលើកទី៣១ ឥណ្ឌូនេស៊ី ជាមួយក្រុមជម្រើសជាតិហ្វីលីពីន នាម៉ោង ២ និង ៣០នាទីរសៀល ។ ចំពោះកម្មវិធីប្រកួតដំបូងក្នុងពូល A លើវិញ្ញាសាបាល់ទះបុរសក្នុងសាលនេះ គឺក្រុមជម្រើសជាតិម៉ាឡេស៊ី ត្រូវជួបក្រុមជម្រើសជាតិថៃ នាវេលាម៉ោង ១២ថ្ងៃត្រង់ មុនឈានដល់ការប្រកួតគូបន្ទាប់ក្នុងពូល រវាងក្រុមម្ចាស់មេដាយប្រាក់ គឺក្រុមជម្រើសជាតិវៀតណាម ជាមួយក្រុមជម្រើសជាតិមីយ៉ាន់ម៉ា នាម៉ោង ៥ល្ងាចថ្ងៃទី០៤ ខែឧសភា ឆ្នាំ២០២៣ ។ សម្រាប់វិញ្ញាសាបាល់ទះបុរសក្នុងសាលនេះ គ្រោងធ្វើការប្រកួត ៥ថ្ងៃ ពីថ្ងៃទី៣-៨ ខែឧសភា(លើកលែងថ្ងៃទី៥-ឧសភា ត្រូវសម្រាកក្នុងឱកាសបើកការប្រកួតស៊ីហ្គេម)…

ខេត្តបាត់ដំបង ៖ អាជ្ញាធរនៃរដ្ឋបាលខេត្តបាត់ដំបង បានកំណត់រៀបចំការដាក់បញ្ចាំងស្លាយបន្តផ្ទាល់ពីការឡាយនៃព្រឹត្តិការណ៍ក្នុងការប្រកួតកីឡា ស៊ីហ្គេមលើកទី៣២ តាមរយៈការបញ្ចាំងស្លាយជូនពលរដ្ឋតាមទីប្រជុំជនសំខាន់ៗចំនួន៤គោលដៅក្នុងខេត្ត និងនៅតាមបណ្តាស្រុក-ក្រុងមួយចំនួនទៀត ដើម្បីឲ្យបងប្អូនប្រជាពលរដ្ឋនិងសាធារណជនទូទៅបានទស្សនា ។ ជាក់ស្តែងក្នុងការប្រកួតកីឡាបាល់ទាត់ផ្នែកបុរស(ពូលA)នៃព្រឹត្តិការណ៍ស៊ីហ្គេមឆ្នាំ២០២៣ រវាងក្រុមកីឡាករជាតិកម្ពុជា និងក្រុមកីឡាករហ្វីលីពីន នៅយប់ថ្ងៃទី២ ខែឧសភា ឆ្នាំ២០២៣ ក៏មានប្រជាពលរដ្ឋក្នុងខេត្តបាត់ដំបងយ៉ាងច្រើនកុះករបានចូលរួមទស្សនា តាមរយៈការបញ្ចាំងស្លាយ នៅតាមទីតាំងមួយចំនួន ដែលរដ្ឋបាលខេត្ត ក្រុង ស្រុក បានរៀបចំ។ តាមរយៈបងប្អូនយុវជនដែលជាអ្នកស្នេហានិងគាំទ្រវិស័យកីឡា ពួកគេក៏បានបង្ហាញពីចំណាប់អារម្មណ៍ផ្ទាល់ខ្លួន យ៉ាងរំភើបរីករាយយ៉ាងក្រៃលែង ដែលពួកគេបានឃើញនូវព្រឹត្តិការណ៍មួយនេះដែលប្រទេសកម្ពុជាបានធ្វើជាម្ចាស់ផ្ទះ ក្នុងការរៀបចំនូវព្រឹត្តិការណ៍ប្រកួតកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣នេះ ។ ព្រមជាមួយនិងការបង្ហាញពីការគាំទ្រយ៉ាងក្លៀវក្លាចំពោះក្រុមកីឡាករជាតិកម្ពុជារបស់ខ្លួន ដោយបានលើកឡើងថា៖ បើទោះបីពួកគេមិនបានចូលរួមទស្សនាផ្ទាល់ក៏ពិតមែន តែការមកទស្សនានៃផ្សាយបន្តផ្ទាល់តាមរយៈការបញ្ចាំងស្លាយដែលរៀបចំដោយអាជ្ញាធរខេត្តពួកគេពិតជាអរគុណចំពោះអាជ្ញាធរខេត្តដែលបានបង្កលក្ខណៈឲ្យប្រជាពលរដ្ឋទូទៅបានមកចូលទស្សនា នៅទីនេះ ។ សូមបញ្ជាក់ផងដែរថា៖ក្នុងព្រឹត្តិការណ៍កីឡាស៊ីហ្គេមលើកទី៣២និងអាស៊ានប៉ារ៉ាហ្គេមលើកទី១២ ដែលកម្ពុជាធ្វើជាម្ចាស់ផ្ទះនៃព្រឹត្តិការណ៍ក្នុងឆ្នាំ២០២៣នេះឯកឧត្តម សុខ លូ អភិបាលខេត្តបាត់ដំបង បានធ្វើការណែនាំដល់គ្រប់អាជ្ញាធរ ក្រុង ស្រុកទាំងអស់ឱ្យរៀបចំការការដាក់បញ្ចាំងស្លាយ LED ដើម្បីចាក់ផ្សាយបន្តផ្ទាល់ជូនប្រជាពលរដ្ឋក្នុងមូលដ្ឋានខ្លួនបានទស្សនា នៅក្នុងមូលដ្ឋានខ្លួននីមួយពីព្រឹត្តិការណ៍ជាតិដ៏កម្រមួយនេះ ដែលកម្ពុជាយើងធ្វើជាម្ចាស់ផ្ទះ ៕ ( អត្ថបទ-រូបភាព៖ អ៊ុក សំអាន បប )

បន្ទាយមានជ័យ ៖ ព្រះអគ្គិជ័យកីឡា ព្រឹត្តិការណ៍ស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣ បានដង្ហែមកដល់ក្រុងសិរីសោភ័ណ ខេត្តបន្ទាយមានជ័យហើយ នៅរសៀលថ្ងៃទី២ ខែឧសភា ឆ្នាំ២០២៣ ។ ការមកដល់នៃក្បួនដង្ហែព្រះអាគ្គិជ័យជ័យកីឡា ទទួលស្វាគមន៍ពីថ្នាក់ដឹកនាំក្នុងខេត្ត មន្រ្តីរាជការ កងកម្លាំងទាំង៣ ប្រជាពលរដ្ឋ លោកគ្រូ អ្នកគ្រូ និងសិស្សានុសិស្សរាប់ពាន់នាក់ ចេញមកសាទរ ដោយបានស្រែកបន្លឺជ័យឃោសអបអរអំណរសាទរនូវក្បួនដង្ហែព្រះអគ្គិជ័យកីឡា ព្រឹត្តិការណ៍ស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ឆ្នាំ២០២៣ ដែលព្រះរាជាណាចក្រកម្ពុជា ធ្វើជាម្ចាស់ផ្ទះ ។ ក្បួនដង្ហែព្រះអាគិ្គជ័យកីឡាត្រូវបានទទួលស្វាគមន៍ ដោយ ឯកឧត្តម អ៊ុ រាត្រី អភិបាលខេត្តបន្ទាយមានជ័យ និងបានទទួលព្រះអាគិ្គជ័យកីឡាពីឯកត្តម នី ផល្លី ស បេសកជនពិសេស Camsoc ក្នុងប្រទេស ។ក្នុងនោះ ឯកត្តម អភិបាលខេត្តបានរត់កាន់ព្រះអាគ្គិកីឡាអមដោយមន្រ្តីរដ្ឋបាលខេត្ត និងកីឡាករកីការិនី ដើម្បីយកទៅទុកក្នុងសាលាខេត្តបន្ទាយមានជ័យមុន និងបន្តដង្ហែចូលទៅតម្គល់ទក្នុងក្នុងវត្តធ្វើពិធីសាសនាសុំសេចក្តីសេចក្តីចំរើន។ សូមជម្រាបថា ព្រះអគ្គិជ័យកីឡាតម្គល់ទុកក្នុងវត្តជុំគិរីចំការខ្នុរ ស្ថិតនៅក្នុងក្រុងសិរីសោភ័ណ ចំនួនមួយយប់ ហើយស្អែកថ្ងៃទី ៣ ខែឧសភា…

កីឡាការិនីជឺជិតស៊ូ ខាន់ ចេសា ទទួលបានថវិកាឧបត្ថម្ភចំនួន៤០លានរៀល ចំពោះការឈ្នះមេដាយមាសជើងឯកពិភពលោក នៅប្រទេសអារ៉ាប់រួមអ៊ីមីរ៉ាត់ ប្រព្រឹត្តទៅកាលពីថ្ងៃ២៧ ខែតុលា ដល់ថ្ងៃទី០៤ ខែវិច្ឆិកា ឆ្នាំ២០២២។ទន្ទឹមនឹងនេះ លោក ខាន់ ភីធើ ជាគ្រូបង្គោល និងជាឪពុក និងលោក Paas Jasper ជាគ្រូជំនួយក៏ទទួលបានថវិកាលើកទឹកចិត្តផងដែរ។ ក្នុងនោះ លោក ខាន់ ភីធើ ទទួលបាន៤០លានរៀល និងលោក Paas Jasper ទទួលបាន២៨លានរៀល ឯកឧត្តម ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានប្រគល់ថវិកានេះដោយផ្ទាល់ដែលធ្វើឡើង នៅទីស្ដីការក្រសួងអប់រំ យុវជន និងកីឡា នារសៀលថ្ងៃអង្គារ ទី០២ ខែឧសភា ឆ្នាំ២០២៣។ គួររំឭកថា មុនឈានទៅដណ្ដើមបានមេដាយមាសពិភពលោកលើវិញ្ញាសា Adults Women ៥២គីឡូក្រាមនេះ ចេសា បានឈ្នះកីឡាការិនីហ្វីលីពីន, ឈ្នះម្ចាស់ផ្ទះអារ៉ាប់រួម, ឈ្នះកីឡាការិនីអ៊ីស្រាអែល និងផ្ដាច់ព្រ័ត្រឈ្នះកីឡាការិនីអេស្ប៉ាញ។ ដោយឡែកសម្រាប់ការប្រកួតព្រឹត្តិការណ៍ស៊ីហ្គេម២០២៣ ខាន់…

ខេត្តព្រះសីហនុ៖ ខេត្តព្រះសីហនុ បានត្រៀមរួចជាស្រេច និងបានរៀបចំទទួលស្វាគមន៍ និងបដិសណ្ឋារកិច្ច ប្រតិភូ និងកីឡាករ កីឡាការិនីមកពីតំបន់អាស៊ាន ក្នុងព្រឹត្តការណ៍កីឡាស៊ីហ្គេម លើកទី៣២ នាឆ្នាំ២០២៣ លើ៣ប្រភេទកីឡា មានកីឡាទូកក្តោង កីឡាម៉ូតូទឹក និងកីឡាបាល់ទហឆ្នេរខ្សាច់។ តាមការបញ្ជាក់ពីមន្រ្តីរដ្ឋបាលខេត្ត នៅព្រឹកថ្ងៃអង្គារទី២ ខែឧសភា ២០២៣នេះ កីឡាទូកក្តោង ចាប់ផ្តើមមុនគេ ដោយមានកីឡាករ កីឡាការិនីចំនួន ៦ប្រទេស ចូលរួមនៅទីលានតេជោ និងឆ្នេរសុខា ក្រុងព្រះសីហនុ ចាប់ថ្ងៃទី២ ដល់ ថ្ងៃទី៨ ខែឧសភា ឆ្នាំ២០២៣។ រីឯកីឡាបាល់ទះលើឆ្នេរខ្សាច់ ប្រកួតនៅពយជំទាវម៉ៅ ចាប់ផ្តើមការប្រកួតចាប់ពីថ្ងៃទី១១ ខែឧសភា និងបញ្ចប់ថ្ងៃ១៦ ខែឧសភា ឆ្នាំ២០២៣ និងកីឡាម៉ូតូទឹក ចាប់ផ្តើមប្រកួតថ្ងៃទី១៣ ខែឧសភា និងត្រូវបញ្ចប់ថ្ងៃទី១៦ ខែឧសភា ឆ្នាំ២០២៣។ មន្ត្រីរដ្ឋបាលខេត្ត បានអោយដឹងថា ការទទួលធ្វើជាម្ចាស់ផ្ទះព្រឹត្តការណ៍កីឡាស៊ីហ្គេម លើកទី៣២ ឆ្នាំ២០២៣ លើ៣ប្រភេទកីឡានេះ ខេត្តព្រះសីហនុ មានយុវជនស្ម័គ្រចិត្តរបស់សហភាពសហពន្ធ័យុវជនកម្ពុជា(ស.ស.យ.ក) ចំនួន ១១៧នាក់…

ភ្នំពេញ ៖ ឯកឧត្តម មាស សារិន ប្រធានសហព័ន្ធ កីឡាសីដក់និងឈិន ឡូនកម្ពុជា បានអះអាងថា ក្រោយការពិនិត្យតាមដានយ៉ាងល្អិតល្អន់ពីគ្រូបង្វឹក និង ប្រធានប្រតិភូដឹកនាំ ក្នុងរយៈពេល ៤ខែ និង ២០ថ្ងៃ កីឡាករកីឡាការិនី សីដក់ និងឈិនឡូនកម្ពុជា ដែល ទៅបោះជម្រុំហ្វឹកហាត់នៅប្រទេសមីយ៉ាន់ម៉ា ឃើញថា មានការ គោរពវិន័យបានល្អ ខិតខំប្រឹងប្រែងហ្វឹកហាត់ជាប្រចាំ មានការប្រប្រួលរីកចម្រើនគួរឲ្យកត់សម្គាល់ ។ នេះគឺដោយសារកីឡាករកីឡាការិនីនៅប្រមូលផ្ដុំ គ្នាអាចរក្សាកម្លាំងបានល្អ បង្កើនបច្ចេកទេសបានខ្ពស់ និងត្រៀមខ្លួនបានយ៉ាងល្អ រំពឹងថានឹងដណ្ដើមបានមេដាយច្រើនពីការប្រកួតក្នុងព្រឹត្តិការកីឡាស៊ីហ្គេម ឆ្នាំ២០២៣នេះ ។ ឯកឧត្តម បានថ្លែងដូចនេះ នៅក្នុងឱកាស ទទួលប្រតិភូ កីឡាករ កីឡាការិនី សីដក់ និង ឈិនឡូន កម្ពុជា នៅអាកាសយានដ្ឋានអន្ដរជាតិភ្នំពេញ កាលពីល្ងាចថ្ងៃទី៣០ ខែមេសាដែលត្រឡប់មកពីការបោះជុំរុំហ្វឹកហាត់ នៅប្រទេសមីយ៉ាន់ម៉ា ។ ឯកឧត្តមប្រធានសហព័ន្ធ មានប្រសាសន៍ថា តាមសន្ទស្សន៍មេដាយ ដែលខេមសុកបានកំណត់សម្រាប់ សហព័ន្ធកីឡាសីដក់និងឈិនឡូនកម្ពុជាគឺត្រូវ ដណ្ដើម…

បាត់ដំបង ៖ ព្រះអាគ្គិជ័យកីឡានិមិត្តរូបព្រឹត្តិការណ៍កីឡាស៊ីហ្គេមលើកទី៣២ និងអាស៊ានប៉ារ៉ាហ្គេម ដែលកម្ពុជាទទួលធ្វើជាម្ចាស់ផ្ទះ ក្បួនដង្ហែបានចូលដល់ទឹកដីខេត្តបាត់ដំបងហើយ។ ប្អូនស្រី សៅ តាំឆាយ សិស្សអនុវិទ្យាល័យតេជោហ៊ុន សែន ការឡោមភ្លុក ស្ថិតនៅក្នុងមោងឫស្សី ខេត្តបាត់ដំបង ដែលមកទទួលក្បួនព្រះអាគីកីឡា បានអោយដឹងថា ក្នុងនាមនាងជាកូនខ្មែរម្នាក់ពិតជាមានក្តីរំភើបខ្លាំងណាស់នៅពេលឃើញវត្តមាននៃព្រះអាគ្កិកីឡាហែឆ្លងកាត់ស្រុករបស់នាង ហើយនាងគឺមានមោទកៈភាពខ្លាំងចំពោះប្រទេសកម្ពុជា ដែលបានរៀបចំព្រឹត្តិការកីឡាស៊ីហ្គេមើលទី៣២ ដែលជាប្រវត្តិសាស្រ្តដាក់ក្នុងការចងចាំប្រជាពលរដ្ឋខ្មែរគ្រប់រូបមិនអាចបំភ្លេចបាន។ ក្នុងនាមជាកូនចៅជំនាន់ក្រោយ សូមដឹងគុណចំពោះសម្តេចតេជោ ហ៊ុន សែន នាយករដ្ឋមន្រ្តី ដែលបានដឹកនាំប្រទេសទទួលបានសុខសន្តិភាព ធ្វើឲ្យប្រទេសកម្ពុជាអភិវឌ្ឍរីកចំរើនគ្រប់វិស័យ ក្នុងវិស័យកីឡាមួយផងដែរ ។ តាមការគ្រោងទុកក្បួនដង្ហែព្រះអាគ្គិជ័យកីឡានឹងទៅដល់ក្រុងបាត់ ខេត្តបាត់ដំបង នៅវេលាម៉ោង២រសៀល ឯកឧត្តម នី ផល្លី រដ្ឋលេខាធិការក្រសួងទេសចរណ៍ អនុប្រធានគណៈកម្មការពិធីបើក និងបិទ និងជាបេសកជនពិសេស CAMSOCក្នុងប្រទេស ប្រគល់ជូនព្រះអាគ្គិកីឡា ដល់ឯកឧត្តម សុខ លូ អភិបាលខេត្តបាត់ដំបង កាន់ព្រះអាគ្គិជ័យកីឡាពីសាលាស្រុក សង្កែ ឆ្ពោះទៅកាន់រង្វង់មូលព្រាបស រួចបន្តទៅវេទិការប្រារព្ធពីធីនៅបរិវេណសាលាខេត្តបាត់ដំបង ៕ រូបភាព រិន រចនា អត្ថបទៈ ជាវ…

ពោធិ៍សាត់ ៖ ព្រះអាគ្គិជ័យកីឡានិមិត្តរូបនៃព្រឹត្តិការណ៍ស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ដែលកម្ពុជាធ្វើជាម្ចាស់ផ្ទះ ដែលតម្គល់នៅក្នុងវត្តពាលញ៉ែកនៅថ្ងៃទី៣០ ខែ សា ស្ថិតនៅក្នុងក្រុងពោធិ៍សាត់ ខេត្តពោធិ៍សាត់ រយៈពេលមួយយប់ នៅព្រឹកថ្ងៃទី១ ខែ ឧសភា ឆ្នាំ២០២៣ បានបន្តហែចេញឆ្ពោះទៅកាន់ក្រុងបាត់ដំបង ខេត្តបាត់ដំបងហើយ ។ ក្បែដង្ហែព្រះអាគ្គិ័យកីឡានេះ ចេញពីវត្តពាលញ៉ែកក្រុងពោធិ៍សាត់ ដោយត្រូវឆ្លងកាត់ស្រុកបាកាន និងឃុំចំនួន៥មានដូចជាឃុំម្រាមព្រះ ឃុំត្រពាំងជង ឃុំបឹងខ្នារ ឃុំអូរតាប៉ោង និងឃុំស្វាយដូនកែវ និងមានប្រជាពលរដ្ឋ លោកគ្រូអ្នកគ្រូ សិស្សានុសិស្ស យុវជនយុវនារីចូលរួមអបអរសាទរប្រមាណជាជិត៦ពាន់នាក់មុននឹងចូលដល់ទឹកដីបាត់ដំបង។ សូមបញ្ជាក់ថា ក្បួនព្រះអាគ្គិជ័យកីឡានឹងដង្ហែចូលដល់ទឹកដីបាត់ដំបងនៅម៉ោង៩.៣០នាទី ដោយមានការទទួលស្វាគមន៍ពីសំណាក់ឯកឧត្តម សុខ លូ អភិបាលខេត្តបាត់បង និងមានការអបអរសាទរពីប្រជាពលរដ្ឋ លោកគ្រូអ្នកគ្រូ សិស្សានុសិស្ស យុវជនយុវនារី និងអាជ្ញាធរមូលដ្ឋានគ្រប់លំដាប់ថ្នាក់ ហើយបន្តដង្ហែទៅកាន់ក្រុងបាត់ដំបង ខេត្តបាត់ដំបង ធ្វើពិធីប្រគល់ទទួល ដោយឯកឧត្តម នី ផល្លី និង ឯកឧត្តម សុខ លូ អភិបាលខេត្ត រួចដង្ហែបន្តទៅកាន់វត្ត…