ភ្នំពេញ៖ យោងតាមរបាយការណ៍ ពី នាយកដ្ឋាន នគរបាលចរាចរណ៍ និង សណ្តាប់ ធ្នាប់ សាធារណៈ ស្តីពី ការរឹតបន្ដឹងច្បាប់ចរាចរណ៍ផ្លូវគោក នៅថ្ងៃទី៣១ ខែមីនាធ្ឆ្នាំ២០២៤ បាន ឱ្យ ដឹងថាមានគោលដៅចំនួនសរុប៦៣គោលដៅ មានយានយន្តចូលគោលដៅចំនួន ៣៨១ គ្រឿង រថយន្តធំ ០១គ្រឿង រថយន្តតូច ៧៥គ្រឿង ម៉ូតូ ៣៣០៥គ្រឿង ក្នុងនោះ រកឃើញ យានយន្តល្មើសសរុបចំនួន ៣៤៩គ្រឿងមានរថយន្តធំ ០១គ្រឿង រថយន្តតូ ៦៤ គ្រឿង និងម៉ូតូចំនួន ២៨៤គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូ ទាំងប្រទេស ។ របាយការណ៍ដដែលបានវាយតម្លៃថា ការអនុវត្តតាមអនុក្រឹត្យថ្មី ក្នុងការ ផាកពិន័យ យាន យន្ត ល្មើស បានដំណើរការទៅយ៉ាងល្អប្រសើរ ទទួលបានការគាំទ្រពិសេស អ្នកប្រើប្រាស់ ផ្លូវទាំងអស់ បានចូលរួមគោរព ច្បាប់ចរាចរណ៍យ៉ាងល្អប្រសើរ ៕ ប្រភព…

ហាវ៉ាន៖ អាជ្ញាធរគុយបានៅឆ្នាំ២០២៣ និយាយថា កង្វះរូបិយប័ណ្ណរឹងបានរារាំងការនាំចូលស្បៀងអាហារ ដែលប៉ះពាល់ដល់ការរស់នៅរបស់ប្រជាជនចំនួន ១១លាននាក់របស់ប្រទេសដីកោះមួយនេះ។ យោងតាមតួលេខផ្លូវការបានឱ្យដឹងថា ផលិតកម្មកសិកម្មរបស់ប្រទេសគុយបា បានធ្លាក់ចុះ ៣៥ភាគរយនៅចន្លោះឆ្នាំ២០១៩ និងឆ្នាំ២០២៣។ កាលពីខែកុម្ភៈ គុយបាបានស្នើសុំការគាំទ្រជាលើកដំបូង ពីកម្មវិធីស្បៀងអាហារពិភពលោករបស់អង្គការសហប្រជាជាតិ ដើម្បីធានាការផ្គត់ផ្គង់ទឹកដោះគោដល់កុមារ បន្ទាប់ពីបានប្រកាសថា ខ្លួននឹងមិនអាចបំពេញរបបអាហារគ្រប់គ្រាន់ដល់ប្រជាជនក្នុងខែនោះទេ។ ទាក់ទិននឹងកង្វះស្បៀងអាហារ និងការដាច់ភ្លើង នាំឱ្យមនុស្សរាប់រយនាក់ចេញធ្វើបាតុកម្មនៅក្នុងទីក្រុងយ៉ាងតិចចំនួន៤ របស់ប្រទេសគុយបា កាលពីថ្ងៃទី១៧ ខែមីនាកន្លងមក ដែលនេះជាការតវ៉ាដ៏ធំបំផុតចាប់តាំងពីការហែក្បួនប្រឆាំងរដ្ឋាភិបាលជាប្រវត្តិសាស្ត្រនៅថ្ងៃទី១១ ខែកក្កដា ឆ្នាំ២០២១។ បាតុកម្មបានផ្ទុះឡើងជាលើកដំបូងនៅក្នុងទីក្រុង Santiago de Cuba ដែលជាទីក្រុងធំទីពីររបស់ប្រទេសដីកោះមួយនេះ ដែលបានស៊ូទ្រាំនឹងការដាច់ភ្លើងរហូតដល់ ១៣ម៉ោងក្នុងមួយថ្ងៃ។ បាតុករភាគច្រើននាក់ជាស្ត្រី។ សម្រាប់នៅដើមឆ្នាំនេះ អាជ្ញាធរអាគុយបាក៏បានជួបការលំបាកផ្នែកដឹកជញ្ជូននំបុ័ងផងដែរ ដោយសារតែការពន្យារពេលការនាំចេញស្រូវសាលីពីបរទេស និងការខូចខាតនៅក្នុងរោងម៉ាស៊ីនចំនួន៤ ក្នុងចំណោមរោងម៉ាស៊ីនចំនួន៥ របស់ប្រទេសគុយបា ដែលជាលទ្ធផលធ្វើឱ្យប្រទេសដីកោះនេះ សម្រេចបានត្រឹមតែប្រហែលមួយភាគបីនៃតម្រូវការសរុបប៉ុណ្ណោះ៕ ប្រភព៖ AFP ប្រែសម្រួលដោយ៖ ឈឹម ទីណា

ហ៊្សេរុយសាឡឹម៖ មេដឹកនាំអ៊ីស្រាអែល នៅថ្ងៃសុក្រ បានសម្រេចបើកភ្លើងបៃតងសម្រាប់កិច្ចចរចាជុំថ្មី ស្តីពីបទឈប់បាញ់នៅតំបន់ហ្គាហ្សា។ នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ បានអនុម័តការចរចាបទឈប់បាញ់ជុំថ្មីនៅតំបន់ហ្គាហ្សា មួយថ្ងៃបន្ទាប់ពីស្ថាប័នកំពូលរបស់ពិភពលោក បានបញ្ជាឱ្យអ៊ីស្រាអែលធានាការផ្តល់ជំនួយទៅដល់ដៃជនស៊ីវិល ដែលអស់សង្ឃឹមក្នុងជីវិតរស់នៅ។ ការិយាល័យរបស់នាយករដ្ឋមន្រ្តីអ៊ីស្រាអែល បានគូសបញ្ជាក់ថា កិច្ចពិភាក្សាថ្មីស្តីពីបទឈប់បាញ់នៅតំបន់ហ្គាហ្សា និងការដោះលែងចំណាប់ខ្មាំង នឹងត្រូវធ្វើឡើងនៅទីក្រុងដូហា ប្រទេសកាតា និងទីក្រុងគែរ ប្រទេសអេហ្ស៊ីប ក្នុងប៉ុន្មានថ្ងៃខាងមុខទៀតនេះ ជាមួយនឹងគោលការណ៍ណែនាំឆ្ពោះទៅរកកិច្ចចរចាជាផ្លូវការ។ គួរបញ្ជាក់ថា សង្រ្គាមបានចាប់ផ្តើមបន្ទាប់ពីក្រុមហាម៉ាស់បើកការវាយប្រហារលើអ៊ីស្រាអែល សម្លាប់មនុស្សប្រហែល ១,១៦០នាក់ ដែលភាគច្រើនជាជនស៊ីវិល។ ជាមួយគ្នានោះ ក្រុមសកម្មប្រយុទ្ធប៉ាឡេស្ទីនក៏បានចាប់ចំណាប់ខ្មាំងជនជាតិអ៊ីស្រាអែល និងបរទេសប្រហែល ២៥០នាក់ផងដែរ ប៉ុន្តែបានដោះលែងមនុស្សរាប់សិបនាក់ ក្នុងអំឡុងបទឈប់បាញ់រយៈពេលមួយសប្តាហ៍ក្នុងខែវិច្ឆិកា។ អ៊ីស្រាអែលបានបើកការវាយលុកសងសឹកប្រឆាំងនឹងក្រុមហាម៉ាសវិញ ដោយបានសម្លាប់មនុស្សចំនួន ៣២,៦២៣នាក់នៅតំបន់ហ្គាហ្សា ដែលភាគច្រើនជាស្ត្រី និងកុមារ។ ហើយអ៊ីស្រាអែលជឿជាក់ថា មនុស្សប្រហែល ១៣០ នាក់ទៀតនៅតែស្ថិតក្នុងតំបន់ហ្គាហ្សា ដោយ ៣៣នាក់ទំនងជាងបានស្លាប់ រួមទាំងទាហាន ៨នាក់ និងជនស៊ីវិល ២៥នាក់៕ ប្រភព៖ AFP ប្រែសម្រួលដោយ៖ ឈឹម ទីណា

បាងកក៖ ប៉ូលិសថៃបានរាយការណ៍នៅថ្ងៃសុក្រថា កម្មករសំណង់ចំនួន ៧នាក់បានបាត់បង់ជីវិត ក្នុងហេតុការណ៍បាក់ដងស្ទូចនៅឯការដ្ឋានសំណង់មួយកន្លែង។ សារព័ត៌មាន Khaosod បានចុះផ្សាយថា កម្មករចំនួន ៧នាក់បានស្លាប់ ដោយសារតែដងស្ទូចបាក់ចុះនៅកម្ពស់ ១០០ម៉ែត្រ ហើយការដ្ឋាននោះ ភាគច្រើនជាពលករចំណាកស្រុកមកពីប្រទេសមីយ៉ានម៉ា។ មេប៉ូលីសក្នុងតំបន់បានរាយការណ៍ថា ឧបទ្ទវហេតុនេះ បានកើតឡើងនៅក្នុងស្រុក Pluak Daeng ខេត្ត Rayong ភាគខាងត្បូងនៃរដ្ឋធានីបាងកក ប្រទេសថៃ នៅម៉ោងប្រហែល ៤៖០០ល្ងាចថ្ងៃសុក្រ នៅឯការដ្ឋានសាងសង់រោងចក្រដែក Sin Ker Yuan កម្ពស់៦ជាន់ ដែលគ្រប់គ្រងដោយជនជាតិចិន។ ភ្លាមៗ គេនៅមិនទាន់ដឹងច្បាស់ថាតើការបាក់ដងស្ទូចនេះ បណ្តាលមកពីមូលហេតុអ្វីនោះទេ។ សូមរម្លឹកថា គ្រោះថ្នាក់នៅក្នុងការដ្ឋានសាងសង់ គឺជារឿងធម្មតានៅទូទាំងប្រទេសថៃ ដោយប្រតិបត្តិករអាជីវកម្មជារឿយៗមិនអើពើនឹងតម្រូវការសុវត្ថិភាព និងដំណើរការសាងសង់ដោយគ្មានការអនុញ្ញាត។ តួយ៉ាង កាលពីខែមករា ហេតុការណ៍ផ្ទុះដ៏ធំមួយនៅរោងចក្រផលិតកាំជ្រួចក្នុងខេត្ត Suphan Buri បានសម្លាប់មនុស្ស ២៣នាក់។ ហើយយ៉ាងហោចណាស់មនុស្ស ១០នាក់បានស្លាប់ និងជាង ១០០នាក់ទៀតរងរបួស ក្នុងហេតុការណ៍ផ្ទុះនៅរោងចក្រក្នុងខេត្តណារ៉ាត់ធីវ៉ាត់ ភាគខាងត្បូងប្រទេសថៃ កាលពីខែកក្កដាកន្លងទៅ៕ ប្រភព៖ AFP…

ឡាផ្លាតា៖ អ្នកវិទ្យាសាស្ត្រអាហ្សង់ទីនមកពីវិទ្យាស្ថានស្រាវជ្រាវវិទ្យាសាស្ត្រជាតិ CONICET ដែលមានមូលដ្ឋាននៅទីក្រុង La Plata កំពុងស៊ើបអង្កេតសត្វមូសម្យ៉ាង ដោយសារតែការកើនឡើងគួរឱ្យកត់សម្គាល់ នៃជំងឺគ្រុនឈាមនៅទូទាំងប្រទេស។ លោកស្រី Maria Victoria ដែលជាអ្នកស្រាវជ្រាវនៅវិទ្យាស្ថានស្រាវជ្រាវវិទ្យាសាស្ត្រជាតិអាហ្សង់ទីន CONICET បានបញ្ជាក់ថា អ្នកស្រាវជ្រាវកំពុងធ្វើការស៊ើបអង្កេតលើសត្វមូសមួយប្រភេទ មានឈ្មោះ Yellow fever Mosquito ដែលភ្នាក់ងារចម្លងជំងឺគ្រុនឈាម ជំងឺហ្ស៊ីកា និង ជំងឺគ្រុនឈីគ។ លោកស្រីបន្តថា បច្ចុប្បន្ននេះ យើងបានកត់ត្រាករណីកើតជំងឺគ្រុនឈាមរហូតដល់ ១៥០,០០០ករណីទូទាំងប្រទេស ហើយអ្នកជំងឺច្រើនជាង ១០០នាក់បានស្លាប់។ លោកស្រីបន្ថែមថា បើធៀបនឹងឆ្នាំមុន តួលេខនេះខ្ពស់ជាងមុនគួរឱ្យកត់សម្គាល់ ហើយយើងរំពឹងថា នឹងបន្តកើនឡើងបន្ថែមទៀត។ ទោះបីជាយ៉ាងណា ដើម្បីប្រឆាំងនឹងជំងឺគ្រុនឈាម ដែលចម្លងដោយសត្វមូស Yellow fever Mosquito ឬហៅកាត់ថា Aedes Aegypti អាហ្សង់ទីនបានបង្កើតវ៉ាក់សាំង TAK-003 ដែលត្រូវបានគេស្គាល់ថា Qdengam របស់មន្ទីរពិសោធន៍ជប៉ុន Takeda។ ដូសនីមួយៗមានតម្លៃប្រហែល ៧០,០០០ប៉េសូ ឬប្រហែល ៨០ដុល្លារ)។ ជាមួយគ្នានេះ…

សាន់សាល់វ៉ាឌ័រ៖ ប្រភពផ្លូវការបានរាយការណ៍ឱ្យដឹងថ្មីៗនេះថា កងទ័ពជើងទឹកជាតិនៃប្រទេសអែលសាល់វ៉ាឌ័រ រឹបអូសបានគ្រឿងប្រភេទកូកាអ៊ីនចំនួន ១.៤៨តោន នៅភាគនិរតីនៃតំបន់ Bocana el Cordoncillo ក្បែរមាត់ទន្លេ Jaltepeque ដែលនេះជាប្រតិបត្តិការកងទ័ពជើងទឹកប្រឆាំងនឹងការជួញដូរគ្រឿងញៀន។ ប្រធានាធិបតីអែលសាល់វ៉ាឌ័រ លោក Nayib Bukele បានបង្ហោះសារនៅលើបណ្តាញសង្គម X ផ្លូវការរបស់គាត់ថា ថ្នាំញៀនកូកាអ៊ីនមានតម្លៃប្រហែល ៣៧លានដុល្លារ ត្រូវបានរកឃើញនៅលើទូកមួយគ្រឿង ដែលមានសមាជិកនាវិក ៩នាក់ ក្នុងនោះ ៦នាក់ជាជនជាតិអេក្វាទ័រ និង៣នាក់ទៀតជាជនជាតិក្វាតេម៉ាឡា។ គ្រឿងញៀនកូកាអ៊ីននឹងត្រូវបំផ្លាញចោល ហើយទូកមួយគ្រឿនោះនឹងប្រគល់ទៅឱ្យកងទ័ពជើងទឹកជាតិ ដើម្បីប្រើប្រាស់ក្នុងការប្រយុទ្ធប្រឆាំងនឹងការជួញដូរគ្រឿងញៀន ចំណែកអ្នកឃាត់ខ្លួននឹងត្រូវកាត់ទោសតាមច្បាប់។ គួរបញ្ជាក់ថា អែលសាល់វ៉ាឌ័រ ក៏ដូចជាបណ្តាប្រទេសនៅអាមេរិកកណ្តាលផ្សេងទៀតដែរ គឺជាតំបន់ឆ្លងកាត់ដែលប្រើប្រាស់ដោយពួកជួញដូរគ្រឿងញៀន ដើម្បីដឹកជញ្ជូនគ្រឿងញៀនទៅកាន់សហរដ្ឋអាមេរិក ដែលជាប្រទេសប្រើប្រាស់គ្រឿងញៀនកូកាអ៊ីនដ៏ធំនៅទូទាំងពិភពលោក៕ ប្រភព៖ AFP ប្រែសម្រួលដោយ៖ ឈឹម ទីណា

ប៊ែកឡាំង៖ នគរបាលបាននិយាយថា មនុស្ស៥នាក់បានស្លាប់ ហើយ២០នាក់ផ្សេងទៀត រងរបួស ក្នុងហេតុការណ៍ក្រឡាប់ឡានក្រុងមួយគ្រឿង នៅលើផ្លូវហាយវេ របស់អាល្លឺម៉ង់ កាលពីថ្ងៃពុធ។ ប្រភពបានបន្តថា ឡានក្រុងមួយគ្រឿងនេះ គឺជាកម្មសិទ្ធិរបស់ក្រុមហ៊ុនទេសចរណ៍អាល្លឺម៉ង់ Flixbus ។ ក្នុងពេលកើតមាន រថយន្តមួយនេះកំពុងធ្វើដំណើរពីទីក្រុងប៊ែកឡាំង ទៅកាន់ទីក្រុង Zurich ស្រាប់តែក្រឡាប់ នៅលើផ្លូវ A9 ជាផ្លូវប្រសព្វ រវាងតំបន់ Wiedemar និង Schkeuditzer Kreuz ។ ប្រតិបត្តិករទេសចរណ៍អាល្លឺម៉ង់ Flixbus បាននិយាយថា រថយន្តក្រុងមួយគ្រឿងនេះ ដឹកអ្នកដំណើរចំនួន ៥៣នាក់។ យ៉ាងណាមិញ ប្រភពមិនទាន់បញ្ជាក់លម្អិតពីមូលហេតុនាំឲ្យក្រឡាប់រថយន្តក្រុងនេះនៅឡើយទេ ទាមទារឲ្យស៊ើបអង្កេតបន្ថែមទៀត ដោយសហការយ៉ាងជិតស្និទ្ធជាមួយអាជ្ញាធរមូលដ្ឋាន និងសេវាសង្គ្រោះបន្ទាន់ នៅនឹងកន្លែង ដើម្បីបញ្ជាក់អំពីមូលហេតុនៃគ្រោះថ្នាក់នេះឱ្យបានឆាប់រហ័ស និងពេញលេញ៕ ប្រភពពី AFP ប្រែសម្រួល៖ សារ៉ាត