ប្រទេសអ៊ុយក្រែន នៅថ្ងៃព្រហស្បតិ៍នេះ បានជំរុញប្រទេសលោកខាងលិចឱ្យបង្កើនល្បឿនបញ្ជូនគ្រាប់កាំភ្លើងធំ បន្ទាប់ពីការវាយប្រហារដោយមីស៊ីលរបស់រុស្ស៊ីជាថ្មីទៀតលើរដ្ឋធានីគៀវ និងតំបន់ផ្សេងទៀត ដែលបានសម្លាប់មនុស្ស ៤នាក់ និងជាង ៤០នាក់រងរបួស។ នៅក្នុងសុន្ទរកថាប្រចាំថ្ងៃរបស់ខ្លួន ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បានផ្ញើសាររំលែកទុក្ខដល់ក្រុមគ្រួសារជនរងគ្រោះថា យើងនឹងសងសឹក ចំពោះការវាយប្រហារដោយមីស៊ីល និងយន្តហោះដ្រូន។ លោក ហ្សេលេនស្គី បានគូសបញ្ជាក់ថា ភារកិច្ចរបស់យើងនៅឆ្នាំនេះ គឺមិនត្រឹមតែពង្រីកការការពារដែនអាកាស និងសមត្ថភាពវាយប្រហារចម្ងាយឆ្ងាយរបស់អ៊ុយក្រែនប៉ុណ្ណោះទេ ប៉ុន្តែថែមទាំងធ្វើឱ្យមានការខាតបង់ដ៏ធំដល់រុស្ស៊ីផងដែរ។ គួរបញ្ជាក់ថា ការធានាបាននូវគ្រាប់កាំភ្លើងធំ គឺជាអាទិភាពមួយសម្រាប់អ៊ុយក្រែន ដែលកំពុងតែអស់ពីឃ្លាំងស្តុកអាវុធរបស់ខ្លួន ខណៈដែលរុស្ស៊ីដាក់ពង្រាយកម្លាំង និងធនធានរបស់ខ្លួន ក្នុងការប៉ុនប៉ងដើម្បីសម្រេចបាននូវទឹកដី។ កាលពីសប្តាហ៍មុន មេដឹកនាំសហភាពអឺរ៉ុបបានយល់ព្រមលើកញ្ចប់ជំនួយចំនួន ៥០ពាន់លានអឺរ៉ូ ឬស្មើនឹង ៥៤ពាន់លានដុល្លារសម្រាប់អ៊ុយក្រែន ប៉ុន្តែការគាំទ្ររបស់សហរដ្ឋអាមេរិកនៅតែស្ថិតក្នុងភាពស្រពិចស្រពិល ចំពេលមានការជំទាស់ពីគណបក្សសាធារណរដ្ឋ៕ ប្រភព៖ AFP ប្រែសម្រួលដោយ៖ ឈឹម ទីណា

វ៉ាស៊ីងតោន ឌីស៊ី៖ គណបក្សសាធារណរដ្ឋ កាលពីថ្ងៃពុធ បានទាត់ចោលកញ្ចប់ជំនួយដោះស្រាយបញ្ហាអន្តោប្រវេសន៍ និងជំនួយបរទេសដែលមានទឹកប្រាក់សរុប ចំនួន១១៨ពាន់លានដុល្លារ ក្នុងនោះ បានភ្ជាប់មូលនិធិសហរដ្ឋអាមេរិកសម្រាប់អ៊ុយក្រែន និងអ៊ីស្រាអែល ជាមួយនឹងវិធានការសន្តិសុខព្រំដែនក្នុងស្រុកដ៏តឹងរ៉ឹង។ ការខកខានមិនអនុម័តនេះបានធ្វើឡើងចំពេលមានការរិះគន់ថា អាមេរិកមិនខ្វល់ខ្វាយលើការដោះស្រាយបញ្ហាលំហូរជនអន្តោប្រវេសន៍របស់ខ្លួន តែបែរជាប្រមែប្រមូលថវិកាបន្ថែមសម្រាប់អ៊ីស្រាអែល និងអ៊ុយក្រែនដែលកំពុងមានសង្គ្រាមជាមួយរុស្ស៊ី ទៅវិញ។ គេបានដឹងថា ក្នុងចំណោម ១១៨ពាន់លាននេះ សម្រាប់ដំណោះស្រាយព្រំដែន មានត្រឹម២០ពាន់លាន ក្រៅពីនេះ គឺជាជំនួយដល់បរទេស។ អតីតប្រធានាធិបតីអាមេរិក លោក ដូណាល់ ត្រាំ បានជំរុញឲ្យសមាជិកសភាមកពីគណបក្សសាធារណរដ្ឋ កុំឲ្យអនុម័តច្បាប់នេះ។ ជាការដាក់សំពាធ ខណៈដែលលោក ត្រាំ កំពុងត្រៀមប្រជែងការបោះឆ្នោតប្រធានាធិបតីអាមេរិកម្តងទៀត ជាមួយលោកប្រធានាធិបតី ចូ បៃឌិន នាខែវិច្ឆិកា ខាងមុខនេះ។ រីឯ ការិយាល័យគ្រប់គ្រងថវិការបស់លោក Biden បាននិយាយថា គណបក្សសាធារណរដ្ឋនឹងបំផ្លាញកិច្ចខិតខំប្រឹងប្រែងធានាស្ថិរភាពព្រំដែនសហរដ្ឋអាមេរិក និងគាំទ្រអ៊ុយក្រែនប្រឆាំងនឹងការឈ្លានពានរបស់រុស្ស៊ី ហើយថែមទាំងបដិសេធជំនួយមនុស្សធម៌ដល់ជនស៊ីវិលប៉ាឡេស្ទីន ដែលជាប់នៅក្នុងជម្លោះអ៊ីស្រាអែល និងក្រុមហាម៉ាស់ទៀតផង។ យ៉ាងណាមិញ មេដឹកនាំព្រឹទ្ធសភាដឹកនាំដោយប្រជាធិបតេយ្យ លោក Chuck Schumer បាននិយាយថា លោកនឹងជំរុញដោយទទូច ឱ្យមានការបោះឆ្នោតលើកទីពីរ…

ប្រាស៊ីលីយ៉ា៖ អាជ្ញាធរទីក្រុងសៅប៉ូឡូ បើកមជ្ឈមណ្ឌលប្រតិបត្តិការបន្ទាន់មួយ នៅថ្ងៃអង្គារសប្តាហ៍នេះ ដើម្បីដោះស្រាយបញ្ហាកើនឡើងករណីកើតជំងឺគ្រុនឈាម ដែលបានវាយប្រហារទូទាំងប្រទេសប្រេស៊ីល និងតំបន់អាមេរិកខាងត្បូង។ ទីក្រុង Rio de Janeiro ដែលជាទីក្រុងធំទីពីររបស់ប្រេស៊ីល បន្ទាប់ពីទីក្រុង Sao Paulo នៅថ្ងៃអង្គារសប្តាហ៍នេះ បានប្រកាសស្ថានភាពអាសន្នផ្នែកសុខាភិបាលសាធារណៈ ពោលគឺ៤ថ្ងៃមុនការបើកពិធីបុណ្យដ៏ល្បីល្បាញរបស់ខ្លួនជាផ្លូវការ។ បន្ថែមលើនេះ អាជ្ញាធរទីក្រុង Rio de Janeiro បានបើកមជ្ឈមណ្ឌលព្យាបាលបន្ទាន់ចំនួន ១០ទីតាំង ដើម្បីកាត់បន្ថយសម្ពាធលើមន្ទីរពេទ្យ ដែលពោរពេញដោយអ្នកជំងឺយ៉ាងច្រើន។ រដ្ឋធានីប្រាស៊ីលីយ៉ា ក៏បានបើកមន្ទីរពេទ្យសង្គ្រោះបន្ទាន់ផងដែរ។ ប្រទេសប្រេស៊ីលបានចុះបញ្ជីករណីកើតជំងឺគ្រុនឈាមរហូតដល់ ៣៤៥,២៣៥ករណី ក្នុងរយៈពេល ៥ សប្តាហ៍ដំបូងនៃឆ្នាំនេះ កើនឡើងជិត ៤ដង បើធៀបនឹងរយៈពេលដូចគ្នាកាលពីឆ្នាំមុន។ បើតាមក្រសួងសុខាភិបាលប្រេស៊ីល មនុស្ស ៣១នាក់បានស្លាប់ ដោយសារជំងឺគ្រុនឈាម ខណៈដែលមនុស្ស ២៣៤នាក់ផ្សេងទៀតក៏បានបាត់បង់ជីវិត ដែលទំនងមកពីជំងឺនេះផងដែរ។ បច្ចុប្បន្ន ទីក្រុង Sao Paulo កំពុងធ្វើតេស្តប្រើប្រាស់យន្តហោះដ្រូន បាញ់ថ្នាំសម្លាប់ដង្កូវទឹក ដើម្បីប្រយុទ្ធប្រឆាំងនឹងសត្វមូសនៅក្នុងតំបន់ពិបាកទៅដល់។ បន្ថែមលើនេះ ប្រេស៊ីលក៏គ្រោងនឹងចាប់ផ្តើមយុទ្ធនាការចាក់វ៉ាក់សាំងបង្ការជាសាធារណៈ ប្រឆាំងនឹងជំងឺគ្រុនឈាមក្នុងខែនេះផងដែរ ទោះបីជាមិនទាន់មានវ៉ាក់សាំងគ្រប់គ្រាន់ក៏ដោយ។…

បរទេស៖ ពួកបះបោរនៅប្រទេសយេម៉ែន ដែលគេស្គាល់ថា ជាពួកឧទ្ទាមហ៊ូធី កាលពីថ្ងៃអង្គារ បានប្រកាសថា ពួកគេទើបតែបានវាយប្រហារលើនាវាឆ្លងកាត់សមុទ្រក្រហម ពីរគ្រឿងបន្ថែមទៀត ក្នុងនោះ មួយគ្រឿងជារបស់អាមេរិក និងមួយទៀត ជារបស់អង់គ្លេស។ នៅក្នុងសេចក្តីថ្លែងការណ៍មួយ អ្នកនាំពាក្យរបស់ពួក ហ៊ូធី (Huthi) លោក Yahya Saree បាននិយាយថា ការវាយប្រហារទីមួយ បានកំណត់លើគោលដៅ លើកប៉ាល់អាមេរិក Star Nasia ខណៈមួយទៀត គឺសំដៅលើនាវាអង់គ្លេស Morning Tide។ ក្រុមហ៊ុនសន្តិសុខ Ambrey នៅអង់គ្លេស បានរាយការណ៍ពីការវាយប្រហារដោយយន្តហោះគ្មានមនុស្សបើកលើកប៉ាល់ដឹកទំនិញ ដែលគ្រប់គ្រងដោយចក្រភពអង់គ្លេស ចេញពីប្រទេសយេម៉ែន ប៉ុន្តែក្រោយមក គេបាននិយាយថា កាំជ្រួចមួយបានវាយប្រហារទៅលើនាវា ដែលមានទង់នៃប្រទេស Barbados ទៅវិញ។ ប្រភពបន្តថា «វាត្រូវបានបាញ់ចេញពីទូកតូចមួយ ដែលមើលឃើញនៅជិតកប៉ាល់ ប៉ុន្តែ កាំជ្រួចមិនប៉ះពាល់ដល់កប៉ាល់ដោយផ្ទាល់ទេ ប៉ុន្តែបានផ្ទុះនៅក្បែរនោះ ដែលបណ្តាលឱ្យខូចខាតបន្តិចបន្តួច។» ក្រុមហ៊ុនអះអាងទៀតថា មិនមានអ្នករងរបួស ក្នុងចំណោមនាវិកនោះទេ។ ជាមួយគ្នានេះ ទីភ្នាក់ងារសន្តិសុខដែនសមុទ្រអង់គ្លេស UKMTO បាននិយាយថា…

សាន់ត្យាហ្គោ៖ លោក Sebastian Pinera ដែលគេស្គាល់ថា ធ្លាប់ធ្វើជាប្រធានាធិបតីនៃប្រទេសស៊ីលី ចំនួន២លើក ហើយក៏ជាមហាសេដ្ឋីមួយរូបផងនោះ បានទទួលមរណៈភាព ក្នុងឧបទ្ទវហេតុធ្លាក់ឧទ្ធម្ភាគចក្រ កាលពីថ្ងៃអង្គារ៍។ សេចក្តីថ្លែងការណ៍របស់ការិយាល័យ លោកអតីតប្រធានាធិបតី បានឲ្យដឹងថា «ជាការសោកស្តាយយ៉ាងខ្លាំងដែលយើងប្រកាសពីការស្លាប់ អតីតប្រធានាធិបតី នៃសាធារណរដ្ឋឈីលី»។ ប្រភពបានន្ថែមថា លោក Pinera អាយុ ៧៤ ឆ្នាំបានទទួលមរណៈភាព នៅតំបន់ Lago Ranco ដែលជាកន្លែងវិស្សមកាលដ៏ពេញនិយម មានចម្ងាយប្រហែល ៩៣០ គីឡូម៉ែត្រ ភាគខាងត្បូងនៃទីក្រុង Santiago ។ យ៉ាងណាមិញ មនុស្សបីនាក់ផ្សេងទៀត ត្រូវបានគេរាយការណ៍ថា បានរួចផុតពីការស្លាប់ ក្នុងហេតុការណ៍នេះ។ គួរបញ្ជាក់ថា លោក Pinera ធ្លាប់បានធ្វើជាប្រធានាធិបតីប្រទេសស៊ីលី ចន្លោះឆ្នាំ ២០១០ ដល់ ២០១៤និងម្តងទៀត ចន្លោះ ពីឆ្នាំ ២០១៨ ដល់ឆ្នាំ ២០២០ ។ លោកគឺជាមេដឹកនាំស្តាំនិយមដំបូងគេ ដែលត្រូវបានជ្រើសរើស បន្ទាប់ពីរបបផ្តាច់ការរាប់សិបឆ្នាំ…

ទ្រីប៉ូលី៖ សហភាពអាហ្វ្រិក ហៅកាត់ថា (AU) នៅថ្ងៃចន្ទសប្តាហ៍នេះ ជំរុញឱ្យបញ្ចប់ “ការជ្រៀតជ្រែកពីខាងក្រៅ” នៅលីប៊ី ជាប្រទេសហែកហួរដោយសារសង្គ្រាមស៊ីវិលចាប់តាំងពីឆ្នាំ ២០១១។ សហភាពអាហ្រ្វិក (AU) ដែលរៀបចំកិច្ចប្រជុំពិសេសលើកទី៩របស់ខ្លួន ស្តីពីប្រទេសលីប៊ី បានគូសបញ្ជាក់អំពីតម្រូវការ ក្នុងការគាំទ្រដល់កិច្ចខិតខំប្រឹងប្រែងរបស់លីប៊ី ដើម្បីវិលទៅរកភាពប្រក្រតីឡើងវិញ។ រដ្ឋមន្ត្រីការបរទេសកុងហ្គោ លោក Jean-Claude Gakosso បាននិយាយនៅក្នុងសេចក្តីថ្លែងការណ៍មួយថា សមាជិកសហភាពអាហ្វ្រិកចេញការអំពាវនាវជាថ្មីទៀត ដល់តួអង្គខាងក្រៅទាំងអស់ ឱ្យបញ្ឈប់ការជ្រៀតជ្រែកចូលកិច្ចការផ្ទៃក្នុងរបស់ប្រទេសលីប៊ី ពីព្រោះទង្វើនេះ ប៉ះពាល់ដល់ផលប្រយោជន៍ជាមូលដ្ឋានរបស់ប្រជាជនលីប៊ី សេចក្តីប្រាថ្នាស្របច្បាប់ ស្ថិរភាព សន្តិភាព និងការអភិវឌ្ឍន៍។ ប្រធានគណៈកម្មការសហភាពអាហ្រ្វិក លោក Moussa Faki Mahamat ក៏បាននិយាយដែរថា វិបត្តិលីប៊ីបានកើតឡើងយូរពេកហើយ ហើយធ្វើឱ្យប្រជាជនរបស់លីប៊ីខាតបង់យ៉ាងធ្ងន់ធ្ងរ និងជំរុញឱ្យមានអំពើភេរវកម្មនៅក្នុងតំបន់ Sahel នៃតំបន់អាហ្វ្រិក។ បើតាមការគ្រោងទុកនោះ កិច្ចប្រជុំផ្សះផ្សាអន្តរលីប៊ី គ្រោងនឹងប្រព្រឹត្តទៅនៅថ្ងៃទី២៨ ខែមេសាខាងមុខនេះ នៅទីក្រុង Sirte ក្នុងប្រទេសលីប៊ី។ គួរបញ្ជាក់ថា ការបះបោរដែលគាំទ្រដោយអង្គការណាតូ បាននាំទៅដល់ការផ្តួលរំលំ និងសម្លាប់មេដឹកនាំផ្តាច់ការដ៏យូរ លោក Moamer…

ដាកា៖ ក្រុមសមាជិកសភា មកពីគណបក្សប្រឆាំង នៅប្រទេសសេណេហ្គាល់ ជាច្រើនរូប ត្រូវបានប៉ូលិសបណ្តេញចេញពីសភាជាតិ ដោយបង្ខំ អំឡុងពេលបោះឆ្នោតសម្រេចលើការពន្យាពេលបោះឆ្នោតជ្រើសរើសប្រធានាធិបតី នៅក្នុងប្រទេស នៃប្លុកអាហ្វ្រិកខាងលិចមួយនេះ។ Read. កាលពីថ្ងៃចន្ទ ពួកសមាជិកសភានៃប្រទេស សេណេហ្គាល់ បានបោះឆ្នោតពន្យារពេលការបោះឆ្នោតប្រធានាធិបតី ដែលពីមុន ធ្លាប់គ្រោងថា នឹងប្រព្រឹត្តទៅ នៅក្នុងខែនេះ ក៏ប៉ុន្តែបានសម្រេចថា នឹងត្រូវពន្យារពេល រហូតដល់ថ្ងៃទី ១៥ ខែធ្នូ នេះបើយោងតាមអ្នកកាសែត AFP ដែលបានមានវត្តមាន នៅនឹងកន្លែងកើតហេតុ។ ប្រធានរដ្ឋសភាជាតិបានប្រកាសថា សមាជិកសភាបានអនុម័ត «វិធានការនេះ» បន្ទាប់ពីតំណាងរាស្ត្របក្សប្រឆាំងជាច្រើនរូបត្រូវបានប៉ូលិសបណ្តេញចេញ ពីទីនោះ។ គេបានដឹងថា ច្បាប់នេះមានប្បញ្ញត្តិ ដែលអនុញ្ញាតឲ្យ ប្រធានាធិបតីនៃប្រទេសសេណេហ្គាល់ គឺលោក Macky Sall បន្តកាន់តំណែង រហូតដល់អ្នកស្នងតំណែងរបស់លោក ត្រូវបានរៀបចំរួចរាល់។ អំឡុងពេលជជែកដេញដោលនៅក្នុងសភា នាពេលនេះ មានសេចក្តីរាយការណ៍អំពីការលើកឡើងរបស់សមាជិកសភានៃបក្សប្រឆាំង គឺលោក Abass Fall ដែលបាននិយាយថា «សូមកុំឱ្យមានភាពអាម៉ាស់ នៅក្នុងសភា..យើងចាកចេញ ដោយមោទនភាព»។ ភាពចលាចលក្នុងសភា ដែលមិនធ្លាប់មានពីមុនមកបែបនេះ…