ព្យុងយ៉ាង៖ កូរ៉េខាងជើងបាននិយាយ នៅថ្ងៃទី២២ ខែវិច្ឆិកាថា ខ្លួនបានទទួលជោគជ័យក្នុងការបាញ់ផ្កាយរណបចារកម្មយោធា នៅលើគន្លង បន្ទាប់ពីការបរាជ័យ ពីរលើកមុន។ ទីភ្នាក់ងារសារព័ត៌មានរដ្ឋរបស់កូរ៉េខាងជើង KCNA បានរាយការណ៍ថា «គ្រាប់រ៉ុក្កែតផ្ទុកផ្កាយរណបបានបាញ់បង្ហោះ កាលពីយប់ថ្ងៃអង្គារ សប្តាហ៍នេះ ចេញពីខេត្ត North Phyongan ដោយបានហោះតាមគន្លង ដែលបានកំណត់ ហើយបានបាញ់បញ្ជូនផ្កាយរណបឈ្លបយកការណ៍ ‘Malligyong-1’ នៅលើគន្លងរបស់វា យ៉ាងត្រឹមត្រូវ» ។ KCNA បានចេញផ្សាយទៀតថា មេដឹកនាំកូរ៉េខាងជើង លោក គីម ជុងអ៊ុន បានទៅដល់ទីតាំងបាញ់បង្ហោះផ្ទាល់ ហើយលោកបានអបអរសាទរដល់អ្នកវិទ្យាសាស្ត្រ និងអ្នកបច្ចេកទេសទាំងអស់ ដែលនៅពីក្រោយបេសកកម្មជោគជ័យនេះ។ យ៉ាងណាមិញ សហរដ្ឋអាមេរិកបានប្រកាសប្រាប់សម្ព័ន្ធមិត្តរបស់ខ្លួន មានដូចជា ជប៉ុន និងកូរ៉េខាងត្បូង ជាដើម រួមគ្នាថ្កោលទោសយ៉ាងឆាប់រហ័ស ចំពោះការបាញ់បង្ហោះនេះ ដោយអះអាងថា «វាជាការរំលោភបំពានយ៉ាងធ្ងន់ធ្ងរ» នៃទណ្ឌកម្មរបស់អង្គការសហប្រជាជាតិ ហើយបាននិយាយថា ការបង្ហោះផ្កាយរណបចារកម្មរបស់កូរ៉េខាងជើងបែបនេះ អាចធ្វើឲ្យតំបន់ មានអស្ថិរភាព។ មុនពេលជោគជ័យលើកនេះ កូរ៉េខាងជើងក៏ធ្លាប់បានប៉ុនប៉ងបញ្ជូនផ្កាយរណបចារកម្មនេះ ទៅក្នុងគន្លង កាលពីខែឧសភា និងខែសីហាដែរ ក៏ប៉ុន្តែ…

កៀវ៖ ក្រុមឧទ្ទាមហ៊ូទីយេម៉ែនដែលគាំទ្រដោយអ៊ីរ៉ង់ បានបញ្ចេញវីដេអូមួយ បង្ហាញពីសកម្មភាពរបស់ពួកគេ រឹបអូសកប៉ាល់ដឹកទំនិញមួយគ្រឿង ឈ្មោះថា Galaxy Leader ដែលមានទំនាក់ទំនងជាមួយអ៊ីស្រាអែល និងបាននាំទៅកាន់ឆ្នេរសមុទ្រយេម៉ែន។ ការបញ្ចេញវីដេអូរឹបអូសកប៉ាល់ដឹកទំនិញមួយគ្រឿង រួមទាំងក្រុមនាវិកអន្តរជាតិនៅលើនោះ ២៥នាក់កាលពីថ្ងៃអាទិត្យសប្តាហ៍មុន បានកើតឡើងតែប៉ុន្មានថ្ងៃប៉ុណ្ណោះ ក្រោយក្រុមចលនាប្រដាប់អាវុធហ៊ូទីយេម៉ែន បានគំរាមដាក់គោលដៅលើនាវា ឬកប៉ាល់របស់អ៊ីស្រាអែល ជាការឆ្លើយនឹងសង្គ្រាមរវាងអ៊ីស្រាអែល និងក្រុមហាម៉ាសនៅតំបន់ហ្គាហ្សា។ លោកឧត្តមសេនីយ អាលី អាល់ ម៉ូស្គី ដែលជាមន្ត្រីយោធាក្រុមហ៊ូទីយេម៉ែន បានប្រាប់ស្ថានីយទូរទស្សន៍ អាល់ ម៉ាស៊ីរ៉ាហ៍ ថា នាវា ឬកប៉ាល់អ៊ីស្រាអែល គឺជាគោលដៅស្របច្បាប់សម្រាប់ពួកយើងនៅគ្រប់ទីកន្លែង ហើយយើងនឹងមិនស្ទាក់ស្ទើរចាត់វិធានការទេ។ មន្ត្រីយេម៉ែនម្នាក់បាននិយាយថា ក្រុមហ៊ូទីបាននាំកប៉ាល់ដឹកទំនិញដែលរឹបអូសនោះ ទៅកាន់កំពង់ផែ សាលីហ្វ នៃទីក្រុង ហូដេដា ដែលគ្រប់គ្រងដោយក្រុម ហ៊ូទី។ រីឯខាងអ៊ីស្រាអែលបានបដិសេធថា កប៉ាល់នេះមិនមែនជាកម្មសិទ្ធិរបស់ខ្លួនទេ ហើយក៏មិនមានពលរដ្ឋអ៊ីស្រាអែលណាម្នាក់ស្ថិតនៅកប៉ាល់នេះនោះដែរ។ បើតាមអាជ្ញាធរអ៊ីស្រាអែល កប៉ាល់នេះជាកម្មសិទ្ធិនៃក្រុមហ៊ុនមួយរបស់អង់គ្លេស និងប្រតិបត្តិការដោយក្រុមហ៊ុនជប៉ុន ហើយបានចេញដំណើរចាកចេញពីតួកគី ឆ្ពោះទៅកាន់ប្រទេសឥណ្ឌា៕ ប្រភព៖ AFP ប្រែសម្រួលដោយ៖ ឈឹម ទីណា

ឡុងដ៍៖ វិមាន Downing Street បាននិយាយនៅថ្ងៃចន្ទថា ប្រធានាធិបតីកូរ៉េខាងត្បូង លោក យូន ស៊ុកយុល នឹងបើកការចរចាលើកិច្ចព្រមព្រៀងពាណិជ្ជកម្មសេរីថ្មីមួយជាមួយអង់គ្លេស ក្នុងអំឡុងដំណើរទស្សនកិច្ចផ្លូវរដ្ឋរបស់លោក រយៈពេលបីថ្ងៃក្នុងសប្តាហ៍នេះ។ ប្រធានាធិបតីកូរ៉េខាងត្បូង លោក យូន ស៊ុកយុល នឹងជួបពិភាក្សាទ្វេភាគី ជាមួយនាយករដ្ឋមន្រ្តីអង់គ្លេស រីសស៊ី ស៊ូណាក់ ហើយបើតាមវិមាន Downing Street ពាណិជ្ជកម្ម និងការវិនិយោគ គឺជារបៀបវារៈសំខាន់។ បន្ថែមលើនេះ រដ្ឋមន្រ្តីក្រសួងពាណិជ្ជកម្មអង់គ្លេស-កូរ៉េខាងត្បូង ក៏នឹងរៀបចំពិធីចុះហត្ថលេខាលើកិច្ចព្រមព្រៀងមួយ ដើម្បីចាប់ផ្តើមការចរចាលើកិច្ចព្រមព្រៀងពាណិជ្ជកម្មសេរី (FTA) និងឈានមុខគេលើពិភពលោក នៅក្នុងថ្ងៃពុធសប្តាហ៍នេះ។ លោក ស៊ូណាក់ និយាយថា នៅពេលដែលប្រទេសទាំងពីរផ្តោតលើការច្នៃប្រឌិត, ការប្រើប្រាស់បច្ចេកវិទ្យាថ្មីៗ និងការការពារសណ្តាប់ធ្នាប់ ដែលផ្អែកលើច្បាប់អន្តរជាតិនោះ អង់គ្លេស និងកូរ៉េខាងត្បូង គឺជាដៃគូមានលក្ខណៈដូចគ្នាពីធម្មជាតិ។ រដ្ឋាភិបាលទីក្រុងឡុងដ៍បានបញ្ជាក់ថា ដំណើរទស្សនកិច្ចរបស់លោក យូន នឹងទទួលបានការវិនិយោគ ២១ពាន់លានផោន ឬប្រហែល ២៦,២ពាន់លានដុល្លារ ពីក្រុមហ៊ុនកូរ៉េខាងត្បូងនៅចក្រភពអង់គ្លេស សម្រាប់ការគាំទ្រដល់គម្រោងកកើតឡើងវិញ និងប្រព័ន្ធហេដ្ឋារចនាសម្ព័ន្ធ។ យោងតាមតួលេខចុងក្រោយបានបង្ហាញថា ពាណិជ្ជកម្មប្រចាំឆ្នាំលើទំនិញ…

បាងកក៖ ក្រសួងការបរទេសថៃ នៅថ្ងៃអាទិត្យកន្លងទៅ បានបញ្ជាក់ថា ពលរដ្ឋថៃដែលកំពុងជាប់គាំងនៅភាគខាងជើងប្រទេសមីយ៉ាន់ម៉ា ប្រមាណ ២៥០នាក់ នឹងត្រូវបានជម្លៀសចេញតំបន់កំពុងមានជម្លោះរវាងកងកម្លាំងយោធាមីយ៉ាន់ម៉ា និងក្រុមប្រដាប់អាវុធជនជាតិភាគតិច តាមរយៈច្រកព្រំប្រទល់ជាមួយប្រទេសចិន។ ក្នុងសេចក្ដីរាយការណ៍មួយ ក្រសួងការបរទេសថៃ បានបញ្ជាក់ថា ខ្លួនបានរៀបចំយន្ដហោះចំនួន ២ នៅទីក្រុងគន់មីង (Kunming) ដើម្បីត្រៀមទទួលប្រជាជនដែលជម្លៀសខ្លួន មកទីក្រុងបាងកក។ ប្រជាជនទាំងនោះក៏នឹងត្រូវបានពិនិត្យមើលពីប្រវត្តិផ្ទាល់ខ្លួន ដើម្បីជៀសវាងបញ្ហាជួញដូរមនុស្សជាដើម។ ពលរដ្ឋថៃប្រមាណ ៤១នាក់ ក៏ត្រូវបានជម្លៀសចេញពីតំបន់ជម្លោះកាលពីថ្ងៃសៅរ៍ សប្ដាហ៍មុនរួចមកហើយ ដោយមានការជួយអន្ដរាគមន៍ពីរដ្ឋាភិបាលមីយ៉ាន់ម៉ា និងថៃផងដែរ។ បច្ចុប្បន្ន ពលរដ្ឋថៃប្រមាណ ២៦៦នាក់ត្រូវបានជម្លៀសចេញពីមីយ៉ាន់ម៉ា ត្រលប់មកប្រទេសថៃវិញ ក្រោយជម្លោះផ្ទុះឡើង និងរីករាលដាលកាន់តែខ្លាំងឡើងៗ។ គួរបញ្ជាក់ថា ជម្លោះរវាងយោធាមីយ៉ាន់ម៉ា និងក្រុមប្រដាប់អាវុធជនជាតិភាគតិច បានផ្ទុះឡើងតាំងពីចុងខែតុលា។ តំបន់ភាគខាងជើងរដ្ឋ Shan ដែលនៅជាប់ព្រំដែនជាមួយចិន និងសំបូរទៅដោយព្រៃក្រាស់ គឺជាតំបន់ដែលមានការប្រយុទ្ធក្ដៅគគុក។ ការប្រយុទ្ធគ្នាកំពុងខិតជិតទៅដល់ទីក្រុង Laukkai ដែលជាទីក្រុងល្បីល្បាញចំពោះល្បែងស៊ីសង ការផ្ដល់សេវាកម្មផ្លូវភេទ និងការបោកប្រាស់តាមរយៈអនឡាញជាដើម៕ ប្រភព៖ AFP ប្រែសម្រួលដោយ៖ សាន ស្រីលក្ខណ៍

អាមេរិក៖ លោក ដូណាល់ ត្រាំ ​អតីតប្រធានាធិបតីអាមេរិក និង​ជាបេក្ខភាពនាំមុខគេរបស់​គណ​បក្សសាធារណរដ្ឋ សម្រាប់កា​របោះឆ្នោតអាណត្តិខាងមុខ បាននិយាយកាលពីថ្ងៃទី១៨ វិច្ឆិកា​ថា ប្រសិនបើលោកជាប់ឆ្នោត រូបលោកនឹងផ្ដាច់កិ​ច្ចព្រមព្រៀងពាណិជ្ជកម្មប៉ាស៊ីហ្វិក ដែលបច្ចុប្បន្នកំពុង​ដឹកនាំដោយ លោកប្រធានាធិបតី ចូ បៃឌិន។​ ថ្លែងទៅកាន់អ្នកគាំទ្រនៅរដ្ឋអាយអូវ៉ា (Iowa)លោក ត្រាំ បាននិយាយថា លោកប្រឆាំងនឹងកិច្ចព្រមព្រៀង​ពាណិជ្ជកម្មដែលកំ​ពុងត្រូវបានចរចាដោយរដ្ឋបាល លោក បៃឌិន ជាមួយប្រទេសចំនួន ១៤ ផ្សេងទៀត ដោយលើកហេតុផលថា វានឹ​ង​រារាំងការផលិតរបស់សហរដ្ឋអាមេរិក និងបង្កឱ្យមាន​បញ្ហាបាត់បង់ការងារ។​ ដោយឡែក កិច្ចពិភាក្សាលើផ្នែកពាណិជ្ជកម្មនៃក្របខ័ណ្ឌសេដ្ឋកិច្ចឥណ្ឌូ-ប៉ាស៊ីហ្វិក (IPEF) មានបំណង​ធ្វើឱ្យតំប​ន់ប៉ាស៊ីហ្វិកមានលទ្ធភាពទប់ទល់នឹងឥទ្ធិពលពាណិជ្ជកម្មរបស់ប្រទេសចិន ប៉ុន្តែកិច្ចពិភាក្សាមិនទាន់ទទួលបានភា​ព​ជោគជ័យនៅឡើយទេ​ បន្ទាប់ពីប្រទេសមួយចំនួនរួមទាំង ​វៀតណាម និងឥណ្ឌូនេស៊ី បានបដិសេធមិនប្តេជ្ញាចំ​ពោះ​​ការទាមទារដែលមានចែងនៅក្នុង IPEF ។​ យ៉ាងណាមិញ ក្នុងពេលកាន់តំណែងជាប្រធានាធិបតីកាលពីឆ្នាំ ២០១៧ លោក ដូណាល់ ត្រាំ ធ្លាប់បានដកកិច្ចព្រ​មព្រៀងពាណិជ្ជកម្មនេះម្ដងរួចទៅហើយ។ក្នុងការនោះឆ្នោតប្រធានាធិបតី ឆ្នាំ២០២៤ខាងមុខ ប្រសិនបើលោកជា​ប់ឆ្នោត លោកនឹងសំដៅដកកិច្ចព្រមព្រៀងនេះមុនគេ។​ ថ្លែងក្នុងយុទ្ធនាការឃោសនាបោះឆ្នោតនៅរដ្ឋ Iowa ដដែល លោកត្រាំបានសង្កត់ធ្ងន់ថា ៖ «កិច្ចព្រមព្រៀងពាណិជ្ជក​ម្មឥណ្ឌូ-ប៉ាស៊ីហ្វិកនេះ…

សេអ៊ូល៖ ប្រធាន​គោល​នយោបាយ​គណបក្ស​កាន់​អំណាច​បាន​​ឱ្យ​ដឹង​​​ថា​ ប្រទេស​កូរ៉េ​ខាង​ត្បូង​មាន​បំណង​ហាម​ឃា​ត់​​ការ​បរិភោគ​សាច់សុនខ(​ឆ្កែ)​និង​បញ្ចប់​ភាព​ចម្រូង​ចម្រាស​លើ​ទំនៀម​ទម្លាប់បរិភោគ​​បុរាណមួយ​នេះ​​ ចំ​ពេល​ដែ​ល​ការ​យល់​ដឹង​អំពី​សិទ្ធិ​សត្វ​មាន​មាន​ការ​កើន​ឡើង​។ ​នេះ​បើ​តាម​ការ​ចុះ​ផ្សាយ​របស់​ទីភ្នាក់ងារ​សារព័ត៌មាន​រ៉យទ័រ​កាល​ពី​ថ្ងៃ​សៅរ៍​។ ​លោក​ Yu Eui-dong ​ប្រធាន​​គោល​នយោបាយ​​​នៃ​​គណបក្ស​​អំណាច​​​​ប្រជាជន​ដែល​​កំពុង​​កាន់​​អំណាច​និ​ង​ជា​សកម្មជន​សិទ្ធិ​សត្វ​បាន​​និយាយ​​ក្នុង​​កិច្ច​ប្រជុំ​​ជាមួយ​​មន្ត្រី​​រដ្ឋាភិបាល​កាល​ពី​ថ្ងៃ​សុក្រ​ទី​១៧ ខែ​វិច្ឆិកា​ ​ថា​​​៖​ «​​​វា​​ដល់​​ពេល​​ហើយ​​ដើម្បី​​បញ្ចប់​​ជម្លោះ​​សង្គម​ ​និង​​ភាព​ចម្រូង​ចម្រាស​​ជុំ​វិញ​​ការ​​ទទួ​ល​ទាន​​សាច់​​ឆ្កែ​ ​តា​ម​រយៈ​​ការ​អ​នុម័ត​​ទង្វើ​​ពិសេស​​មួយ​​ដើម្បី​​បញ្ចប់​​​វា​​​»​។ ​ ​លោក​ Yu ​បាននិយាយ​ថា​ រដ្ឋាភិបាល ​និង​គណបក្ស​កាន់​អំណាច​ នឹង​ដាក់​ចេញ​នូវ​សេចក្តី​ព្រាង​ច្បាប់​នៅ​ឆ្នាំ​នេះ​ ដើម្បី​អនុវត្ត​ការ​ហាម​ប្រាម​ ដោយ​បន្ថែម​ថា​ ​ច្បាប់​នេះ​គួរ​តែ​ឆ្លង​កាត់​សភា​ ដោយ​រំពឹង​ថា​នឹង​មាន​ការ​គាំទ្រ​ទ្វេ​ភាគី​។ ​​ ​រដ្ឋ​មន្ត្រី​ក្រសួង​កសិកម្ម​កូរ៉េខាង​ត្បូង​ លោក​ Chung Hwang-keun ​បាន​ប្រាប់​កិច្ច​ប្រជុំ​ថា​ រដ្ឋាភិបាល​នឹង​អនុវត្ត​ការ​ហាម​ឃាត់​​ឱ្យ​បាន​ឆាប់​រហ័ស​ និង​ផ្តល់​ការ​គាំទ្រ​​ខ្ពស់​សម្រាប់​អ្នក​​​ក្នុង​ឧស្សាហកម្ម​លក់​សាច់​ឆ្កែ​ឱ្យ​បិទ​​អាជីវកម្ម​របស់​ពួក​គេ​។​​ គួរ​​បញ្ជាក់​ដែរ​ថា​ ច្បាប់​ស្ដី​ពី​​ការ​ប្រឆាំង​ការ​បរិភោគ​សាច់​ឆ្កែ​​​មិន​អាច​អនុម័ត​ទៅ​បាន​ ដោយ​មាន​ការ​ប្រឆាំង​​តវ៉ា​ពី​សំណាក់​អ្នក​ពាក់​ព័ន្ធ​ក្នុង​ឧស្សាហកម្ម​ និង​​ការ​ព្រួយ​បារម្ភ​អំពី​ជីវភាព​របស់​កសិករ​ និង​ម្ចាស់​ភោជនីយដ្ឋាន​លក់​សាច់​សុនខផ្សេង​ៗ​។ យ៉ាង​ណា​មិញ​សេចក្ដី​ព្រាង​ច្បាប់​ថ្មី​នឹង​​​រួម​បញ្ចូល​រយៈ​ពេល​អនុ​គ្រោះ​រយៈ​ពេល​​បី​ឆ្នាំ​ និង​ការ​គាំទ្រ​ផ្នែក​ហិ​រញ្ញ​វត្ថុ​សម្រាប់​អ្នក​លក់​សាច់​ឆ្កែ​ឱ្យ​ប្ដូរ​អាជីវកម្ម​របស់​ខ្លួន​។ ​ គួរ​​​បញ្ជាក់​ថា​ ទម្លាប់​បរិភោគ​​សត្វ​​ឆ្កែ​​របស់​ប្រជាជន​កូរ៉េ​ កន្លង​មក​​បាន​​ទាញ​​ការ​​រិះ​គន់​​ពី​​បរទេស​​ចំពោះ​​អំពើ​​ឃោរឃៅ​​សម្លាប់​សត្វ​សុនខ ខណៈ​​ការ​​ប្រឆាំង​ក្នុង​ស្រុក​ ជា​ពិសេស​ពី​ក្មេង​ៗ​ជំនាន់​ក្រោយ​ក៏​កើន​ឡើង​កាន់​តែខ្លាំង​។ ទម្លាប់​ចាស់​គម្រិល​នេះ​ ត្រូវ​បាន​ប្រជាជន​កូរ៉េ​​ជឿ​ថា​ ​​ជា​វិធី​មួយ​ដើម្បី​យក​ឈ្នះ​កំដៅ​​នា​រដូ​វ​ក្តៅ​ ប៉ុន្តែ​បច្ចុប្បន្ន​មិន​សូវ​សម្បូរ​ដូច​មុន​នោះ​ទេ៕ ប្រែសម្រួល៖ហួន ឌីណា ប្រភព​៖ South Korea…

ប៉េកាំង៖កាលពីថ្ងៃទី១៥ ខែវិច្ឆិកា ឆ្នាំ២០២៣ អំឡុងពេលពិធីទទួលទានអាហារពេលល្ងាចជាមួយក្រុមថ្នាក់ដឹកនាំក្រុមហ៊ុនសារជីវកម្មធំៗអាមេរិកនៅទីក្រុងសាន់ហ្វ្រាន់ស៊ីស្កូ (San Francisco) ប្រធានាធិបតីចិន លោក ស៊ី ជីនពីង (Xi Jinping) បានធានាអះអាងទៅកាន់ពួកគេថា ប្រទេសចិនបានត្រៀមខ្លួនរួចជាស្រេចដើម្បីក្លាយជាដៃគូមិត្តភាពជាមួយសហរដ្ឋអាមេរិក ដោយសង្កត់ធ្ងន់លើឱកាសដ៏ច្រើនសម្រាប់កិច្ចសហប្រតិបត្តិការរវាងប្រទេសទាំងពីរ ។ការអះអាងរបស់លោក ស៊ី បែបនេះគឺដើម្បីស្ដារនូវទំនុកចិត្តរបស់ម្ចាស់អាជីវកម្មទាំងអស់ និងដើម្បីទាក់ទាញការវិនិយោគពីបរទេសផងដែរ។ នៅក្នុង​វេទិកា​កិច្ចសហប្រតិបត្តិការ​សេដ្ឋកិច្ច​អាស៊ី​ប៉ាស៊ីហ្វិក (APEC) ថ្នាក់ដឹកនាំក្រុមហ៊ុន​​អាមេរិកធំៗជាច្រើន​បាន​ជួប​ពិភាក្សា​ជាមួយ​លោក ស៊ី។ ជំនួបនេះបានធ្វើឡើងបន្ទាប់ពីមានការជជែកពិភាក្សាជាបន្តបន្ទាប់រវាងមេដឹកនាំចិន និងប្រធានាធិបតីសហរដ្ឋអាមេរិក លោក ចូ បៃដិន (Joe Biden) ដែលបានផ្តោតលើស្ថិរភាពទំនាក់ទំនងរវាងប្រទេសទាំងពីរដែលជាមហាអំណាចសេដ្ឋកិច្ចពិភពលោក។ គួរកត់សម្គាល់ថា លោក ស៊ី បាន​ទទួលការងើបឈរស្វាគមន៍ពីសំណាក់ថ្នាក់ដឹកនាំក្រុមហ៊ុនសហគ្រាសអាមេរិកចំនួន ៣ ដង ពោលគឺនៅ​ពេល​គាត់ដើរ​ចូល​ទៅ​ក្នុង​សាលទទួលទានអាហារម្ដង មុនពេលគាត់ឡើងថ្លែងសន្ទរកថាម្ដង និងពេលថ្លែងសន្ទរកថាចប់ម្ដង។ អំឡុងពេលថ្លែងសន្ទរកថា លោកបានសង្កត់ធ្ងន់លើសារៈសំខាន់នៃកិច្ចសហប្រតិបត្តិការរវាងប្រទេសចិន និងសហរដ្ឋអាមេរិក ដោយបានច្រានចោលគំនិតនៃការមើលឃើញប្រទេសចិនថាជាការគំរាមកំហែង។ លោក ស៊ី បានមានប្រសាសន៍ថា «បើទោះបីជាដំណាក់កាលនៃការអភិវឌ្ឍន៍ដែលខ្លួនអាចឈានដល់កម្រិតណាក៏ដោយ ប្រទេសចិននឹងមិនអនុវត្តគោលនយោបាយអនុត្តរភាព ឬការពង្រីកឥទ្ធិពលរបស់ខ្លួនឡើយ ជាពិសេសគឺចិនគ្មានឆន្ទៈក្នុងការដាក់សម្ពាធទៅលើប្រទេសណាមួយឡើយ»។ លោក ស៊ី បានបង្ហាញពីទំនុកចិត្តទៅលើអនាគតនៃទំនាក់ទំនងចិន និងអាមេរិក…