ថៃ៖ នាយករដ្ឋមន្រ្តីថៃ លោក ស្រេតថា ថាវីស៊ីន (Srettha Thavisin) បាននិយាយកាលពីថ្ងៃព្រហស្បតិ៍ទី ១៦ ខែវិច្ឆិកាថា រដ្ឋាភិបាលរបស់លោកកំពុងព្យាយាមអស់ពីសមត្ថភាពដើម្បីអនុវត្តគោលនយោបាយកាបូបឌីជីថល (Digital Wallet) ប៉ុន្តែលោកបានសារភាពថា លោកមិនអាចផ្គាប់ចិត្តមនុស្សគ្រប់គ្នាជាមួយនឹងគោលនយោបាយនេះបានទេ។ លោក ស្រេតថា ដែលបច្ចុប្បន្នកំពុងនៅសហរដ្ឋអាមេរិក ដើម្បីចូលរួមកិច្ចប្រជុំកំពូលនៃកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) បានផ្ដល់ការអត្ថាធិប្បាយលើការរិះគន់មួយចំនួនដែលបានលើកឡើងថា គម្រោងកាបូបឌីជីថលនេះនឹងខុសពីអ្វីដែលគណបក្សភឿថៃបានសន្យាក្នុងអំឡុងពេលធ្វើយុទ្ធនាការបោះឆ្នោត។ ផែនការអំពីកាបូបឌីជីថលនេះ គឺជាការសន្យាដ៏សំខាន់មួយនៅក្នុងយុទ្ធនាការបោះឆ្នោតរបស់គណបក្សភឿថៃ ពោលគឺជាការសន្យាផ្តល់ប្រាក់ចំនួនមួយម៉ឺនបាតដល់ប្រជាជនថៃគ្រប់រូបដែលមានអាយុលើសពី ១៦ ឆ្នាំ ដោយមិនគិតពីស្ថានភាពហិរញ្ញវត្ថុរបស់ពួកគេឡើយ។ ទន្ទឹមនេះបន្ទាប់ពីប្រឈមមុខនឹងការរិះគន់ រដ្ឋាភិបាលថៃដែលដឹកនាំដោយគណបក្សភឿថៃ បានសម្រេចកាត់បន្ថយចំនួនមនុស្សដែលមានសិទ្ធិទទួលបានប្រាក់ពីគម្រោងកាបូបឌីជីថលពី ៥៦ លាននាក់មកនៅត្រឹម ៥០ លាននាក់ ដោយពួកគេបានកំណត់លក្ខខណ្ឌថា អ្នកដែលអាចទទួលបានប្រាក់ពីកាបូបឌីជីថល ត្រូវតែជាអ្នកដែលមានប្រាក់ខែតិចជាង ៧ ម៉ឺនបាតក្នុងមួយខែ ឬមានប្រាក់សន្សំក្នុងធនាគារក្រោម ៥០ម៉ឺនបាត។ លោក សេរីថា លើកឡើងថា ប្រសិនបើរដ្ឋាភិបាលមិនស្តាប់មតិសាធារណៈ ហើយនៅតែបន្តអនុវត្តតាមការសន្យាក្នុងអំឡុងពេលឃោសនាបោះឆ្នោត នោះពួកគេក៏នឹងប្រឈមមុខជាមួយការរិះគន់ដូចគ្នា។ លោកបានមានប្រសាសន៍ថា «យើងកំពុងព្យាយាមធ្វើឱ្យអស់ពីសមត្ថភាពហើយ។ យើង​ត្រូវ​កែ​លម្អ និង​សម្រប​តាម​គ្រោងការណ៍​ឱ្យ​ស្រប​តាម​សំណើ​ពី​គ្រប់​វិស័យ»។ លោកបានបន្ថែមថា «ប៉ុន្តែដោយការព្យាយាមស្តាប់មតិទាំងអស់ យើងដឹងថាយើងមិនអាចផ្គាប់ចិត្តមនុស្សគ្រប់គ្នាបានទេ»។…

កៀវ៖ មេដឹកនាំអ៊ុយក្រែន នៅថ្ងៃព្រហស្បតិ៍សប្តាហ៍នេះ បានសម្តែងសុទិដ្ឋិនិយម អំពីកិច្ចប្រជុំកំពូលថ្មីៗនេះ រវាងប្រធានាធិបតីអាមេរិក លោក ចូ បៃដិន និងសមភាគីចិន លោក ស៊ី ជីនពីងន។ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បានប្រាប់អ្នកសារព័ត៌មាននៅទីក្រុងកៀវ ថា យើងយល់ថា កិច្ចប្រជុំកំពូលរវាងលោក បៃដិន និងលោក ស៊ី គឺជារឿងល្អសម្រាប់យើង បន្ទាប់ពីមេដឹកនាំអាមេរិក និងចិនបានពិភាក្សាគ្នានៅរដ្ឋកាលីហ្វ័រញ៉ា ជាទីដែលពួកលោកបានយល់ព្រមស្តារទំនាក់ទំនងយោធាឡើងវិញ។ យ៉ាងណាមិញ លោក ហ្សេលេនស្គី មិនអាចបញ្ជាក់បានទេ ថាតើលោក បៃដិន និងលោក ស៊ី បានពិភាក្សាគ្នាអំពីជម្លោះនៅអ៊ុយក្រែនដែរឬអត់។ ចិនបានបដិសេធមិនថ្កោលទោសការឈ្លានពានរបស់រុស្ស៊ីលើអ៊ុយក្រែន ហើយបានធ្វើឱ្យស៊ីជម្រៅលើកិច្ចសហប្រតិបត្តិការសេដ្ឋកិច្ច, ការទូត និងយោធាជាមួយរុស្ស៊ី ចាប់តាំងពីសង្គ្រាមចាប់ផ្តើមនៅខែកុម្ភៈ ឆ្នាំ២០២២។ ទន្ទឹមគ្នា សហរដ្ឋអាមេរិកបានដឹកនាំប្រទេសលោកខាងលិចគាំទ្រអ៊ុយក្រែននៅលើសមរភូមិ ដោយផ្តល់នូវកញ្ចប់ជំនួយផ្នែកហិរញ្ញវត្ថុ និងយោធាជាច្រើន។ ទោះបីជាយ៉ាណា ជំនួយការជិតស្និទ្ធរបស់លោក ហ្សេលេនស្គី គឺលោក មីខែលឡូ ប៉ូដូលីយ៉ាក នៅថ្ងៃព្រហស្បតិ៍នេះ បានសម្តែងសុទិដ្ឋិនិយមលើកិច្ចប្រជុំកំពូល…

ណៃពិដោ៖ អង្គការសហប្រជាជាតិ នៅថ្ងៃពុធសប្តាហ៍នេះ បានឱ្យដឹងថា មនុស្សជាង ២០០,០០០នាក់បានផ្លាស់ទីលំនៅ ដោយសារការប្រយុទ្ធគ្នានៅក្នុងប្រទេសមីយ៉ាន់ម៉ា បន្ទាប់ពីសម្ព័ន្ធភាពនៃក្រុមជនជាតិភាគតិចបានបើកការវាយលុកប្រឆាំងនឹងយោធាកាលពីខែមុន។ ការិយាល័យអង្គការសហប្រជាជាតិ សម្រាប់ការសម្របសម្រួលកិច្ចការមនុស្សធម៌ (UNOCHA) បាននិយាយថា គិតត្រឹមថ្ងៃពុធសប្តាហ៍នេះ មនុស្សច្រើនជាង ២០០,០០០នាក់នៅទូទាំងរដ្ឋសា, ឈីន, កាយ៉ា, ម៉ុន និងសាហ្គាន បានបង្ខំចិត្តភៀសខ្លួនពីផ្ទះសម្បែងរបស់ពួកគេ ដោយសារតែការប្រយុទ្ធគ្នារវាងកងកម្លាំងរដ្ឋាភិបាល និងក្រុមដាប់អាវុធជនជាតិភាគតិច។ ការិយាល័យ UNOCHA បន្ថែមថា យ៉ាងហោចណាស់ជនស៊ីវិល ៧៥នាក់ រួមទាំងកុមារត្រូវបានសម្លាប់ និងមនុស្ស ៩៤នាក់ទៀតបានរងរបួសនៅក្នុងការប្រយុទ្ធគ្នានេះ។ គួរបញ្ជាក់ថា ការប្រយុទ្ធគ្នាបានផ្ទុះឡើងចាប់តាំងពីថ្ងៃទី២៧ ខែតុលា នៅទូទាំងរដ្ឋសាន ភាគខាងជើងក្បែរព្រំដែនប្រទេសចិន បន្ទាប់ពីកងទ័ពសម្ព័ន្ធភាពប្រជាធិបតេយ្យជាតិមីយ៉ាន់ម៉ា (MNDAA), កងទ័ពរំដោះជាតិតាអាំង (TNLA) និងកងទ័ពអារ៉ាកាន (AA) បានបើកការវាយប្រហារលើកងកម្លាំងរដ្ឋាភិបាលយោធា។ ក្រុមបះបោរប្រដាប់អាវុធខាងលើនេះ បានបិទផ្លូវពាណិជ្ជកម្មសំខាន់ៗទៅកាន់ប្រទេសចិន និងបានរឹបអូសយកមជ្ឈមណ្ឌលព្រំដែនមួយ នៅក្នុងអ្វីដែលអ្នកវិភាគនិយាយថា ជាការប្រឈមមុខផ្នែកយោធាដ៏ធំបំផុតចំពោះរបបយោធា ចាប់តាំងពីខ្លួនបានដណ្តើមអំណាចនៅឆ្នាំ២០២១៕ ប្រភព៖ AFP ប្រែសម្រួលដោយ៖ ឈឹម ទីណា

វ៉ាស៊ីងតោន ឌីស៊ី៖ ប្រធានាធិបតីឥណ្ឌូណេស៊ី លោក Joko Widodo បានជំរុញប្រធានាធិបតីអាមេរិក ឲ្យធ្វើសកម្មភាពបន្ថែមទៀត ដើម្បីបញ្ចប់នូវអ្វីដែលលោកហៅថា «អំពើសាហាវឃោរឃៅ» នៅក្នុងតំបន់ហ្គាហ្សា និងជួយនាំមកនូវបទឈប់បាញ់មួយ។ ជាការស្នើដោយទទូច ក្នុងពេលដែលលោក Joko Widodo បំពេញទស្សនកិច្ចនៅអាមេរិក ហើយទទួលបានការស្វាគមន៍ នៅសេតវិមាន កាលពីថ្ងៃចន្ទ ដើមសប្តាហ៍នេះ។ ក្នុងពេលចូលជួបពិភាក្សាការងារជាមួយ លោក Jo Biden ប្រធានាធិបតីអាមេរិក លោក Widodo ដែលជាមេដឹកនាំប្រទេសមានប្រជាជនភាគច្រើនកាន់សាសនាឥស្លាម នៅលើពិភពលោក បាននិយាយថា «ឥណ្ឌូនេស៊ីអំពាវនាវដល់សហរដ្ឋអាមេរិក ឱ្យធ្វើបន្ថែមទៀត ដើម្បីបញ្ឈប់អំពើឃោរឃៅ នៅក្នុងតំបន់ហ្គាហ្សា»។ លោកបានបន្តថា «បទឈប់បាញ់គឺជាកត្តាចាំបាច់ សម្រាប់មនុស្សជាតិ»។ មេដឹកនាំឥណ្ឌូនេស៊ីរូបនេះធ្លាប់បានអះអាង នៅមុនជំនួបថា លោកក៏នឹងនាំយកជូនលោក Biden នូវ «សារដ៏សំខាន់មួយ» របស់ស្មារតីកិច្ចប្រជុំកំពូលរួមនៃមេដឹកនាំអារ៉ាប់ និងមូស្លីម នៅទីក្រុង Riyadh កាលពីចុងសប្តាហ៍ ដែលបានថ្កោលទោសអ៊ីស្រាអែល និងបានអំពាវនាវឱ្យមានបទឈប់បាញ់។ លោក Widodo ក៏បាននិយាយផងដែរថា លោកក៏បញ្ជូនសារជាក់លាក់មួយពីប្រធានាធិបតី…

បាងកក៖ ចំនួនអ្នកស្លាប់របស់ជនជាតិថៃដែលធ្វើការក្នុងប្រទេសអ៊ីស្រាអែល បានកើនឡើងដល់ ៣៩នាក់ នេះបើយោងតាមការបញ្ជាក់ពីក្រសួងការបរទេសថៃ (MFA)។ ស្ថានទូតថៃប្រចាំនៅទីក្រុងតែល អាហ្វីវ បានរាយការណ៍អំពីព័ត៌មាននេះកាលពីថ្ងៃអាទិត្យសប្តាហ៍មុន បន្ទាប់ពីការកំណត់អត្តសញ្ញាណពលរដ្ឋថៃចំនួន ៥នាក់បន្ថែមទៀត ក្នុងចំណោមជនរងគ្រោះដែលរាយការណ៍ដោយអាជ្ញាធរអ៊ីស្រាអែល។ គិតមកទល់ពេលនេះ ក្រៅពីចំនួនជនជាតិថៃស្លាប់នៅប្រទេសអ៊ីស្រាអែល ដែលកើនដល់ ៣៩នាក់ ក៏មានជនជាតិថៃ ១៩នាក់រងរបួស និង ២៥នាក់ផ្សេងទៀតត្រូវបានចាប់ជាចំណាប់ខ្មាំងផងដែរ។ រដ្ឋលេខាធិការអចិន្ត្រៃយ៍ការងាររបស់ប្រទេសថៃ លោក Pairote Chotikasathien បានឱ្យដឹងថា ពលករថៃជាង ៦,០០០នាក់បានដាក់ពាក្យស្នើសុំសំណងពីមូលនិធិជួយដល់ពលករនៅបរទេស។ ហើយប្រហែលពាក់កណ្តាលនៃពាក្យសុំទាំងនេះត្រូវបានដំណើរការ ដោយអ្នកដែលនៅសល់រំពឹងថា នឹងទទួលបានសំណងចំនួន ១៥,០០០បាតក្នុងសប្ដាហ៍ខាងមុខ។ បន្ថែមលើនេះ ក្រុមកម្មករដែលវិលត្រឡប់មកផ្ទះវិញ នឹងទទួលបានប្រាក់សំណងបន្ថែមចំនួន ៥០,០០០បាតក្នុងម្នាក់ៗ ដែលនេះជាវិធានការអនុម័តជាគោលការណ៍ដោយនាយករដ្ឋមន្ត្រីថៃ។គួរបញ្ជាក់ថា មុនការវាយឆ្មក់ឆ្លងព្រំដែនដោយក្រុមប៉ាឡេស្ទីនហាម៉ាសនៅថ្ងៃទី០៧ ខែតុលា ពលករថៃប្រមាណ ៣០,០០០នាក់រស់នៅក្នុងប្រទេសអ៊ីស្រាអែល។ ចាប់តាំងពីពេលនោះមក ប្រហែល ៨,០០០នាក់បានធ្វើមាតុភូមិនិវត្តន៍ ខណៈដែលជាង ២០,០០០នាក់បានជ្រើសរើសស្នាក់នៅអ៊ីស្រាអែល បើទោះបីជាជម្លោះកាន់តែរីកធំឡើងក៏ដោយ។ កិច្ចខិតខំប្រឹងប្រែងសម្រាប់ការដោះលែងចំណាប់ខ្មាំងនៅតែបន្ត ដោយរដ្ឋមន្ត្រីការបរទេសថៃ លោក Parnpree Bahiddha-Nukara បានបង្ហាញសុទិដ្ឋិនិយមកាលពីសប្តាហ៍មុនថា ចំណាប់ខ្មាំងថៃត្រូវបានគេរំពឹងថា នឹងស្ថិតក្នុងចំណោមចំណាប់ខ្មាំងប្រហែល ២៥០នាក់ដំបូងដែលនឹងត្រូវដោះលែង…

សិង្ហបុរី៖ អតីតរដ្ឋមន្ត្រីការបរទេសសហរដ្ឋអាមេរិក លោកស្រី ហ៊ីលឡារី គ្លីនតុន បាននិយាយ កាលពីថ្ងៃព្រហស្បតិ៍ សប្តាហ៍នេះថា ភាពជាអ្នកដឹកនាំថ្មីរបស់អ៊ីស្រាអែល និងប៉ាឡេស្ទីន គឺត្រូវការចាំបាច់ សម្រាប់ឱកាសណាមួយ នៅក្នុងកិច្ចព្រមព្រៀងសន្តិភាព រយៈពេលវែង ជាពិសេស ដំណោះស្រាយរដ្ឋពីរ ចំពោះជម្លោះ នៅមជ្ឈិមបូព៌ា។ លោកស្រី គ្លីនតុន បាននិយាយថា «ក្រុមហាម៉ាសមិនមែនជាដៃគូ សម្រាប់សន្តិភាព ឬ ដំណោះស្រាយរដ្ឋណាមួយនោះទេ» ប៉ុន្តែលោកស្រីបានបន្ថែមទៀតថា «អាជ្ញាធរប៉ាឡេស្ទីន និងភាពជាអ្នកដឹកនាំថ្មី នៅតំបន់ហ្គាហ្សាស្ទ្រីប បន្ទាប់ពីសង្គ្រាម អាចនឹងកើតឡើង»។ អតីតអ្នកការទូតអាមេរិកកំពូលរូបនេះបានថ្លែងដូច្នេះ តាមរយៈវីដេអូ នៅឯវេទិកាសេដ្ឋកិច្ចថ្មី របស់ Bloomberg ក្នុងប្រទេសសិង្ហបុរី អំឡុងការសន្ទនា ជាមួយនិពន្ធនាយករបស់ Bloomberg គឺលោក John Micklethwait ។ នៅពេលសួរថាតើ នាយករដ្ឋមន្ត្រីអ៊ីស្រាអែល លោក Benjamin Netanyahu នឹងក្លាយជាដៃគូដ៏មានសក្តានុពលសម្រាប់ដំណោះស្រាយរដ្ឋពីរ ឬអត់នោះ លោកស្រីបានឆ្លើយតបថា «ខ្ញុំមិនគិតថាមានភស្តុតាងណាមួយ បញ្ជាក់ថាអាចទៅរួចទេ.. ខ្ញុំគិតថា…