ម៉ានីល៖ អាជ្ញាធរបាននិយាយនៅថ្ងៃទី២៨ ខែតុលា ឆ្នាំ២០២៣ថា ប៉ូលិសហ្វីលីពីនបានចាប់ខ្លួនមនុស្សជិត ៦០០នាក់ ក្នុងអំឡុងពេលវាយឆ្មក់ប្រឆាំងនឹងអ្វីដែលគេសង្ស័យថា ជាការជួញដូរមនុស្ស និងប្រតិបត្តិការឆបោកតាមប្រព័ន្ធអ៊ីនធើណិតនៅទីក្រុងម៉ានីល។ អគ្គលេខាធិការយុត្តិធម៌ហ្វីលីពីន លោក គ្រីស្ពីន រីម៊ូឡា បានប្រាប់អ្នកយកព័ត៌មានថា អាជ្ញាធរកំពុងសម្ភាសន៍អ្នកជាប់ឃុំចំនួន ៥៩៨នាក់ ដើម្បីកំណត់ថាតើអ្នកណាជាជនរងគ្រោះ ឬជនសង្ស័យ ពាក់ព័ន្ធនឹងករណីជួញដូរមនុស្ស និងការឆបោកតាមប្រព័ន្ធអ៊ីនធើណិត។ លោក រីម៊ូឡា បាននិយាយថា វាជាប្រតិបត្តិការវាយឆ្មក់ទ្រង់ទ្រាយធំ ដើម្បីបង្ក្រាបប្រតិបត្តិការស្វែងរកលុយ ពីការជួញដូរមនុស្ស។ គណៈកម្មាធិការប្រឆាំងឧក្រិដ្ឋកម្មរបស់ប្រធានាធិបតីហ្វីលីពីន (PAOCC) បានបញ្ជាក់នៅក្នុងសេចក្តីថ្លែងការណ៍មួយថា ជនជាតិចិន, កូរ៉េ,វៀតណាម និងហ្វីលីពីន ស្ថិតក្នុងចំណោមមនុស្សដែលត្រូវបានរកឃើញ ក្នុងអំឡុងពេលប្រតិបត្តិការវាយឆ្មក់នៅយប់ថ្ងៃសុក្រសប្តាហ៍នេះ។ ការព្រួយបារម្ភជាអន្តរជាតិបាននឹងកំពុងកើនឡើង ជុំវិញការបោកប្រាស់តាមប្រព័ន្ធអ៊ីនធើណិតនៅក្នុងតំបន់អាស៊ីប៉ាស៊ីហ្វិក ជាពិសេស ពាក់ព័ន្ធនឹងការប្រើប្រាស់រូបិយបណ្ណឌីជីថលគ្រីបតូ។ តួយ៉ាង កាលពីខែមិថុនាកន្លងទៅ មនុស្សច្រើនជាង ២,៧០០នាក់ត្រូវបានចាប់ខ្លួន ក្នុងកំលុងពេលវាយឆ្មក់ក្នុងអគារជាច្រើនក្នុងរដ្ឋធានីម៉ានីល៕ ប្រភព៖ AFP ប្រែសម្រួលដោយ៖ ឈឹម ទីណា

ដាកា៖ មន្រ្តីប៉ូលិសនិយាយថា អ្នកគាំទ្រជាង ១០០,០០០នាក់នៃគណបក្សប្រឆាំងធំៗរបស់ប្រទេសបង់ក្លាដែស ប្រមូលផ្តុំគ្នានៅក្នុងរដ្ឋធានីដាកា នៅថ្ងៃទី២៨ ខែតុលា ឆ្នាំ២០២៣ ទាមទារឱ្យនាយករដ្ឋមន្ត្រីបង់ក្លាដេស លោកស្រី សេដ្ឋ ហាស៊ីណា ចុះចេញពីតំណែង ដើម្បីអនុញ្ញាតឱ្យមានការបោះឆ្នោតដោយសេរី និងយុត្តិធម៌ក្រោមរដ្ឋាភិបាលអព្យាក្រឹត។ ការប្រមូលផ្តុំគ្នាទ្រង់ទ្រាយធំនៅថ្ងៃសៅរ៍សប្តាហ៍នេះ ធ្វើឡើងដោយអ្នកគាំទ្រនៃគណបក្សជាតិនិយមបង់ក្លាដែស (BNP) និងគណបក្សអ៊ីស្លាមនិយមធំជាងគេគឺ Jamaat-e-Islami ក្នុងគោលបំណងទាមទារឱ្យនាយករដ្ឋមន្ត្រីបង់ក្លាដេស លោកស្រី សេដ្ឋ ហាស៊ីណា ចុះចេញពីតំណែង ហើយអនុញ្ញាតឱ្យមានការបោះឆ្នោតឡើងវិញ។ ទន្ទឹមគ្នា យ៉ាងហោចណាស់ប៉ូលិស ១០,០០០នាក់ត្រូវបានដាក់ពង្រាយ ដើម្បីការពារអំពើហិង្សា ប៉ុន្តែក្រុមមន្រ្តីបានប៉ះទង្គិចជាមួយក្រុមបាតុកររាប់រយនាក់នៅក្នុងសង្កាត់កាករ៉ែល នៅមុខព្រះវិហារកាតូលិកដ៏ធំបំផុតមួយរបស់ទីក្រុងដាកា ដោយប៉ូលិសបានបាញ់ឧស្ម័នបង្ហូរទឹកភ្នែក និងគ្រាប់កៅស៊ូ។អ្នកនាំពាក្យប៉ូលិសក្រុងដាកា លោក Faruk Hossain បានប្រាប់កាសែត AFP ថា មន្ត្រីម្នាក់បានស្លាប់ និងជាង ១០០នាក់រងរបួស។ សូមជម្រាបថា លោកស្រី ហាស៊ីណា ដែលជាកូនស្រីរបស់អតីតមេដឹកនាំ និងជាស្ថាបនិករបស់ប្រទេសបង់ក្លាដែស បានកាន់អំណាចអស់រយៈពេល ១៥ឆ្នាំ និងបានធ្វើឲ្យប្រទេសមានកំណើនសេដ្ឋកិច្ចយ៉ាងឆាប់រហ័ស ប៉ុន្តែក្រោយពេលអតិផរណាកើនឡើង រដ្ឋាភិបាលរបស់លោកស្រីបានរងការចោទប្រកាន់ពីបទពុករលួយ និងការរំលោភសិទ្ធិមនុស្ស៕ ប្រភព៖…

ដាក្កា៖ មនុស្ស យ៉ាងតិច១៥ នាក់បានស្លាប់ និង ១០០ នាក់ផ្សេងទៀតបានរងរបួស បន្ទាប់ពីរថភ្លើងពីរបានបុកគ្នា នៅក្នុងប្រទេសបង់ក្លាដែស។ មន្ត្រីបាននិយាយថា ហេតុការណ៍នេះបានកើតឡើង នៅក្នុងទីក្រុង Bhairab ចម្ងាយប្រហែល ៦០ គីឡូម៉ែត្រ ពីរដ្ឋធានីដាក្កា កាលពីថ្ងៃចន្ទ ដើមសប្តាហ៍នេះក្នុងនោះ រថភ្លើងដឹកទំនិញបានបុក ជាមួយរថភ្លើងដឹកអ្នកដំណើរ ដែលកំពុងធ្វើដំណើរ ក្នុងទិសដៅផ្ទុយគ្នា ហើយបានក្រឡាប់ទូរថភ្លើងដឹកអ្នកដំណើរ ចំនួនពីរ។ មន្ត្រីរដ្ឋាភិបាល បានប្រាប់ AFP ថា អាជ្ញាធរបានរកឃើញសាកសពចំនួន ១៥ នាក់ ហើយមនុស្សជាង១០០នាក់បានរងរបួស ហើយបារម្ភថា ចំនួនមនុស្សស្លាប់អាចនឹងកើនឡើង។ គួរបញ្ជាក់ថា គ្រោះថ្នាក់រថភ្លើងបានកើតមានញឹកញាប់ នៅក្នុងប្រទេសបង់ក្លាដែស បង្កឡើងដោយការធ្វេសប្រហែស ផ្លូវដែកចាស់ ឬហេដ្ឋារចនាសម្ព័ន្ធផ្សេងៗទៀត ខូច ជាដើម៕ ប្រភពពី AFP ប្រែសម្រួល៖ សារ៉ាត

(ភ្នំពេញ)៖ លោកជំទាវ គឹម សេដ្ឋានី រដ្ឋលេខាធិការ ប្រចាំការ នៃក្រសួងអប់រំ យុវជន និងកីឡា និងជាតំណាងដ៏ខ្ពង់ខ្ពស់របស់ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានទទួលជួបសម្ដែងការគួរសម និងសំណេះសំណាលការងារកិច្ចសហប្រតិបត្តិការក្នុងវិស័យអប់រំ ជាមួយសមាគមន៍កាតូលិកនៅកម្ពុជាដឹកនាំ ដោយលោកអភិបាល Olivier និងលោក PeterBryan ឯកអគ្គរដ្ឋទូតនៃប្រទេសវ៉ាទីកង់ ប្រចាំតំបន់ (ថៃកម្ពុជាឡាវ) ៖កាលពីរសៀលថ្ងៃទី២៤ ខែតុលា ឆ្នាំ២០២៣ នៅទីស្តីការក្រសួង ។ ក្នុងជំនួបនេះលោក PeterBryan ឯកអគ្គរដ្ឋទូតទូតនៃប្រទេស វ៉ាទីកង់ ប្រចាំតំបន់ (ថៃកម្ពុជាឡាវ) បានឲ្យដឹងថាសមាគម កាតូលិក នៅតែបន្តប្ដេជ្ញាចូលរួមគាំទ្រវិស័យអប់រំ នៅកម្ពុជាហើយលោករំពឹងថា នឹងអាចបន្តពង្រីក និងពង្រឹងសហប្រតិបត្តិការជាមួយក្រសួងអប់រំ យុវជន និងកីឡា បន្ថែមទៀតលើផ្នែកជាច្រើនដូចជាវិស័យកីឡា និងសិល្បៈ។ តបនឹងការលើកឡើងខាងលើ លោកជំទាវរដ្ឋលេខាធិការ ប្រចាំការបានថ្លែងអំណរគុណ និងវាយតម្លៃខ្ពស់ចំពោះកិច្ច សហប្រតិបត្តិការ និងការគាំទ្រជាច្រើនក្នុងវិស័យអប់រំ យុវជន…