បរទេស ៖ អង្គការសុខភាពពិភពលោក ហៅកាត់ WHO បានប្រកាសឲ្យដឹងថា ទំហំទឹកប្រាក់ យ៉ាងហោចណាស់ ១០ពាន់លានដុល្លារ ត្រូវការជាចាំបាច់ ទើបអាចកសាងប្រព័ន្ធសុខាភិបាល នៅក្នុងតំបន់ Gaza ឡើងវិញបាន។ លោក Rik Peeperkorn តំណាងរបស់អង្គការសុខភាពពិភពលោក ប្រចាំនៅទឹកដីប៉ាឡេស្ទីន បានឲ្យដឹងថា យោងតាមការវាយតម្លៃរបស់អង្គការសុខភាពពិភពលោក ត្រូវចំណាយទឹកប្រាក់ យ៉ាងហោចណាស់ ១០ពាន់លានដុល្លារ ទើបអាចកសាងឡើងវិញ នូវប្រព័ន្ធសុខាភិបាល ដែលត្រូវបានបំផ្លិចបំផ្លាញ ដោយសារសង្គ្រាមនៅតំបន់ហ្គាហ្សា អំឡុងរយៈពេលចន្លោះ ពី៥ ទៅ ៧ឆ្នាំ ខាងមុខ។ លោក Rik Peeperkorn បាននិយាយថា «តម្រូវការនេះ គឺធំធេងណាស់»។ លោកបានបន្ថែមថា «ការផ្តោតអារម្មណ៍ ក្នុងរយៈពេលខាងមុខនេះ គួរផ្តោតខ្លាំង លើជំនួយមនុស្សធម៌ ក៏ដូចជា ប្រព័ន្ធសុខភាព ផងដែរ»។ ទន្ទឹមនឹងនោះ ប្រធានអង្គការសុខភាពពិភពលោក លោក Tedros Adhanom Ghebreyesus បាននិយាយថា «តិចជាងពាក់កណ្តាលនៃមន្ទីរពេទ្យសរុប…

បរទេស៖ មេដឹកនាំរបស់ចក្រភពអង់គ្លេស និងអ៊ុយក្រែន កាលពីថ្ងៃព្រហស្បតិ៍ បានចុះហត្ថលេខា លើកិច្ចព្រមព្រៀងពង្រឹងកិច្ចសហប្រតិបត្តិការយោធា «សម្គាល់១០០ឆ្នាំ» ដែលជាការសន្យាពង្រឹងទំនាក់ទំនងការពារជាតិ រវាងប្រទេសទាំងពីរ។ កិច្ចព្រមព្រៀងនេះ ត្រូវបានចុះហត្ថលេខា ក្នុងអំឡុងពេលដំណើរទស្សនកិច្ច របស់នាយករដ្ឋមន្ត្រីចក្រភពអង់គ្លេស លោក Keir Starmer ទៅកាន់ទីក្រុងគៀវ ប្រទេសអ៊ុយក្រែន។ លោក Keir Starmer បានប្រាប់អ្នកយកព័ត៌មាន នៅទីនោះថា «យើងរួមគ្នា ចុះហត្ថលេខាលើកិច្ចព្រមព្រៀង ដ៏សំខាន់មួយ ដែលជាប្រភេទកិច្ចព្រមព្រៀងដំបូងបំផុត សំដៅលើភាពជាដៃគូថ្មី រវាងចក្រភពអង់គ្លេស និងអ៊ុយក្រែន ដែលឆ្លុះបញ្ចាំង ពីក្តីស្រឡាញ់ដ៏ធំធេង រវាងប្រជាជាតិទាំងពីរ»។ ប្រធានាធិបតីអ៊ុយក្រែន លោក Volodymyr Zelensky បានសាទរចំពោះកិច្ចព្រមព្រៀង «១០០ឆ្នាំ» នេះ ហើយលោកថែមទាំងបាននិយាយ រំលេចពីក្តីសង្ឃឹមថា នឹងមានកិច្ចព្រមព្រៀង ស្រដៀងគ្នានេះ ជាមួយសម្ព័ន្ធមិត្តផ្សេងៗទៀត។ លោក Zelensky បាននិយាយទៀតថា «ទំនាក់ទំនង រវាងអ៊ុយក្រែន និងចក្រភពអង់គ្លេស ឥឡូវនេះ មានភាពជិតស្និទ្ធ ជាងពេលណាៗទាំងអស់»។ ចក្រភពអង់គ្លេស…

បរទេស ៖ ភ្លើងឆេះព្រៃនៅសហរដ្ឋអាមេរិក បានរាលដាលឆាបឆេះ បំផ្លិចបំផ្លាញផ្ទះប្រណីតៗ តម្លៃរាប់សិបលានដុល្លារ នៅតំបន់ឆ្នេរ Malibu តាមបណ្តោយផ្លូវហាយវេ នៃទីក្រុង Los Angeles រដ្ឋ California ជាផ្នែកនៃឆ្នេរសមុទ្រប៉ាស៊ីហ្វិក។ ផ្ទះបណ្តោយឆ្នេរ នៅតាមមាត់សមុទ្រ ដែលគួរអោយចាប់អារម្មណ៍ជាច្រើន និងភោជនីយដ្ឋានដ៏អស្ចារ្យ សរុប១២៨០កន្លែង ឥឡូវនេះ ត្រូវបានបំផ្លាញ ដោយនៅសល់តែ ១៤ភាគរយ ប៉ុណ្ណោះ មិនត្រូវបានឆេះ ដោយបានផ្តល់ផលប៉ះពាល់ ដល់អ្នកស្រុកយ៉ាងខ្លាំង។ ក្នុងចំណោមផ្ទះទាំងនេះ ក៏មានផ្ទះរបស់តារាល្បីៗ និងបុគ្គលិកមានឥទ្ធិពល ក្នុងសង្គមអាមេរិក ផងដែរ។ គួរបញ្ជាក់ថា មនុស្សរាប់ម៉ឺននាក់ត្រូវបានបញ្ជាឱ្យភៀសខ្លួន ចេញពីផ្ទះរបស់ពួកគេ ខណៈដែលភ្លើងឆេះព្រៃបានឆាបឆេះពេញទីក្រុង Los Angeles រហូតមកដល់ថ្ងៃព្រហស្បតិ៍។ ពួកគេនឹងមិនត្រូវបានអនុញ្ញាតឱ្យត្រឡប់មកវិញ យ៉ាងហោចណាស់មួយសប្តាហ៍ ដោយមានការភ័យខ្លាច ចំពោះចរន្តអគ្គិសនី ការរអិលបាក់ដី និងការប៉ះពាល់ ពីសារធាតុពុល។ ក្រុមមន្ត្រីបាននិយាយថា ផ្ទៃដីព្រៃចំនួន១៦,០០០ហិកតា ត្រូវបានឆេះ នៅក្នុងគ្រោះអគ្គិភ័យ ដ៏សាហាវនេះ ខណៈដែលស្ថានភាព នៅតែមានគ្រោះថ្នាក់ខ្លាំង បើទោះបីជា…

តូក្យូ ៖ ភ្ញៀវទេសចរបរទេសទៅលេងប្រទេសជប៉ុនកាលពីឆ្នាំ ២០២៤ បានចាយវាយកើនឡើងខ្ពស់បំផុត រហូតបំបែកកំណត់ត្រាកាលពីឆ្នាំមុនៗ ដោយពាំនាំប្រាក់ចំណូលចាក់បញ្ចូលទៅក្នុងសេដ្ឋកិច្ចជប៉ុនជាង ៥០ពាន់លានដុល្លារ។ ស្របពេលជាមួយគ្នានេះដែរ ចំនួនភ្ញៀវទេសចរបរទេសក៏បានហក់ឡើងរហូតដល់ ៣៦លាននាក់ផងដែរ ដែលនេះជាកម្រិតខ្ពស់បំផុតថ្មីមួយ ជំរុញដោយប្រាក់យ៉េនធ្លាក់ចុះទាប និងការបើកដំណើរការជើងហោះទៅកាន់ប្រទេសជប៉ុនឡើងវិញ បន្ទាប់ពីការរាតត្បាតនៃជំងឺកូវីដ-១៩។ តួលេខបឋមពីទីភ្នាក់ងារទេសចរណ៍ជប៉ុនបានបង្ហាញថា ភ្ញៀវទេសចរបរទេសបានចំណាយប្រាក់សរុបចំនួន ៥០.៨ពាន់លានដុល្លារទៅលើការស្នាក់នៅ, ការដើរទិញឥវ៉ាន់ និងការចំណាយផ្សេងទៀតកាលពីឆ្នាំ ២០២៤ កើនឡើងលើសកំណត់ត្រាពីមុន ដែលមានត្រឹមតែជាង ៣៤ពាន់លានដុល្លារកាលពីឆ្នាំ ២០២៣។ យោងតាមអង្គការទេសចរណ៍ជាតិជប៉ុនបានឱ្យដឹងថា ភ្ញៀវទេសចរបរទេសចំនួន ៣៦.៨៧លាននាក់បានទៅលេងកំសាន្តប្រទេសជប៉ុនក្នុងឆ្នាំ ២០២៤ ដែលនេះជាការធ្វើដំណើរខ្ពស់បំផុត ក្នុងនោះរដូវកាលគយគន់សម្រស់ផ្កាសាគូរ៉ា និងរដូវស្លឹកឈើជ្រុះបានរួមចំណែកជំរុញដល់កំណើនភ្ញៀវទេសចរប្រចាំឆ្នាំដែលមកពីប្រទេសគោលដៅចំនួន២០ ហើយនេះជាការបង្កើតកំណត់ត្រាខ្ពស់បំផុតថ្មីមួយ។ ចំនួនភ្ញៀវទេសចរបរទេសទៅលេងប្រទេសជប៉ុនច្រើនជាងគេក្នុងឆ្នាំ ២០២៤ គឺកូរ៉េខាងត្បូងមានចំនួន ៨.៨២លាននាក់ បន្ទាប់មកប្រទេសចិនមានចំនួន ៦.៩៨លាននាក់ កើនឡើងជិតបីដង បើធៀបនឹងឆ្នាំ ២០២៣ បន្ទាប់មកគឺតៃវ៉ាន់មានចំនួន ៦.០៤លាននាក់៕ ប្រភព ៖ AFP ប្រែសម្រួល ៖ ឈឹម ទីណា

វ៉ាស៊ីនតោន ៖ រដ្ឋាភិបាលអាមេរិក កាលពីថ្ងៃអង្គារសប្តាហ៍នេះ បានបញ្ចប់បទប្បញ្ញត្តិមួយ ដែលនឹងហាមឃាត់ឡានឆ្លាតវៃដែលផ្ទុកបច្ចេកវិទ្យាចិននៅលើទីផ្សារសហរដ្ឋអាមេរិក ស្ថិតក្រោមហេតុផលហានិភ័យសន្តិសុខជាតិ។ ការរឹតត្បិតនេះ ក៏ពាក់ព័ន្ធនឹងបច្ចេកវិទ្យារបស់រុស្ស៊ីផងដែរ បន្ទាប់ពីរដ្ឋបាលរបស់ប្រធានាធិបតីជិតផុតអាណត្តិ លោក Joe Biden បានបញ្ចប់កិច្ចខិតខំប្រឹងប្រែង ដើម្បីបង្កើនការរឹតបន្តឹងលើប្រទេសចិន។ បច្ចុប្បន្ន ក្រុមហ៊ុនផលិតឡានអគ្គិសនីចិន BYD មានរោងចក្រមួយនៅក្នុងរដ្ឋកាលីហ្វ័រញ៉ា សហរដ្ឋអាមេរិក ដែលផលិតឡានក្រុង និងឡានផ្សេងទៀត។ រដ្ឋមន្ត្រីក្រសួងពាណិជ្ជកម្មអាមេរិក លោកស្រី Gina Raimondo បានគូសបញ្ជាក់យ៉ាងដូច្នេះថា ឡានសព្វថ្ងៃនេះ មិនមែនគ្រាន់តែជាដែកនៅលើកង់នោះទេ វាគឺជាកុំព្យូទ័រ… ឡានទំនើបមានកាមេរ៉ា និងបច្ចេកវិទ្យាផ្សេងទៀតដែលភ្ជាប់អ៊ីនធឺណិត។ លោកស្រី Raimondo បានសង្កត់ធ្ងន់ថា វិធានការនេះគឺជាវិធីសាស្រ្តមួយ មានគោលដៅធានាថា យើងមិនដាក់បច្ចេកវិទ្យាដែលផលិតដោយចិន និងរុស្ស៊ីនៅលើផ្លូវរបស់សហរដ្ឋអាមេរិកឡើយ។ ក្រសួងពាណិជ្ជកម្មអាមេរិក បានលើកឡើងថា បទប្បញ្ញត្តិថ្មីបច្ចុប្បន្នអនុវត្តចំពោះតែឡានដឹកអ្នកដំណើរក្រោម ៤.៥តោនប៉ុណ្ណោះ។ យ៉ាងណា ក្រសួងក៏គ្រោងនឹងចេញបទប្បញ្ញត្តិដាច់ដោយឡែកមួយ ដែលផ្តោតលើបច្ចេកវិទ្យានៅក្នុងឡានពាណិជ្ជកម្ម មានដូចជាឡានដឹកទំនិញ និងឡានក្រុងនាពេលអនាគតដ៏ខ្លីខាងមុខនេះផងដែរ។ យោងតាមបទប្បញ្ញត្តិចុងក្រោយបំផុត ដែលបានប្រកាសកាលពីថ្ងៃទី១៤ ខែមករានេះ ទោះបីជាឡានដឹកអ្នកដំណើរត្រូវបានផលិតនៅសហរដ្ឋអាមេរិកក៏ដោយ ក្រុមហ៊ុនផលិតដែលមានទំនាក់ទំនងជាមួយចិន ឬរុស្ស៊ី មិនត្រូវបានអនុញ្ញាតឱ្យលក់ឡានថ្មី…