ឡុងដ៍ ៖ អ្នកស្រាវជ្រាវនៅសាកលវិទ្យាល័យ Bristol ចក្រភពអង់គ្លេស បានបង្កើតកម្មវិធីនៅក្នុងនាឡិកាឆ្លាតវៃដំណើរការដោយប្រព័ន្ធប្រតិបត្តិការ Android ដែលរចនាឡើងដើម្បីជួយអ្នកជក់បារីឲ្យផ្តាច់បារី តាមរយៈការធ្វើអន្តរាគមន៍នៅពេលចលនាទាក់ទងនឹងការជក់បារីត្រូវបានរកឃើញ។ ដើម្បីជាការដាស់តឿនដល់ម្ចាស់នាឡិកាឆ្លាតវៃឱ្យផ្តាច់បារី បច្ចេកវិទ្យានេះបានប្រើប្រាស់ឧបករណ៍ចាប់សញ្ញាចលនា តាមដានកាយវិការជក់បារី ធ្វើឲ្យមានការរំញ័រជាមួយនឹងសារគាំទ្រ និងព័ត៌មានលម្អិតអំពីចំនួនបារីដែលជក់បារីប្រចាំថ្ងៃ។ អ្នកប្រើអាចច្រានចោលសារ ឬចូលប្រើប្រាស់ធនធានបន្ថែម តាមរយៈតំណភ្ជាប់ទៅកាន់គេហទំព័រការឈប់ជក់បារីរបស់សេវាសុខភាពជាតិ។ សារព័ត៌មាន VNExpress បានរាយការណ៍ថា អ្នកស្រាវជ្រាវបានសិក្សាពីនាឡិកាឆ្លាតវៃលើអ្នកចូលរួមចំនួន ១៨នាក់ដែលមានអាយុពី ១៨ដល់៧០ឆ្នាំ បានចាប់អារម្មណ៍ក្នុងការឈប់ជក់បារី និងជក់បារីយ៉ាងហោចណាស់ ១០ដើមក្នុងមួយថ្ងៃ ដោយដៃស្តាំរបស់ពួកគេ។ នៅចុងបញ្ចប់នៃការសាកល្បង បានរកឃើញថា ៦៦ភាគរយបាននិយាយថា ពួកគេមានភាពងាយស្រួលក្នុងការប្រើប្រាស់នាឡិកាឆ្លាតវៃ ហើយ ៦១ភាគរយមានអារម្មណ៍ថា សារមានប្រយោជន៍ក្នុងការដោះស្រាយទម្លាប់នៃការជក់បារីរបស់ពួកគេ។ មតិយោបល់វិជ្ជមាន រួមមានការបង្កើនការយល់ដឹងអំពីទម្លាប់ជក់បារី, កាត់បន្ថយការប្រើប្រាស់បារី និងការលើកទឹកចិត្តឲ្យឈប់ជក់បារី។ ប៉ុន្តែអ្នកចូលរួមមួយចំនួន បានលើកឡើងពីបញ្ហាមួយចំនួន មានដូចជាការរំខានពីការផ្ញើសារដដែលៗ, ការជូនដំណឹងយឺត និងភាពខុសគ្នានៃសារដាស់តឿន។ យ៉ាងណា ការសិក្សានេះបានបង្ហាញថា នាឡិកាឆ្លាតវៃអាចជាវិធីសាស្រ្តដ៏មានប្រយោជន៍មួយ ដើម្បីជួយមនុស្សឱ្យឈប់ជក់បារី ប៉ុន្តែត្រូវការការស្រាវជ្រាវបន្ថែមទៀត ដើម្បីស្វែងយល់ពីប្រសិទ្ធភាពរបស់វា។ ទន្ទឹមគ្នា ដើម្បីជួយបង្កើតអនាគតដែលគ្មានផ្សែង រដ្ឋាភិបាលអង់គ្លេសត្រូវតែធានាថា សេវាកម្មឈប់ជក់បារីគួរតែទទួលបានមូលនិធិប្រកបដោយនិរន្តរភាព និងអាចប្រើប្រាស់បានសម្រាប់ទាំងអស់គ្នា៕ ប្រភព…

បរទេស៖ ក្រុមហ៊ុនអាកាសចរណ៍អាមេរិក JetBlue បាននិយាយ កាលពីថ្ងៃអង្គារថា សាកសពបុរសពីរនាក់ ត្រូវបានគេប្រទះឃើញដេកស្លាប់ ដោយមានសភាពរលួយយ៉ាងធ្ងន់ធ្ងរនៅក្នុងកន្លែងដាក់កង់យន្តហោះ Airbus A320 មួយគ្រឿង របស់ខ្លួន ដែលបានចុះចត នៅអាកាសយានដ្ឋានអន្តរជាតិ Fort Lauderdale-Hollywood ស្ថិតក្នុងរដ្ឋផ្លរីដា។ ក្រុមហ៊ុន JetBlue បាននិយាយ នៅក្នុងសេចក្តីថ្លែងការណ៍មួយ ចេញផ្សាយដោយទីភ្នាក់ងារព័ត៌មាន CNN ឲ្យដឹងថា អត្តសញ្ញាណអ្នកស្លាប់មិនទាន់ត្រូវបានបញ្ជាក់ នៅឡើយទេ ដោយគ្រាន់តែបង្ហើបប្រាប់ថា សុទ្ធតែជាបុរស ហើយ ខ្លួនកំពុងសហការយ៉ាងពេញលេញ ជាមួយអាជ្ញាធរ ក្នុងការស៊ើបអង្កេត លើរឿងនេះ។ លោក Carey Codd អ្នកនាំពាក្យការិយាល័យតម្រួតតំបន់ Broward បាននិយាយថា ការធ្វើកោសល្យវិច័យនឹងត្រូវបានធ្វើឡើង ដើម្បីកំណត់ពីមូលហេតុនៃការស្លាប់។ជើងហោះ Flight 1801 មួយនេះបានហោះចេញពីអាកាសយានដ្ឋានអន្តរជាតិ John F. Kennedy នៃទីក្រុងញូវយ៉ក ហើយបានទៅដល់ អាកាសយានដ្ឋានអន្តរជាតិ Fort Lauderdale នៅម៉ោងប្រហែល ១១.១០ យប់…

បរទេស ៖ ខណៈពេលដែលក្រុមហ៊ុន Apple កំពុងចរចាដោះស្រាយបំរាមលក់ iPhone 16 នៅឥណ្ឌូនេស៊ី ក្រុមហ៊ុនផលិតស្មាតហ្វូន Honor របស់ក្រុមហ៊ុនចិន Huawei គ្រោងនឹងចូលមកចរាចរណ៍លក់ នៅក្នុងប្រទេសនេះ ចាប់ពីចុងខែមីនា ខាងមុខ នេះបើតាមការចេញផ្សាយរបស់កាសែត Cnbc ក្នុងសប្តាហ៍នេះ។ ប្រភពថា ស្មាតហ្វូន Honor នឹងក្លាយជាស្មាតហ្វូនរបស់ក្រុមហ៊ុនចិនចុងក្រោយគេបង្អស់ ដែលហក់ចូលក្នុងទីផ្សារប្រទេសមួយនេះ ក្រោយពេលដែលមានបំរាមហាមប្រាម ការលក់ iPhone 16 របស់ក្រុមហ៊ុនអាមេរិក Apple។ ឥណ្ឌូនេស៊ីទាមទារថា សម្រាប់ស្មាតហ្វូន ដែលលក់នៅក្នុងប្រទេស ទាល់តែមានលក្ខខណ្ឌចែងថា ៤០% នៃសមាសធាតុរបស់ទូរស័ព្ទ ត្រូវតែមានប្រភព ក្នុងស្រុក។ ច្បាប់នោះបានរារាំងក្រុមហ៊ុន Apple ពីការលក់ទូរស័ព្ទថ្មីបំផុតរបស់ខ្លួន នៅលើទីផ្សារ ប៉ុន្តែ ក៏មានសេចក្តីរាយការណ៍ថា ក្រុមហ៊ុន Apple កំពុងចរចាលើការបោះទុនវិនិយោគ ១ ពាន់លានដុល្លារ ជាការដោះដូរបានលក់ ឡើងវិញ។ បើតាម Cnbc ក្រុមហ៊ុនទូរស័ព្ទ Honor…

បរទេស៖ សេវាសុខាភិបាលជាតិ ហៅកាត់ NHS ជាច្រើន នៅក្នុងប្រទេសអង់គ្លេស បានប្រកាសពីការកើនឡើងយ៉ាងគំហុក នៃជំងឺផ្តាសាយធ្ងន់ធ្ងរ សង្គ្រោះបន្ទាន់ ហើយ ចំនួនអ្នកជំងឺផ្តាសាយទូទៅ នៅក្នុងមន្ទីរពេទ្យ បានកើនឡើងបួនដង កាលពីខែធ្នូ។ ផ្អែកតាមការចេញផ្សាយ របស់កាសែត Sky News មន្ទីរពេទ្យដ៏ធំបំផុត Royal Liverpool បានប្រកាសថា មានភាពអាសន្ន ដោយសារតែតម្រូវការដ៏ខ្ពស់ ចំពោះផ្នែកគ្រោះថ្នាក់ដល់អាយុជីវិត និងសង្គ្រោះបន្ទាន់ ហៅកាត់ A&E ខណៈដែលមានការរីករាលដាល នៃអ្នកដែលមានជំងឺផ្លូវដង្ហើមធ្ងន់ធ្ងរ ក្នុងប៉ុន្មានសប្តាហ៍ ថ្មីៗនេះ។ មន្ទីរពេទ្យ Royal Liverpool បាននិយាយថា ខ្លួនកំពុងចាត់វិធានការចាំបាច់ ទាំងអស់ ដើម្បីគ្រប់គ្រងកាលៈទេសៈ ដ៏លំបាកនេះ។ មន្ទីរពេទ្យ ក៏បានព្រមាន ពីមនុស្សមួយចំនួន ដែលនឹងជួបប្រទះ បញ្ហាពន្យារពេលព្យាបាល ដោយសារ ខ្លួនផ្តល់អាទិភាពដល់អ្នកជំងឺដែលឈឺធ្ងន់ធ្ងរ ហើយ អ្នកជំងឺដែលមិនធ្ងន់ធ្ងរ ត្រូវជំរុញ ឱ្យទៅជួបគ្រូពេទ្យ ឱសថស្ថាន ឬ ទៅមើលមជ្ឈមណ្ឌល ដែលនៅជិតបំផុត…

បរទេស៖ មនុស្សបីនាក់បានស្លាប់ និង ៣នាក់ទៀត បានរងរបួស ក្នុងហេតុការណ៍ធ្លាក់យន្តហោះធុនស្រាលមួយគ្រឿង ម៉ូឌែល Cessna 208 Caravan នៅលើកោះទេសចរណ៍ពេញនិយម Rottnest នៅក្នុងប្រទេសអូស្ត្រាលី នេះបើតាមការបញ្ជាក់ឲ្យដឹងរបស់អាជ្ញាធរ នៅថ្ងៃពុធនេះ ចេញផ្សាយដោយទីភ្នាក់ងារព័ត៌មាន Aljazeera ។ អាជ្ញាធរបាននិយាយថា អ្នកស្លាប់ រួមមាន អ្នករស់នៅអូស្ត្រាលីម្នាក់ អាយុ៣៤ឆ្នាំ ខណៈពីរនាក់ទៀត អាយុជាង៦០ឆ្នាំ មកពីប្រទេសស្វីស និង ដាណឺម៉ាក ហើយ មូលហេតុនៃការធ្លាក់យន្តហោះកម្មសិទ្ធិឯកជន មួយគ្រឿងនេះ ស្ថិតក្រោមការស៊ើបអង្កេត នៅឡើយ។ ការិយាល័យសុវត្ថិភាពដឹកជញ្ជូនអូស្ត្រាលី ហៅកាត់ ATSB បានឲ្យដឹងថា យន្តហោះមួយគ្រឿងនេះ បានធ្លាក់ចូលទៅក្នុងសមុទ្រ បន្ទាប់ពីហោះចេញពីកោះ Rottnest បានចម្ងាយប្រហែល ៣០គីឡូម៉ែត្រ នាភាគខាងលិច នៃទីក្រុង Perth។ ដោយមានទៅដោយឆ្នេរខ្សាច់សក្បុស, រុក្ខជាតិ និងពពួកសត្វកម្រ ដែលបានអភិរក្ស កោះ Rottnest គឺជាគោលដៅទេសចរណ៍ដ៏ពេញនិយមបំផុតមួយ របស់ប្រទេសអូស្ត្រាលី។ កាលពីឆ្នាំ២០២៣…

គូឡាឡាំពួរ ៖ យោងតាមការព្យាកររបស់រដ្ឋាភិបាលម៉ាឡេស៊ី បានបង្ហាញថា ជាង ៣០%នៃការងារនៅក្នុងប្រទេសម៉ាឡេស៊ី នឹងរងផលប៉ះពាល់ពីបញ្ញាសិប្បនិមិត្ត (AI) ក្នុងរយៈពេល ១០ឆ្នាំខាងមុខ ក្នុងនោះវិស័យសំខាន់ៗ មានដូចជាផលិតកម្ម, សេវាកម្ម និងបច្ចេកវិទ្យាព័ត៌មាន ដែលរំពឹងថា នឹងមានការផ្លាស់ប្តូរគួរឱ្យកត់សម្គាល់។ រដ្ឋមន្ត្រីក្រសួងវិទ្យាសាស្ត្រ បច្ចេកវិទ្យា និងនវានុវត្តន៍ លោក Chang Lih Kang បាននិយាយថា យោងតាមស្ថិតិបានបង្ហាញថា បុគ្គលិកជាង ៦០០,០០០នាក់ ត្រូវតែឆ្លងកាត់ការបណ្តុះបណ្តាលជំនាញឡើងវិញក្នុងរយៈពេលពី ៣ទៅ៥ឆ្នាំ ដើម្បីឆ្លើយតបនឹងតម្រូវការទីផ្សារការងារ ដែលមានការប្រកួតប្រជែងកាន់តែខ្លាំង។ លោក Chang បានគូសបញ្ជាក់ថា កម្លាំងពលកម្មរបស់ម៉ាឡេស៊ីត្រូវតែត្រៀមខ្លួន ដើម្បីប្រឈមមុខនឹងការផ្លាស់ប្តូរទាំងនេះ ដោយសារដំណើរការបង្កើនជំនាញ និងចំណេះដឹងកាន់តែមានសារៈសំខាន់ ជាពិសេសក្នុងវិស័យបច្ចេកវិទ្យា និងបច្ចេកទេស ដូច្នេះម៉ាឡេស៊ីអាចរក្សាការប្រកួតប្រជែងជាសកល និងបំពេញតម្រូវការដែលកំពុងកើនឡើងនៃឧស្សាហកម្មនេះ។ ទន្ទឹមគ្នា រដ្ឋាភិបាលកំពុងធានាយ៉ាងសកម្មថា ការបណ្តុះបណ្តាលដែលផ្តល់ជូនបុគ្គលិក គឺស្របតាមស្តង់ដារអន្តរជាតិ និងតម្រូវការនៃឧស្សាហកម្ម 4.0 ក្នុងនោះក៏រួមបញ្ចូលទាំងវគ្គសិក្សាផ្នែកសន្តិសុខតាមអ៊ីនធឺណិត, ការគ្រប់គ្រងប្រព័ន្ធឆ្លាតវៃ និងការវិភាគទិន្នន័យ។ ប្រទេសម៉ាឡេស៊ីត្រូវបានព្យាករថា នឹងត្រូវការបុគ្គលិកជំនាញចំនួន ៥០០,០០០នាក់បន្ថែមទៀតនៅឆ្នាំ ២០៣០…