សេអ៊ូល ៖ នាយកដ្ឋានពន្លត់អគ្គីភ័យក្នុងតំបន់បានប្រាប់ទូរទស្សន៍ CNN ថា យ៉ាងហោចណាស់មនុស្សចំនួន ៤៧នាក់បានស្លាប់ នៅពេលដែលយន្តហោះដឹកអ្នកដំណើរមួយគ្រឿងបានធ្លាក់នៅអាកាសយានដ្ឋានមួយកន្លែង នៅភាគនិរតីនៃប្រទេសកូរ៉េខាងត្បូង។ ជាសំណាងល្អ មនុស្សពីរនាក់ត្រូវបានជួយសង្គ្រោះចេញពីកន្លែងធ្លាក់យន្តហោះ។ យោងតាមក្រសួងដែនដីកូរ៉េខាងត្បូង បានឲ្យដឹងថា ជនជាតិថៃពីរនាក់ ស្ថិតក្នុងចំណោមអ្នកជិះយន្តហោះ។ សារព័ត៌មាន CNN បានរាយការណ៍ថា ជើងហោះហើរលេខ 7C 2216 របស់ក្រុមហ៊ុនអាកាសចរណ៍ Jeju Air ផ្ទុកអ្នកដំណើរសរុបចំនួន ១៨១នាក់ ក្នុងនោះអ្នកដំណើរចំនួន ១៧៥នាក់ និងក្រុមការងារយន្តហោះចំនួន ៦នាក់ នៅពេលគ្រោះថ្នាក់បានកើតឡើងនៅឯអាកាសយានដ្ឋានអន្តរជាតិ Muan នៅម៉ោង ៩ព្រឹកថ្ងៃអាទិត្យនេះ (ម៉ោងក្នុងតំបន់)។ យោងតាមក្រសួងដែនដីកូរ៉េ ខាង ត្បូង បានឱ្យដឹងថា មន្រ្តីមកពីគណៈកម្មាធិការស៊ើបអង្កេតឧប្បត្តិហេតុរបស់កូរ៉េខាងត្បូង បានទៅដល់ទីតាំងកើតហេតុនៅម៉ោង ១០និង១០នាទីព្រឹកថ្ងៃអាទិត្យ (ម៉ោងក្នុងតំបន់) ហើយកំពុងពិនិត្យមើលមូលហេតុនៅពីក្រោយគ្រោះថ្នាក់នេះ។ ទន្ទឹមគ្នា ប្រធានាធិបតីស្តីទីកូរ៉េខាងត្បូង លោក Choi Sang-mok បានណែនាំក្រុមអ្នកសង្គ្រោះបន្ទាន់ ឱ្យប្រមូលឧបករណ៍ និងបុគ្គលិកដែលមានទាំងអស់ ដើម្បីឆ្លើយតបទៅនឹងការធ្លាក់យន្តហោះ នេះ។ នេះបើយោងតាមសេចក្តីប្រកាសព័ត៌មានរបស់ក្រសួងមហាផ្ទៃ…

ប៉េកាំង ៖ យោងតាមទិន្នន័យផ្លូវការបានបង្ហាញកាលពីថ្ងៃសុក្រថា ប្រទេសចិនបានបង្កើតការងារថ្មីជូនពលរដ្ឋសរុបចំនួន ១១.៩៨លាននាក់ នៅក្នុងរយៈពេល ១១ខែនៃឆ្នាំនេះ។ ចាប់តាំងពីដើមឆ្នាំ ២០២៤មក ស្ថានភាពការងារជាទូទៅមានស្ថិរភាពក្នុងចំណោមយុវជន រួមទាំងនិស្សិតបញ្ចប់ការសិក្សានៅមហាវិទ្យាល័យ បើទោះបីជាចំនួនពលករចំណាកស្រុកនៅតាមទីជនបទបន្តកើនឡើង។ នេះបើយោងតាមក្រសួងធនធានមនុស្ស និងសន្តិសុខសង្គមចិន។ នៅឆ្នាំ ២០២៤នេះ ក្រសួងធនធានមនុស្ស និងសន្តិសុខសង្គមចិន បានបន្តអនុវត្តគោលនយោបាយមួយចំនួន ដូចជាកាត់បន្ថយថ្លៃធានារ៉ាប់រងនៃភាពគ្មានការងារធ្វើ ឬរងរបួសទាក់ទងនឹងការងារ ដែលគិតលើសហគ្រាស និងពង្រឹងការគាំទ្រដល់អង្គភាពអាជីវកម្មក្នុងវិស័យនានា រួមទាំងវិស័យឯកជន និងសហគ្រាសធុនតូច ក៏ដូចជាសហគ្រាសធុនតូច និងមធ្យម។ យោងតាមទិន្នន័យបានបង្ហាញកាលពីថ្ងៃសុក្រថា ក្នុងអំឡុងពេលខែមករាដល់ខែកញ្ញា ទឹកប្រាក់សរុបចំនួន ១១.២ពាន់លានដុល្លារ ត្រូវបានបញ្ចេញជួយដល់សហគ្រាសទូទាំងប្រទេសចិន ដើម្បីលើកទឹកចិត្តឱ្យបង្កើត និងការរក្សាលំនឹងអត្រាមានការងារធ្វើ៕ ប្រភព ៖ AFP ប្រែសម្រួល ៖ ឈឹម ទីណា

វៀងចន្ទន៍ ៖ ក្រសួងសុខាភិបាលឡាវកាលពីថ្ងៃសុក្របានប្រកាសថា ចំនួនអ្នកជំងឺគ្រុនឈាមនៅក្នុងប្រទេសឡាវ បានកើនឡើងលើស ២០,០០០នាក់ ដោយក្នុងនោះមានអ្នកស្លាប់ចំនួន ១១នាក់ត្រូវបានរាយការណ៍គិតមកទល់ពេលនេះ។ យោងតាមរបាយការណ៍របស់មជ្ឈមណ្ឌលព័ត៌មាន និងអប់រំសុខភាពនៃក្រសួងសុខាភិបាលឡាវ បានឱ្យដឹងថា ចំនួនអ្នកជំងឺគ្រុនឈាមខ្ពស់បំផុត ត្រូវបានរាយការណ៍នៅក្នុងរដ្ឋធានីវៀងចន្ទន៍ ដែលមានចំនួនដក់ទៅ ៥,៧៦១ករណី។ ទន្ទឹមគ្នា ជំងឺគ្រុនឈាមបានបណ្តាលឲ្យមនុស្សចំនួន ១១នាក់ស្លាប់ ក្នុងនោះមាន ៤នាក់នៅខេត្តហ្លួងប្រាបាង, ៣នាក់នៅរាជធានី, ៣នាក់សេកុង និងម្នាក់ទៀតនៅខេត្តហ្លួងណាំថា។ ជាការឆ្លើយតប ក្រសួងសុខាភិបាលឡាវបាន ជំរុញ ឲ្យ ប្រជាពលរដ្ឋ រក្សា ការ ប្រុង ប្រយ័ត្ន និង ជួយ ទប់ ស្កាត់ ការ រីក រាល ដាល នៃ មេរោគ ឆ្លងបណ្តាលមក ពី មូស ខ្លាមួយនេះ។ លើសពីនេះ ក្រសួងសុខាភិបាលឡាវក៏បានអំពាវនាវដល់មន្ត្រីសុខាភិបាល និងបុគ្គលិកពេទ្យទូទាំងប្រទេស ពង្រឹងវិធានការគ្រប់គ្រងជំងឺគ្រុនឈាម ដើម្បីការពារការរីករាលដាលកាន់តែធ្ងន់ធ្ងរ៕ ប្រភព ៖ AFP ប្រែសម្រួល…

បាគូ ៖ ក្រុមហ៊ុនអាកាសចរណ៍អាស៊ែបៃហ្សង់បានប្រកាសកាលពីថ្ងៃសុក្រថា នឹងផ្អាកជើងហោះហើរពីទីក្រុងបាគូ ទៅកាន់ទីក្រុងមួយចំនួនរបស់រុស្ស៊ី គិតចាប់ពីកាលពីថ្ងៃសៅរ៍នេះតទៅ។ សេវាសារព័ត៌មានរបស់ក្រុមហ៊ុនអាកាសចរណ៍អាស៊ែបៃហ្សង់ បានបញ្ជាក់ថា ការសម្រេចចិត្តនេះធ្វើឡើងដោយទីភ្នាក់ងារអាកាសចរណ៍ស៊ីវិលរដ្ឋរបស់ប្រទេសអាស៊ែបៃហ្សង់ ស្ថិតក្នុងគោលបំណងកាត់បន្ថយហានិភ័យដែលអាចកើតមានចំពោះសុវត្ថិភាពហោះហើរ។ វិធានការនេះធ្វើឡើងបន្ទាប់ពីយន្ដហោះធុន Embraer 190 របស់ក្រុមហ៊ុនអាកាសចរណ៍អាស៊ែបៃហ្សង់ មានទិសដៅហោះហើរចេញពីរដ្ឋធានីបាគូ នៃប្រទេសអាស៊ែបៃហ្សង់ ឆ្ពោះទៅកាន់ទីក្រុងក្រូស្នី ស្ថិតនៅក្នុងតំបន់ឆេឆេនីរបស់រុស្ស៉ី កាលពីថ្ងៃពុធ ទី២៥ ខែធ្នូ បានធ្លាក់ខណៈកំពុងព្យាយាមចុះចតនៅឯទីក្រុង Aktau ប្រទេសកាហ្សាក់ស្ថាន។ យន្ដហោះនេះបានធ្លាក់នៅក្បែរឆ្នេរមួយស្ថិតនៅចម្ងាយ ៣គីឡូម៉ែត្រពីទីក្រុង Aktau ហើយវីដេអូថតដោយទូរស័ព្ទដៃ បានបង្ហាញថា យន្ដហោះ Embraer 190 បានសំយុងក្បាលចុះក្រោម មុននឹងធ្លាក់ទៅដល់ដី។ បើតាមក្រុមអ្នកជួយសង្រ្គោះ មនុស្ស ២៩នាក់នៅរស់រានមានជីវិត។ ក្រុមអ្នកជំនាញខាងអាកាសចរណ៍ បាននិយាយថាយន្ដហោះដឹកអ្នកដំណើរមួយគ្រឿងរបស់អាស៊ែបៃហ្សង់ ដែលបានធ្លាក់នៅកាហ្សាក់ស្ថាននេះ ទំនងជាត្រូវបានបាញ់ទម្លាក់ដោយប្រព័ន្ធការពារដែនអាកាសរបស់រុស្ស៉ី។ ប៉ុន្តែខាងភាគីរុស្ស៉ីបានចេញមុខច្រានចោលភ្លាមៗ ចំពោះការសន្និដ្ឋានបែបនេះ។ យ៉ាងណាមិញ ការស៊ើបអង្កេតកំពុងដំណើរការ៕ ប្រភព ៖ AFP ប្រែសម្រួល ៖ ឈឹម ទីណា

មូស្គូ ៖ ទីភ្នាក់ងារសារព័ត៌មានកណ្តាលកូរ៉េ (KCNA) បានរាយការណ៍កាលពីថ្ងៃសុក្រថា ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយថា រុស្ស៊ី និងកូរ៉េខាងជើង នឹងសម្របសម្រួលកិច្ចខិតខំប្រឹងប្រែងបន្ថែមទៀតក្នុងឆ្នាំខាងមុខនេះ ដើម្បីទប់ទល់នឹងការគំរាមកំហែង និងបញ្ហាប្រឈមនាពេលបច្ចុប្បន្ន។ លោក ពូទីន បានធ្វើការកត់សម្គាល់បែបនេះនៅក្នុងសារឆ្នាំថ្មីទៅកាន់លោក គីម ជុងអ៊ុន អគ្គលេខាធិការនៃគណបក្សពលករកូរ៉េ និងជាប្រធានកិច្ចការរដ្ឋនៃប្រទេសកូរ៉េខាងជើង។ ដោយកត់សម្គាល់ពីកិច្ចពិភាក្សារបស់ពួកលោកនៅទីក្រុងព្យុងយ៉ាងក្នុងខែមិថុនា បានបង្កើនទំនាក់ទំនងទ្វេភាគីដល់កម្រិតថ្មីមួយ លោក ពូទីន បាននិយាយនៅក្នុងសារថា សន្ធិសញ្ញាស្តីពីភាពជាដៃគូយុទ្ធសាស្ត្រគ្រប់ជ្រុងជ្រោយរវាងភាគីទាំងពីរ បានផ្តល់លក្ខខណ្ឌសម្រាប់ជាមូលដ្ឋាន និងការពង្រីកកិច្ចសហប្រតិបត្តិការទ្វេភាគី ដែលមានអត្ថប្រយោជន៍លើគ្រប់វិស័យសំខាន់ៗ។ លោក ពូទីន បន្ថែមថា នៅឆ្នាំខាងមុខនេះ ភាគីទាំងពីរនឹងបន្តការងាររួមគ្នា ដើម្បីអនុវត្តសន្ធិសញ្ញាជាប្រវត្តិសាស្ត្រនេះ ហើយសម្របសម្រួលកិច្ចខិតខំប្រឹងប្រែងបន្ថែមទៀត សំដៅទប់ទល់នឹងការគំរាមកំហែង រួមទាំងបញ្ហាប្រឈមនៃសម័យបច្ចុប្បន្ន។ សូមរម្លឹកថា កាល ពី ថ្ងៃ ទី១៩ ខែ មិថុនា មេដឹកនាំ ទាំង ពីរ បាន ចុះ ហត្ថលេខា លើ សន្ធិសញ្ញា…

អ.ស.ប ៖ អគ្គលេខាធិការអង្គការសហប្រជាជាតិលោក អាន់តូនីញ៉ូ ហ្គូទែរេស បានថ្កោលទោសការកើនឡើងជម្លោះរវាងក្រុមឧទ្ទាមហ៊ូទី របស់ប្រទេសយេម៉ែន និងអ៊ីស្រាអែល ហើយបានអំពាវនាវឱ្យមានបទឈប់បាញ់មួយ។ នេះបើតាមអ្នកនាំពាក្យរបស់លោកបាននិយាយកាលពីថ្ងៃព្រហស្បតិ៍សប្តាហ៍នេះ។ អ្នកនាំពាក្យរបស់លោក ហ្គូទែរេស បាននិយាយនៅក្នុងសេចក្តីថ្លែងការណ៍មួយថា ការវាយប្រហារតាមអាកាសរបស់អ៊ីស្រាអែលទៅលើព្រលានយន្តហោះអន្តរជាតិសាណាអា, កំពង់ផែសមុទ្រក្រហម និងស្ថានីយ៍ថាមពលនៅក្នុងប្រទេសយេម៉ែន គឺជារឿងគួរឱ្យព្រួយបារម្ភជាពិសេស។ បើតាមសេចក្តីរាយការណ៍ ការវាយប្រហារតាមអាកាសនោះ បានបណ្តាលឲ្យមានអ្នកស្លាប់ និងរបួសជាច្រើននាក់ រួមទាំងសមាជិកក្រុមផ្តល់សេវាមនុស្សធម៌របស់អង្គការសហប្រជាជាតិផងដែរ។ ដោយបង្ហាញពីការព្រួយបារម្ភយ៉ាងខ្លាំងអំពីហានិភ័យនៃការកើនឡើងជម្លោះបន្ថែមទៀតនៅក្នុងតំបន់នេះ ប្រមុខអង្គការសហប្រជាជាតិបានរំលឹកឡើងវិញនូវការអំពាវនាវរបស់គាត់ ឱ្យភាគីពាក់ព័ន្ធទាំងអស់ បញ្ឈប់សកម្មភាពយោធាទាំងអស់ និងអនុវត្តការអត់ធ្មត់ជាអតិបរមា។ សេចក្តីថ្លែងការណ៍បានបន្ថែមថា លោក ហ្គូទែរេស ក៏បានព្រមានផងដែរថា ការវាយប្រហារតាមអាកាសលើកំពង់ផែសមុទ្រក្រហម និងព្រលានយន្តហោះអន្តរជាតិសាណាអា នឹងបង្កហានិភ័យដល់ប្រតិបត្តិការមនុស្សធម៌៕ ប្រភព ៖ AFP ប្រែសម្រួល ៖ ឈឹម ទីណា

សិង្ហបុរី ៖ សង្កត់បាតដៃរបស់អ្នកលើម៉ាស៊ីនស្កេនត្រឹមរយៈពេលពីរវិនាទី បន្ទាប់មករង់ចាំពីរបីវិនាទីទៀត ដើម្បីឱ្យការទូទាត់ប្រាក់ដំណើរការ។ នោះហើយជារបៀបដែលបុគ្គលិករបស់ក្រុមហ៊ុន Visa មួយចំនួននៅសិង្ហបុរី បានចំណាយប្រាក់ដើម្បីទិញកាហ្វេរបស់ពួកគេនៅហាងកាហ្វេក្បែរសង្កាត់ Tanjong Pagar។ នេះបើតាមការចេញផ្សាយដោយសារព័ត៌មាន Channel News Asia។ ម៉ាស៊ីនទូទាត់ប្រាក់តាមបាតដៃ មានឈ្មោះថា Pay by Palm បង្កើតឡើងក្រោមកិច្ចសហការគ្នារវាងក្រុមហ៊ុន Visa និង Tencent តាំងពីឆ្នាំ២០១៩ ហើយត្រូវបានដាក់ឱ្យប្រើប្រាស់សាកល្បងនៅហាងកាហ្វេ Alchemist 71 Robinson កាលពីខែតុលា ប៉ុន្តែសម្រាប់ពេលនេះ វាអាចប្រើបានសម្រាប់តែបុគ្គលិកដែលត្រូវបានជ្រើសរើស របស់ក្រុមហ៊ុនទូទាត់ប្រាក់ដ៏ធំមួយនេះប៉ុណ្ណោះ។ ប្រភពបានឱ្យដឹងថា ដើម្បីអាចទូទាត់ប្រាក់តាមរយៈម៉ាស៊ីន Pay by Palm បាន ដំបូងឡើយ តម្រូវឱ្យអ្នកប្រើធ្វើកិច្ចព្រមព្រៀង ដើម្បីអនុញ្ញាតឱ្យមានការប្រមូលទិន្នន័យរបស់អ្នកប្រើ ការរក្សាទុក និងការប្រើប្រាស់។ ទិន្នន័យទាំងនោះ នឹងត្រូវប្រមូលពីរូបភាពដែលបានស្កែន ប៉ុន្តែរូបភាពដើមនឹងមិនត្រូវបានរក្សាទុកទេ នេះបើយោងតាមគោលការណ៍ឯកជនភាព Tencent Palm Pay ដែលប្រើក្នុងអំឡុងពេលសាកល្បង។ លេខកាតឥណទានចំនួនបួនខ្ទង់ចុងក្រោយ ក៏នឹងត្រូវបានប្រមូលផងដែរ ដើម្បីសម្រួលដល់ការទូទាត់។…

បរទេស ៖ ក្រុមមន្ត្រីបាននិយាយថា អាជ្ញាធរអ៊ីរ៉ាក់ទើបតែបានរកឃើញសាកសពស្ត្រី និងកុមារជនជាតិឃឺដ ប្រហែល ១០០នាក់ នៅក្នុងផ្លូរដ៏ធំមួយ ដែលគេគិតថា ត្រូវបានសម្លាប់ នៅក្នុងទសវត្សរ៍ឆ្នាំ១៩៨០ ក្រោមការដឹកនាំរបស់អតីតមេដឹកនាំអ៊ីរ៉ាក់ លោក Saddam Hussein ។ អ្នកកាសែត AFP ម្នាក់ បាននិយាយថា ផ្នូរនេះត្រូវបានរកឃើញ នៅតំបន់ Tal al-Shaikhia ក្នុងខេត្ត Muthanna ភាគខាងត្បូងប្រទេសអ៊ីរ៉ាក់ ចម្ងាយប្រហែល ២០គីឡូម៉ែត្រ ពីផ្លូវធំ។ លោក Diaa Karim ប្រធានអាជ្ញាធរអ៊ីរ៉ាក់ ដឹកនាំកិច្ចការនេះ បានប្រាប់ AFP កាលពីថ្ងៃពុធថា «បន្ទាប់ពីបានយកចេញស្រទាប់ទីមួយ នៃដី សំណល់បានលេចឡើងយ៉ាងច្បាស់ ឃើញថា ពួកគេទាំងអស់សុទ្ធតែជារបស់ស្ត្រី និងកុមារ ដែលស្លៀកពាក់សំលៀកបំពាក់ និទាឃរដូវ របស់ជនជាតិឃឺដ»។ លោកបានបន្ថែមថា ពួកគេទំនងជាមកពីតំបន់ Kalar ក្នុងខេត្ត Sulaimaniyah ភាគខាងជើង ដែលជាផ្នែកមួយនៃតំបន់ស្វយ័ត Kurdistan…

បាងកក ៖ កាសែត The Nation បានចេញផ្សាយថា នាយករដ្ឋមន្ត្រីថៃ លោកស្រី Paetongtarn Shinawatra បានធ្វើទស្សនកិច្ច ដោយមិនប្រកាសឲ្យដឹងមុន ទៅកាន់ស្ថានីយរថយន្តក្រុងបាងកក ដែលត្រូវបានគេស្គាល់ជាទូទៅថា Mo Chit 2 កាលពីថ្ងៃព្រហស្បតិ៍ ដើម្បីវាយតម្លៃ ពីការត្រៀមខ្លួនរបស់ស្ថានីយ សម្រាប់ការកើនឡើងនៃចរាចរណ៍ ពីសំណាក់អ្នកដំណើរ ក្នុងអំឡុងពេលថ្ងៃឈប់សម្រាកបុណ្យ ឆ្លងឆ្នាំថ្មី។ យោងតាមរដ្ឋាភិបាល ក្នុងដំណើរទស្សនកិច្ចនេះ លោកស្រី Paetongtarn បានជំរុញដល់ទីភ្នាក់ងារពាក់ព័ន្ធ ឱ្យផ្តល់អាទិភាពដល់សុវត្ថិភាពអ្នកដំណើរ ដោយធានាថា អ្នកបើកបររថយន្តក្រុង គ្មានគ្រឿងញៀន ឬ គ្រឿងស្រវឹង ពេលបំពេញកាតព្វកិច្ច នេះបើតាមប្រភពដដែល។ លោកស្រីបានស្នើឱ្យមានអ្នកបើកបរពីរនាក់ ក្នុងឡានក្រុងមួយគ្រឿង ដើម្បីឆ្លាស់គ្នា ក្នុងអំឡុងពេលធ្វើដំណើរឆ្ងាយ កាត់បន្ថយហានិភ័យ នៃការបើកបរងងុយដេក។នាយករដ្ឋមន្ត្រីបានណែនាំមន្ត្រី ដាក់ពង្រាយចំនួនរថយន្តក្រុង ឱ្យបានគ្រប់គ្រាន់ ដើម្បីសម្រួលដល់កំណើនអ្នកដំណើរ ក្នុងថ្ងៃឈប់សម្រាក ចុងសប្តាហ៍។ យោងតាមក្រុមហ៊ុន The Transport Company Ltd ចំណុះក្រោមក្រសួងដឹកជញ្ជូនថៃ មានការព្យាករថា…