បរទេស ៖ ក្រុមឧទ្ទាមដឹកនាំដោយរដ្ឋអ៊ីស្លាម បានប្រកាសថា ពួកគេបានដណ្តើមយកទីក្រុងដាម៉ាស នៅក្នុងការវាយលុកមួយ នៅថ្ងៃអាទិត្យនេះ ដោយបានបង្ខំចិត្ត ឲ្យប្រធានាធិបតី Bashar al-Assad រត់គេចខ្លួន និងបញ្ចប់ការគ្រប់គ្រង រយៈពេល៥ទសវត្សរ៍ នៃគ្រួសារ Assad នៅក្នុងប្រទេសស៊ីរី។ ប្រជាជននៅក្នុងរដ្ឋធានីដាម៉ាស់ បានអបអរ នៅតាមដងផ្លូវ ខណៈក្រុមឧទ្ទាមបានប្រកាសពីការចាកចេញ របស់លោក al-Assad ពោលគឺកើតមាន ក្រោយរយៈពេលតិចជាងពីរសប្តាហ៍ ដែលក្រុមអ៊ីស្លាមនិយម Hayat Tahrir al-Sham បានចាប់ផ្តើមយុទ្ធនាការ ដណ្តើមការគ្រប់គ្រង ជាង៥ទសវត្សរ៍ របស់គ្រួសារ Assad។ ក្រុមសង្កេតការណ៍បាននិយាយថា ចាប់តាំងពីការវាយលុកបានចាប់ផ្តើមមក មនុស្សយ៉ាងហោចណាស់ ៨២៦ នាក់បានស្លាប់ រួមទាំង ជនស៊ីវិលចំនួន ១១១នាក់ ផងដែរ ។ អង្គការសហប្រជាជាតិបាននិយាយថា អំពើហឹង្សាបានធ្វើឱ្យមនុស្ស ៣៧ម៉ឺននាក់ផ្លាស់ទីលំនៅ។ ក្រុមឧទ្ទាមបាននិយាយថា «បន្ទាប់ពីការគៀបសង្កត់ រយៈពេល ៥០ឆ្នាំ ក្រោមការគ្រប់គ្រង របស់គ្រួសារ Assad និង…

វ៉ាស៊ីនតោន ៖ កម្មវិធី Artemis របស់អង្គការ NASA ដែលមានបំណងបញ្ជូនអវកាសយានិកត្រឡប់ទៅឋានព្រះចន្ទក្នុងទសវត្សរ៍នេះ ចំពេលមានការជំរុញជាអន្តរជាតិសារជាថ្មី សម្រាប់ការរុករកនៅឋានព្រះចន្ទ។ ទីភ្នាក់ងារអវកាសអាមេរិកមួយនេះ បាននិយាយកាលពីថ្ងៃព្រហស្បតិ៍ថា បេសកកម្មដែលបានគ្រោងទុក ដើម្បីបញ្ជូនអវកាសយានិកទៅចុះចតឋានព្រះចន្ទនៅឆ្នាំ២០២៦ ត្រូវបានពន្យារពេល ហើយឥឡូវផែនការនេះ ទំនងជាលើកទៅពាក់កណ្តាលឆ្នាំ២០២៧។ ជាមួយគ្នានេះ បេសកកម្មស្វែងរកផ្លូវ ដែលគ្រោងនឹងបញ្ជូនអវកាសយានិកហោះជុំវិញឋានព្រះចន្ទនៅខែកញ្ញា ឆ្នាំ២០២៥នោះ ឥឡូវនេះក៏នឹងត្រូវលើកទៅខែមេសា ឆ្នាំ២០២៦ផងដែរ។ ការពន្យារពេលនេះ គឺមានជាប់ពាក់ព័ន្ធនឹងបញ្ហាជាមួយយានអវកាស Orion ដែលនឹងក្លាយជាផ្ទះសម្រាប់អវកាសយានិក ក្នុងអំឡុងពេលបំពេញបេសកកម្មនៅឋានព្រះចន្ទ។ ហើយការប្រកាសពន្យារពេលនេះដែរ កើតឡើងនៅពេលដែល NASA កំពុងឆ្ពោះទៅកាន់ដំណាក់កាលផ្លាស់ប្តូរមួយទៀត ស្ថិតក្រោមការដឹកនាំដោយរដ្ឋបាល លោក ត្រាំ។ ក្នុងថ្ងៃពុធសប្តាហ៍នេះ លោក ត្រាំ បានបង្ហាញពីចេតនារបស់គាត់ ក្នុងការតែងតាំងលោក Jared Isaacman ដែលជាសហគ្រិនបច្ចេកវិទ្យា និងជាមហាសេដ្ឋីដែលមានទំនាក់ទំនងជិតស្និទ្ធជាមួយលោក Elon Musk សម្រាប់មុខតំណែងជាអ្នកគ្រប់គ្រងអង្គការ NASA។ កន្លងមក លោក Isaacman បានសម្តែងការមិនពេញចិត្តជាសាធារណៈ ចំពោះសមាសធាតុមួយចំនួននៃកម្មវិធី Artemis បច្ចុប្បន្នរបស់ NASA…

ប៉េកាំង ៖ ប្រទេសចិន ក្នុងសប្តាហ៍នេះ បានប្រើប្រាស់យានរ៉ុក្កែត Long March 6A បាញ់បង្ហោះផ្កាយរណបអ៊ីនធឺណិតល្បឿនលឿនក្រុមទី៣ ចំនួន១៨ផ្កាយរណបដោយជោគជ័យ។ យានរ៉ុក្កែតរបស់ចិន Long March 6A បានបញ្ជូនផ្កាយរណបក្រុមទី៣ដោយជោគជ័យ កាលពីថ្ងៃព្រហស្បតិ៍សប្ដាហ៍នេះ ចេញពីមជ្ឈមណ្ឌលបាញ់បង្ហោះផ្កាយរណប Taiyuan ស្ថិតក្នុងខេត្តសានស៊ី ប្រទេសចិន។ បណ្តាញផ្កាយរណបអ៊ីនធឺណិតល្បឿនលឿនរបស់ប្រទេសចិន ដែលមានឈ្មោះថា Thousand Sails នេះ នឹងមានផ្កាយរណបរហូតដល់ទៅជាង ១៤.០០០ផ្កាយរណបឯណោះ ដែលនឹងហោះវិលជុំក្នុងគន្លងតារាវីថីទាបនៃផែនដី សម្រាប់គ្របដណ្ដប់ការផ្ដល់សេវាអ៊ីនធឺណិតទូទាំងពិភពលោក។ នៅឆ្នាំ២០២៥ ប្រទេសចិនគ្រោងបាញ់បង្ហោះផ្កាយរណបអ៊ីនធឺណិតល្បឿនលឿនឱ្យបានជាង ៦០០ផ្កាយរណបក្នុងដំណាក់កាលដំបូង។ គម្រោងដ៏ធំរបស់ចិននេះ ត្រូវបានអ្នកវិភាគមើលឃើញថា ជាការបង្កើតបណ្ដាញផ្កាយរណបអ៊ីនធឺណិតដ៏ធំសម្បើមមួយ ដើម្បីប្រជែងនឹងផ្កាយរណបអ៊ីនធឺណិតល្បឿនលឿន Starlink របស់កំពូលមហាសេដ្ឋីអាម៉េរិក លោក Elon Musk៕ ប្រភព ៖ Space News ប្រែសម្រួល ៖ ឈឹម ទីណា

សេអ៊ូល ៖ ប្រធានាធិបតីកូរ៉េខាងត្បូង លោក យូន សុកយ៉ុល នៅថ្ងៃសៅរ៍នេះ បានយល់ព្រមសុំទោសជាសាធារណៈ ប៉ុន្តែបានច្រានចោលការទាមទារឱ្យលោកចុះចេញពីតំណែង ដោយសារតែបញ្ហាប្រកាសច្បាប់អាជ្ញាសឹក។ នៅក្នុងសុន្ទរកថាផ្សាយតាមកញ្ចក់ទូរទស្សន៍ លោក យូន បានបញ្ជាក់យ៉ាងដូច្នេះថា ការប្រកាសច្បាប់អាជ្ញាសឹក កើតឡើងពីការអស់សង្ឃឹមរបស់ខ្ញុំ ក្នុងនាមជាប្រធានាធិបតី។ លោកបន្ថែមថា ទោះបីជាយ៉ាងនេះក្តី នៅក្នុងដំណើរការនេះ ខ្ញុំបានបង្កការព្រួយបារម្ភ និងការរអាក់រអួលដល់សាធារណៈជន ដូច្នេះខ្ញុំសូមអភ័យទោសដោយស្មោះ ចំពោះប្រជាពលរដ្ឋដែលរងទុក្ខលំបាកខ្លាំងដោយសារតែបញ្ហានេះ។ យ៉ាងណាមិញ នៅក្នុងសុន្ទរកថាខ្លីរបស់ខ្លួន លោក យូន មិនបាននិយាយអំពីការចុះចេញពីតំណែងនោះទេ ដោយលោកគ្រាន់តែបញ្ជាក់ថា លោកនឹងប្រគល់សិទ្ធិអំណាចដល់គណបក្ស ដើម្បីចាត់វិធានការរក្សាស្ថានភាព និងស្ថិរភាពនយោបាយ រួមទាំងតំណែងរបស់គាត់ផងដែរ។ ផ្អែកតាមការចេញផ្សាយកាសែត AFP ប៉ូលិសកូរ៉េខាងត្បូងបានឱ្យដឹងថា មនុស្សរាប់សិបម៉ឺននាក់ ត្រូវបានរំពឹងថា នឹងប្រមូលផ្តុំគ្នានាថ្ងៃសៅរ៍ចុងសប្តាហ៍នេះ ដើម្បីសម្តែងការតវ៉ាប្រឆាំង ប្រធានាធិបតីលោក យូន សុកយ៉ុល ក្រោយការព្យាយាមមិនបានសម្រេចរបស់លោក ក្នុងការដាក់ប្រទេសក្រោមច្បាប់អាជ្ញាសឹក។ បើតាមអ្នកនាំពាក្យទីភ្នាក់ងារប៉ូលិសជាតិកូរ៉េខាងត្បូង ក្រុមអ្នករៀបចំរំពឹងថា មនុស្សប្រហែល ២០០,០០០នាក់នឹងចូលរួម។ លោក យូន បានប្រកាសដាក់ប្រទេសក្រោមច្បាប់អាជ្ញាសឹក កាលពីយប់ថ្ងៃអង្គារសប្តាហ៍នេះ ប៉ុន្តែប៉ុន្មានម៉ោងក្រោយ…

បរទេស៖ ក្រុមហ៊ុនផលិតឡានប្រណិត Jaguar ទ្វារពីរ ដូចជានឹងសេរីឡាន Porch ដែលមានមូលដ្ឋាននៅអង់គ្លេស បានគំរូនៃឡានអគ្គិសនីថ្មី Type 00 ដែលមានពីរស៊េរី គឺ Satin Rhodon Rose និង Inception Silver Blue ហើយសាកម្តង ជិះបានចម្ងាយ៧៧០គីឡូម៉ែត្រ ព្រមទាំង អាចបន្ថែមចម្ងាយ ជាង៣២០គីឡូម៉ែត្រទៀត ដោយគ្រាន់តែចាយពេលសាកថែម១៥នាទី នេះបើតាមការចេញផ្សាយរបស់ Technology Innovative។ តម្លៃត្រូវបានកំណត់ចាប់ផ្តើមពីប្រមាណ ១២,៨០០០ដុល្លារដុល្លារ ជាតម្លៃរថយន្តថ្លៃបំផុត របស់ក្រុមហ៊ុន ធៀបនឹងរថយន្តដែលខ្លួន កំពុងលក់បច្ចុប្បន្ន ដូចជា Taycan ជាដើម នេះបើតាមគេហទំព័រ Dirve។ ប្រភពបន្តថា Jaguar បានបញ្ចេញឡានអគ្គិសនី ជំនាន់ថ្មីនេះ បន្ទាប់ពីបានកត់ត្រាការលក់យឺត ដូចទៅនឹង រថយន្តម៉ាកផ្សេងៗទៀត ដូចជា BMW, Audi និង Mercedes-Benz ជាដើម។ ក្នុងនោះ ឡាន Jaguar…

ហាណូយ៖ កាសែត VNexpress បានចេញផ្សាយ កាលពីថ្ងៃពុធថា អ្នកទេសចរវៀតណាម ចំនួន៣៨នាក់បានបាត់ខ្លួនគ្មានដំណឹង ក្នុងពេលធ្វើដំណើរកម្សាន្តទៅលេងកោះ Jeju របស់ប្រទេសកូរ៉េខាងត្បូង ខណៈដែលមានការចោទប្រកាន់ថា ពួកគេបន្លំធ្វើការនៅកូរ៉េខាងត្បូង ចំពេលមានកម្មវិធី «មិនគិតថ្លៃទិដ្ឋាការ» ដែលអនុញ្ញាតឱ្យពលរដ្ឋ មកពី៦៤ប្រទេស អាចស្នាក់នៅ លើកោះនេះ រហូតដល់៣០ថ្ងៃ ដោយគ្មាន Visa។ អាជ្ញាធរទេសចរណ៍កោះ Jeju បានបញ្ជាក់ កាលពីថ្ងៃអង្គារថា ថ្មីៗនេះ ភ្ញៀវទេសចរវៀតណាម៩០នាក់ បានទៅលេងកោះនេះ ប៉ុន្តែ ៣៨នាក់ ក្នុងចំណោមពួកគេ បានបាត់ខ្លួន អំឡុងពេលជើងចុងក្រោយ នៃការធ្វើដំណើរ ដោយគេដឹងថា ដំណើរកម្សាន្តនេះមានចាប់ពីថ្ងៃទី១៤ ខែវិច្ឆិកា ដល់ថ្ងៃទី ១៧ ខែវិច្ឆិកា នេះបើតាមកាសែត Korea Times ។ ភ្នាក់ងារទេសចរណ៍វៀតណាមមានការព្រួយបារម្ភ ហើយណែនាំកូរ៉េខាងត្បូងរឹតបន្តឹងនីតិវិធីទិដ្ឋាការឡើងវិញ បន្ទាប់ពីកើតមានឧប្បត្តិហេតុនេះ។ លោក Nguyen Cong Hoan អគ្គនាយកក្រុមហ៊ុន Flamingo Redtours ដែលមានមូលដ្ឋាននៅទីក្រុងហាណូយ…

បរទេស៖ កាសែត NHK បានចេញផ្សាយ នៅថ្ងៃព្រហស្បតិ៍នេះថា ដើម្បីពន្លឿនការដោះស្រាយបញ្ហាកង្វះមនុស្សបើកបរឡានដឹកទំនិញ ការសាកល្បងរថយន្តដឹកទំនិញស្វ័យបើកបរ បានចាប់ផ្តើមដំណើរការ នៅកណ្តាល ប្រទេសជប៉ុន ស្របពេលដែលប្រទេសនេះ មានគោលបំណង អនុញ្ញាតឱ្យរថយន្តបែបនេះ នៅលើផ្លូវល្បឿនលឿន ជាសាធារណៈ ចាប់ពីខែមេសា ឆ្នាំ២០២៦ តទៅ។ កង្វះអ្នកបើកបររថយន្តដឹកទំនិញ ដែលដឹកជញ្ជូនទៅមក ពីឃ្លាំងទំនិញ បានជំរុញឱ្យរដ្ឋាភិបាល និងក្រុមហ៊ុនស្វែងរកជម្រើស ឡានដឹកទំនិញ ដែលគ្មានអ្នកបើកបរនេះឡើង។ ក្រសួងដឹកជញ្ជូន និងអ្នកអភិវឌ្ឍន៍បច្ចេកវិទ្យា ដែលបានបង្ហាញពីរបៀបដែលឡានស្វ័យបើកបរ ដំណើរការ នៅតំបន់សេវាកម្មមួយ នៅកណ្តាលប្រទេសជប៉ុន។ ការសាកល្បងស៊េរីបន្ទាប់ ត្រូវបានគេរំពឹងថា នឹងប្រើប្រាស់ឧបករណ៍ចាប់សញ្ញា និងឧបករណ៍ទំនាក់ទំនងដែលត្រូវបានដំឡើងដោយរដ្ឋាភិបាល នៅលើផ្លូវល្បឿនលឿន។ទាំងនេះនឹងជួយគ្រប់គ្រងពីរបៀបដែលរថយន្តដឹកទំនិញផ្លាស់ទីចេញ ពីតំបន់សេវាកម្ម និងទៅកាន់ផ្លូវល្បឿនលឿន។ លោក Kitajo Takafumi មន្ត្រីនៃក្រសួងដឹកជញ្ជូនបាននិយាយថា «នេះគឺជាជុំទីមួយនៃការសាកល្បង ដូច្នេះ យើងចង់កំណត់បញ្ហាដែលអាចកើតមាន និងចង់ដឹងថា តើនឹងមានប្រសិទ្ធភាពបែបណា… យើងក៏ចង់កំណត់ពីបញ្ហាប្រឈម ពេលដំណើរការផងដែរ»។ បើតាម NHK ឡានដឹកទំនិញស្វ័យបើកបរទាំងនេះ ត្រូវបានគេរំពឹងថា នឹងចាប់ផ្តើមប្រតិបត្តិការជាផ្លូវការ រវាងទីក្រុងតូក្យូ…