-
ស្លាប់ ៥០នាក់ អំឡុងរត់ជាន់គ្នាពេលប្រកួតបាល់ទាត់ហ្គីណេ
បរទេស ៖ អំឡុងការរត់ជាន់គ្នា ក្នុងពេលប្រកួតបាល់ទាត់នៅប្រទេសហ្គីណេ នៃទ្វីបអាហ្វ្រិក បណ្តាលឲ្យស្លាប់មនុស្ស ៥៦នាក់ នេះបើតាមមន្ត្រីរដ្ឋាភិបាលយោធា និយាយ កាលពីថ្ងៃចន្ទ។ ការប្រកួតនេះត្រូវបានរៀបចំឡើង កាលពីថ្ងៃអាទិត្យ នៅទីក្រុង N’Zerekore។ សាក្សីបានអះអាងថា អ្នកគាំទ្របានលុកលុយចូលទៅក្នុងទីលាន បន្ទាប់ពីមានការផ្តល់កាតក្រហមចំនួនពីរ ជាមួយនឹងការពិន័យយឺតយ៉ាវ។ ព្រឹត្តិការណ៍ហិង្សានេះត្រូវបានគេរាយការណ៍ដំបូងថា ជាការប៉ះទង្គិចគ្នា រវាងអ្នកគាំទ្រ។ សាក្សីម្នាក់បាននិយាយ ក្នុងលក្ខខណ្ឌមិនបញ្ចេញឈ្មោះថា ក្រុមមន្ត្រីដែលមើលការប្រកួត រួមទាំង រដ្ឋមន្ត្រីពីរនាក់ត្រូវបានរារាំងមិនឱ្យចាកចេញ ដោយជំរុញឱ្យមានការគប់ដុំថ្ម និងការបាញ់ឧស្ម័នបង្ហូរទឹកភ្នែក ពីសំណាក់កងកម្លាំងសន្តិសុខ។ ប្រភពបន្តថា «ការភ័យស្លន់ស្លោបានកើតឡើងមានឡើង យ៉ាងឆាប់រហ័ស ដែលនាំឱ្យមានការរត់ជាន់គ្នា មិនអាចគ្រប់គ្រងបាន»។ គួរបញ្ជាក់ថា នេះគឺជាការប្រកួតវគ្គផ្តាច់ព្រ័ត្រ នៃពានរង្វាន់មួយ ដែលរៀបចំឡើងផ្តល់ជាកិត្តិយសដល់មេដឹកនាំរបបសឹក គឺលោក Doumbouya ដែលបានដណ្តើមអំណាច នៅក្នុងរដ្ឋប្រហារឆ្នាំ ២០២១ ហើយបានតែងតាំងខ្លួនឯង ជាប្រធានាធិបតី។ ក្រុមប្រឆាំងបានចោទប្រកាន់ អាជ្ញាធរដឹកនាំដោយយោធារបស់ ឧត្តមសេនីយ៍ Mamadi Doumbouya ជាអ្នក «ទទួលខុសត្រូវផ្ទាល់» សម្រាប់សោកនាដកម្មនេះ។ គណបក្សប្រឆាំងបានចោទប្រកាន់របបយោធាថា បានប្រើប្រាស់កីឡា…
-
អាល្លឺម៉ង់ចាយ២៩ពាន់លានដុល្លារ ជួយគាំទ្រអ៊ុយក្រែន
បរទេស ៖ មេដឹកនាំប្រទេសអាល្លឺម៉ង់បានអះអាងថា ចាប់តាំងពីការឈ្លានពានរបស់រុស្ស៊ីលើអ៊ុយក្រែន រយៈពេលជិត៣ឆ្នាំមកនេះ ប្រទេសអាល្លឺម៉ង់បានបញ្ចេញប្រាក់ជាង២៩ពាន់លានដុល្លារអាមេរិកហើយ ជួយគាំទ្រផ្នែកយោធា ដល់អ៊ុយក្រែន។ អធិការបតីអាល្លឺម៉ង់ លោក Olaf Scholz បាននិយាយបែបនេះ ក្នុងពេលបំពេញទស្សនកិច្ចភ្ញាក់ផ្អើល ទៅក្នុងទីក្រុង Kyiv ប្រទេសអ៊ុយក្រែន កាលពីថ្ងៃចន្ទ។ លោកបានបញ្ជាក់ថា ជំនួយផ្នែកយោធាដែលមានតម្លៃ ៦៨០លានដុល្លារអាមេរិក នឹងផ្តល់ឱ្យបន្ថែមទៀត នៅចុងឆ្នាំនេះ។ លោក Scholz បាននិយាយថា សរុបទាំងអស់ អាល្លឺម៉ង់បានចំណាយប្រាក់ ២៨ពាន់លានអឺរ៉ូ ឬ ស្មើនឹងជាង២៩ពាន់លានដុល្លារអាមេរិក លើការគាំទ្រផ្នែកយោធាសម្រាប់អ៊ុយក្រែន ចាប់តាំងពីការឈ្លានពានរបស់រុស្ស៊ីឆ្នាំ ២០២២ រួមទាំង ប្រព័ន្ធការពារដែនអាកាស, រថក្រោះ Howitzers, ឧទ្ធម្ភាគចក្រ យន្តហោះគ្មានមនុស្សបើក គ្រាប់រំសេវ និងគ្រឿងបន្លាស់ផ្សេងៗ។ នៅក្នុងសន្និសីទកាសែតជាមួយប្រធានាធិបតីអ៊ុយក្រែន លោក Volodymyr Zelensky លោក Scholz បានអះអាងបន្ថែមថា នៅក្នុងកិច្ចខិតខំប្រឹងប្រែងដើម្បីឈានដល់ «សន្តិភាព យុត្តិធម៌ និងយូរអង្វែង» គ្មានការសម្រេចចិត្តណាមួយ ដែលត្រូវធ្វើឡើង…
-
រដ្ឋមន្ត្រីការបរទេសអាមេរិកជួបមន្ត្រីជាន់ខ្ពស់បក្សកម្មុយនីស្តវៀតណាម
បរទេស ៖ រដ្ឋមន្ត្រីការបរទេសនៃសហរដ្ឋអាមេរិក លោក Antony Blinken កាលពីថ្ងៃចន្ទ បានទទួលជួបមន្ត្រីជាន់ខ្ពស់ នៃគណបក្សកម្មុយនីស្តវៀតណាម នៅក្នុងទីក្រុង Washington, DC។ រដ្ឋមន្ត្រីការបរទេសអាមេរិក លោក Antony Blinken បានជួបជាមួយលោក Le Hoai Trung ប្រធានគណៈកម្មាធិការទំនាក់ទំនងការបរទេស នៃបក្សកុម្មុយនីស្តវៀតណាម នៅឯក្រសួងការបរទេសសហរដ្ឋអាមេរិក ដើម្បីពិភាក្សាអំពីទំនាក់ទំនងការទូត និងសេដ្ឋកិច្ច រវាងប្រទេសទាំងពីរ។ លោក Blinken បាននិយាយថា លោកមានទំនុកចិត្តយ៉ាងខ្លាំងថា ការងារដែលបានធ្វើកន្លងមក គឺដើម្បីកសាងទំនាក់ទំនងទ្វេភាគី ឲ្យឡើងដល់កម្រិតប្រវត្តិសាស្ត្រ ជាមួយនឹងភាពជាដៃគូ រវាងសហរដ្ឋអាមេរិក និងវៀតណាម ហើយនឹងបន្តបានល្អ បន្ថែមទៀត ទៅថ្ងៃអនាគត ដែលជាប្រយោជន៍ សម្រាប់ប្រជាជនអាមេរិកនិងវៀតណាម។ លោក Le Hoai Trung បានឯកភាពថា ក្រោមការដឹកនាំរបស់ប្រធានាធិបតីអាមេរិក ចូ បៃឌិន ទំនាក់ទំនងកិច្ចសហហប្រតិបត្តិការ រវាវអាមេរិកនិងវៀតណាមពិតជារីកចម្រើន ហើយសង្ឃឹមថា នឹងកាន់តែមានការវិវឌ្ឍន៍ បន្ថែមទៀត៕ ប្រភពពី…
-
ហាងឆេងមាសសកលបន្តធ្លាក់ចុះ ឯនៅវៀតណាមលក់ ៣,៣៦០ ដុល្លារក្នុងមួយតម្លឹង
ហាណូយ៖ កាសែត VN Express បានចុះផ្សាយថា ហាងឆេងមាសរបស់ប្រទេសវៀតណាមនៅថ្ងៃចន្ទនេះ បានធ្លាក់ចុះ ០.៥៨ ភាគរយ ជួញដូរតម្លៃ ៣,៣៦០ ដុល្លារអាមេរិកក្នុងមួយតម្លឹង ខណៈដែលទីផ្សារមាសនៅលើពិភពលោកបន្តធ្លាក់ចុះ ។ តម្លៃមាសរបស់ក្រុមហ៊ុន Spot Gold បានធ្លាក់ចុះ ០.៧ ភាគរយ ដាក់លក់ក្នុងតម្លៃ ៣,១៧៩ ដុល្លារក្នុងមួយតម្លឹង ខណៈហាងឆេងមាសក្រុមហ៊ុន Gold Futures របស់អាមេរិក ដាំចុះ ០.៨ ភាគរយ ជួញដូរតម្លៃ ៣,២០៥ ដុល្លារក្នុងមួយតម្លឹង ។ យោងតាមការចេញផ្សាយដោយទីភ្នាក់ងារព័ត៌មាន Reuters បានឲ្យដឹងថា មូលហេតុដែលនាំទីផ្សារមាសចុះថ្លៃបែបនេះ គឺដោយសារប្រាក់ដុល្លារអាមេរិក កាន់តែរឹងមាំ ខណៈពេលដែលអ្នកវិនិយោគកំពុងរង់ចាំទិន្នន័យសំខាន់ៗ អំពីសេដ្ឋកិច្ច របស់សហរដ្ឋអាមេរិក ។ លោក Yeap Jun Rong អ្នកយុទ្ធសាស្រ្តទីផ្សាររបស់ក្រុមហ៊ុន IG បាននិយាយថា «ថ្មីៗនេះ តម្លៃមាសបាននិងកំពុងប្រឈមការធ្លាក់ថ្លៃ ខណៈប្រទេសពាក់ព័ន្ធទីផ្សារមាស បានបន្ធូរបន្ថយហានិភ័យភូមិសាស្ត្រនយោបាយ…
-
ក្រុមហ៊ុន Meta ចាយ ១០ ពាន់លានដុល្លារ សង់ខ្សែកាបក្រោមទឹកព័ទ្ធជុំវិញពិភពលោក
បរទេស៖ ក្រុមហ៊ុន Meta គ្រោងនឹងចាយលុយប្រមាណ ១០ ពាន់លានដុល្លារ សាងសង់ខ្សែកាបអុបទិកក្រោមទឹក ព័ទ្ធជុំវិញពិភពលោកក្នុងចម្ងាយជាង ៤ ពាន់គីឡូម៉ែត្រ ហើយក្រុមហ៊ុននឹងកាន់កាប់គម្រោងមួយនេះ ផ្ដាច់មុខ ១០០ ភាគរយតែម្ដង ។ នេះបើតាមការចេញផ្សាយរបស់សារព័ត៌មាន Business Insider កាលពីចុងសប្ដាហ៍កន្លងទៅ ។ ខ្សែកាបក្រោមទឹករបស់ Meta នឹងតភ្ជាប់ឆ្នេរសមុទ្រភាគខាងកើត និងខាងលិចរបស់សហរដ្ឋអាមេរិក ដោយឆ្លងកាត់ប្រទេសឥណ្ឌា អាហ្វ្រិកខាងត្បូង និងអូស្ត្រាលី ។ ផែនការនេះនឹងមិនដាក់ពង្រាយនៅក្នុងតំបន់ធ្លាប់កើតមានករណីកាត់ខ្សែកាប និងតំបន់មានភាពតានតឹងផ្នែកភូមិសាស្ត្រនយោបាយ ដូចជា នៅសមុទ្រក្រហមនោះទេ ។ លោក Sunil Tagare សហគ្រិននៅក្នុងឧស្សាហកម្មខ្សែកាបក្រោមសមុទ្រ បានលើកឡើងថា គម្រោងសាងសង់ខ្សែកាប គឺស្ថិតនៅក្នុងដំណាក់កាលដំបូងប៉ុណ្ណោះ ។ ដំណាក់កាលដំបូងនៃគម្រោងនេះ នឹងមានតម្លៃ ២ ពាន់លានដុល្លារ ហើយនឹងកើនឡើងដល់ជាង ១០ ពាន់លានដុល្លារ ក្នុងរយៈពេលពី ៥ ទៅ ១០ ឆ្នាំខាងមុខ ។ ចំណែកបើតាមគេហទំព័រ…
-
លោក ត្រាំ ពិភាក្សាអំពីការរត់ពន្ធគ្រឿងញៀន និងពាណិជ្ជកម្មជាមួយនាយករដ្ឋមន្ត្រីកាណាដា
វ៉ាស៊ីនតោន ៖ ប្រធានាធិបតីជាប់ឆ្នោតអាមេរិក លោក Donald Trump បាននិយាយនៅក្នុងបណ្តាញសង្គមថា លោកបានពិភាក្សាជាមួយនាយករដ្ឋមន្ត្រីកាណាដា លោក Justin Trudeau លើបញ្ហាដែលប្រទេសរបស់ពួកគេត្រូវដោះស្រាយរួមគ្នា រួមទាំងការរត់ពន្ធគ្រឿងញៀន និងពាណិជ្ជកម្ម។ លោក Trump បានបង្ហោះសារនៅលើបណ្តាញសង្គមនាពេលថ្មីៗនេះថា គាត់ទើបតែមានកិច្ចប្រជុំប្រកបដោយភាពវិជ្ជមានជាមួយលោក Trudeau ។ អ្នកទាំងពីរបានជួបគ្នានៅឯរម្មណីយដ្ឋាន Mar-a-Lago របស់លោក Trump ក្នុងរដ្ឋ Florida។ លោក Trump បានអះអាងថា ប្រធានបទទាំងនោះរួមមានគ្រឿងញៀនខុសច្បាប់ ដែលបានរត់ពន្ធចូលសហរដ្ឋអាមេរិកពីកាណាដា និងប្រទេសដទៃទៀត ដែលលោកថា ជាលទ្ធផលនៃការធ្វើអន្តោប្រវេសន៍ខុសច្បាប់។ លោក Trump បន្តថា គាត់ និងលោក Trudeau ក៏បានពិភាក្សាអំពីឱនភាពពាណិជ្ជកម្មអាមេរិកដ៏ធំជាមួយកាណាដាផងដែរ ហើយថា លោក Trudeau បានសន្យាថាននឹងធ្វើការជាមួយសហរដ្ឋអាមេរិកលើបញ្ហានេះ។ បើតាមការបញ្ជាក់របស់លោក Trump ឧក្រិដ្ឋកម្ម និងគ្រឿងញៀនកំពុងហូរចូលដូចទឹកបាក់ទំនប់ទៅក្នុងសហរដ្ឋអាមេរិក តាមរយៈប្រទេសម៉ិកស៊ិក និងកាណាដា។ជាការឆ្លើយតប លោក Trump បានប្រកាសថ្មីៗនេះថា លោកនឹងបង្កើនពន្ធ…
-
លោក ហ្សេលែនស្គី ៖ អ៊ុយក្រែនត្រូវការការធានាសន្តិសុខ មុនចាប់ផ្តើមបទឈប់បាញ់
កៀវ ៖ ប្រធានាធិបតីអ៊ុយក្រែន លោក Volodymyr Zelenskyy បានសង្កត់ធ្ងន់ថា ប្រទេសរបស់លោកត្រូវការការធានាសន្តិសុខគ្រប់គ្រាន់ ដើម្បីពិចារណាថាតើត្រូវចាប់ផ្តើមកិច្ចចរចាបទឈប់បាញ់ជាមួយរុស្ស៊ីដែរឬទេ។ លោក Zelenskyy បាននិយាយបែបនេះនៅក្នុងសន្និសីទសារព័ត៌មានរួមមួយ ជាមួយប្រធានថ្មីរបស់ក្រុមប្រឹក្សាអឺរ៉ុប លោក Antonio Costa ក្នុងទីក្រុងកៀវ កាលពីថ្ងៃអាទិត្យម្សិលមិញ។ លោក Zelenskyy បានសង្កត់ធ្ងន់ថា អ៊ុយក្រែនត្រូវការការធានាសន្តិសុខគ្រប់គ្រាន់ ដើម្បីពង្រឹងជំហររបស់ខ្លួន មុនពេលរបៀបវារៈនៃការចរចាដែលអាចកើតមានជាមួយរុស្ស៊ី។ លោក Zelenskyy បានកត់សម្គាល់ថា ការធានាបែបនេះ ចាំបាច់ត្រូវរួមបញ្ចូលការផ្គត់ផ្គង់បរិមាណអាវុធរយៈចម្ងាយឆ្ងាយឲ្យបានគ្រប់គ្រាន់ និងការបើកដំណើរការនីតិវិធីផ្លូវការសម្រាប់អ៊ុយក្រែន ក្នុងការចូលជាសមាជិកណាតូ។ លោក Costa បានមកដល់រដ្ឋធានីអ៊ុយក្រែនជាមួយប្រធានគោលនយោបាយការបរទេសថ្មីរបស់សហភាពអឺរ៉ុប គឺលោក Kaja Kallas មុនពេលពួកលោកឡើងកាន់តំណែងជាផ្លូវការ។ លោក Costa បាននិយាយថា អឺរ៉ុបគ្រោងនឹងផ្តល់ជំនួយប្រចាំខែដល់អ៊ុយក្រែន ដែលមានតម្លៃ ១.៥ពាន់លានអឺរ៉ូ ឬប្រហែល ១.៥៨ពាន់លានដុល្លារសម្រាប់រយៈពេលមួយឆ្នាំ ដោយចាប់ផ្តើមពីខែមករា ឆ្នាំ២០២៥តទៅ។ លោក Costa បន្ថែមថា អឺរ៉ុបនឹងដាក់ប្រាក់ជំនួយជាមួយនឹងប្រាក់ចំណូលពីទ្រព្យសកម្មរបស់រុស្ស៊ី ដែលត្រូវបានបង្កក ដើម្បីជួយអ៊ុយក្រែន ហើយថាអឺរ៉ុបនឹងបន្តឈរប្រកៀកស្មារជាមួយអ៊ុយក្រែន៕…
-
វៀតណាមនឹងជួបប្រទះសីតុណ្ហភាពចុះត្រជាក់ខ្លាំងបំផុតប្រចាំឆ្នាំ
ហាណូយ ៖ ភាគខាងជើងវៀតណាម ត្រូវបានព្យាករណ៍ថា នឹងជួបប្រទះនូវសីតុណ្ហភាពចុះត្រជាក់រហូតដល់ ៧អង្សាសេនៅតាមតំបន់ភ្នំ។ ចាប់ពីថ្ងៃអាទិត្យ ដល់ថ្ងៃអង្គារសប្តាហ៍នេះ អាកាសធាតុនៅតំបន់ភាគខាងជើងនឹងចុះត្រជាក់នៅពេលយប់ និងពេលព្រឹក ដោយនៅតំបន់ភ្នំនឹងមានសីតុណ្ហភាពជាមធ្យមពី ១៣ដល់១៦អង្សាសេ និងតំបន់ទំនាបពី ១៥ដល់១៨អង្សាសេ ខណៈដែលសីតុណ្ហភាពខ្ពស់ គឺពី ២៤ដល់២៦អង្សាសេ។ ប៉ុន្តែប្លុកខ្យល់ត្រជាក់ខ្លាំងបំផុត គិតមកទល់ពេលនេះ បានគ្របដណ្តប់តំបន់នេះ ចាប់ពីថ្ងៃព្រហស្បតិ៍សប្តាហ៍មុន ធ្វើឱ្យសីតុណ្ហភាពជាមធ្យមធ្លាក់ក្រោម ២០អង្សាសេ។ គេហទំព័រព្យាករណ៍ឧតុមរបស់សហរដ្ឋអាមេរិក AccuWeather បានកំណត់សីតុណ្ហភាពទីក្រុងហាណូយនៅកម្រិត ២១ទៅ២៧អង្សាសេ ចាប់ពីថ្ងៃន្ទ ដល់ថ្ងៃពុធ មុនពេលធ្លាក់ចុះដល់ ១២ទៅ២០អង្សាសេនៅចុងសប្តាហ៍នេះ។ ចាប់ពីថ្ងៃអង្គារ ដល់ថ្ងៃព្រហស្បតិ៍សប្តាហ៍នេះ ភ្លៀងធ្លាក់រាយប៉ាយ និងផ្គររន្ទះ ត្រូវបានគេរំពឹងថា នឹងកើតមាននៅតំបន់នានា ចាប់ពីខេត្ត Quang Binh ដល់ខេត្ត Binh Thuan។ ចាប់ពីថ្ងៃសុក្រដល់ថ្ងៃអាទិត្យ សីតុណ្ហភាពចុះត្រជាក់ខ្លាំងនឹងពង្រីកលក្ខខណ្ឌភ្លៀងនៅទូទាំងតំបន់ភាគកណ្តាល។ ភ្លៀងត្រូវបានគេរំពឹងទុកនៅតំបន់ខ្ពង់រាបភាគខាងត្បូង និងកណ្តាលចាប់ពីថ្ងៃអង្គារ។ ហើយនៅថ្ងៃសៅរ៍ និងថ្ងៃអាទិត្យ ខ្យល់ត្រជាក់ត្រូវបានព្យាករណ៍ថា នឹងទៅដល់តំបន់ចំនួនពីរនៅពេលយប់ និងពេលព្រឹកព្រលឹម។ តំបន់ខ្ពង់រាបភាគកណ្តាលត្រូវបានគេរំពឹងថា នឹងមានសីតុណ្ហភាពពី ២៦ទៅ២៩អង្សាសេ…
-
ក្នុងអាស៊ី មានតែប្រទេសកម្ពុជាតែប៉ុណ្ណោះដែលចុះហត្ថលេខាផ្ដល់សច្ចាប័នទទួលស្គាល់តុលាការអន្ដរជាតិ (ICC)
ក្រៅពីនេះ រុស្ស៊ី ជាប្រទេសមួយក្នុងចំណោមប្រទេសមហាអំណាចចំនួនពីរ ដែលបានចុះហត្ថលេខា ប៉ុន្តែមិនទាន់បានផ្តល់សច្ចាប័នលើលក្ខន្តិកៈទីក្រុងរ៉ូម ដែលស្ថិតនៅក្រោមតុលាការព្រហ្មទណ្ឌអន្តរជាតិ (ICC)នៅឡើយ។ អាមេរិក ធ្លាប់បានចុះហត្ថលេខាលើលក្ខន្តិកៈនេះជាលើកដំបូង ប៉ុន្តែបានដកខ្លួនចេញវិញក្នុងខែឧសភា ឆ្នាំ២០០២ ក្រោមការគ្រប់គ្រងរបស់រដ្ឋបាលលោក George W. Bush – Statista #ams1minute
-
ប្រមុខការពារជាតិរុស្ស៊ីទៅកូរ៉េខាងជើង ចំពេលតានតឹង
បរទេស៖ នៅក្នុងដំណើរទស្សនកិច្ច នៅប្រទេសកូរ៉េខាងជើង រដ្ឋមន្ត្រីការពារជាតិរុស្ស៊ី លោក Andrei Belousov បានចូលរួម ក្នុងពិធីកម្រិតរដ្ឋ របស់ទីក្រុងព្យុងយ៉ាង នោះ គឺការរំលឹកដល់កងទ័ពសូវៀត ដែលបានស្លាប់ ក្នុងសង្គ្រាមលោក លើកទីពីរ។ រដ្ឋមន្ត្រីក្រសួងការពារជាតិរុស្ស៊ី Andrei Belousov ក្នុងពេលមានវត្តមាន នៅទីក្រុងព្យុងយ៉ាង កាលពីចុងសប្តាហ៍ បានធ្វើទស្សនកិច្ចទៅកាន់ទីតាំងមួយ រំលឹកដល់កងទ័ពសូវៀត ដែលបានស្លាប់ ក្នុងការរំដោះប្រទេសកូរ៉េ ពីប្រទេសជប៉ុន ក្នុងសង្គ្រាមលោក លើកទីពីរ ហើយត្រូវបានរៀបចំជូន នូវពិធីដ៏ថ្លៃថ្លា ដោយសិល្បករ របស់កូរ៉េខាងជើង ទៀតផង។ រដ្ឋមន្ត្រីក្រសួងការពារជាតិរុស្ស៊ីរូបនេះ ក៏ត្រូវជួបជាមួយមេដឹកនាំកូរ៉េខាងជើង លោក Kim Jong Un ផងដែរ។ ដំណើរទស្សនកិច្ចនេះកើតមាន ចំពេលដែលភាពតានតឹង កាន់តែខ្លាំងឡើង ជុំវិញការចោទពីរឿងដាក់ពង្រាយកងទ័ពរបស់ទីក្រុងព្យុងយ៉ាង នៅភាគខាងលិច នៃប្រទេសរុស្ស៊ី ដើម្បីជួយសង្គ្រាមរបស់ទីក្រុងមូស្គូ ប្រឆាំងនឹងអ៊ុយក្រែន ហើយបណ្តាប្រទេសលោកខាងលិចបានលុបចោល ការហាមឃាត់ ដែលមានយូរអង្វែង លើការប្រើប្រាស់មីស៊ីល របស់ពួកគេ ដើម្បីវាយប្រហារគោលដៅនានា នៅក្នុងប្រទេសរុស្ស៊ី…