បរទេស៖ ធ្លាប់តែនិយាយចំៗថាស្អប់អ្នកធ្វើការងារពីផ្ទះ ប៉ុន្តែពេលនេះក្រុមហ៊ុន Tesla របស់លោកមហាសេដ្ឋី Elon Musk ប្រកាសជ្រើសរើសបុគ្គលិកជំនាញមកពីគ្រប់ទិសទីឲ្យបម្រើការងារពីផ្ទះ ដែលនឹងទទួលប្រាក់ឈ្នួលដល់ទៅ ២៧ ម៉ឺនដុល្លារក្នុងមួយឆ្នាំ ។ យោងតាមការចេញផ្សាយដោយគេហទំព័រ Tododisca បានឲ្យដឹងថា ជំនាញដែលក្រុមហ៊ុន Tesla កំពុងបើកទ្វារទទួលស្វាគមន៍បុគ្គលិកដែលមានទេពកោសល្យ និងផ្ដល់ឱកាសធ្វើការងារពីចម្ងាយនោះមានដូចជា វិស្វករជាន់ខ្ពស់ អ្នកបង្ហាត់បង្រៀនមនុស្សយន្ត និងជំនាញទាក់ទងនឹង AI ។ ពាក់ព័ន្ធនឹងការងារវិស្វករជាន់ខ្ពស់ ក្រុមហ៊ុន Tesla ត្រូវការបទពិសោធន៍ការងារយ៉ាងតិច ៥ ឆ្នាំ, ស្គាល់ច្បាស់ពីប្រព័ន្ធប្រតិបត្តិការ Windows និង Linux រួមជាមួយនឹងជំនាញក្នុងការប្រើប្រាស់ និងគ្រប់គ្រងឧបករណ៍ដូចជា Relays និង Ethernet Switches ជាដើម ។ ការងារនេះទទួលបានកម្រៃពី ៧៩,២០០ ដុល្លារទៅ ២៧ ម៉ឺនដុល្លារក្នុងមួយឆ្នាំ ។ ចំណែកផ្នែកបង្ហាត់បង្រៀនមនុស្សយន្ត និងជំនាញទាក់ទងនឹង AI គឺផ្ដោតលើការធ្វើតេស្ត និងកែកុនមនុស្សយន្តដែលដំណើរការដោយបច្ចេកវិទ្យា AI របស់ក្រុមហ៊ុន…

បរទេស៖ អាជ្ញាធរវៀតណាមបានព្រមានថា ជនអនាមិកកំពុងឆ្លៀតឱកាសប្រើប្រាស់គេហទំព័រក្រុមហ៊ុនអាកាសចរណ៍ Vietnam Airlines ក្លែងក្លាយ ទាញយកផលប្រយោជន៍ពីអតិថិជន តាមរយៈការលក់សំបុត្រយន្តហោះខុសច្បាប់នៅលើអ៊ីនធឺណិត ស្របពេលដែលរដូវកាលដើរលេងកម្សាន្តកាន់តែខិតជិតមកដល់ ។ បើតាមអាជ្ញាធរសន្តិសុខព័ត៌មានរបស់ក្រសួងព័ត៌មាន និងទំនាក់ទំនងវៀតណាមបានឲ្យដឹងថា អ្នកក្លែងបន្លំប្រើឈ្មោះអាសយដ្ឋាដូចជា Vietnam Airslines ដែលមានបន្ថែមអក្សរ “S” នៅខាងក្រោយអក្សរ “R” និងឈ្មោះ Vietnam Aairlines ដែលមានអក្សរ A ពីរដងក្នុងពាក្យ Aairlines ដោយមើលមួយភ្លែតនឹងច្រឡំជាមួយឈ្មោះអាស័យដ្ឋានក្រុមហ៊ុនអាកាសចរណ៍ Vietnam Airlines ពិតប្រាកដ ។ អតិថិជនត្រូវបានជូនដំណឹងថា ជើងហោះហើរដែលត្រូវបានជ្រើសរើស គឺពេញអស់ហើយ ប៉ុន្តែអតិថិជនអាចទាក់ទងអ្នកលក់សំបុត្រតាមរយៈលេខទូរស័ព្ទ ។ បន្ទាប់មក អ្នកក្លែងបន្លំសុំឲ្យអតិថិជនធ្វើការទូទាត់សាច់ប្រាក់ភ្លាមៗ ដើម្បីទទួលបានសំបុត្រយន្តហោះ ។ ក្រោយទូទាត់លុយហើយ អតិថិជននឹងទទួលបានលេខកូដកក់ ដែលស្រដៀងគ្នាទៅនឹងជើងហោះហើរស្របច្បាប់របស់ក្រុមហ៊ុនអាកាសចរណ៍ Vietnam Airlines ប៉ុន្តែការកក់នេះនឹងត្រូវបានលុបចោលវិញភ្លាមៗដោយស្វ័យប្រវត្តិ ដោយសារតែខាងក្រុមហ៊ុនស្របច្បាប់បញ្ជាក់ថា តម្លៃសំបុត្រមិនទាន់ត្រូវបានបង់នៅឡើយទេ ។ អាជ្ញាធរបាននិយាយថា «ប្រតិបត្តិការទាំងអស់ត្រូវបានអនុវត្ត តាមអ៊ីនធឺណិត។ បន្ទាប់ពីទទួលបានប្រាក់ហើយ អ្នកបោកប្រាស់នឹងឈប់ទំនាក់ទំនងជាមួយជនរងគ្រោះទាំងអស់» ។…

បរទេស៖ នាយករដ្ឋមន្ត្រីថៃ លោកស្រី Paetongtarn Shinawatra បានជួបនិយាយគ្នា តាមទូរស័ព្ទជាមួយប្រធានាធិបតីជាប់ឆ្នោតថ្មី របស់សហរដ្ឋអាមេរិក លោក Donald Trump ដោយភាគីទាំងពីរបានបញ្ជាក់ប្រាប់គ្នា ទៅវិញទៅមកថា នឹងជួយគាំទ្ររដ្ឋាភិបាលគ្នា ទៅវិញទៅមក នេះបើតាមការចេញផ្សាយរបស់កាសែត Yahoo កាលពីថ្ងៃអង្គារ។ បើតាមប្រភពដដែល ខុទ្ទកាល័យរបស់លោកស្រី Paetongtarn បានប្រាប់ថា លោកស្រី នាយករដ្ឋមន្រ្តី ទើបតែបានជួបសន្ទនាតាមទូរស័ព្ទ ជាមួយប្រធានាធិបតី លោក Donald Trump ហើយក្នុងអំឡុងពេលសន្ទនា ទាំងលោកស្រី Paetongtarn និង លោក Trump បានសន្យាថា នឹងគាំទ្រដល់រដ្ឋបាល របស់គ្នា ទៅវិញទៅមក។ លោកស្រី Paetongtarn ដែលចូលកាន់តំណែង កាលពីខែកញ្ញា និងជានាយករដ្ឋមន្ត្រីក្មេងជាងគេរបស់ប្រទេសថៃ បានរំលឹកឡើងវិញ នូវការត្រៀមខ្លួនរបស់ប្រទេសថៃ ក្នុងការធ្វើការជាមួយសហរដ្ឋអាមេរិក ដោយលោកស្រីបញ្ជាក់ថា លោក Trump បានសរសើរការងារ របស់លោកស្រី។ លោក Trump បាននិយាយថា…

ហាណូយ ៖ ក្រសួងការពារជាតិវៀតណាមបានប្រកាសកាលពីថ្ងៃអង្គារថា ក្រុមហ៊ុនផលិតសព្វាវុធធំៗមកពីប្រទេសអ៊ីរ៉ង់ អ៊ីស្រាអែល ចិន រុស្ស៊ី និងអាមេរិក ត្រៀមសម្ងែងយោធូបករណ៍ទំនើបៗរបស់ពួកគេ នៅក្នុងពិព័រណ៍ការពារជាតិនៅទីក្រុងហាណូយ នៅចុងខែធ្នូ ដែលនេះជាករណីដ៏កម្រដែលគូប្រជែងភូមិសាស្ត្រនយោបាយដាក់តាំងអាវុធរួមគ្នា។ នេះបើតាមការចេញផ្សាយដោយកាសែតរ៉យទ័រ។ ក្រសួងការពារជាតិវៀតណាមបាននិយាយនៅក្នុងសេចក្តីថ្លែងការណ៍មួយថា ពិព័រណ៍ការពារជាតិដ៏ធំនឹងប្រារព្ធឡើងនៅទីក្រុងហាណូយ ចាប់ពីថ្ងៃទី១៩ដល់២២ ខែធ្នូ ខណៈក្រុមហ៊ុនជិត ២០០ មកពី ២៧ប្រទេសបានកក់ស្តង់រួចហើយ ក្នុងនោះមានទាំងក្រុមហ៊ុនមកពីចិន និងអ៊ីរ៉ង់ ដែលខកខានមិនបានចូលរួមជាលើកដំបូងកាលពីឆ្នាំ ២០២២។ យ៉ាងណា ក្រសួងការពារជាតិវៀតណាមនៅមិនទាន់បញ្ចេញបញ្ជីឈ្មោះក្រុមហ៊ុនចូលរួមជាផ្លូវការនៅឡើយទេ ហើយខ្លួនក៏មិនទាន់ដឹងច្បាស់ ថាតើអាវុធប្រភេទណាខ្លះ ដែលក្រុមហ៊ុនទាំងនោះ នឹងត្រូវយកមកដាក់តាំងបង្ហាញ។ បើតាមក្រសួងការពារជាតិវៀតណាមបានឱ្យដឹងថា មូលហេតុដែលវៀតណាមបង្កើតព្រឹត្តិការណ៍ពិព័រណ៌យោធាអន្តរជាតិនេះ គឺក្នុងគោលបំណងពង្រឹងកិច្ចសហប្រតិបត្តិការជាមួយដៃគូបរទេស ដើម្បីជំរុញឧស្សាហកម្មផលិតសព្វាវុធក្នុងស្រុក ដែលកំពុងរីកចម្រើន ជាមួយនឹងការផ្ទេរបច្ចេកវិទ្យា និង ស្វែងរកឱកាសនាំចេញទៅក្រៅប្រទេស។ តួយ៉ាង កាលពីពិព័រណ៍ក្នុងឆ្នាំ ២០២២ វៀតណាមបានចុះហត្ថលេខាលើកិច្ចសន្យាចំនួន ៥ ជាមួយក្រុមហ៊ុនការពារជាតិបរទេស។ នេះបើតាមការបញ្ជាក់របស់លោក Le Quang Tuyen អនុប្រធាននាយកដ្ឋានឧស្សាហកម្មការពារជាតិនៃក្រសួងការពារជាតិវៀតណាម។ សូមបញ្ជាក់ថា វៀតណាមដែលគ្រប់គ្រងដោយរបបដឹកនាំកុម្មុយនិស្តជាច្រើនឆ្នាំមកនេះ បានស្វែងរកការធ្វើពិពិធកម្មការផ្គត់ផ្គង់ឧបករណ៍យោធា ដើម្បីកាត់បន្ថយការពឹងផ្អែកជាងមួយទសវត្សរ៍តែទៅលើរុស្ស៊ី និងបានពិភាក្សាអំពីកិច្ចព្រមព្រៀងលទ្ធកម្មដ៏មានសក្តានុពលជាមួយបណ្តាប្រទេសជាច្រើន…

តិចសាស់ ៖ រ៉ុក្តែតយក្ស Starship របស់ក្រុមហ៊ុន SpaceX បានហោះបោះពួយសំដៅទៅកាន់ទីអវកាស ក្រោមក្រសែភ្នែកទាំងគូររបស់ប្រធានាធិបតីជាប់ឆ្នោតអាមេរិក លោក ដូណាល់ ត្រាំ និងមហាសេដ្ឋីបច្ចេកវិទ្យា លោក អេឡុន ម៉ាស។ នេះបើតាមការចុះផ្សាយរបស់កាសែតរ៉យទ័រ។ មុនពេលធ្វើតេស្តលើកទី៦ លោក ម៉ាស បានអញ្ជើញលោក ត្រាំ និងសមាជិកសភាធ្វើទស្សនកិច្ចបន្ទប់បញ្ជា (Starbase) របស់ក្រុមហ៊ុន SpaceX។ បន្ទាប់មកការបាញ់បង្ហោះសាកល្បងរ៉ុក្តែត Starship ត្រូវបានធ្វើឡើងកាលពីរសៀលម៉ោង៤ថ្ងៃអង្គារ (ម៉ោងក្នុងតំបន់) នៅឯទីស្នាក់ការក្រុមហ៊ុន SpaceX ក្នុងទីក្រុង Boca Chica នៃរដ្ឋតិចសាស់។ ប្រភពបានឱ្យដឹងថា ការធ្វើតេស្តលើកចុងក្រោយនេះ មិនបានទទួលជោគជ័យដូចការរំពឹងទុកទេ ដោយសារតែរ៉ុក្តែត Starship មិនអាចចូលចតនៅទីតាំងជើងទម្របាញ់បង្ហោះវិញបាន ហើយវាបែរជាធ្លាក់នៅឯឈូងសមុទ្រម៉ិកស៊ិក។ Starship ដែលជាប្រព័ន្ធរ៉ុក្កែតជំនាន់ក្រោយរបស់ក្រុមហ៊ុន SpaceX ជាផ្នែកមួយនៃផែនការប្រកបដោយមហិច្ឆិតារបស់លោក ម៉ាស ក្នុងការបញ្ជូនមនុស្ស និងទំនិញទៅកាន់ភពអង្គារនៅឆ្នាំ ២០២៦។ អង្គការ NASA ក៏គ្រោងនឹងប្រើប្រាស់រ៉ុក្តែត Starship ដើម្បីចុះចតអវកាសយានិកនៅលើភពព្រះចន្ទក្នុងទសវត្សរ៍នេះផងដែរ…