ព្រុចសែល ៖ ប្រធានទីភ្នាក់ងារអង្គការសហប្រជាជាតិ ទទួលបន្ទុកជនភៀសខ្លួនប៉ាឡេស្ទីន ហៅកាត់ (UNRWA) និយាយថា បុគ្គលិករបស់ខ្លួនចំនួន ២៤៣នាក់ត្រូវបានសម្លាប់ដោយសារការវាយប្រហារចាប់តាំងពីជម្លោះរវាងអ៊ីស្រាអែល និងក្រុមហាម៉ាស បានផ្ទុះឡើងនៅក្នុងខែតុលាឆ្នាំមុន។ អគ្គស្នងការ UNRWA លោក Philippe Lazzarini បានបង្ហាញតួលេខនេះនៅក្នុងសុន្ទរកថាទៅកាន់អង្គការសហប្រជាជាតិកាលពីថ្ងៃពុធសប្តាហ៍នេះ។ លោក Lazzarini និយាយថា ទីភ្នាក់ងាររបស់គាត់កំពុងជួបប្រទះនឹងពេលវេលាដ៏ខ្មៅងងឹតបំផុត បន្ទាប់ពីសភាអ៊ីស្រាអែលបានអនុម័តច្បាប់មួយកាលពីថ្ងៃទី២៨ ខែតុលា ដែលហាមប្រាម UNRWA ពីការធ្វើប្រតិបត្តិការនៅក្នុងប្រទេសអ៊ីស្រាអែល។ ច្បាប់នេះបានប្រកាសមួយសប្តាហ៍ បន្ទាប់ពីអ៊ីស្រាអែលបានជូនដំណឹងជាផ្លូវការដល់អង្គការសហប្រជាជាតិ អំពីការសម្រេចចិត្តរបស់ខ្លួន ក្នុងការបញ្ចប់កិច្ចសហប្រតិបត្តិការជាមួយ UNRWA។ អ្នកវិភាគនិយាយថា ទង្វើទាំងនេះអាចធ្វើឲ្យស្ថានភាពមនុស្សធម៌នៅតំបន់ហ្គាហ្សាស្ទ្រីបកាន់តែយ៉ាប់យ៉ឺនថែមទៀត។ យ៉ាងណា លោក Lazzarini និយាយថា ការដួលរលំនៃទីភ្នាក់ងាររបស់គាត់ កំពុងគំរាមកំហែងដល់អាយុជីវិត និងអនាគតរបស់មនុស្ស ក៏ដូចជាស្ថិរភាពក្នុងតំបន់។ ហើយលោកបានស្នើឱ្យប្រទេសសមាជិកអង្គការសហប្រជាជាតិប្រើប្រាស់ឧបករណ៍ច្បាប់និងនយោបាយទាំងអស់ ដើម្បីធានាឱ្យបាននូវសណ្តាប់ធ្នាប់អន្តរជាតិ ដែលផ្អែកលើច្បាប់។ មន្ត្រីសុខាភិបាលនៅហ្គាហ្សានិយាយថា ចំនួនអ្នកស្លាប់ដោយសារការប្រយុទ្ធគ្នារវាងអ៊ីស្រាអែល និងក្រុមហាម៉ាស ក្នុងតំបន់ហ្គាហ្សានមានជាង ៤៣.៧០០នាក់៕ ប្រភព ៖ AFP ប្រែសម្រួល ៖ ឈឹម…

បរទេស៖ នៅថ្ងៃពុធនេះ ក្រុមហ៊ុនអាកាសចរណ៍ ក្នុងប្រទេសអូស្ត្រាលី, ទីក្រុងហុងកុង, ឥណ្ឌា, ម៉ាឡេស៊ី និងសិង្ហបុរី បានលុបចោលជើងហោះហើរ ទៅ និងមកពីកោះបាលី របស់ប្រទេសឥណ្ឌូនេស៊ី បន្ទាប់ពីភ្នំភ្លើង នៅក្បែរនោះ បានផ្ទុះព្រួសផេះ មួយគីឡូម៉ែត្រ ឡើងទៅលើមេឃ។ ជើងហោះហើររបស់ក្រុមហ៊ុន Jetstar, Qantas និង Virgin Australia របស់ប្រទេសអូស្ត្រាលីទាំងអស់បានផ្អាកការហោះហើរ បន្ទាប់ពីភ្នំ Lewotobi Laki-Laki នៅលើកោះ Flores បានផ្ទុះ កាលពីមួយថ្ងៃមុន។ក្រុមហ៊ុនអាកាសចរណ៍ Malaysia Airlines, AirAsia, IndiGo របស់ឥណ្ឌា និង Scoot របស់សិង្ហបុរី ក៏បានលុបចោលជើងហោះហើរផងដែរ នៅថ្ងៃពុធ នេះបើយោងតាមអ្នកកាសែត AFP នៅអាកាសយានដ្ឋានអន្តរជាតិ របស់កោះបាលី។ ក្រុមហ៊ុន AirAsia បាននិយាយថា «ផេះភ្នំភ្លើងបង្កការគំរាមកំហែងយ៉ាងខ្លាំងក្លា ចំពោះសុវត្ថិភាពហោះហើររបស់យន្តហោះ នៅតំបន់ជុំវិញភ្នំភ្លើង» ខណៈដែលខ្លួនបានប្រកាសពីការលុបចោល ជាច្រើនលើក។ ការផ្ទុះអាចបង្កហានិភ័យយ៉ាងធ្ងន់ធ្ងរដល់ជើងហោះហើរ ការបំភាយផេះល្អិតល្អន់…

បរទេស៖ សមាជិកសភាជាតិវៀតណាម នៅថ្ងៃពុធនេះ បានទទួលរបាយការណ៍ស្តីពីគោលនយោបាយវិនិយោគ នៃគម្រោងផ្លូវរថភ្លើងល្បឿនលឿនខាងជើង-ខាងត្បូង ដែលមានតម្លៃប្រហែល ៦៧.៣៤ ពាន់លានដុល្លារអាមេរិក នេះបើតាមកាសែត VNexpress។ ក្នុងសម័យប្រជុំលើកទី ៨ របស់សភា នៅទីក្រុងហាណូយ រដ្ឋមន្ត្រីក្រសួងដឹកជញ្ជូន លោក Nguyen Van Thang បានបង្ហាញសំណើនេះ ក្នុងនាមនាយករដ្ឋមន្ត្រី ដោយចាត់ទុកថា គោលដៅនៃការវិនិយោគ គឺសាងសង់ផ្លូវរថភ្លើងល្បឿនលឿន ដើម្បីបំពេញតម្រូវការដឹកជញ្ជូន រួមចំណែកដល់ការរៀបចំរចនាសម្ព័ន្ធឡើងវិញ ប្រកបដោយនិរន្តរភាព។ ទីផ្សារដឹកជញ្ជូនតាមច្រករបៀងខាងជើង-ខាងត្បូង នឹងជាមូលដ្ឋានគ្រឹះសម្រាប់ការអភិវឌ្ឍន៍សេដ្ឋកិច្ចសង្គម ទន្ទឹមនឹងការធានាការពារជាតិ និងសន្តិសុខ។ ប្រភពបន្តថា ផ្លូវរថភ្លើង dual-track ថ្មីនេះ នឹងត្រូវរចនាឡើង ជាមួយនឹងសមត្ថភាពផ្ទុក ២២.៥តោន/អ័ក្ស , ល្បឿន ៣៥០ គីឡូម៉ែត្រ ក្នុងមួយម៉ោង ប្រវែងសរុប ប្រហែលជាង១,៥០០ គីឡូម៉ែត្រ ជាមួយនឹងស្ថានីយដឹកអ្នកដំណើរចំនួន ២៣ នាក់ និងស្ថានីយ៍ដឹកជញ្ជូនទំនិញ ចំនួន ៥ ។ ទាក់ទងនឹងការកំណត់ពេលវេលានៃគម្រោងនេះ លោករដ្ឋមន្ត្រីបានមានប្រសាសន៍ថា…

បរទេស៖ វាលខ្សាច់ដែលតែងតែដុតដោយពន្លឺព្រះអាទិត្យ នៅប្រទេសអារ៉ាប៊ី សាអូឌីត ត្រូវបានផ្លាស់ប្តូរទៅជាឈុតឆាករដូវរងា ដែលមិននឹកស្មានដល់ ក្នុងប៉ុន្មានថ្ងៃ ថ្មីៗនេះ ខណៈដែលព្រិលបានគ្របដណ្តប់ផ្នែកខ្លះ នៃខេត្ត Al-Jawf ពោលគឺនៅវាលខ្សាច់ Al-Nafūd ភាគខាងជើង នេះបើតាមកាសែត Newsweek ចេញផ្សាយ កាលពីថ្ងៃចន្ទ។ ព្រឹត្ដិការណ៍ដ៏កម្រនេះ បង្ហាញពីការធ្លាក់ព្រិលដំបូងគេ ដែលមិនធ្លាប់មាននៅក្នុងតំបន់ដែលគេស្គាល់ ជាទូទៅថា មានកំដៅដ៏ក្តៅខ្លាំងបំផុត និង វាលខ្សាច់ពណ៌មាស។ ខ្សែវីដេអូបង្ហាញពីផ្កាព្រិលធ្លាក់ ពេញវាលខ្សាច់ ខណៈដែលសត្វអូដ្ឋកាត់ស្រទាប់ទឹកកកស្តើងមួយ ដែលបានបង្កើតឡើង នៅលើផ្ទៃដី។ អ្នកស្រុក និងអ្នកទេសចរបានប្រញាប់ចេញ ពីរថយន្តរបស់ពួកគេ ដោយថតរូប និងវីដេអូ ផ្តិតយករូបភាពអាកាសធាតុ ដែលមិនធ្លាប់មានពីមុនមក។ អ្នកឧតុនិយមបានភ្ជាប់ អាកាសធាតុមិនធម្មតា ទៅនឹងប្រព័ន្ធសម្ពាធទាបដែលបានផ្លាស់ប្តូរពីសមុទ្រអារ៉ាប់ទៅកាន់ប្រទេសអូម៉ង់ ដោយនាំយកខ្យល់សំណើមចូលទៅក្នុងតំបន់ស្ងួតធម្មតា។ ការណ៍នេះបានបណ្តាលឱ្យមានព្យុះផ្គររន្ទះ និងភ្លៀងធ្លាក់ ពាសពេញផ្នែកខ្លះនៃប្រទេសអារ៉ាប៊ីសាអូឌីត និងប្រទេសជិតខាង ដែលបង្កើតបានការផ្លាស់ប្តូរទេសភាព ដែលមិនធ្លាប់មានបែបនេះ។ ជាធម្មតា សីតុណ្ហភាពនៅវាលខ្សាច់ Al-Nafūd អាចឡើងខ្ពស់រហូតដល់ ៥៥ អង្សាសេ ក្នុងកំឡុងខែរដូវក្តៅ។ សីតុណ្ហភាពធម្មតារបស់តំបន់នេះ…

តូក្យូ ៖ ក្រុមហ៊ុន Honda របស់ប្រទេសជប៉ុន ថ្មីៗនេះបានបង្ហាញម៉ូតូអគ្គិសនីគំរូចំនួនពីរម៉ូដែល ក្នុងនោះរួមមានម៉ូដែល “EV Fun Concept” និង “EV Urban Concept” នៅឯព្រឹត្តិការណ៍ពិព័រណ៌ EICMA 2024 នៅទីក្រុងមីលែន ប្រទេសអ៊ីតាលី។ នេះបើតាមការចេញផ្សាយដោយគេហទំព័រ Global Honda។ ក្រុមហ៊ុន Honda បានកំណត់យកឆ្នាំ ២០២៤ ជាឆ្នាំដំបូងសម្រាប់ការបើកបង្ហាញម៉ូតូអគ្គិសនីជាសកលរបស់ខ្លួន ហើយនឹងចាប់ផ្តើមវាយលុកចូលទីផ្សារម៉ូតូអគ្គិសនីពេញទំហឹងតែម្តងនៅឆ្នាំ ២០២៦។ ការបញ្ចេញម៉ូតូអគ្គិសនីគំរូនេះ គឺជាផែនការប្រកបដោយមហិច្ឆតារបស់ក្រុមហ៊ុន Honda ដែលមានគោលបំណងសម្រេចបាននូវអព្យាក្រឹតភាពកាបូន តាមរយៈផលិតផល និងសកម្មភាពសាជីវកម្មទាំងអស់របស់ខ្លួននៅឆ្នាំ ២០៥០។ ជាពិសេសសម្រេចបាននូវអព្យាក្រឹតភាពកាបូន សម្រាប់ផលិតផលម៉ូតូទាំងអស់របស់ខ្លួននៅក្នុងទសវត្សរ៍ឆ្នាំ ២០៤០។ ដើម្បីឈានឆ្ពោះទៅរកគោលដៅនេះ ក្រុមហ៊ុន Honda កំពុងខិតខំប្រឹងប្រែងអភិវឌ្ឍគ្រឿងម៉ាស៊ីនផ្តល់ថាមពលដល់ម៉ូតូសេរីថ្មីៗរបស់ខ្លួន ដែលនេះជាគោលដៅយុទ្ធសាស្ត្រការពារបរិស្ថាននាពេលអនាគត។ ប្រភពបានបង្ហើបឱ្យដឹងថា ក្រុមហ៊ុន Honda បាននឹងកំពុងជំរុញឱ្យមានភាពជឿនលឿនឆ្ពោះទៅរក នូវផែនការផលិតម៉ូតូអគ្គិសនីចំនួន ៣០ម៉ូដែលនៅទូទាំងពិភពលោកនៅត្រឹមឆ្នាំ ២០៣០។ តាមរយៈកិច្ចខិតខំប្រឹងប្រែងនេះ ក្រុមហ៊ុន Honda មានគោលបំណងពង្រីកចំណែកទីផ្សារពិភពលោករបស់ខ្លួន…

វ៉ាស៊ីនតោន ៖ ទ្រព្យសម្បត្តិសរុបរបស់លោក Musk ត្រូវបានគេរាយការណ៍ថា បានកើនឡើងលើស ៣០០ពាន់លានដុល្លារជាលើកដំបូង ក្នុងរយ:ពេលពីរឆ្នាំចុងក្រោយ ពោលគឺកើនឡើង ៧០ពាន់លានដុល្លារបន្ថែមទៀត។ នេះបើតាមការចេញផ្សាយដោយសារព័ត៌មាន CNBC។ ការកើនឡើងទ្រព្យសម្បត្តិនេះ កើតចេញពីការវិនិយោគរបស់លោក Elon Musk ដែលបានចំណាយដល់ទៅ ៤៤ពាន់លានដុល្លារ ដើម្បីទិញបណ្តាញសង្គម Twitter ដែលឥឡូវនេះប្តូរឈ្មោះថា X និងចាយអស់ ១៣០លានដុល្លារទៀត ដើម្បីជួយឱ្យលោក Donald Trump ជាប់ឆ្នោតជាប្រធានាធិបតីអាមេរិក។ ទន្ទឹមគ្នា តម្លៃមូនធនទីផ្សាររបស់ក្រុមហ៊ុន Tesla ក៏បានកើនឡើងលើសពី ១ពាន់លានដុល្លារផងដែរ គិតត្រឹមចុងសប្តាហ៍មុន ហើយការហក់ឡើងដ៏ខ្ពស់បែបនេះកើតឡើង បន្ទាប់ពីលោក Donald Trump ឈ្នះឆ្នោតក្លាយជាប្រធានាធិបតីអាមេរិក។ លោក Elon Musk នៅតែជាម្ចាស់ភាគហ៊ុនធំជាងគេរបស់ Tesla ដោយកាន់កាប់ភាគហ៊ុនសរុប ១៣ភាគរយ ដែលមានតម្លៃសរុបប្រហែល ១៣០ពាន់លានដុល្លារ។ ទោះបីជាយ៉ាងណា តម្លៃភាគហ៊ុនបច្ចុប្បន្នរបស់ Tesla នៅតែទាបជាង ២៥% នៃតម្លៃភាគហ៊ុនដែលធ្លាប់កើនឡើងដល់កម្រិតខ្ពស់បំផុត ក្នុងចំនួន…