តូក្យូ ៖ ក្រុមហ៊ុនជប៉ុន Toyota ចាប់ដៃគូជាមួយក្រុមហ៊ុនអាមេរិក Joby Aviation បង្កើតតាក់ស៊ីហោះអគ្គិសនីដឹកជញ្ជូនអ្នកដំណើរ ហើយថ្មីៗនេះបានធ្វើតេស្តហោះហើរវាលើកដំបូងដោយជោគជ័យ ក្នុងអំឡុងពិព័រណ៍អន្តរជាតិរបស់ Joby នៅប្រទេសជប៉ុន។ នេះបើតាមការចេញផ្សាយដោយសារព័ត៌មាន interesting engineering។ មូលហេតុដែល Toyota និង Joby សហការគ្នាបង្កើតតាក់ស៊ីហោះអគ្គិសនីនេះ គឺមានគោលបំណងកាត់បន្ថយការកកស្ទះចរាចរណ៍ កាត់បន្ថយផលប៉ះពាល់បរិស្ថាន និងផ្តល់ដំណោះស្រាយផ្នែកដឹកជញ្ជូនក្នុងទីក្រុង និងតំបន់ជនបទកាន់តែប្រសើរ ទាំងនៅប្រទេសជប៉ុន និងទូទាំងពិភពលោក។ តាក់ស៊ីហោះអគ្គិសនីរបស់ Joby រចនាឡើងមានកៅអីអង្គុយចំនួន៥ ក្នុងនោះមានអ្នកបើកម្នាក់ និងអ្នកដំណើរ ៤នាក់ ក្នុងល្បឿនជាង ៣២០គីឡូម៉ែត្រក្នុងមួយម៉ោង ព្រមជាមួយការបំពាក់បច្ចេកវិទ្យាបំភាយឧស្ម័នសូន្យ និងគ្មានសំឡេងរំខានដូចឧទ្ធម្ភាគចក្រ។ ការធ្វើតេស្តនេះទៀតសោត កើតឡើងប៉ុន្មានសប្តាហ៍ប៉ុណ្ណោះ បន្ទាប់ពីក្រុមហ៊ុន Toyota បានប្តេជ្ញាចិត្តបោះទុនវិនិយោគបន្ថែមចំនួន ៥០០លានដុល្លារទៅក្នុងក្រុមហ៊ុន Joby ដើម្បីគាំទ្រដល់ការចេញវិញ្ញាបនប័ត្រ និងការផលិតតាក់ស៊ីហោះអគ្គិសនីរបស់ក្រុមហ៊ុន។ មូលនិធិបន្ថែមនេះ ធ្វើឱ្យការវិនិយោគសរុបរបស់ Toyota នៅក្នុង Joby កើនឡើងដល់ ៨៩៤លានដុល្លារ៕ ប្រភព៖ interesting engineering…

ប៉េកាំង ៖ កងទ័ពអាកាសចិនឆាប់ៗនេះនឹងដាក់បង្ហាញយន្តហោះចម្បាំងបំបាំងកាយថ្មីរបស់ខ្លួន គឺ J-35A ជាផ្លូវការ នៅឯពិធីតាំងបង្ហាញយន្តហោះដ៏ធំមួយ នៅសប្តាហ៍ក្រោយ ដែលនឹងប្រព្រឹត្តទៅនៅទីក្រុង Zhuhai ចាប់ពីថ្ងៃទី១២ ដល់ថ្ងៃទី១៧ ខែវិច្ឆិកា។ នេះបើតាមការចេញផ្សាយដោយសារព័ត៌មាន CNN។ ការបញ្ចេញយន្តហោះ J-35A របស់ចិន ត្រូវបានគេមើលឃើញថា ជាការត្រៀមខ្លួនប្រជែងនឹងយន្តហោះចម្បាំងបំបាំងកាយដទៃទៀត រួមទាំង F-22 និង F-35 របស់សហរដ្ឋអាមេរិក។ ការអភិវឌ្ឍន៍យន្តហោះរបស់ចិន គឺជាផ្នែកមួយនៃការដេញថ្លៃរបស់ទីក្រុងប៉េកាំង ដើម្បីផ្គូផ្គងសមត្ថភាពយន្តហោះចម្បាំងបំបាំងកាយរបស់សហរដ្ឋអាមេរិក ខណៈដែលចិនកំពុងជំរុញទំនើបកម្មកងកម្លាំងប្រដាប់អាវុធ និងពង្រីកឥទ្ធិពលកម្លាំងយោធារបស់ខ្លួននៅក្នុងតំបន់អាស៊ី។ យន្តហោះ J-35A ត្រូវបានរចនាឡើងផ្តោតចម្បង សម្រាប់ប្រតិបត្តិការប្រយុទ្ធតាមអាកាស ហើយក៏អាចធ្វើការវាយលុកពីអាកាសទៅដីផងដែរ នេះបើយោងតាមរបាយការណ៍ពីបណ្តាញទំនាក់ទំនងយោធាចិន។ ប្រសិនបើយន្តហោះនេះ ត្រូវបានដាក់ឱ្យដំណើរការ នោះវានឹងធ្វើឱ្យចិនក្លាយជាប្រទេសទីពីរ បន្ទាប់ពីសហរដ្ឋអាមេរិកដែលផលិតបានយន្តហោះចម្បាំងបំបាំងកាយពីរប្រភេទ នេះបើតាមការអះអាងរបស់អ្នកជំនាញ ដកស្រង់ចេញដោយប្រព័ន្ធផ្សព្វផ្សាយរដ្ឋរបស់ចិន។ យន្តហោះចម្បាំងបំបាំងកាយ J-20 របស់ប្រទេសចិនដំបូង បានចូលបម្រើការងារក្នុងឆ្នាំ ២០១៧។ កងទ័ពរំដោះប្រជាជនចិន ហៅកាត់ (PLA) នៅចន្លោះខែកក្កដា ឆ្នាំ ២០២៣ និងខែមិថុនាឆ្នាំនេះ បានដាក់ពង្រាយយន្តហោះ…

បរទេស៖ ក្នុងពេលស្ថានភាពតានតឹងរវាងអ៊ីរ៉ង់និងអ៊ីស្រាអែល និងសង្គ្រាមនៅអ៊ុយក្រែន ប្រទេសរុស្ស៊ីបានបាញ់បង្ហោះផ្កាយរណបចំនួន ៥៥ គ្រឿង ទៅកាន់គន្លងតារាវិថី កាលពីថ្ងៃអង្គារ រួមទាំងផ្កាយរណប ពីរគ្រឿងរបស់អ៊ីរ៉ង់ ចំពេលមានទំនាក់ទំនង កាន់តែស៊ីជម្រៅ រវាងទីក្រុងម៉ូស្គូ និងទីក្រុងតេអេរ៉ង់។ ទីភ្នាក់ងារអវកាស Roscosmos របស់រុស្ស៊ី បាននិយាយថា គ្រាប់រ៉ុក្កែត Soyuz បានបាញ់ចេញពី ស្ថានីយ Vostochny Cosmodrome ក្នុងតំបន់ Far East របស់ប្រទេសរុស្ស៊ី។ Roscosmos បាននិយាយថា ផ្កាយរណបរុស្ស៊ីមាន ៥១ គ្រឿង, ផ្កាយរណបរុស្ស៊ី-ចិន មួយគ្រឿង និង ផ្កាយរណបរុស្ស៊ី-ហ្ស៊ីមបាវ៉េ ត្រូវបានដាក់ចូលទៅក្នុងគន្លងតារាវិថី ព្រមទាំង ផ្កាយរណបអ៊ីរ៉ង់ ពីរគ្រឿង ផងដែរ។ប្រភពបាននិយាយថា ការបាញ់នេះគឺជាចំនួនកំណត់ត្រា នៃការបាញ់ផ្កាយរណបរុស្ស៊ី ក្នុងពេលដំណាលគ្នា ដ៏ច្រើនពុំធ្លាប់មាន។ ផ្កាយរណបរូបភាព និងទំនាក់ទំនងរបស់អ៊ីរ៉ង់ ពីរគ្រឿង គឺ Koswar និង Hodhod ត្រូវបានរចនា និងសាងសង់ដោយក្រុមហ៊ុន…

បរទេស៖ នៅថ្ងៃពុធនេះ ក្រោយដឹងថាបានឈ្នះការបោះឆ្នោត ក្លាយជាប្រធានាធិបតីអាមេរិក លោក Donald Trump បានប្រកាសជ័យជម្នះ នៅក្នុងការបោះឆ្នោតនេះ ដោយបានថ្លែងកោតសរសើរ លោក Elon Musk ដែលបានជួយគាំទ្រដល់រូបលោក និងថែមទាំងព្រលយពាក្យថា « Elon Musk ជាតារាថ្មី» នេះបើតាម CNBC។ លោក Trump បានប្រាប់អ្នកគាំទ្រ នៅឯរដ្ឋ Florida ជាកន្លែងដែលរូបលោក ត្រូវបានអមដោយសមាជិកគ្រួសារថា «ខ្ញុំចង់អរគុណប្រជាជនអាមេរិកសម្រាប់កិត្តិយសដ៏អស្ចារ្យ ..យើងនឹងជួយប្រទេសរបស់យើង ឱ្យប្រសើរឡើងវិញ យើងនឹងកែលម្អអ្វីៗទាំងអស់ អំពីប្រទេសរបស់យើង»។ លោកបានថ្លែងថា «យើងបានបង្កើតប្រវត្តិសាស្ត្រនេះនឹងក្លាយជាយុគសម័យមាស របស់អាមេរិក»។ ឆ្លៀតពេលនោះ លោក Trump ថែមទាំងកោតបានសរសើរ នាយកប្រតិបត្តិក្រុមហ៊ុន Tesla លោក Elon Musk សម្រាប់ការគាំទ្រលោក នៅក្នុងយុទ្ធនាការ កន្លងមក។ លោកថា «យើងមានតារាថ្មី ផ្កាយមួយបានកើត នោះ គឺ Elon» ដែលគេស្គាល់ថា…

គៀវ ៖ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី អះអាងថា រុស្ស៊ីបានប្រើប្រាស់យន្តហោះគ្មានមនុស្សបើក ឬហៅថាដ្រូនជាង ២.០២៣គ្រឿង ក្នុងខែតុលា វាយប្រហារប្រឆាំងអ៊ុយក្រែន។ នេះបើតាមការចុះផ្សាយដោយសារព័ត៌មានរ៉យទ័រ។ កាសែតជប៉ុន NHK បានរាយការណ៍ថា លោក ហ្សេលេនស្គី បាននិយាយនៅក្នុងសុន្ទរកថាផ្សាយតាមកញ្ចក់ទូរទស្សន៍ថ្មីៗនេះថា រុស្ស៊ីបានប្រើប្រាស់យន្តហោះដ្រូនពិឃាតវាយលុកប្រឆាំងនឹងអ៊ុយក្រែនជារៀងរាល់ថ្ងៃ កាលពីខែតុលា។ មេដឹកនាំអ៊ុយក្រែនរូបនេះបន្ថែមថា យន្តហោះដ្រូនទាំងនោះ មានជាប់ពាក់ព័ន្ធនឹងសមាសធាតុជាង ១៧០,០០០គ្រឿង ដែលគួរតែមានវិធានការរារាំង ត្រូវបានផ្គត់ផ្គង់ទៅឱ្យប្រទេសរុស្ស៊ី។ លោក ហ្សេលេនស្គី បានសង្កត់ធ្ងន់ទៀតថា បញ្ហានេះកំពុងទាមទារឱ្យពិភពលោកធ្វើសកម្មភាពកាន់តែខ្លាំងឡើង ដើម្បីគ្រប់គ្រងការនាំចេញសមាសធាតុនិងធនធានពិសេសទៅដល់ដៃរុស្ស៊ី។ ហើយលោកក៏បានអំពាវនាវឲ្យសហគមន៍អន្តរជាតិ បង្កើនការដាក់ទណ្ឌកម្មលើរុស្ស៊ី ដើម្បីទប់ស្កាត់ប្រទេសនេះពីការផលិតយន្តហោះដ្រូនពិឃាតផងដែរ។ អាជ្ញាធរអ៊ុយក្រែនបានឱ្យដឹងថា កម្ទេចកម្ទីយន្តហោះដ្រូនរបស់រុស្ស៊ីដែលត្រូវបានស្ទាក់ចាប់ ឬបំផ្លាញបានធ្លាក់ក្នុងសង្កាត់ចំនួន៦ នៃរដ្ឋធានីគៀវ កាលពីពេលថ្មីៗនេះ បង្កឱ្យមានអគ្គិភ័យ និងបំផ្លិចបំផ្លាញបង្អួចនៅឯអគារលំនៅឋានជាច្រើនកន្លែង។ អ្នកសង្កេតការណ៍មួយចំនួននិយាយថា យោធារុស្ស៊ីប្រហែលជាកំពុងស្វែងរកការដាក់សម្ពាធលើអ៊ុយក្រែនឥតឈប់ឈរ ជាមួយនឹងការវាយប្រហារដោយយន្តហោះដ្រូន។ ជាការឆ្លើយតប អ៊ុយក្រែនកំពុងស្នើសុំឱ្យប្រទេសលោកខាងលិច បើកដៃឱ្យខ្លួនប្រើអាវុធរយៈចម្ងាយឆ្ងាយបាញ់ចូលកាន់តែជ្រៅ ដើម្បីឱ្យទីក្រុងគៀវអាចវាយប្រហារមូលដ្ឋានយោធានៅក្នុងទឹកដីរុស្ស៊ី និងទប់ស្កាត់ការវាយប្រហារដោយយន្តហោះដ្រូនរុស្ស៊ី៕ ប្រភព ៖ NHK ប្រែសម្រួល ៖…

វ៉ាស៊ីនតោន ៖ មហាសេដ្ឋីបច្ចេកវិទ្យា លោក Elon Musk មានបំណងផលិតកង់អគ្គិសនីដំបូងបង្អស់របស់ក្រុមហ៊ុន Tesla ដែលគ្រោងនឹងចេញលក់ក្នុងតម្លៃទាបគួរឱ្យភ្ញាក់ផ្អើលត្រឹមតែ ៦៩៩ដុល្លារ។ នេះបើតាមការចុះផ្សាយដោយគេហទំព័រ autopower។ ជាធម្មតា កង់អគ្គិសនីផលិតឡើងមានតម្លៃខ្ពស់លើសពីរាប់ពាន់ដុល្លារ ប៉ុន្តែខុសប្លែកពីក្រុមហ៊ុនដទៃ Tesla កំពុងធ្វើបដិវត្តន៍ឧស្សាហកម្មកង់អគ្គិសនី តាមរយៈផ្តល់នូវការរួមបញ្ចូលគ្នា ទាំងតម្លៃសមរម្យ ការការពារបរិស្ថាន និងបច្ចេកវិទ្យាទំនើប។ កង់អគ្គិសនីរបស់ Tesla ត្រូវបានប្រភពទម្លាយឱ្យដឹងថា នឹងបំពាក់ដោយបច្ចេកវិទ្យា និងមុខងារទំនើបៗ រួមបញ្ចូលទាំងថាមពលប្រើប្រាស់បានយូរ, មុខងារសុវត្ថិភាពកម្រិតខ្ពស់ និងបច្ចេកវិទ្យាបើកបរខ្លួនឯងនាពេលអនាគត។ យុទ្ធសាស្ត្រកំណត់តម្លៃកង់អគ្គិសនីថោកបែបនេះ ឆ្លុះបញ្ចាំងពីបេសកកម្មដ៏យូរអង្វែងរបស់លោក Musk ក្រៅពីឡានអគ្គិសនីប្រណីត កង់អគ្គិសនីក៏ជាជម្រើសដ៏ពេញនិយម ជាពិសេសមានតម្លៃសមរម្យសម្រាប់អ្នកប្រើប្រាស់ប្រចាំថ្ងៃផងដែរ។ តាមរយៈការវាយលុកចូលទីផ្សារកង់អគ្គិសនីនេះទៀតសោត ក្រុមហ៊ុន Tesla ក៏កំពុងកំណត់គោលដៅស្រូបទាញអ្នកធ្វើដំណើរក្នុងទីក្រុង និងអ្នកជិះដែលមានការយល់ដឹងអំពីបរិស្ថាន ហើយស្វែងរកមធ្យោបាយធ្វើដំណើរដ៏រីករាយ និងសន្សំសំចៃ។ វាក៏ស្របតាមចក្ខុវិស័យដ៏ទូលំទូលាយរបស់លោក Musk សម្រាប់ការដឹកជញ្ជូនប្រកបដោយនិរន្តរភាព។ យ៉ាងណា មិនទាន់មានប្រភពបង្ហើបឱ្យដឹងថាតើពេលណា Tesla ចាប់ផ្តើមផលិត ឬចេញលក់កង់អគ្គិសនីរបស់ខ្លួននៅឡើយទេ៕ ប្រភព៖ Autopower ប្រែសម្រួល ៖ ឈឹម…