បរទេស៖ នាយករដ្ឋមន្ត្រីអ៊ីតាលី លោកស្រី Giorgia Meloni កាលពីថ្ងៃសុក្រ បាននិយាយថា ការបាញ់របស់អ៊ីស្រាអែល លើក្រុមរក្សាសន្តិភាពអង្គការសហប្រជាជាតិ ហៅកាត់ UN នៅប្រទេសលីបង់ មិនអាចទទួលយកបានទេ។ លោកស្រី Giorgia Meloni បានថ្កោលទោសថា «ជាការមិនអាចទទួលយកបាន» ចំពោះការបាញ់របស់អ៊ីស្រាអែល ប្រឆាំងនឹងកងរក្សាសន្តិភាពរបស់អង្គការសហប្រជាជាតិ ក្នុងប្រទេសលីបង់ ជាកន្លែងដែលអ៊ីតាលីមានទាហានច្រើនជាង១,០០០នាក់ នៅទីនោះ។ លោកស្រី Meloni បាននិយាយ នៅឯកិច្ចប្រជុំកំពូលអឺរ៉ុប និងមេឌីទែរ៉ាណេ ថា «ទីស្នាក់ការបេសកកម្ម UNIFIL និងមូលដ្ឋានទ័ពអ៊ីតាលីចំនួនពីរ ត្រូវបានវាយប្រហារដោយការបាញ់ប្រហារ របស់កងកម្លាំងអ៊ីស្រាអែល… វាមិនអាចទទួលយកបានទេ..វាបំពានលើអ្វី ដែលត្រូវបានបង្កើតឡើង ក្រោមដំណោះស្រាយ របស់អង្គការសហប្រជាជាតិ លេខ «1701»ដែលគ្រប់គ្រងវត្តមាន របស់កងរក្សាសន្តិភាព»។ ជាមួយគ្នានេះ នាយករដ្ឋមន្ត្រីនៃប្រទេសលីបង់ លោក Najib Mikati ជំរុញឱ្យអង្គការសហប្រជាជាតិ អនុម័តដំណោះស្រាយមួយ ដោយអំពាវនាវឱ្យមានបទឈប់បាញ់ «ភ្លាមៗ» រវាងអ៊ីស្រាអែល និងក្រុម Hezbollah ដែលគាំទ្រដោយអ៊ីរ៉ង់ ក្នុងអំឡុងពេលថ្លែងសុន្ទរកថា…

ហាណូយ៖ សមាគមអ្នកនាំចេញ និងផលិតអាហារសមុទ្រវៀតណាម ហៅកាត់ VASEP បានរាយការណ៍ថា ការនាំចេញជលផលរបស់វៀតណាម បានឈានដល់ ៧,១៦ពាន់លានដុល្លារ ក្នុងរយៈពេល៩ខែ កន្លងមកនេះ កើនឡើង ៨,៥% ធៀបនឹងរយៈពេលដូចគ្នា កាលពីឆ្នាំមុន នេះបើតាមកាសែត VNexpress ចុះផ្សាយថ្មីៗនេះ។ ប្រភពបន្តថា គ្រាន់តែក្នុងខែកញ្ញា ប្រទេសនេះរកចំណូលបាន ៨៦៦លានដុល្លារ ពីការនាំចេញជលផល។ បង្គា នៅតែជាទំនិញជលផល ផ្តល់ចំណូលច្រើនជាងគេ ដល់វៀតណាម មានតម្លៃប្រហែល ២.៨ពាន់លានដុល្លារ ក្នុងរយៈពេល៩ខែមកនេះ ដែលកើនឡើង ១០.៥%។ ក្រៅពីនេះ ត្រីត្រា ក៏មានកំណើនគួរកត់សម្គាល់ គឺមានតម្លៃ ១.៤៦ពាន់លានដុល្លារអាមេរិក។ រីឯការនាំចេញត្រីធូណា បានធ្លាក់ចុះទំហំនាំចេញ ចាប់តាំងពីខែសីហាមក ដោយសារកង្វះខាតវត្ថុធាតុដើម ប៉ុន្តែ នៅតែកើនឡើងតម្លៃ ១៦% ដែលមានជាង ៧០០លានដុល្លារ ចាប់ពីខែមករា ដល់ខែកញ្ញា មកនេះ។ ក្រៅពីនេះ ក៏មានក្តាម ដែលផ្តល់ចំណូល ប្រមាណ២២៧លានដុល្លារផងដែរ។ VASEP ព្យាករណ៍ថា…

បរទេស៖ នៅថ្ងៃសុក្រនេះ ក្នុងកិច្ចកំពូលប្រជុំអាស៊ាន រដ្ឋមន្ត្រីការបរទេសរុស្ស៊ី លោក Sergei Lavrov បានហៅសកម្មភាពអាមេរិកនៅអាស៊ីថា ជាការធ្វើឲ្យខូចខាតធ្ងន់ធ្ងរ តាមរយៈជំរុញយោធាក្នុងតំបន់។ លោកបានចោទប្រកាន់ទីក្រុងវ៉ាស៊ីនតោនថា ជាអ្នកនៅពីក្រោយ «សកម្មភាពជំរុញយោធា» របស់ប្រទេសជប៉ុន និង ប៉ុនប៉ងបង្វែរប្រទេសផ្សេងទៀត ប្រឆាំងនឹងរុស្ស៊ី និងចិន នេះជាអ្វីដែលលោក Lavrov បានប្រាប់អ្នកយកព័ត៌មាន នៅឯកិច្ចប្រជុំកំពូលអាស៊ីបូព៌ា ក្នុងប្រទេសឡាវ។ លោកបញ្ជាក់ថា «ចរិតបំផ្លិចបំផ្លាញនៃសកម្មភាពរបស់សហរដ្ឋអាមេរិក នៅក្នុងផ្នែក នៃពិភពលោកនេះ គឺឃើញជាក់ស្តែង»។ នៅពេលសួរអំពីសំណើរបស់ជប៉ុន សម្រាប់កតិកាសញ្ញាអាស៊ី បែប NATO លោក Lavrov បាននិយាយថា «គំនិតអំពីការបង្កើតប្លុកយោធា តែងតែមានហានិភ័យនៃការប្រឈមមុខដាក់គ្នា ដែលអាចកើនឡើង»។ លោក Lavrov ក៏បាននិយាយផងដែរថា សហរដ្ឋអាមេរិក ជប៉ុន កូរ៉េខាងត្បូង នូវែលហ្សេឡង់ និងអូស្ត្រាលី បានព្យាយាមធ្វើសេចក្តីថ្លែងការណ៍ចុងក្រោយនៃកិច្ចប្រជុំកំពូល «នយោបាយយ៉ាងស៊ីជម្រៅ» ដូច្នេះ «មិនអាចទទួលយកបាន»។ លោកបាននិយាយថា ប្រទេសលោកខាងលិចចង់កេងប្រវ័ញ្ចទំនាក់ទំនងរបស់ពួកគេ ជាមួយអាស៊ាន «ប្រឆាំងនឹងផលប្រយោជន៍ របស់រុស្ស៊ី…

វ៉ាស៊ីនតោន៖ នាយកប្រតិបត្តិក្រុមហ៊ុន Tesla លោក Elon Musk បញ្ចេញឡានតាក់ស៊ីអគ្គិសនីបើកខ្លួនឯង ឬ Robotaxi ដែលមានទ្វារពីរ តែគ្មានដៃចង្កូត ឬឈ្នាន់ជាន់ហ្គ៊ែរ ក្នុងអំឡុងព្រឹត្តិការណ៍ដ៏រំជើបរំជួលមួយ កាលពីថ្ងៃទី១០ ខែតុលា។ នេះបើតាមការចុះផ្សាយរបស់កាសែតរ៉យទ័រ។ មហាសេដ្ឋីបច្ចេកវិទ្យារូបនេះនិយាយថា ការផលិតឡានតាក់ស៊ីអគ្គិសនីបើកខ្លួនឯងនេះ នឹងចាប់ផ្តើមនៅឆ្នាំ ២០២៦ ជាមួយនឹងតម្លៃចាប់ពី ៣០,០០០ដុល្លារក្នុងមួយគ្រឿង។ លោក Musk បានបញ្ជាក់យ៉ាងដូច្នេះថា អនាគតឡានតាក់ស៊ីអគ្គិសនីបើកខ្លួនឯង គឺនៅទីនេះ… យើងមានឡានប្រភេទនេះចំនួន៥០គ្រឿង… នៅទីនេះនៅយប់នេះ។ អ្នកនឹងឃើញឡានតាក់ស៊ីអគ្គិសនីម៉ូដែល Ys និង Cybercab ដែលមិនត្រូវការអ្នកបើកបរទាំងអស់នៅឆ្នាំ ២០២៦។ នៅក្នុងព្រឹត្តិការណ៍នេះដែរ លោក Musk ក៏បានបញ្ចេញឡានអគ្គិសនីបើកខ្លួនឯង មានទំហំធំជាងឡានទាំងពីរម៉ូដែល ដែលមានឈ្មោះថា Robovan អាចមានសមត្ថភាពផ្ទុកមនុស្សបានដល់ទៅ ២០នាក់ និងបានបង្ហាញមនុស្សយន្ត Optimus របស់ Tesla ផងដែរ៕ ប្រភព៖ រ៉យទ័រ ប្រែសម្រួលដោយ៖ ឈឹម ទីណា