សម្តេចធិបតី ហ៊ុន ម៉ាណែត និងលោកជំទាវបានអញ្ជើញចូលរួមក្នុងកម្មវិធី “ទិវាមច្ឆជាតិ” លើកទី១៩ នៅទីតាំងបឹងធំ ក្នុងភូមិកំពង់សំណាញ់, ឃុំមៀន ស្រុកព្រៃឈរ ខេត្តកំពង់ចាម ដោយមានការព្រលែងត្រី និងវារីសត្វប្រមាណជាង ១លាន ៥សែនក្បាល ចូលក្នុងដែនទន្លេ។ ទិវាមច្ឆជាតិ១កក្កដា ត្រូវបានរាជរដ្ឋាភិបាលកម្ពុជាបានចាត់ទុក «ជាទិវាដ៏សំខាន់មួយ ដែលត្រូវបានរៀបចំឡើងជារៀងរាល់ឆ្នាំ ដើម្បីបំផុសចលនាយល់ដឹង ក្នុងចំណោមប្រជាពលរដ្ឋចូលរួមក្នុងការថែរក្សាពូជត្រី ឱ្យមានក្នុងដែនទឹកធម្មជាតិផង និងបង្កើនផលត្រីនៅតំបន់ឆ្ងាយពីដែននេសាទផង ជាពិសេសនៅតាមតំបន់សមស្រប នៃវាលទំនាប និងនៅតាមវាលស្រែទូទាំងប្រទេស»។ ការចូលរួមក្នុងកម្មវិធី “ទិវាមច្ឆជាតិ” របស់សម្តេចធិបតី គឺជាលើកទីមួយហើយ បន្ទាប់ពីបានឡើងគ្រប់គ្រងរាជរដ្ឋាភិបាលថ្មី ចាប់តាំងពីថ្ងៃទី២២ សីហា ឆ្នាំ២០២២៣។ ក្នុងទិវាមច្ឆជាតិ១កក្កដានេះ ត្រីមេពូជ កូនត្រី និងវារីសត្វសរុបជាង ២០ប្រភេទ ចំនួនប្រមាណ ១លាន ៥សែនក្បាល ដូចជាត្រីប្រា ត្រីពោ ត្រីឆ្ពិន ត្រីកាហែ ត្រីគល់រាំង បង្កងទឹកសាប អណ្តើក កន្ធាយជាដើម ត្រូវបានព្រលែងចូលក្នុងបឹងធំ នៃខេត្តកំពង់ចាមនេះ។ រាជរដ្ឋាភិបាលអាណ្ណត្តិទី៧ បានដាក់ចេញនូវយុទ្ធសាស្ត្របញ្ចកោណ…

គ្រាប់យុទ្ធភណ្ឌមិនទាន់ផ្ទុះចំនួនជាង ២០គ្រាប់ និងកាណុងបាញ់ចំនួន ២ដើម ត្រូវបានគេប្រទះឃើញកប់ដីក្នុងចម្ការដំឡូងមីមួយកន្លែង នៅខេត្តបាត់ដំបង។ គ្រាប់យុទ្ធភណ្ឌទាំងនោះ ត្រូវបានគេរកឃើញវេលាម៉ោង៨ព្រឹក ថ្ងៃទី២៨ មិថុនា ឆ្នាំ២០២៤ នៅចំណុចអូរស្ពឺ ស្ថិតក្នុងភូមិកំពង់ទូក ឃុំមានជ័យ ស្រុកសំឡូត ខេត្តបាត់ដំបង។ គ្រាប់យុទ្ធភណ្ឌទាំងនោះរួមមាន គ្រាប់ប្រភេទ ៦០មីលីម៉ែត្រចំនួន ២៣គ្រាប់, កាំភ្លើង ៦០មីលីម៉ែត្រចំនួន ២ដើម ,ជើងទម្រកាណុងចំនួន២, កែវឆ្លុះចំនួន១ និងកាំភ្លើងម៉ាក AR15 ចំនួន ១ដើម។ កម្ពុជាក្នុងអតីតកាលសង្គ្រាមស៊ីវិល អាវុធយុទ្ធភណ្ឌ និងគ្រឿងផ្ទុះនានា បានរាយប៉ាយស្ទើរគ្រប់កន្លែង ជាពិសេសក្នុងតំបន់សមរភូមិភាគពាយព្យ, ភាគបស្ចឹម និងឧត្តរ នៃប្រទេសកម្ពុជា។

សម្តេចតេជោ ហ៊ុន សែន បានស្នើដល់រាជរដ្ឋាភិបាល រៀបចំមហាពិធីដ៏អ៊ឹកអធិកមួយ នៅថ្ងៃបើកការដ្ឋានសាងសង់សំណង់ព្រែកជីកហ៊្វូណនតេជោ។ ការដ្ឋានស្ថាបនាព្រែកជីកហ្វូណនតេជោ ដែលក្រុមធ្វើនយោបាយប្រឆាំងនៅក្រៅប្រទេស បានព្យាយាមរារាំងមិនឱ្យសំណង់ជាប្រវត្តិសាស្ត្ររបស់ជាតិ បានកើតឡើងនោះ នឹងត្រូវចាប់ផ្តើមជាផ្លូវការនៅថ្ងៃទី០៥ ខែសីហា ឆ្នាំ២០២៤។ គម្រោងសំណង់ព្រែកជីកហ៊្វូណនតម្លៃ ១ពាន់ ៧០០លានដុល្លារ ដែលកម្ពុជាត្រៀមនឹងកសាងជាលើកដំបូង ក្នុងប្រវត្តិសាស្ត្រ បានរងនឹងការវាយប្រហាររិះគន់ ពីសំណាក់មនុស្សមួយចំនួន ជាពិសេសទណ្ឌិតសមរង្ស៊ី ជាមួយការផ្សព្វផ្សាយព័ត៌មានមិនពិត ក្នុងបំណងរារាំងផែនការអភិវឌ្ឍន៍សេដ្ឋកិច្ចជាតិខ្មែរ មិនឱ្យសម្រេចបានឡើយ។ ប៉ុន្តែក្រោមចលនាជាតិដ៏ខ្លាំងក្លា, នយោបាយទុច្ចរឹត ដែលព្យាយាមរារាំងមិនឱ្យព្រែកជីកជាប្រវត្តិសាស្ត្ររបស់ជាតិ ចេញជារូបរាងនោះ ត្រូវបានពលរដ្ឋខ្មែរថ្កោលទោសប្រឆាំងទណ្ឌិតក្បត់ជាតិនោះយ៉ាងខ្លាំងក្លា និងពលរដ្ឋជាច្រើននៅទូទាំងប្រទេស ខ្លះថែមទាំងបានធ្វើញ្ញត្តិគាំទ្ររាជរដ្ឋាភិបាល ជំរុញលើគំរោងព្រែកជីកហ៊្វូណនតេជោ ដែលនឹងមានប្រវែង១៨០គីឡូម៉ែត្រ ចាប់ពីព្រែកតាកែវ នៃទន្លេមេគង្គ, ឆ្លងកាត់តាមព្រែកតាឯក, ព្រែកតាហ៊ីង នៃទន្លេបាសាក់ ស្រុកកោះធំ និងបន្តរហូតដល់សមុទ្រខេត្តកែប ដោយឆ្លងកាត់ខេត្តចំនួន៤ គឺខេត្តកណ្តាល, តាកែវ, កំពត និងខេត្តកែប ដែលមានប្រជាជនសរុប ១លាន ៦សែននាក់ រស់នៅអមសងខាងនៃផ្លូវទឹកនេះ។ សម្តេចតេជោបានថ្លែងថា គម្រោងសាងសង់ព្រែកជីកហ្វូណន-តេជោ គឺដើម្បីបម្រើប្រយោជន៍សេដ្ឋកិច្ច កាត់បន្ថយចំណាយដឹកជញ្ជូន, ការជួយសម្រួលដល់ជីវភាពប្រជាពលរដ្ឋ សម្រាប់ការដឹកជញ្ជូនផ្លូវទឹក…

សត្វចម្លែកដែលតែងខាំ និងហែកសត្វឆ្កែស៊ីគ្រឿង ក្នុងត្រូវបានព័ទ្ធចាប់សម្លាប់បានមួយក្បាលជាលើកដំបូង នៅក្នុងស្រុកកំចាយមារ ខេត្តព្រៃវែង។ កម្លាំងសមត្ថកិច្ចប៉ុស្តិរដ្ឋបាលឃុំស្មោងខាងត្បូង នៃស្រុកកំចាយមារ បានហៅសត្វចម្លែក ដែលគេបានសម្លាប់កាលពីយប់រំលងអាធ្រាត្រម៉ោង១២និង៣៥នាទីឈានចូលថ្ងៃទី២៨មិថុនាថា ជាសត្វកញ្ជ្រោង។ នៅក្នុងស្រុកកំចាយមារនោះ មានឆ្កែមួយចំនួនហើយត្រូវគេជឿថា បានស្លាប់ដោយសារតែសត្វកញ្ជ្រោង។ ការតាមប្រមាញ់សត្វកញ្ជ្រោងនេះ បានធ្វើឡើងជាច្រើនថ្ងៃមកហើយ ដោយអ្នកខ្លះនិយាយសង្ស័យថា ជាសត្វខ្លា ដែលបណ្តាលឱ្យអ្នកភូមិកាន់តែភ័យខ្លាច។ សមត្ថកិច្ចប៉ុស្តិ៍រដ្ឋបាលឃុំស្មោងខាងត្បូង បានថ្លែងថា នាវេលាយប់ថ្ងៃទី២៧មិថុនា គ្រាដែលពលរដ្ឋ និងសមត្ថកិច្ច បាននាំគ្នាចេញល្បាតរកសត្វចម្លែកនោះ ស្រាប់តែមានការស្រែកប្រកូកប្រកាសរបស់អ្នកស្រុកក្នុងភូមិអូរកន្ទុយ នៃឃុំស្មោញខាងត្បូង ដែលប្រទះឃើញសត្វចម្លែកនេះ បានលោតចូលក្នុងរបងផ្ទះប្រជាពលរដ្ឋ ដែលគេជឿថា វាបម្រុងចាប់ហែកសត្វឆ្កែអ្នកស្រុកស៊ីទៀត។ ប៉ុន្តែនៅពេលដែលម្ចាស់ផ្ទះបានឃើញទាន់ និងបានស្រែកប្រកូកប្រកាសនោះ សត្វនេះបានផ្អើលលោតចេញមកក្រៅរបងវិញ ស្របពេលនោះ កម្លាំងសមត្ថកិច្ច និងប្រជាពលរដ្ឋ ដែលនៅក្បែរនោះ បានឃើញ និងនាំគ្នាចោមព័ទ្ធស្ទាក់វាយសម្លាប់ចោល។ ក្រោយការសម្លាប់រួច ទើបអ្នកភូមិបានដឹងសត្វចម្លែកដែលគេបានបារម្ភអំពីសុវត្ថិភាពនោះ គឺមិនមែនជាសត្វខ្លាទេ ប៉ុន្តែវាជាសត្វកញ្ជ្រោង ដែលជាសត្វខ្លាចមនុស្ស។ ទោះជាយ៉ាងណាក៏ដោយសមត្ថកិច្ចបានថ្លែងថា សត្វចម្លែកដែលយាយីសត្វឆ្កែស្រុកនោះ ត្រូវគេជឿថា មិនមែនមានតែមួយក្បាលនេះទេ។

ព្រឹទ្ធាចារ្យស្តេចចាប៉ីដងវែង នៃប្រទេសកម្ពុជា លោកតា គង់ ណៃ បានទទួលមរណភាពហើយ នៅថ្ងៃទី២៨ មិថុនា ឆ្នាំ២០២៤ ដោយរាគាពាធិ។ សម្តេចធិបតី ហ៊ុន ម៉ាណែត បានថ្លែងសារ «ចូលរួមរំលែកទុក្ខយ៉ាងក្រៀមក្រំ» ចំពោះក្រុមគ្រួសារ របស់ព្រឹទ្ធចារ្យកោសល្យវោហា គង់ ណៃ។ អប្សរាណិតរាយការណ៍

ក្រសួងមហាផ្ទៃ បានបដិសេធចំពោះការចោទប្រកាន់របស់អង្គការសម្ព័ន្ធការងារ និងសិទ្ធិមនុស្ស ហៅកាត់ថាសង់ត្រាល់ ដែលនិយាយថា ការពិនិត្យលើញ្ញត្តិនានា ដែលបានប្តឹង អង្គការសិទ្ធិមនុស្សនេះ ទៅក្រសួងមហាផ្ទៃ ជាការព្យាយាមបំភិតភ័យ ទៅលើអង្គការរបស់ខ្លួន។ អង្គការសម្ព័ន្ធការងារ និងសិទ្ធិមនុស្សសង់ត្រាល់ បានរងនឹងការប្តឹងពីសភាសម្ព័ន្ធសហជីពជាតិកម្ពុជា NACC ដែលតំណាងសម្លេងជាង ៣២ម៉ឺននាក់ មកពី ៦៨សហព័ន្ធសហជីព និងអង្គការ និងសមាគម។ អប្សរាណិតរាយការណ៍

សម្តេចតេជោ ហ៊ុន សែន បានប្រាប់ប្រជាពលរដ្ឋនូវគំរោងឧបាយកលមួយ របស់អ្នកធ្វើនយោបាយមួយក្រុម ដែលចង់បង្កើតរដ្ឋាភិបាលខ្មែរមួយនៅក្រៅប្រទេស។ ក្នុងឱកាសចូលរួមខួបលើកទី៧៣ឆ្នាំ នៃការបង្កើតគណបក្សប្រជាជនកម្ពុជា នាថ្ងៃទី២៨ មិថុនា ឆ្នាំ២០២៤ សម្តេចតេជោប្រធានគណបក្សប្រជាជនកម្ពុជា បានថ្លែងព្រមានទុកជាមុន នូវការត្រៀមធ្វើសកម្មភាពច្បាប់ ដើម្បីប្រឆាំងនឹងបក្ខពួកជាប់ពាក់ព័ន្ធនឹងក្រុមបង្កើតរដ្ឋាភិបាល ដោយខុសច្បាប់នោះ។ អតីតកាលកម្ពុជាដែលឆ្លងកាត់សង្គ្រាមស៊ីវិលជិត៣០ឆ្នាំ ដោយសារតែអំពើរដ្ឋប្រហារថ្ងៃទី១៨ មីនា ឆ្នាំ១៩៧០ បានធ្វើឱ្យប្រទេសរងនឹងភាពខ្ទេចខ្ទាំដោយមហាវិនាសកម្មសង្គ្រាម, ប្រទេសត្រូវបានធ្លាក់ចូលក្នុងរបបកាប់សម្លាប់ខ្មែរក្រហមរវាងពីឆ្នាំ១៩៧៥ ដល់ដើមឆ្នាំ១៩៧៩ ដែលមានមនុស្សស្លាប់ជាងបីលាននាក់ ក្នុងរយៈពេលតែ៣ឆ្នាំ៨ខែ២០ថ្ងៃ។ ក្រោយថ្ងៃរំដោះ៧មករាឆ្នាំ១៩៧៩, ការធ្វើគនិងថ្លង់របស់សហគមន៍អន្តរជាតិ ដែលបន្តទទួលស្គាល់របបដឹកនាំកម្ពុជាប្រជាធិបតេយ្យ ដែលគេស្គាល់ថា ជារបបខ្មែរក្រហមនៅលើឆាកអន្តរជាតិ បានអូសបន្លាយសង្គ្រាមបំផ្លិចបំផ្លាញអាយុជីវិត និងទ្រព្យសម្បត្តិជាតិ និងប្រជាជន។ សង្គ្រាមស៊ីវិលក្រោយមកត្រូវបានបញ្ចប់ ក្រោមនយោបាយឈ្នះឈ្នះរបស់សម្តេចតេជោ ហ៊ុន សែន នៅថ្ងៃទី២៩ ធ្នូ ឆ្នាំ១៩៩៨ ដោយក្រុមគណៈរដ្ឋមន្ត្រីខ្មែរក្រហមទាំងអស់ បាននាំគ្នាមកផ្ទះសម្តេចតេជោ ហ៊ុន សែន នៅក្នុងក្រុងតាខ្មៅ ដើម្បីធ្វើការចុះចូលបញ្ចប់សង្គ្រាម។ សន្តិភាពពិតប្រាកដ បានចាប់ផ្តើមមានតាំងពីពេលនោះមក។ សម្តេចតេជោ ហ៊ុន សែន បានថ្លែងថា ក្រុមធ្វើនយោបាយទុច្ចរឹត ដើម្បីប៉ុនប៉ងផ្តួលរំលំការដឹកនាំរាជរដ្ឋាភិបាលបច្ចុប្បន្ន នៅមិនទាន់អស់ទាំងស្រុងនៅឡើយទេ។…

សម្ភារៈពន្លត់អគ្គិភ័យ រួមមានមួក, ស្រោមមុខការពារពន្លឺ, ខោអាវ ស្រោមដៃ ស្បែកជើង សម្រាប់ពន្លត់អគ្គិភ័យ, ឧបករណ៍សម្រាប់ដកដង្ហើម, បំពង់អុកស៊ីហ្សែន និងម៉ាស៊ីនផលិតអុកស៊ីហ្សែន ត្រូវបានប្រគល់កងកម្លាំង៧១១ និងកងកម្លាំង៩១១ នៃបញ្ជាការដ្ឋានទ័ពពិសេស។ សម្ភារៈសម្រាប់ប្រតិបត្តិការជួយសង្រ្គោះក្នុងករណីមានអគ្គិភ័យ ដែលជាអំណោយរបស់ម្តេចធិបតី ហ៊ុន ម៉ាណែត ត្រូវបានផ្តល់តាមរយៈកិត្តិសង្គហបណ្ឌិត គន់ គីម អនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ ក្នុងពិធីមួយ នាថ្ងៃទី២៧ មិថុនា ឆ្នាំ២០២៤។ ទេសរដ្ឋមន្រ្តី គន់ គីម បានថ្លែងថា ដោយបានមើលឃើញពីផលលំបាក របស់កងប្រតិបត្តិការរុករក និងសង្គ្រោះគ្រោះមហន្តរាយ៧១១ នៃកងពលតូចលេខ៧០ និងកងប្រតិបត្តិការរុករក និងសង្គ្រោះមហន្តរាយ៩១១ នៃបញ្ជាការដ្ឋានទ័ពពិសេស ដែលកន្លងមកបានចូលរួមយ៉ាងសកម្ម ក្នុងប្រតិបត្តិការករណីអគ្គិភ័យ មិនថាករណីឆេះលំនៅដ្ឋាន, ឆេះអគារ និងរោងចក្រជាដើមនោះ សម្តេចធិបតី ហ៊ុន ម៉ាណែត នាយករដ្ឋមន្រ្តី បានផ្តល់ជាសម្ភារៈទាំងនេះ ដើម្បីពង្រឹងសមត្ថភាពក្រុមការងារសង្គ្រោះនេះ ជាបន្ថែមទៀត។ អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានណែនាំដល់មេបញ្ជាការកងទ័ពជើងគោក ត្រូវរៀបចំផែនការ និងការហ្វឹកហ្វឺនឱ្យបានជាប់ជាប្រចាំ ជាពិសេសក្នុងរដូវវស្សាបានមកដល់…

«ពហុកីឡដ្ឋានសម្តេចតេជោក្រគរ» តម្លៃច្រើនលានដុល្លារ គ្រោងបើកការដ្ឋានសាងសង់ជាផ្លូវការនាថ្ងៃទី០១ ខែកក្ដដា ឆ្នាំ២០២៤ សប្តាហ៍ក្រោយនេះហើយ។ «ពហុកីឡដ្ឋានសម្តេចតេជោក្រគរ» មានទីតាំងនៅបរិវេណទីលានវាលសម្តេច «យស» លើផ្ទៃដីប្រមាណ២៥ហិកតា ស្ថិតក្នុងភូមិវាលវង់ ឃុំស្នាអន្សា ស្រុកក្រគរ ខេត្តពោធិ៍សាត់។ ពិធីបើកការដ្ឋានសាងសង់ពហុកីឡដ្ឋាននេះដែរ គ្រោងធ្វើឡើងក្រោមអធិបតីភាព លោក កែវ រតនៈ រដ្ឋមន្ត្រីក្រសួងរ៉ែ និងថាមពល និងជាប្រធានក្រុមការងាររាជរដ្ឋាភិបាល ចុះជួយមូលដ្ឋានខេត្តពោធិ៍សាត់។ ពហុកីឡដ្ឋាននេះ រួមមានទីលានបាល់ទាត់ខ្នាតអន្តរជាតិ ទីលានមហោស្រព ទីលានបាល់ទះ ទីលានបាល់បោះ ទីលានរត់ប្រណាំង ទីលានវាយសី កន្លែងអង្គុយទស្សនា កន្លែងហាត់ប្រាណ ប្រព័ន្ធផ្លូវខ្វាត់ខ្វែង វាលស្មៅ កន្លែងក្មេងលេង កន្លែងអង្គុយលេង ស្រះទឹក និងកន្លែងចតរថយន្តជាដើម។ គម្រោងនេះ ត្រូវរាជរដ្ឋាភិបាលបានចាត់ទុកថា គឺដើម្បីឆ្លើយតបទៅនឹងភាពរីកចម្រើន នៃវិស័យកីឡានៅកម្ពុជា និងបន្សល់ទុកជាកេរ្តិ៍មរតកសម្រាប់ខេត្ត ពិសេសទាក់ទាញការវិនិយោគ មកពីគ្រប់មជ្ឈដ្ឋាន តាមរយៈផ្តល់ទីកន្លែងហាត់ប្រាណ ស្តង់ដារអន្តរជាតិ ដល់វិនិយោគិន ក៏ដូចជាកម្មករនិយោជិត ពីព្រោះទីតាំងនេះ នៅក្បែរនឹងតំបន់សេដ្ឋកិច្ចពិសេសក្រគរ ដែលរួមមានរោងចក្រ និងសហគ្រាសធំៗ ជាច្រើនផងដែរ។

អយ្យការអមសាលាដំបូងរាជធានីភ្នំពេញ បានស្វែងរកទោសចោទប្រកាន់ដាក់លើអតីតឧកញ៉ា ស្រី ស៊ីណា ជាបន្ថែមទៀត ខណៈដែលសាធារណមតិចង់ឃើញជនល្មើសជាឃាតកររូបនោះ ជាប់គុកអស់មួយជីវិត។ ករណីឃាតកម្មថ្ងៃទី១៧មិថុនា ដោយអតីតឧកញ៉ា ស្រី ស៊ីណា ដែលបានបាញ់សម្លាប់ ដោយកាំភ្លើងខ្លី ទៅលើបុរស និងស្រ្តី ២រូប ជាគូដណ្តឹងឈ្មោះ ឡុង លីសុង និងកញ្ញា កញ្ចនា បានធ្វើឱ្យមានភាពរំជើបរំជួលដល់សាធារណមតិ។ អយ្យការសាលាដំបូងរាជធានី បានបញ្ចេញនូវការសម្រេចចោទប្រកាន់លើសំណុំរឿងចំនួន២ លើខ្មាន់កាំភ្លើង ស្រី ស៊ីណា ដែលទោសនីមួយអាចជាប់ពន្ធនាគាររយៈពេលពី១០ទៅ១៥ឆ្នាំ។ ប៉ុន្តែអយ្យការសាលាដំបូងរាជធានីមិនបញ្ឈប់ត្រឹមបទចោទប្រកាន់ លើសំណុំរឿងតែ២នោះប៉ុណ្ណោះទេ។ សេចក្តីប្រកាសព័ត៌មាននៅថ្ងៃទី២៧មិថុនា បានឱ្យដឹងថា គេបានសម្រេចចោទប្រកាន់បន្ថែមលើឈ្មោះ ស្រី ស៊ីណា ពី «បទរំលោភលើលំនៅដ្ឋាន តាមមាត្រា២៩៩ នៃក្រមព្រហ្មទណ្ឌ ដែលបទល្មើសនេះ អាចផ្តន្ទាទោសដាក់ពន្ធនាគារពីមួយខែទៅមួយឆ្នាំ»។ សម្តេចធិបតី ហ៊ុន ម៉ាណែត បានសរសេរក្នុងបណ្តាញសង្គមអំពាវនាវឱ្យ «ស្ថាប័នតុលាការ និងស្ថាប័នអយ្យការ យកចិត្តទុកដាក់ពិនិត្យ និងអនុវត្តច្បាប់ លើករណីឃាតកម្មនេះ ឱ្យបានម៉ត់ចត់, ឱ្យបានតឹងរ៉ឹង និងម៉ឺងម៉ាត់ និងឱ្យបានត្រឹមត្រូវ ទៅតាមច្បាប់ជាធរមាន…