សម្តេចតេជោ ហ៊ុន សែន បានថ្លែងថារាជរដ្ឋាភិបាលកម្ពុជានាពេលខាងមុខ គ្រោងនឹងដាក់ចេញនូវយុទ្ធសាស្ត្របញ្ចកោណ ដែលស្របនឹងការបោះជំហានកាន់តែទៅមុខរបស់ប្រទេសកម្ពុជា។ សម្តេចតេជោ ហ៊ុន សែន បានថ្លែងថាជាមួយនឹងគោលការណ៍ថ្មីដែលនឹងដាក់ចេញនោះ រាជរដ្ឋាភិបាលនឹងរៀបចំសាជាថ្មីនូវក្រុមត្រូវចុះពង្រឹងមូលដ្ឋានដើម្បីការអភិវឌ្ឍន៍នៅតាមខេត្ត។

បណ្ឌិត ហ៊ុន ម៉ាណែត បានថ្លែងប្រាប់ក្រុមយុវជនបក្សថាគណបក្សប្រជាជនកម្ពុជា ត្រៀមនឹងយកជ័យជម្នះក្នុងការបោះឆ្នោតសកលខែកក្កដាខាងមុខនេះ។ ប្រសាសន៍របស់បណ្ឌិត ហ៊ុន ម៉ាណែត បានធ្វើនៅថ្ងៃទី១៩ មិថុនា ឆ្នាំ២០២៣ ក្នុងឱកាសជួបសំណេះសំណាលជាមួយក្រុមការងារយុវជនគណបក្សប្រជាជនកម្ពុជា ខេត្តកំពង់ឆ្នាំង។ គណបក្សប្រជាជនកម្ពុជា គឺជាគណបក្សដែលមានរូបតំណាងដោយទេវតាបាចផ្កា និងស្ថិតក្នុងលេខរៀងទី១៨ ក្នុងចំណោមគណបក្សចូលរួមប្រកួតប្រជែងទាំងអស់១៨គណបក្ស។ បណ្ឌិត ហ៊ុន ម៉ាណែត បានថ្លែងថា «ក្នុងនាមជាបក្សនៃនគរទេវតា, កងទ័ពជំរំទេវតាកំពុងត្រៀមខ្លួន ដើម្បីយកជ័យជម្នះជូនបក្ស នៅក្នុងការប្រកួតប្រជែងតាមបែបប្រជាធិបតេយ្យ សម្រាប់ការបោះឆ្នោតជ្រើសតាំងតំណាងរាស្ត្រខាងមុខ សំដៅធ្វើយ៉ាងណាថែរក្សាសុខសន្តិភាព, ស្ថិរភាព និងការអភិវឌ្ឍរីកចម្រើនទៅមុខរបស់ប្រទេសកម្ពុជា»។ គណបក្សប្រជាជនកម្ពុជាដែលបានបង្កើតឡើងតាំងពីឆ្នាំ១៩៥១ គឺជាគណបក្សដែលបានជួយសង្គ្រោះ ប្រទេសចេញរួចផុត ពីរបបកាប់សម្លាប់ខ្មែរក្រហមប៉ុលពត, ជាគណបក្សដែលរួមសុខរួមទុក្ខ ជាមួយប្រជាជនកម្ពុជាគ្រប់សម័យកាល, ជាគណបក្សដែលមានសមត្ថភាពទប់ស្កាត់ឧបាយកលទុច្ចរឹតបដិវត្តពណ៌ និងជាគណបក្សដែលបាននាំប្រទេសរួចចាកផុតពីសង្គ្រាមស៊ីវិល ដោយសារតែនយោបាយឈ្នះឈ្នះដាក់ចេញដោយសម្តេចតេជោ ហ៊ុន សែន។ បណ្ឌិត ហ៊ុន ម៉ាណែត បានប្រាប់យុវជនបក្សថា «គណបក្សប្រជាជនកម្ពុជា ជាគណបក្សដែលធានាបាននូវកត្តាសន្តិភាព និងលំនឹងស្ថិរភាពទាំងផ្នែកនយោបាយ និងម៉ាក្រូសេដ្ឋកិច្ច បម្រើឱ្យជីវភាពរស់នៅប្រកបដោយភាពសុខសាន្ត សម្រាប់ប្រជាពលរដ្ឋទាំងក្នុងពេលបច្ចុប្បន្ន ក៏ដូចជាផែនការចក្ខុវិស័យសម្រាប់អនាគតវែងឆ្ងាយទៅមុខ។ លោកបានថ្លែងដាស់តឿនក្រុមយុវជនបក្សទៀតថា «ក្នុងនាមសកម្មជនយុវជនបក្ស, យើងត្រូវរៀបចំខ្លួន និងផ្នត់គំនិត…

បណ្ឌិត ហ៊ុន ម៉ាណែត បានថ្លែងក្នុងកិច្ចប្រជុំមួយរបស់បណ្តាក្រុមហ៊ុនឯកជន នៅខេត្តកំពង់ចាម ដោយបង្ហាញនូវពាក្យស្លោកដែលនិយាយថា «អតីតកាលឈឺចាប់, បច្ចុប្បន្នស៊ូយ៉ាប់ ដើម្បីអនាគតរុងរឿង»។ ប្រសាសន៍ថ្លែងរបស់បណ្ឌិត ហ៊ុន ម៉ាណែត ដែលជាតំណាងដ៏ខ្ពង់ខ្ពស់របស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត បានធ្វើឡើងក្នុងពិធីសំណេះសំណាលជាមួយប្រធានរដ្ឋបាល និងប្រធានផ្នែករបស់រោងចក្រ-សហគ្រាស ដែលមកពីខេត្តកំពង់ចាម, កំពង់ឆ្នាំង, កំពង់ស្ពឺ, កណ្តាល និងតាកែវ កាលពីថ្ងៃអាទិត្យ ទី១៨ ខែមិថុនា ឆ្នាំ២០២៣។ បណ្ឌិត ហ៊ុន ម៉ាណែត បានថ្លែងថាពាក្យស្លោកទាំងនោះ គឺជាមាគ៌ាសំខាន់ក្នុងការអភិវឌ្ឍ ប្រទេសដែលមានគោលដៅធ្វើឱ្យប្រជាជនមានជីវិតរស់នៅប្រកបដោយសេចក្តីថ្លៃថ្នូរ តាមរយៈការផ្តល់នូវសិទ្ធិសេរីភាព, ជីវភាព, សុខសន្តិភាព និងសេចក្តីសុខសុភមង្គល ព្រមជាមួយនឹងឱកាសគ្រប់បែបយ៉ាងក្នុងការរៀបចំផែនការជីវិតសម្រាប់អនាគតរបស់ខ្លួន។ ពាក់ព័ន្ធនឹងការលើកកម្ពស់វិស័យការងារវិញ, បណ្ឌិត ហ៊ុន ម៉ាណែត បានអនុសាសន៍ចំនួន៣ សំខាន់នោះ គឺបរិមាណ, គុណភាព និងសមធម៌។ លោកបានពន្យល់ថា «បរិមាណ» គឺសំដៅដល់ការរុញការវិនិយោគឱ្យទៅដល់មូលដ្ឋាន ដើម្បីបង្កភាពងាយស្រួល និងកាត់បន្ថយការចំណាយលើការធ្វើដំណើរ និងការរស់នៅរបស់កម្មករ-និយោជិត។ ពាក្យថា «គុណភាព»…

សម្តេចតេជោ ហ៊ុន សែន បានថ្លែងថាអ្នកបន្តវេនគណបក្សប្រជាជនកម្ពុជា នឹងអនុវត្តដូចគ្នានូវគោលនយោបាយដាក់ចេញដោយបុព្វបុរសរបស់គេ ក្នុងនោះរួមមានទាំងការមិនលើកលែង នូវទោសកំហុសរបស់ទណ្ឌិតក្បត់ជាតិ៣ជំនាន់ផងដែរ។ ថ្លែងក្នុងឱកាសចូលរួមជាអធិបតី នៃកិច្ចប្រជុំបូកសរុបរបាយការណ៍ប្រចាំអាណ្ណត្តិទី៦ របស់ក្រុមការងាររាជរដ្ឋាភិបាលចុះមូលដ្ឋាន នាល្ងាចថ្ងៃទី១៩ មិថុនា ឆ្នាំ២០២៣, សម្តេចតេជោបានបញ្ជាក់ច្បាស់ៗយ៉ាងនេះ។ ប្រសាសន៍បញ្ជាក់ការមិនលើកលែងទោសដល់ទណ្ឌិតក្បត់ជាតិ៣ជំនាន់នេះបានធ្វើឡើង ខណៈដែលសេចក្តីព្រាងច្បាប់ធ្វើវិសោធនកម្មច្បាប់បោះឆ្នោតបានស្ថិតក្នុងការសិក្សារបស់ស្ថាប័នរដ្ឋសភា។ សម្តេចតេជោបានបញ្ជាក់ថានៅពេលដែលច្បាប់ធ្វើវិសោធនកម្មនេះ នឹងត្រូវដាក់ចូលជាធរមាននោះ គឹជាថ្ងៃដែលគេនឹងអាចវែកមុខកាន់តែច្បាស់ថែមទៀតថា តើមានមនុស្សប៉ុន្មាននាក់ដែលរឹងរូសមិនគោរពច្បាប់នោះ។ យោងតាមប្រសាសន៍របស់សម្តេច, សេចក្តីព្រាងច្បាប់វិសោធនកម្មនឹងអាចត្រូវបានដាក់ប្រជុំដេញដោល ក្នុងរដ្ឋសភានៅថ្ងៃសុក្រ ទី២៣ មិថុនា ឆ្នាំ២០២៣។

សេចក្តីព្រាងវិសោធនកម្មច្បាប់បោះឆ្នោត កំពុងស្ថិតក្នុងការសិក្សារបស់គណៈកម្មការជំនាញរដ្ឋសភា នៅមុនការបញ្ជូនទៅដេញដោលរកការអនុម័តជាចុងក្រោយក្នុងកិច្ចប្រជុំពេញអង្គរដ្ឋសភា។ កិច្ចប្រជុំរបស់គណៈកម្មាធិការអចិន្រ្តៃយ៍រដ្ឋសភាដឹកនាំដោយសម្តេចអគ្គមហាពញាចក្រី ហេង សំរិន នៅថ្ងៃទី១៩មិថុនា បានបញ្ជូនសេចក្ដីព្រាងច្បាប់ស្ដីពី វិសោធនកម្មច្បាប់បោះឆ្នោតនេះ ទៅគណៈកម្មការនីតិកម្ម និងយុត្តិធម៌ ដោយសហការជាមួយគណៈកម្មការមហាផ្ទៃ, ការពារជាតិ និងមុខងារសាធារណៈ នៃរដ្ឋសភា ដើម្បីពិនិត្យសិក្សាហើយ ធ្វើរបាយការណ៍ជូនគណៈកម្មាធិការអចិន្រ្តៃយ៍រដ្ឋសភាវិញ។ សម្តេចតេជោ ហ៊ុន សែន កាលពីថ្ងៃទី១៣មិថុនា បានស្នើកែទម្រង់ច្បាប់លើសិទ្ធិបោះឆ្នោត បន្ទាប់ពីក្រុមធ្វើនយោបាយប្រឆាំងបានដាក់ចេញនូវឧបាយកលទុច្ចរឹតព្យាយាមរារាំងពលរដ្ឋ មិនឱ្យចេញទៅបោះឆ្នោតសកលនៅថ្ងៃទី២៣ ខែកក្កដាខាងមុខនេះ។ សេចក្តីព្រាងបានសរសេរថាការស្នើធ្វើវិសោធនកម្មច្បាប់នេះ គឺមិនបានដកហូតសិទ្ធិឈរឈ្មោះបោះឆ្នោតណា ចំពោះប្រជាពលរដ្ឋឡើយ ប៉ុន្តែតម្រូវអ្នកដែលឈរឈ្មោះឱ្យគេបោះឆ្នោតនៅគ្រប់កម្រិតទាំងអស់ ត្រូវតែចេញទៅបោះឆ្នោត…ហើយបើសិនជាមិនបានចេញទៅបោះឆ្នោតនោះទេ គឺបុគ្គលនោះ នឹងត្រូវបាត់បង់សិទ្ធិរបស់ខ្លួនក្នុងការឈរឈ្មោះឱ្យគេបោះឆ្នោត។

ប្រទេសមួយចំនួនក្នុងអាស៊ាននៅតែមានករណីឆ្លង និងស្លាប់ដោយសារកូវីដ១៩ ក្នុងនោះប្រទេសកម្ពុជាផងដែរ ក៏មានករណីឆ្លងថ្មីចំនួន ១៣ករណីថែមទៀត ក្នុងរយៈពេល ៧២ម៉ោងចុងក្រោយនេះ។ នេះជាករណីឆ្លងបានកើនឡើងមកវិញចំនួន ៦ករណីនៅកម្ពុជា បើប្រៀបធៀបនឹងសប្តាហ៍មុន។ សេចក្តីរាយការណ៍ពីក្រសួងសុខាភិបាលបានឲ្យដឹងថា ការឆ្លងទាំង ១៣ករណីនោះ បានរកឃើញនៅថ្ងៃសៅរ៍ចំនួន ៨ករណី, ថ្ងៃអាទិត្យ មាន ១ករណី និងនៅថ្ងៃច័ន្ទនេះ មាន ៤ករណីផងដែរ។ តួលេខឆ្លងថ្មីកូវីដ១៩ ក្នុងប្រទេសអាស៊ាន នៃរយៈពេល ៧២ម៉ោងចុងក្រោយនេះ មានចំនួន ៤ពាន់ ៥៦១ករណី ដែលជាតួលេខឆ្លងបន្តថយចុះមថែមទៀត ៣ពាន់ ២៧៤ករណី ធៀបនឹងការឆ្លងរយៈពេល ៣ថ្ងៃដូចគ្នាកាលពីសប្តាហ៍មុន។ ការឆ្លងក្នុងរយៈពេល ៧២ម៉ោងកន្លងមកនេះ បានកើតលើប្រទេសចំនួន ៦ប្រទេសនៅអាស៊ាន រួមមានប្រទេសឥណ្ឌូនេស៊ី, ហ្វីលីពីន, ម៉ាឡេស៊ី, វៀតណាម, កម្ពុជា និងប្រទេសឡាវ។ ប្រទេសហ្វីលីពីន គឺជាប្រទេសដែលមានតួ លេខឆ្លងច្រើនជាងគេ ដែលមានការឆ្លងចំនួន ២ពាន់ ១៣៨ករណី ។ តួលេខឆ្លងតិចជាងគេ គឺប្រទេសកម្ពុជា ដែលប្រទេសនីមួយៗមានការឆ្លងចំនួន ១៣ករណី។ ប្រទេសសឹង្ហបុរី,…

កូនត្រីផ្សោតមួយក្បាលដែលគេជឿថាទើបនឹងកើតថ្មី ត្រូវប្រទះឃើញហែលលេងក្នុងទឹក ក្នុងតំបន់ព្រែកកាំពីខេត្តក្រចេះ។ សត្វត្រីផ្សោត គឺជាប្រភេទសត្វកម្រ និងនៅក្នុងទន្លេមេគង្គរបស់កម្ពុជាអាចមានសេសសល់តែប្រមាណតែ៩០ក្បាលតែប៉ុណ្ណោះ។ អប្សរាណិតរាយការណ៍

ផ្ទៃដីដែលសេសសល់មានគ្រាប់មីន ត្រូវបានប៉ាន់ប្រមាណថានឹងអាចសេសសល់ប្រមាណ ៥៦៣គីឡូម៉ែត្រក្រឡាថែមទៀត ខណៈគម្រោងត្រូវបានបោសសំអាតឱ្យអស់ទាំងស្រុង នឹងឈានមកដល់រយៈពេល២ឆ្នាំទៅមុខទៀត។ ទេសរដ្ឋមន្ត្រី លី ធុជ អនុប្រធានទី១ នៃអាជ្ញាធរមីនកម្ពុជា បានថ្លែងបញ្ជាក់ថា ជុំវិញផ្ទៃដីដែលនៅសេសល់គ្រាប់មីនបង្កប់នេះ ក្នុងពិធីចុះហត្ថលេខាមួយ ដើម្បីកម្ពុជាគ្មានគ្រាប់មីន។ ពិធីចុះហត្ថលេខាថ្ងៃទី១៦មិថុនា បានធ្វើរវាងអាជ្ញាធរមីនកម្ពុជាជាមួយធនាគារវីងខេមបូឌា និងក្រុមហ៊ុន Virtus Media។ ទេសរដ្ឋមន្ត្រី លី ធុជ បានបញ្ជាក់ថា ទោះបីជាមានការបោសសម្អាតផ្ទៃដីមានមីនទំហំជាង ២ពាន់ ៥៧៩គីឡូម៉ែត្រក្រឡាក៏ដោយ, កម្ពុជាក៏នៅមានផ្ទៃដីសង្ស័យមានមីននៅសល់ចំនួន ៥៦៣ គីឡូម៉ែត្រក្រឡាទៀត ដែលត្រូវការបោសសម្អាត។ កម្ពុជាបានដាក់ផែនការបោសសំអាតមីនឱ្យអស់ទាំងស្រុងក្នុងឆ្នាំ២០២៥។