សកម្មជនគន្លឹះនៃគណបក្សប្រឆាំងបានបន្តសុំចូលរួមជីវភាពនយោបាយជាមួយនឹងគណបក្សប្រជាជនកម្ពុជានៅមុនដំណាក់កាលបោះឆ្នោតសកលឈានមកដល់។ នៅថ្ងៃទី១៦ មិថុនានេះ សកម្មជនគន្លឹះរបស់គណបក្សប្រឆាំង២នាក់ទៀត រួមមានឈ្មោះ គង់ រៃយ៉ា ដែលជាបេក្ខភាពតំណាងរាស្ត្រគណបក្សភ្លើងទៀនមណ្ឌលភ្នំពេញ និងប្រធានចលនាស្រ្តីរបស់អតីតគណបក្សសង្គ្រោះជាតិលោកស្រី អ៊ូសារីម នៃខេត្តកំពង់ឆ្នាំង បានស្នើសុំចូលរួមជីវភាពនយោបាយជាមួយគណបក្សប្រជាជនកម្ពុជា។ នេះជាវីដេអូបញ្ជាក់សម្តីស្នើសុំចូលរួមរបស់លោក គង់ រ៉ៃយ៉ា។ សម្តេចតេជោ ហ៊ុន សែន ក្នុងបណ្តាញសង្គមតេឡេក្រាម បានសរសេរទទួលស្វាគមន៍លោក គង់ រ៉ៃយ៉ា ដែលបានសុំចូលរួមជីវភាពនយោបាយជាមួយនឹងគណបក្សប្រជាជនកម្ពុជា។ ខាងក្រោមនេះទៀត, គឺជាវីដេអូសុំចូលរួមជីវភាពនយោបាយរបស់ប្រធានចលនាស្រ្តីរបស់អតីតគណបក្សសង្គ្រោះជាតិលោកស្រី អ៊ូ សារីម នៃខេត្តកំពង់ឆ្នាំង។ ខែមេសា, ខែឧសភា និងឈានចូលក្នុងខែមិថុនានេះ គឺជាខែដែលមានការស្នើសុំចូលរួមជីវភាពនយោបាយជាច្រើន ពីសកម្មជនទាំងក្នុង និងក្រៅប្រទេសដែលធ្លាប់បានចូលរួមធ្វើសកម្មភាពបំរើគណបក្សប្រឆាំង។ សម្តេចតេជោ ហ៊ុន សែន បានថ្លែងតាមបណ្តាញសង្គមមុននេះ បញ្ជាក់ថា «ទឹកដែលធ្លាប់ល្អក់ បានរងនឹងភាពថ្លាមកវិញហើយ»។

កម្ពុជាបានស្នើភាគីចិនពង្រីកបន្ថែមការហោះហើរត្រង់ ពីទីក្រុងនានា នៅប្រទេសចិន មកកាន់ប្រទេសកម្ពុជា។ ការស្នើនេះបានធ្វើឡើងដោយរដ្ឋមន្ត្រីក្រសួងទេសចរណ៍ លោក ថោង ខុន ក្នុងជំនួបពិភាក្សាជាមួយអនុរដ្ឋមន្ត្រីក្រសួងវប្បធម៌ និងទេសចរណ៍ចិន លោក រ៉ាវ ឈាន នាថ្ងៃទី១៥ ខែមិថុនា ឆ្នាំ២០២៣ ក្នុងរាជធានីភ្នំពេញ។ លោក ថោង ខុន បានស្នើភាគីចិនជួយជំរុញការហោះហើរត្រង់ពីទីក្រុងនានា នៅប្រទេសចិន មកកាន់ប្រទេសកម្ពុជា ហើយចំពោះទីក្រុងណាដែលទាំងមិនទាន់ការហោះហើរមកកម្ពុជា ក៏សូមភាគីចិនបង្កើតឱ្យមានការហោះហើរត្រង់មកឱ្យបានកាន់តែច្រើន ខណៈកម្ពុជានឹងមានអាកាសយានដ្ឋានអន្តរជាតិធំៗ ដែលអាចទទួលការចុះចតយន្តហោះដឹកអ្នកដំណើរគ្រប់ប្រភេទ។ លោករដ្ឋមន្ត្រី ថោង ខុន បានថ្លែងថាអាកាសយានដ្ឋានថ្មីអន្តរជាតិសៀមរាប ត្រៀមដាក់ឱ្យដំណើរការនាចុងឆ្នាំ២០២៣…ចំណែកអាកាសយានដ្ឋានអន្តរជាតិភ្នំពេញថ្មី ក៏នឹងបើកដំណើរការនៅចុងឆ្នាំ២០២៤ ឬដើមឆ្នាំ២០២៥នេះផងដែរ។ អនុរដ្ឋមន្ត្រីចិន លោក រ៉ាវ ឈាន បានសន្យាពាំនាំសំណើទាំងនេះ ជូនទៅកាន់ក្រសួងស្ថាប័ន អាជ្ញាធរពាក់ព័ន្ធ ក្នុងការពិចារណាជំរុញឱ្យមានការហោះហើរត្រង់ មកកាន់កម្ពុជាបន្ថែមទៀត។

ការដាច់ភ្លើងនៅចុងសប្តាហ៍ បានមកដល់ទៀតហើយ ដែលមានរយៈពេល៣ថ្ងៃ គឺមាននៅថ្ងៃសុក្រ ថ្ងៃសៅរ៍ និងថ្ងៃអាទិត្យ។ ការដាច់ភ្លើងនេះ បានកើតឡើងនៅក្នុងរាជធានីភ្នំពេញ និងខេត្ដកណ្ដាល ដែលនឹងមានរយៈពេលពី៦ម៉ោង ទៅ៩ម៉ោង។ តើការដាច់ភ្លើងប្រចាំសប្តាហ៍នេះ មាននៅទីណាខ្លះ? សូមស្ដាប់សេចក្ដីរាយការណ៍

ប្រទេសមួយចំនួននៅអាស៊ាននៅតែបន្តមានករណីឆ្លង និងស្លាប់ដោយសារកូវីដ១៩ ក្នុងនោះកម្ពុជាបានបន្តរកឃើញឆ្លងថ្មី ១០ករណីថែមទៀតផងដែរ ក្នុងរយៈពេល២៤ម៉ោងចុងក្រោយនេះ។ យោងតាមក្រសួងសុខាភិបាល ការឆ្លងថ្មី ១០ករណីនៅថ្ងៃនេះ ជាតួលេខឆ្លងបន្តកើនឡើងចំនួន ២ករណីថែមទៀត បើប្រៀបធៀបនឹងម្សិលមិញ។ តួលេខឆ្លងថ្មីកូវីដ១៩ ក្នុងប្រទេសអាស៊ាននៃរយៈពេល ២៤ម៉ោងចុងក្រោយនេះ មានចំនួន ៩០៨ករណី ដែលជាតួលេខឆ្លងកើនឡើងវិញចំនួន ៤៥ករណី ធៀបនឹងការឆ្លងកាលពីថ្ងៃម្សិលមិញ។ ការឆ្លងក្នុងរយៈពេល ២៤ម៉ោងកន្លងមកនេះ បានកើតលើប្រទេសចំនួន ៥ នៅអាស៊ានរួមមានប្រទេសឥណ្ឌូនេស៊ី, ហ្វីលីពីន, វៀតណាម, ឡាវ និងប្រទេសកម្ពុជា។ ប្រទេសហ្វីលីពីន គឺជាប្រទេសដែលមានតួលេខឆ្លងច្រើនជាងគេ ដែលមានការឆ្លងចំនួន ៤៦៨ករណី។ តួលេខឆ្លងតិចជាងគេ គឺប្រទសកម្ពុជា និងប្រទេសឡាវ ដែលមានការឆ្លងចំនួន ១០ករណី។ ប្រទេសសឹង្ហបុរី, ម៉ាឡេស៊ី, មីយ៉ាន់ម៉ា,ប្រុយណេ និងប្រទេសថៃ គឺជាប្រទេសដែលគ្មានសេចក្តីរាយការណ៍ជុំវិញតួលេខឆ្លង និងស្លាប់ឡើយក្នុងរយៈពេល ២៤ម៉ោងចុងក្រោយនេះ។ តួលេខស្លាប់ដោយសារកូវីដ១៩ ក្នុងប្រទេសអាស៊ានរយៈពេល ២៤ម៉ោងចុងក្រោយនេះ មានចំនួន ២នាក់ ដែលជាពលរដ្ឋនៃប្រទេសឥណ្ឌូនេស៊ី។ គិតសរុបរួមនៃប្រទេសទាំង១០ អាស៊ាននាពេលនេះ ការឆ្លងសរុបមានចំនួន ៣៦លាន ២២ម៉ឺន…

ការដើរចេញរបស់ក្រុមសកម្មជនគណបក្សភ្លើងទៀននៅមុនដំណាក់កាលបោះឆ្នោតសកល បានបន្តធ្វើថែមទៀត ខណៈដែលមេដឹកនាំគណបក្សភ្លើងទៀននោះ ត្រូវគេរាយការណ៍ថាបានធ្វើដំណើរស្ងាត់ៗចាកចេញពីប្រទេស។ មេដឹកនាំគណបក្សភ្លើងទៀនលោក ទាវ វណ្ណុល ត្រូវគេសង្ស័យថាបានឃុបឃិតគ្នាជាមួយទណ្ឌិតក្បត់ជាតិ៣ជំនាន់ សម រង្ស៊ី ក្រោយការរកឃើញភាពមិនប្រក្រតីមួយកើតឡើង ចំពោះស្ត្រីខ្មែរម្នាក់នៅក្នុងប្រទេសបារាំង។ នៅក្នុងប្រទេសនេះវិញ, ភាពមិនទទួលខុសត្រូវរបស់មេដឹកនាំគណបក្សភ្លើងទៀននេះ បានធ្វើឱ្យសកម្មជន និងអ្នកគាំទ្របាននាំគ្នាផ្តួលរំលំស្លាកគណបក្ស និងពួកគេបានស្នើសុំចូលរួមជីវភាពនយោបាយ ជាមួយនឹងគណបក្សប្រជាជនកម្ពុជា។ សេចក្តីរាយការណ៍នៅថ្ងៃទី១៥ មិថុនា ឆ្នាំ២០២៣ ពីភូមិរវៀង, ឃុំខ្នុរដំបង, ស្រុកជើងព្រៃ នៃខេត្តកំពង់ចាម បានឱ្យដឹងថាមានសកម្មជន និងអ្នកគាំទ្រ បាននាំគ្នាព្រលំស្លាកគណបក្សភ្លើងទៀន និងបានដោះអាវរូបសញ្ញាបក្សភ្លើងទៀនចោលថែមទៀត។ ខែមេសា, ខែឧសភា និងឈានចូលក្នុងខែមិថុនានេះ គឺជាខែដែលមានការស្នើសុំចូលរួមជីវភាពនយោបាយជាច្រើន ពីសកម្មជនទាំងក្នុង និងក្រៅប្រទេសដែលធ្លាប់បានចូលរួមធ្វើសកម្មភាពបំរើគណបក្សប្រឆាំង។