សម្តេចតេជោបានអំពាវនាវពលរដ្ឋបន្តថែរក្សាសន្តិភាពដែលជាកត្តាគន្លឺះតែមួយគត់ ក្នុងការធ្វើឱ្យប្រទេសមានការរីកចំរើន និងការអភិវឌ្ឍន៍ជឿនលឿន ដូចបណ្តាប្រទេសជាច្រើននៅលើសកលលោក។ ប្រទេសកម្ពុជាកាលពីក្នុងអតីតកាល បានធ្លាក់ក្នុងសង្គ្រាម និងអំពើកាប់សម្លាប់ក្នុងរបបកម្ពុជាប្រជាធិបតេយ្យខ្មែរក្រហម ដែលពេលនោះហើយ កម្ពុជាគឺជាប្រទេសមួយដែលវិះតែបាត់បង់អត្តសញ្ញាណជាតិរបស់ខ្លួនថែមទៀត បើគ្មានការជួយទាន់ពេលវេលា ពីគណបក្សប្រជាជនកម្ពុជា ដែលបង្កើតរណសិរ្សសាមគ្គីសង្គ្រោះជាតិ និងបានជួយរំដោះប្រទេស ឱ្យរួចចាកផុតពីរបបកាប់សម្លាប់ខ្មែរក្រហម នៅថ្ងៃទី៧ មករា ឆ្នាំ១៩៧៩។ សម្តេចតេជោ ក្នុងឱកាសសំណេះសំណាលជាមួយកម្មករនិយោជិតនៅក្នុងខេត្តព្រះសីហនុ នៅថ្ងៃទី២២ ឧសភា បានអំពាវនាវពលរដ្ឋថែរក្សាឱ្យបាននូវសន្តិភាព ដែលកម្ពុជារកបានដោយលំបាកកន្លងមកនេះ។ ប្រសាសន៍អំពាវនាវរបស់សម្តេចតេជោ បានធ្វើឡើងខណៈមេខ្លោងឧទ្ទាមនៅក្រៅស្រុក ដឹកនាំដោយទណ្ឌិតសែស្រឡាយក្បត់ជាតិ៣ជំនាន់ បាននិងកំពុងរកវិធីទុច្ចរឹតសព្វបែបយ៉ាង ក្នុងបំណងនាំកម្ពុជាដែលមានសន្តិភាពធ្លាក់ចូលក្នុងសង្គ្រាមស៊ីវិលសាឡើងវិញ។

គណៈកម្មាធិការជាតិរៀបចំការបោះឆ្នោត បានជូនដំណឹងជុំវិញដំណើរការផលិត និងចែកបណ្ណព័ត៌មានអ្នកបោះឆ្នោតនៅទូទាំងប្រទេស ប៉ុន្តែបញ្ជាក់ថាបណ្ណព័ត៌មានបោះឆ្នោត មិនមែនសម្រាប់ការបោះឆ្នោតនោះឡើយ។ អ្នកនាំពាក្យគណៈកម្មាធិការជាតិរៀបចំការបោះឆ្នោត លោក ហង្ស ពុទ្ធា បានប្រាប់បណ្តាញសារព័ត៍មាននៅថ្ងៃទី២២ ខែឧសភា ឆ្នាំ២០២៣ ថា ក្រោយពីដំណើរការចុះបញ្ជីគណបក្សនយោបាយ និងការទទួលពាក្យបណ្តឹងជំទាស់ការចុះបញ្ជីគណបក្សនយោបាយបានបញ្ចប់, ដំណើរការផលិត និងចែកបណ្ណព័ត៌មានអ្នកបោះឆ្នោត នៅទូទាំងប្រទេសរយៈពេល៣០ថ្ងៃ ត្រៀមចាប់ផ្តើមនាសប្តាហ៍ក្រោយ។ ការចែកបណ្ណព័ត៌មាន អ្នកបោះឆ្នោតនៅទូទាំងប្រទេស នឹងចាប់ផ្តើមធ្វើរវាងពីថ្ងៃទី២៨ ខែឧសភា ដល់ថ្ងៃទី២៦ ខែមិថុនា ឆ្នាំ២០២៣។ លោក ហង្ស ពុទ្ធា បានបញ្ជាក់ថា «បណ្ណព័ត៌មានអ្នកបោះឆ្នោតនេះ មិនអាចប្រើប្រាស់សម្រាប់ការបោះឆ្នោតនោះទេ ដោយសារឯកសារចូលរួមបោះឆ្នោត គឺមានតែអត្តសញ្ញាណបណ្ណសញ្ជាតិខ្មែរតែប៉ុណ្ណោះ»។ អ្នកនាំពាក្យគជប បានពន្យល់ថាការចែកបណ្ណព័ត៌មានអ្នកបោះឆ្នោតនេះ គឺជាដំណាក់កាលមួយដ៏សំខាន់ ដើម្បីអោយប្រជាពលរដ្ឋដែលមានឈ្មោះក្នុងបញ្ជី មានព័ត៌មានគ្រប់គ្រាន់អំពីអត្តសញ្ញាណសាម៉ីខ្លួន, លេខរៀង និងការិយាល័យបោះឆ្នោតរបស់ខ្លួន។ ការបោះឆ្នោតជ្រើសរើសតំណាងរាស្រ្ត នីតិកាលទី៧ នឹងប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០២៣ ខណៈតួលេខនៃប្រជាពលរដ្ឋ មានសិទ្ធិនឹងបោះឆ្នោត ដែលត្រូវចូលរួមមានជាង ៩ លាន ៧សែននាក់, រីឯការិយាល័យដែលត្រូវបម្រើដល់ការបោះឆ្នោតនៅទូ ឮទាំងប្រទេស មានជាង២ម៉ឺនការិយាល័យ៕

សម្តេចតេជោ ហ៊ុន សែន បានប្រកាសនូវគោលនយោបាយជាតិដែលយកចិត្តទុកដាក់លើស្ត្រី ជាកម្មការីនីដែលមានផ្ទៃពោះ។ កន្លងមករាជរដ្ឋាភិបាលដឹកនាំដោយគណបក្សប្រជាជនកម្ពុជា បានដាក់ចេញរួចមកហើយនូវគោលនយោបាយថែទាំលើស្ត្រីមានផ្ទៃពោះ ដែលជាកម្មការីនី ប៉ុន្តែគោលនយោបាយដែលសម្តេចតេជោបានប្រកាសនៅថ្ងៃទី២២ ឧសភា ឆ្នាំ២០២៣ គឺជាគោលនយោបាយផ្តល់អទិភាពកាន់តែច្រើនឡើងថែមទៀតដល់ស្ត្រីជាកម្មការីនីទាំងឡាយ ដែលមានផ្ទៃពោះ។

សម្តេចតេជោ ហ៊ុន សែន បានថ្លែងថាមិត្តភាពដែកថែបរវាងកម្ពុជា និងចិន គឺជាមិត្តភាពមួយ ដែលគ្មានអានុភាពណាអាចបំបែកបំបាក់បានឡើយ។ ប្រសាសន៍វាយតម្លៃខ្ពស់ចំពោះមិត្តភាពដែកថែបនេះ បានធ្វើឡើងនៅថ្ងៃចន្ទ ទី២២ ឧសភា ឆ្នាំ២០២៣ ក្នុងឱកាសសំណេះ សំណាលជាមួយកម្មករនិយោជិត, ការទស្សនាពិព័រណ៍សមិទ្ធផល និងការសម្ពោធរោងចក្រផលិតសំបកកង់ ដើម្បីអបអរសាទរខួបលើកទី១០ នៃគំនិតផ្តួចផ្តើមខ្សែក្រវាត់មួយ ផ្លូវមួយ នៅតំបន់សេដ្ឋកិច្ចពិសេសក្រុងព្រះសីហនុ។ គម្រោងផ្លូវមួយ, ខ្សែក្រវ៉ាត់មួយ One Belt, One Road គឺជាគំនិតផ្តួចផ្តើម នៃខ្សែយុទ្ធសាស្ត្រ អភិវឌ្ឍន៍សេដ្ឋកិច្ច ដាក់ចេញដោយរដ្ឋាភិបាលចិនពាក់ព័ន្ធនឹងគម្រោងការអភិវឌ្ឍហេដ្ឋារចនាសម្ព័ន្ធ និងការវិនិយោគនៅក្នុងប្រទេសចំនួន១៥០ និង៣២អង្គការអន្តរជាតិ នៅទ្វីបអឺរ៉ុប, អាស៊ី, អាស៊ីបូព៌ា, អាមេរិកឡាទីន និងទ្វីបអាហ្រ្វិក។ ប្រធានាធិបតីនៃសាធារណរដ្ឋប្រជាមានិតចិន លោក ស៊ី ជីនភីង បានប្រកាសពីយុទ្ធសាស្រ្តនេះលើកដំបូងក្នុងអំឡុងពេលធ្វើទស្សនកិច្ចផ្លូវការ ទៅកាន់ប្រទេសឥណ្ឌូនេស៊ី និងប្រទេសកាហ្សាក់ស្ថាន នៅក្នុងឆ្នាំ២០១៣។ សម្តេចតេជោ ហ៊ុន សែន បានថ្លែងថាដំណើរអភិវឌ្ឍន៍ដ៏លឿនរបស់កម្ពុជា គឺមិនអាចកាត់ផ្តាច់ពីគំនិត ផ្តួចផ្តើមផ្លូវនឹងខ្សែក្រវាត់របស់សាធារណរដ្ឋប្រជាមានិតចិនបានឡើយ។យុទ្ធសាស្ត្រផ្លូវ និងខ្សែក្រវាត់សម្រាប់កិច្ចសហប្រតិបត្តិការអន្តរជាតិត្រូវបានរៀបចំលើកដំបូង ក្នុងរដ្ឋធានីប៉េកាំង នៃប្រទេសចិននៅថ្ងៃទី១៤ ដល់១៥…