កម្ពុជាក្នុងរយៈពេល ៧២ម៉ោងចុងក្រោយនេះ មានតួលេខឆ្លងកូវីដ១៩ ចំនួន១ករណី បើប្រៀបធៀបនឹងតួលេខឆ្លង៣ថ្ងៃដូចគ្នា កាលពីសប្តាហ៍មុន ដែលគ្មានអ្នកឆ្លងសោះ។ យោងតាមក្រសួងសុខាភិបាល តួលេខឆ្លងកាលពីថ្ងៃសៅរ៍មាន ០ករណី, ថ្ងៃអាទិត្យ មាន ១ករណី និងនៅថ្ងៃច័ន្ទនេះ មាន០ករណី ។ ការឆ្លងថ្មី ១ករណី នាវេលា ៧២ម៉ោងចុងក្រោយនេះ គឺជាការឆ្លងដែលកើតឡើងក្នុងរង្វង់សហគមន៍ ។ រយៈពេលប្រមាណ ១ខែកន្លងមកនេះ កម្ពុជាមានការឆ្លងបានថយចុះ ដែលមានតួលេខឆ្លងប្រចាំថ្ងៃមានតិចតួចប៉ុណ្ណោះ និងថ្ងៃខ្លះមិនមានការឆ្លងសោះក៏មាន ។ កម្ពុជាបានចាប់ផ្តើមចាក់ដូសជំរុញទី៦ ចាប់តាំងពីដើមខែមករា ដែលរហូតមកទល់ពេលនេះ មានពលរដ្ឋទៅចាក់បានចំនួន ៣០ម៉ឺន ៣ពាន់ ១៦៩នាក់ហើយ ។ តួលេខនៃការចាក់វ៉ាក់សាំងដូសមូលដ្ឋានទូទាំងប្រទេសកម្ពុជាមានជិត៩៦ភាគរយ។

ស្នងការដ្ឋាននគរបាលរាជធានី បានដាក់បទបញ្ជាពង្រឹងកម្លាំងបន្ថែមទៀត ក្នុងការទប់ស្កាត់ក្រុមក្មេងទំនើង ខណៈការប្រកួតកីឡាស៊ីហ្គេម និងកីឡាអាស៊ានប៉ារ៉ាហ្គេម កាន់តែរំកិលមកកៀកជាលំដាប់។ ការដាក់បទបញ្ជាពង្រឹងបន្ថែមទៀតនេះ បានធ្វើនៅថ្ងៃទី១៣មីនានេះ។ អប្សរាណិតរាយការណ៍

សម្តេចតេជោ ហ៊ុន សែន បានថ្លែងនៅថ្ងៃទី១៣មីនានេះថា របួសផ្លូវចិត្តមានឥទ្ធិពលខ្លាំងជាងរបួសផ្លូវកាយទៅទៀត ។ សម្តេចតេជោជាអតីតមេបញ្ជាការសមរភូមិមួយរូបដែលធ្លាប់រងរបួសជាច្រើន ក្នុងពេលប្រយុទ្ធ ប៉ុន្តែសម្តេចបានថ្លែងថារបួសផ្លូវចិត្តពាក់ព័ន្ធរឿងអតីតកាល នៃប្រវត្តិដ៏កំសត់របស់សម្តេច គឺជារឿងមួយដែលសម្តេចរងនឹងការឈឺចាប់ស្ទើរមិនអាចបំភ្លេចបានឡើយ។ ប្រសាសន៍បញ្ជាក់នេះ បានធ្វើឡើងក្នុងឱកាសជួបសំណេះសំណាល ក្នុងពិធីសម្ពោធខ្សែភាពយន្តរឿង «កូនប្រុសក្រោមពន្លឺចន្ទបូរណ៌មី» ដែលទាក់ទងនឹងប្រវត្តិកំសត់ របស់សម្តេចតេជោ ហ៊ុន សែន, សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងការបាត់បង់ជីវិតកូនប្រុសច្បងលើកដំបូងបង្អស់ ក្នុងអតីតសម័យរបបខ្មែរក្រហមកម្ពុជាប្រជាធិបតេយ្យ។

ការព្យាយាមរកវិធីរបស់ក្រុមប្រឆាំងដែលចង់ឱ្យរង្វង់ថ្នាក់ដឹកនាំគណបក្សប្រជាជនកម្ពុជា បែកបាក់គ្នា ត្រូវបានបណ្ឌិត ហ៊ុន ម៉ាណែត ថ្លែងនៅថ្ងៃនេះបង្ហាញក្តីហួសចិត្ត។ កាសែត The Cambodia Daily ជាភាសាខ្មែរ បានសរសេរព្យាយាមចង់ឱ្យគេសង្ស័យអំពីការឈ្លោះប្រកែកគ្នារវាងក្រុមគ្រួសារសម្តេចតេជោ ហ៊ុន សែន និងសម្តេចពិជ័យសេនា ទៀ បាញ់។ កាសែតនោះបានព្យាយាមសរសេរឱ្យគេសង្ស័យថាមានការប្រកួតប្រជែងអំណាចគ្នារវាងថ្នាក់ដឹកនាំកំពូល ក្នុងជួរគណបក្សប្រជាជនកម្ពុជា។ បណ្ឌិត ហ៊ុន ម៉ាណែត បានសរសេរក្នុងបណ្តាញសង្គមនៅថ្ងៃទី១៣ មីនា ឆ្នាំ២០២៣ សម្តែងក្តីហួសចិត្តថា «មើលទៅមជ្ឈដ្ឋានប្រឆាំងអស់អ្វីនឹងលើកយ មកវាយប្រហារហើយ បានជាខំប្រឹងប្រឌិតរឿងប្លែកៗ ព្យាយាមមកបំបែកបំបាក់ផ្ទៃក្នុង របស់គេ រហូតដល់ទៅយកអត្ថបទមួយដែលសរសេរដោយជនបរទេសម្នាក់ដែលតែងសរសេរផ្អែកលើ មូលដ្ឋានចចាមអារ៉ាម។ ការសរសេរព្យាយាមធ្វើឱ្យមនុស្សសង្ស័យនេះ គឺនៅបន្ទាប់ពីទណ្ឌិត សម រង្ស៊ី បានប្រើល្បិចកលដ៏រាក់កំផែលមួយ ធ្វើជានិយាយគាំទ្រលោក ទៀ សីហា ដែលជាកូនប្រុសរបស់ សម្តេចពិជ័យសេនា ទៀ បាញ់ ជាបេក្ខភាពនាយករដ្ឋមន្ត្រី។ សម្តេចពិជ័យសេនា ទៀ បាញ់ បានហៅខ្លឹមសាររបស់គេហទំព័រ សម រង្ស៊ី ជាការញុះញង់បំបែកបំបាក់ជាតិ។ សម្តេចពិជ័យសេនា ទៀ…

ខេត្តកណ្តាលគឺជាខេត្តទី១០ ដែលត្រូវបានប្រកាសជាខេត្ត អស់គ្រាប់មីនបង្កប់ នៅក្នុងប្រទេសកម្ពុជា ។ ពីធីប្រកាសខេត្តកណ្តាលជាខេត្តអស់មីននេះ បានធ្វើឡើងនៅព្រឹកថ្ងៃទី១៣ ខែមីនា ឆ្នាំ២០២៣ ក្រោមវត្តមានអធិបតីពីលោកឧបនាយករដ្ឋមន្រ្តី អូន ព័ន្ធមុនីរ័ត្ន ដែលជារដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ។ ទេសរដ្ឋមន្ត្រី លី ធុជ ដែលជាអនុប្រធានអាជ្ញាធរជាតិបោសសំអាតគ្រាប់មីន បានអញ្ជើញចូលរួមក្នុងពិធីប្រកាសនោះផងដែរ។ នៅក្នុងខេត្តកណ្តាល ផ្ទៃដីដែលត្រូវបានបោសសំអាតគ្រាប់មីន និងគ្រាប់មិនទាន់ផ្ទុះ មានទំហំសរុបចំនួន ៩លាន ៧៨ម៉ឺន២១០ម៉ែត្រការ៉េ។ គេបានរកឃើញ និងបានកំទេចចោលមីនប្រឆាំងមនុស្សចំនួន ២ពាន់៨៧៣គ្រាប់, មីនប្រឆាំង រថក្រោះ ចំនួន ៤៩ គ្រាប់ និងសំណល់ជាតិផ្ទុះផ្សេងទៀត ចំនួន៩ម៉ឺន៤ពាន់២៨៩ គ្រាប់។ ឧបនាយករដ្ឋមន្រ្តីលោក អូន ព័ន្ធមុនីរ័ត្ន បានថ្លែងថា «នៅសល់តែប្រមាណ១៥ខេត្តទៀតប៉ុណ្ណោះ» ដែលអាជ្ញាធរកំពុងតែមមាញឹកក្នុងការសំអាតគ្រាប់មិនទាន់ផ្ទុះ និងគ្រាប់មីនចេញឱ្យអស់ពីកម្ពុជា ដូចតាមគម្រោង ដែលបានដាក់ចេញក្នុងឆ្នាំ ២០២៥។ មន្ត្រីអាជ្ញាធរមីនបានថ្លែងថា នៅក្នុងឆ្នាំ២០២៣នេះ, កម្ពុជាគ្រោងនឹងប្រកាសខេត្ត ៨បន្ថែមទៀត បន្ទាប់ពីខេត្តកណ្តាល ក្នុងនោះ រួមមានខេត្តតាកែវ, ខេត្តកំពត, ខេត្តកំពង់ស្ពឺ,…

ក្រសួងព្រះបរមរាជវាំងបានថ្លែងថាការឆេះព្រះរាជដំណាក់តូចនៃព្រះរាជដំណាក់ខេត្តសៀមរាប គឺបណ្តាលមកពីការឆ្លងចរន្តអអគ្គិសនី។ ព្រះរាជដំណាក់តូចដែលស្ថិតនៅក្បែរ ទីសក្ការៈ ព្រះអង្គចេក ព្រះអង្គចម ក្នុងសង្កាត់ស្វាយដង្គំ ក្រុងសៀមរាប បានរងនឹងការឆេះនៅម៉ោង១០ និង២០នាទីយប់នៃថ្ងៃទី១២ ខែមីនា ឆ្នាំ២០២៣។ ក្រោយការឆេះអស់រយៈពេលជាងមួយម៉ោង, អគ្គិភ័យត្រូវគ្រប់គ្រងបានទាំងស្រុងនៅវេលាម៉ោងប្រមាណ១២យប់ដោយប្រើប្រាស់រថយន្តពន្លត់អគ្គិភ័យចំនួនជិត១០គ្រឿង។ លិខិតរបស់ក្រសួងព្រះបរមរាជវាំងនៅថ្ងៃច័ន្ទទី១៣ មីនា បានចេញសេចក្តីប្រកាសព័ត៌មានសម្តែងក្តី «សោកស្តាយពន់ពេក» និងចាត់ទុកការឆេះនោះជា «ព្រឹត្តិការណ៍អកុសល»។ ព្រះរាជដំណាក់ សម្រាប់អង្គក្សត្រគង់ប្រថាប់បណ្តោះអាសន្នក្នុងខេត្តសៀមរាប ត្រូវបានកសាងលើកដំបូង ក្នុងវត្តដំណាក់នៃសម័យអាណានិគមនិយមបារាំង។ ក្រោយមកព្រះរាជដំណាក់បានប្តូរទីតាំងថ្មីមកនៅជិតអាស្រមព្រះអង្គចេក ព្រះអង្គចម។ ជាមួយនឹងការផ្លាស់ប្តូរនេះ ក៏មានកែលម្អសួនច្បារព្រះរាជដំណាក់ដែលបានកសាងរវាងពីខែកុម្ភៈ ឆ្នាំ២០២០ និងបានបញ្ចប់នាដើមឆ្នាំ២០២១។

តួលេខឆ្លងថ្មីកូវីដ១៩ ក្នុងប្រទេសអាស៊ាននៃរយៈពេល ២៤ម៉ោងចុងក្រោយនេះមានចំនួន ៨៩៤នាក់ ដែលបានបន្តកើនឡើងចំនួន ៧៦ករណីថែមទៀត បើប្រៀបធៀបនឹងតួលេខឆ្លងកាលពីម្សិលមិញ ។ ការឆ្លងក្នុងរយៈពេល ២៤ម៉ោងកន្លងមកនេះ បានកើតលើប្រទេសចំនួន ៥ នៅអាស៊ានរួមមានប្រទេស ឥណ្ឌូនេស៊ី, ម៉ាឡេស៊ី, ប្រុយណេ, មីយ៉ាន់ម៉ា និងប្រទេសហ្វីលីពីន ។ ប្រទេសឥណ្ឌូនេស៊ី គឺជាប្រទេសដែលមានតួលេខឆ្លងច្រើនជាងគេ ដែលមានចំនួន ៣០៥ករណី។ តួលេខឆ្លងតិចជាងគេ គឺប្រទេសមីយ៉ាន់ម៉ា ដែលមានចំនួនអ្នកឆ្លងតែ ១ករណីប៉ុណ្ណោះ ។ ប្រទេសវៀតណាម, កម្ពុជា, ថៃ, មីយ៉ាន់ម៉ា និងប្រទេសសឹង្ហបុរី គឺជាប្រទេសដែលគ្មានសេចក្តីរាយការណ៍ជុំវិញតួលេខឆ្លង និងស្លាប់ឡើយក្នុងរយៈពេល ២៤ ម៉ោងចុងក្រោយនេះ។ តួលេខស្លាប់ដោយសារកូវីដ១៩ ក្នុងប្រទេសអាស៊ានរយៈពេល ២៤ម៉ោងចុងក្រោយនេះមានចំនួន ១៦នាក់ ដែលជាពលរដ្ឋ នៃប្រទេសឥណ្ឌូនេស៊ី និងប្រទេសហ្វីលីពីន។ គិតសរុបរួមនៃប្រទេសទាំង១០ អាស៊ាននាពេលនេះ ការឆ្លងសរុបមានចំនួន ៣៥លាន ៦១ម៉ឺន ៦ពាន់ ៤៩៤ករណី, និងការស្លាប់សរុបមានចំនួន ៣៦ម៉ឺន ៦ពាន់ ៤៤៧នាក់…

ការគ្មានករណីឆ្លងជំងឺកូវីដ១៩ សោះនៅកម្ពុជា មានរយៈពេលមួយសប្តាហ៍ពេញហើយ គិតត្រឹមថ្ងៃទី១០ មីនា ឆ្នាំ២០២៣នេះ ។ យោងតាមក្រសួងសុខាភិបាលកម្ពុជាក្នុងរយៈពេលប្រមាណជាង ១ខែកន្លងមកនេះ ការឆ្លងមានការថយចុះ ដែលមានតួលេខឆ្លងប្រចាំថ្ងៃមានតិចតួចប៉ុណ្ណោះ និងគ្មានអ្នកឆ្លងសោះឡើយ ក្នុងរយៈពេល ៧ថ្ងៃចុងក្រោយនេះ ។ កម្ពុជាបានចាប់ផ្តើមចាក់ដូសជំរុញទី៦ ចាប់តាំងពីដើមខែមករា ដែលរហូតមកទល់ពេលនេះ មានពលរដ្ឋទៅចាក់បានចំនួន ២៩ម៉ឺន ៧ពាន់ ៤៨៣នាក់ហើយ ។ តួលេខនៃការចាក់វ៉ាក់សាំង ដូសមូលដ្ឋានទូទាំងប្រទេសកម្ពុជាមានជាង ៩៥ភាគរយ។