មានប្រទេសតែ ៤ប៉ុណ្ណោះនៅអាស៊ាន ក្នុងរយៈពេល ២៤ម៉ោងចុងក្រោយនេះ ដែលមានការឆ្លងកូវីដ១៩ ។ តួលេខឆ្លងថ្មីកូវីដ១៩ នៅថ្ងៃនេះ បានបន្តថយចុះចំនួន ៣៩ករណីថែមទៀត បើប្រៀបធៀបនឹងតួលេខឆ្លងកាលពីម្សិលមិញ ដែលមានចំនួន ៤៥០ករណី កើតឡើងលើប្រទេសចំនួន៤ គឺប្រទេសឥណ្ឌូនេស៊ី, ហ្វីលីពីន, ម៉ាឡេស៊ី និងប្រទេសមីយ៉ាន់ម៉ា ។ ប្រទេសម៉ាឡេស៊ី គឺជាប្រទេសដែលមានតួលេខឆ្លងច្រើនជាងគេ ដែលមានចំនួន ១៨៨ករណី ។ តួលេខឆ្លងតិចជាងគេ គឺប្រទេសមីយ៉ាន់ម៉ា ដែលមានចំនួនអ្នកឆ្លងតែ ១ករណីប៉ុណ្ណោះ។ ប្រទេសចំនួន៦ រួមមាន៖ ប្រុយណេ, កម្ពុជា, ថៃ, វៀតណាម, ឡាវ,និងប្រទេសសឹង្ហបុរី គឺជាប្រទេស ដែលគ្មានសេចក្តីរាយការណ៍ជុំវិញតួលេខឆ្លង និងស្លាប់ឡើយក្នុងរយៈពេល ២៤ម៉ោងចុងក្រោយនេះ ។ តួលេខស្លាប់ដោយសារកូវីដ១៩ ក្នុងប្រទេសអាស៊ានរយៈពេល ២៤ម៉ោងចុងក្រោយនេះ មានចំនួន ៩នាក់ ដែលជាពលរដ្ឋនៃប្រទេសឥណ្ឌូនណេស៊ី និងប្រទេសហ្វីលីពីន។ គិតសរុបរួមនៃប្រទេសទាំង១០ អាស៊ាននាពេលនេះ ការឆ្លងសរុបមានចំនួន ៣៥លាន ៦១ម៉ឺន ៣ពាន់ ៤៩២ករណី, និងការស្លាប់សរុបមានចំនួន…

កម្ពុជាមិនមានតួលេខអ្នកឆ្លងថ្មីកូវីដ១៩ឡើយ ក្នុងរយៈពេល ២៤ម៉ោងចុងក្រោយនេះ ដែលនាំការមិនមានការឆ្លងសោះមានរយៈពេល ៤ថ្ងៃ ជាប់គ្នាមកហើយ។ យោងតាមក្រសួងសុខាភិបាល កម្ពុជាក្នុងរយៈពេលប្រមាណជាង ១ខែកន្លងមកនេះ ការឆ្លងមានការថយចុះ ដែលមានតួលេខឆ្លងប្រចាំថ្ងៃមានតិចតួចប៉ុណ្ណោះ និងគ្មានអ្នកឆ្លងសោះឡើយ ក្នុងរយៈពេល ៤ថ្ងៃចុងក្រោយនេះ ។ កម្ពុជាបានចាប់ផ្តើមចាក់ដូសជំរុញទី៦ ចាប់តាំងពីដើមខែមករា ដែលរហូតមកទល់ពេលនេះ មានពលរដ្ឋទៅចាក់បានចំនួន ២៩ម៉ឺន ៥៨៨នាក់ហើយ។ កម្ពុជាបច្ចុប្បន្នកំពុងរៀនរស់នៅ ជាមួយនឹងជម្ងឺកូវីដ១៩ ខណៈដែលការចាក់វ៉ាក់សាំងដូសមូលដ្ឋានទូទាំងប្រទេសមានប្រមាណជាង ៩៥ភាគរយរួចមកនេះ។

សីតុណ្ហភាពកម្ដៅមានការប្រែប្រួលខណៈកម្ពុជាទទួលរងនូវទទួលឥទ្ធិពលចំនួន២ ក្នុងសប្តាហ៍នេះ គឺឥទ្ធិពលខ្សោយពីកម្រិតសម្ពាធទាប និងឥទ្ធិពលមធ្យមពីទ្រនុងសម្ពាធខ្ពស់ចិន។ យោងតាមការព្យាករណ៍របស់ក្រសួងធនធានទឹកនិងឧតុនិយម រវាងពីថ្ងៃទី៨ រហូត ដល់ថ្ងៃទី១៥ ខែមីនា នៅតំបន់ទំនាបកណ្ដាល នឹងមានសីតុណ្ហភាពអប្បបរមា នឹងមានរវាងពី២២ទៅ ២៤ អង្សាសេ, សីតុណ្ហភាពកម្ដៅអតិបរមា មានរវាងពី ៣៤ទៅ៣៦ អង្សាសេ។ តាមការព្យាករណ៍ នៅតំបន់ទំនាបកណ្ដាល អាចមានភ្លៀងក្នុងកម្រិត ពីខ្សោយទៅតិចតួចដោយអន្លើ ។ ចំណែកនៅតំបន់ខ្ពង់រាប សីតុណ្ហភាពអប្បបរមា មានរវាងពី ២១ទៅ២៣ អង្សាសេ, និងសីតុណ្ហភាពកម្ដៅអតិបរមា មានរវាងពី ៣៣ទៅ៣៥ អង្សាសេ ។ នៅតំបន់ខ្ពង់រាប ដដែលនេះ រវាងពីថ្ងៃទី១៣ទៅ១៤ ខែ មីនា សីតុណ្ហភាពអប្បបរមាអាចចុះថែមទៀត ក្នុងចន្លោះពី ២ទៅ៣ អង្សាសេ នៅវេលាយប់ និងព្រឹក ។ នៅតំបន់មាត់សមុទ្រនោះវិញ សីតុណ្ហភាពអប្បបរមា នឹងមានរវាងពី ២២ទៅ២៤ អង្សាសេ , សីតុណ្ហភាពកម្ដៅអតិបរមា មានរវាងពី ៣១ទៅ ៣៤…

ព្រឹត្តិការណ៍កីឡាស៊ីហ្គេមលើកទី៣២ ដែលកម្ពុជានឹងត្រូវធ្វើជាម្ចាស់ផ្ទះជាលើកដំបូងនោះ គឺសល់រយៈពេល៥៩ថ្ងៃទៅមុខទៀតប៉ុណ្ណោះ។ ការរាប់ថយក្រោយរយៈពេល១០០ថ្ងៃ បានកន្លងផុត៤១ថ្ងៃមកហើយ។ គេហទំព័ររបស់សម្តេចតេជោ ហ៊ុន សែន បានសរសេរថា «ថ្ងៃទី៧ ខែមីនា ឆ្នាំ២០២៣នេះ គឺនៅ សល់តែ៥៩ថ្ងៃទៀតប៉ុណ្ណោះ នឹងឈានដល់ព្រឹត្តិការណ៍ស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ដែលកម្ពុជានឹងធ្វើជាម្ចាស់ផ្ទះក្នុងឆ្នាំ២០២៣នេះ»។ កម្ពុជាខកខានមិនបានធ្វើជាម្ចាស់ផ្ទះ នៃកីឡាស៊ីហ្គេមនេះក្នុងអម្លុងពេល៦៤ឆ្នាំ ដោយសារតែស្ថានការណ៍វិវត្តន៍មិនទៀងទាត់កើតឡើងក្នុងប្រទេសកម្ពុជា។ ក្រោយប្រទេសកម្ពុជា ចាប់ផ្តើមមានសន្តិភាពសាឡើងវិញ ក្រោមនយោបាយឈ្នះឈ្នះ ដាក់ចេញដោយសម្តេចតេជោ ហ៊ុន សែន នោះមក, កម្ពុជាក៏នៅមិនទាន់បំពេញកាតព្វកិច្ចរបស់ខ្លួនក្នុងការរៀបចំព្រឹត្តិការណ៍ប្រកួតកីឡាជាអន្តរជាតិក្នុងតំបន់នោះផងដែរ ប៉ុន្តែនៅក្នុងខែឧសភា ឆ្នាំ២០២៣ ជិតមកដល់នេះ កម្ពុជាបានបញ្ជាក់ការប្តេជ្ញាត្រៀមរៀបចំខ្លួនរួចរាល់ជាស្រេចក្នុងការធ្វើជាម្ចាស់ផ្ទះ នៃព្រឹត្តិការណ៍ស៊ីហ្គេមជាលើកដំបូង។

សម្តេចតេជោ ហ៊ុន សែន បានថ្លែងថា ការស្ទង់មតិយ៉ាងហោចចំនួន៣ដងជាបន្តបន្ទាប់ បានបង្ហាញថាសម្តេចបានទទួលការគាំទ្រពីស្ត្រីជាច្រើននៅក្នុងប្រទេស។ ប្រសាសន៍ថ្លែងនេះ បានធ្វើឡើងនៅក្នុងឱកាសដែលអញ្ជើញចូលរួមជាអធិបតីក្នុងពិធីអបអរសាទរទិវាអន្តរជាតិ ៨មីនាលើកទី១១២នៅវិមានសន្តិភាព។ សម្តេចបានថ្លែងបង្ហាញមោទនភាពនូវភាពដឹកនាំ របស់ស្ត្រីជាថ្នាក់ដឹកនាំ នៃក្រសួងកិច្ចការនារី និងក្រសួងវប្បធម៌ និងបានប្រកាសថា បើក្នុងការបោះឆ្នោតសកលខែកក្កដា ឆ្នាំ២០២៣ គណបក្សប្រជាជនកម្ពុជាដែលសម្តេចដឹកនាំនឹងឈ្នះ នឹងបន្តដឹកនាំជានាយករដ្ឋមន្ត្រីអាណ្ណត្តិថ្មីនោះ សមាសភាពស្ត្រីដឹកនាំក្នុងក្រសួងកិច្ចការនារី និងក្រសួងវប្បធម៌ និងវិចិត្រសិល្បៈ នឹងរក្សាទុកជាដដែល។

អភិបាលខេត្តពោធិ៍សាត់លោក ខូយ រីដា បានថ្លែងនូវគម្រោងចង់ប្រែក្លាយស្រុកវាលវែង ដែលដាច់ស្រយាលជាក្រុងមួយនៃតំបន់សេដ្ឋកិច្ច។ ស្រុកវាលវែង គឺជាតំបន់មួយដែលជាប់នឹងព្រំដែនថៃ និងដែលពីអតីតកាលជាទីដាច់ស្រយាលមួយដែលអ្នកធ្វើដំណើរទៅកាន់ស្រុកវាលវែងនោះ តែងត្អូញត្អែរនឹងការលំបាកដោយសារតែចំណោទផ្លូវធ្វើដំណើរ។ លោកអភិបាលខេត្ត ខូយ រីដា ថ្លែងក្នុងសន្និសីទកាសែតមួយនាទីស្តីការគណរដ្ឋមន្ត្រីនៅថ្ងៃទី៧មីនា បានថ្លែងថាស្រុកវាលវែងមិនដូចជាស្រុកដាច់ស្រយាលដូចពីមុននោះទៀតឡើយ។ ខេត្តពោធិ៍សាត់ គឺជាខេត្តនៃអតីតសមរភូមិ និងជាកន្លែងជម្រកលាក់ខ្លួនរបស់ក្រុមចលនាឧទ្ទាមទ័ពព្រៃថែមទៀត។ ខេត្តពោធិ៍សាត់គឺជាខេត្តមួយក្នុងចំណោមខេត្តដែលមានគ្រាប់មីន ច្រើនជាងគេផងដែរ ប៉ុន្តែក្នុងសម័យសន្តិភាពរបស់សម្តេចតេជោ ហ៊ុន សែន ខេត្តពោធិ៍សាត់ លែងក្លាយជាតំបន់មានគ្រោះថ្នាក់គួរឱ្យខ្លាចទៀតនោះហើយ។ លោកអភិបាលខេត្ត ខូយ រីដា បានមានប្រសាសន៍រំលឹកអំពីអតីតកាល នៃខេត្តពោធិ៍សាត់កន្លងមកនេះ។ ខេត្តពោធិ៍សាត់គឺជាខេត្តមានបណ្តាញផ្លូវជាតិ និងផ្លូវខេត្តចំនួន៥៥ខ្សែ ប្រវែងសរុប១ពាន់៩៨ ក្បៀស២៩គីឡូម៉ែត្រ។ ក្នុងរយៈពេល៥ឆ្នាំចុងក្រោយនេះ ខេត្តពោធិ៍សាត់បានកសាង និងជួសជុលផ្លូវរបស់ខ្លួនបានជាច្រើន ក្នុងនោះរួមមានស្ថាបនាផ្លូវជាតិលេខ៥សាឡើងវិញ ប្រវែងសរុប៨៦ក្បៀស៣០គីឡូម៉ែត្រ, ស្ថាបនាផ្លូវជាតិលេខ១០ពីវាលវែងទៅអូរសោមប្រវែង៩៦គីឡូម៉ែត្រ, ស្ថាបនាផ្លូវជាតិ និងផ្លូវខេត្តដោយក្រាលកៅស៊ូ DBST ប្រវែង៣៤ក្បៀស៨០គីឡូម៉ែត្រ, ស្ថាបនាផ្លូវខេត្តដោយក្រាលដីល្បាយថ្មប្រវែង១២ក្បៀស១០គីឡូម៉ែត្រ និងបានស្ថាបនាស្ពានបេតុង, ស្ពានបេឡេត៍, ស្ថាបនាលូ និងមានសមិទ្ធផលជាច្រើនទៀត ដែលធ្វើឱ្យខេត្តពោធិ៍សាត់បានក្លាយជាខេត្តមួយទទួលបានការចាប់អារម្មណ៍ពីសាធារណជនទូទាំងប្រទេសកម្ពុជា។

សម្តេចតេជោ ហ៊ុន សែន បានថ្លែងបញ្ជាក់នៅថ្ងៃទី៧មីនាថា សម្តេចនឹងមិនស្នើរកការលើកលែងទោស ដល់អ្នកនយោបាយណា ដែលប្រព្រឹត្តនូវកំហុសព្រហ្មទណ្ឌឡើយ។ ប្រសាសន៍បញ្ជាក់នេះ បានធ្វើឡើងនៅក្នុងឱកាសអញ្ជើញជាអធិបតីអបអរអរសាទរទិវាសិទ្ធិនារីអន្តរជាតិរំលឹកនូវអ្វីដែលអ្នកនយោបាយប្រឆាំងនៅក្រៅស្រុកបានប្រើសម្តីប្រមាថដល់សពប្អូនថ្លៃស្រី បើទោះបីជាបានបាត់បង់ជីវិតដោយសារជម្ងឺនោះក៏ដោយ។ ប្រសាសន៍របស់សម្តេចតេជោ មិនបានបញ្ជាក់ចំថាជាបុគ្គលណាមួយនោះឡើយ ប៉ុន្តែប្រសាសន៍នេះ គឺក្រោយព្រឹត្តិការណ៍មួយ ដែលមានសម្តីវាយប្រហាររបស់មេខ្លោងឧទ្ទាម សម រង្ស៊ី ដែលនិយាយប្រមាថដល់ប្អូនថ្លៃស្រីលោកជំទាវ ប៊ុន សុថា ដែលបានទទួលមរណភាព ដោយរោគាពាធក្នុងជន្មាយុ៦៧ឆ្នាំកាលពីថ្ងៃទី៣ កុម្ភៈ ឆ្នាំ២០២៣។

សម្តេចតេជោ ហ៊ុន សែន បានអញ្ជើញចូលរួមជាអធិបតីដ៏ខ្ពស់ខ្ពង់ក្នុងទិវាសិទ្ធិនារីអន្តរជាតិ៨ មីនា ដែលក្នុងឆ្នាំនេះបានប្រារព្ធធ្វើក្រោមប្រធានបទ «ស្ត្រីរួមគ្នារក្សាសុខសន្តិភាព ដើម្បីកិច្ចអភិវឌ្ឍក្នុងយុគសម័យឌីជីថល»។ អប្សរាណិតធ្វើសេចក្តីរាយការណ៍