រដ្ឋមន្ត្រីក្រសួងអប់រំយុវជន និងកីឡា បណ្ឌិតសភាចារ្យ ហង់ជួន ណារ៉ុន បានថ្លែងកោតសរសើរ និងវាយតម្លៃខ្ពស់ចំពោះសប្បុរសជនជាតិជប៉ុន ដែលបានជួយកម្ពុជាលើវិស័យសិក្សាធិការអប់រំ។ វិស័យសិក្សាធិការអប់រំរបស់កម្ពុជា បានធ្វើការកែទម្រង់រយៈកាលកន្លងមកនេះ និងក្នុងដំណាក់កាលដែលកម្ពុជាបាននិងកំពុងកែទម្រង់និងដុសខាត់វិស័យនេះឱ្យកាន់តែប្រសើរថែមទៀតនោះ អង្គការសប្បុរសជនជប៉ុន និងរដ្ឋាភិបាលជប៉ុន ក៏ជាផ្នែកមួយដែលបានលើកទឹកចិត្តជួយកម្ពុជា លើការជម្រុញវិស័យអប់រំរបស់កម្ពុជា។ នៅថ្ងៃទី១០កុម្ភៈកន្លងមកនេះ រដ្ឋមន្ត្រីក្រសួងអប់រំ បណ្ឌិតសភាចារ្យ ហង់ជួន ណារ៉ុន បានជួបក្រុមអង្គការសប្បុរសធម៌ជប៉ុន ដឹកនាំដោយបណ្ឌិត ស៊ាង ប៊ុនលាង រដ្ឋលេខាធិការក្រសួងមហាផ្ទៃ និងជាទីប្រឹក្សាផ្ទាល់ សម្តេចតេជោ ហ៊ុន សែន ដើម្បីការទទួលតម្រង់ទិសសម្រាប់ការជួយរបស់អង្គការមនុស្សធម៌ ជប៉ុនលើវិស័យសិក្សាធិការអប់រំ។ អប្សរាណិតធ្វើសេចក្តីរាយការណ៍

ពលរដ្ឋតាមបណ្តាញសង្គមបានអបអរសាទរចំពោះចំណាត់ការរបស់រាជរដ្ឋាភិបាល ក្នុងការបិទការផ្សាយវិទ្យុវីអូឌី ដែលគេតែងចោទថា ជាវិទ្យុផ្សាយលំអៀង គាំទ្រលើអំពើញុះញង់ និងមានចរឹតចង់ឱ្យប្រទេសកម្ពុជាដែលមានសន្តិភាពបែកបាក់គ្នា។ ហេតុអ្វីបានជាវិទ្យុវីអូឌីត្រូវបានបិទការផ្សាយ? អប្សរាណិតរាយការណ៍

ព្រឹត្តិការណ៍កីឡាស៊ីហ្គេមលើកទី៣២ ដែលកម្ពុជានឹងត្រូវធ្វើជាម្ចាស់ផ្ទះជាលើកដំបូងនោះ គឺសល់រយៈពេល៨១ថ្ងៃទៅមុខទៀតប៉ុណ្ណោះ។ ការរាប់ថយក្រោយរយៈពេល១០០ថ្ងៃ បានកន្លងផុត១៩ថ្ងៃមកហើយ។ គេហទំព័ររបស់សម្តេចតេជោ ហ៊ុន សែន បានសរសេរថា «ថ្ងៃទី១៣ កុម្ភៈ ឆ្នាំ២០២៣នេះ គឺនៅសល់តែ៨១ថ្ងៃទៀតប៉ុណ្ណោះ នឹងឈានដល់ព្រឹត្តិការណ៍ស៊ីហ្គេម លើកទី៣២ និងអាស៊ានប៉ារ៉ាហ្គេមលើកទី១២ ដែលកម្ពុជានឹងធ្វើជាម្ចាស់ផ្ទះក្នុងឆ្នាំ ២០២៣នេះ»។ កីឡាស៊ីហ្គេមឆ្នាំ២០២៣នេះ នឹងត្រូវចាប់ផ្តើមបើកនៅថ្ងៃទី៥ឧសភា និងបិទទៅវិញក្នុងថ្ងៃទី១៧ឧសភា ដោយមានការចូលរួមពីប្រទេសទាំង១០របស់អាស៊ាន និងប្រទេសទីម័រខាងកើត។

កាកបាទក្រហមកម្ពុជាបានផ្តល់ជំនួយមនុស្សធម៌១០ម៉ឺនដុល្លារ ដល់ប្រទេសតួកគីដែលរងវិបត្តិធ្ងន់ធ្ងរ ដោយសារតែគ្រោះរញ្ជួយធរណីកន្លងមកនេះ។ ជំនួយ១០ម៉ឺនដុល្លារនេះ គឺបន្ទាប់ពីការផ្តល់ជំនួយរបស់រាជរដ្ឋាភិបាលចំនួន១០ម៉ឺនដុល្លារ កាលពីសប្តាហ៍មុនផ្តល់ចំពោះតួកគី។ ប្រទេសតួកគីបានរងការរញ្ជួយដី៧ចុច៨រីច្ឆទ័រតាំងពីថ្ងៃទី៦កុម្ភៈដោយមានខេត្តចំនួន១០ បានរងគ្រោះនឹងរំញ័រដ៏ខ្លាំក្លានោះ។ អគារប្រមាណ៦ពាន់៤៤៤ កន្លែង ត្រូវបានដួលរលំ។ គិតមកទល់នឹងថ្ងៃទី១៣កុម្ភៈនេះ មានចំនួន៧ថ្ងៃហើយដែលគេស្ទើរអស់សង្ឃឹមថានឹងមានជីវិតអាចបន្តរស់នៅក្រោមគំនរអគារបែកបាក់ជាច្រើននោះឡើយ។ តួលេខមនុស្សស្លាប់បានកើន ដល់ ៣ម៉ឺន៣ពាន់នាក់ ក្នុងនោះរួមមានតួលេខអ្នកស្លាប់ក្នុងប្រទេសតួកគី និងប្រទេសស៊ីរី ដែលនៅក្បែរគ្នាផងដែរ។ តួលេខបាត់បង់ជីវិតត្រូវគេរំពឹងថាកើនលើសពីនេះថែមទៀត គ្រាដែលការជួយសង្គ្រាះមនុស្ស ចេញពីគំនរបែកបាក់នៅតែបន្តនៅឡើយ។ អគ្គលេខាធិការរងទី១ នៃកាកបាទក្រហមកម្ពុជា លោកស្រី ម៉ែន នារីសោភ័គ ថ្លែងនៅថ្ងៃទី១៣កុម្ភៈថា សម្ដេចកិត្តិព្រឹទ្ធ បណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា សូមចូលរួមសម្ដែងនូវការសោកស្ដាយជាខ្លាំង ចំពោះហេតុការណ៍គ្រោះរញ្ជួយដីដែលបានកើតឡើងនៅប្រទេសតួកគី ដែលបណ្ដាលឲ្យមនុស្សស្លាប់ និងរបួសជាច្រើននាក់ និងហេដ្ឋារចនាសម្ព័ន្ធក៏ ត្រូវបានបំផ្លិចបំផ្លាញអស់ជាច្រើនថែមទៀត។

ក្រសួងអប់រំ បានណែនាំគ្រឹះស្ថានសិក្សាទូទាំងប្រទេសត្រូវផ្សព្វផ្សាយពន្យល់សិស្សសាលា គ្រប់ៗរូប មិនត្រូវយល់ច្រឡំលើអត្ថន័យនេះទិវាក្តីស្រឡាញ់ Valentine’s Day ។ ទិវាក្តីស្រឡាញ់ Valentine’s Day ត្រូវបានយុវជនមួយចំនួនកន្លងមក បានយល់ច្រឡំថាជាទិវាបុណ្យសង្សារ ដែលកត្តានោះបានធ្វើឱ្យយុវជនខ្លះបានភ្លើតភ្លើនវង្វេងប្រព្រឹត្តខុសនឹងសីលធម៌ពិតប្រាកដរបស់វា។ ទិវា Valentine’s Day ថ្ងៃទី១៤កុម្ភៈដែលនឹងមកដល់ថ្ងៃស្អែកនេះ មិនមែនជា បុណ្យនៃប្រពៃណីជាតិខ្មែរនោះទេ។ អត្ថន័យពិត ប្រាកដរបស់វា គឺការបង្ហាញក្តីស្រឡាញ់រវាង ចំណងទំនាក់ទំនងក្នុងគ្រួសារឳពុកនិងម្តាយនិង កូនចៅ, ក្តីស្រឡាញ់របស់សាច់ញាតិនិង ក្រុមគ្រួសារនិងភាពស្មោះត្រង់រវាងមិត្តនិងមិត្តដោយ មិនប្រទុស្តរាយដាក់គ្នា ប៉ុន្តែត្រូវបាន មនុស្សមួយចំនួនបានបកស្រាយខុសពីន័យពិតរបស់ទិវានេះ។ Valentine’s Day ដែលគេស្គាល់ថាជាទិវាក្តីស្រឡាញ់ នឹងមកដល់នៅថ្ងៃស្អែកទី១៤នេះហើយ ខណៈក្រសួងអប់រំបានបានចាត់វិធានការទប់ស្កាត់សកម្មភាពមិនប្រក្រតីក្នុងទិវានៃក្តីស្រឡាញ់ នៅតាមគ្រឹះស្ថានសិក្សាសាធារណៈ និងឯកជន។ ក្រសួងអប់រំ យុវជន និងកីឡាបានចេញនូវការណែនាំដល់គ្រឹះស្ថានសិក្សាសាធារណៈចំនួន ៤ចំណុចពាក់ព័ន្ធនឹងការអប់រំសិស្ស ដើម្បីបញ្ចៀសការយល់ច្រឡំនូវអត្ថន័យពិតប្រាកដរបស់វា។

សម្តេចនាយករដ្ឋមន្រ្តីកម្ពុជាកំពុងបំពេញទស្សនកិច្ច៣ថ្ងៃក្នុងប្រទេសឡាវ ដែលមន្ត្រីរាជរដ្ឋាភិបាលបានចាត់ទុកជាព្រឹត្តិការណ៍ប្រវត្តិសាស្ត្រមួយទៀតដែលបើកនូវទំព័រថ្មីសម្រាប់កិច្ចសហប្រតិបត្តិការណ៍រវាងប្រទេសទាំង២លើគ្រប់វិស័យ។ ដំណើរទស្សនកិច្ចនេះ នឹងមានការចុះហត្ថលេខាលើឯកសារសំខាន់មួយចំនួន ពាក់ព័ន្ធនឹងបញ្ហាព្រំដែន និងកិច្ចសហប្រតិបត្តិការ រវាងប្រទេសទាំង២។ កម្ពុជានិងឡាវមានទំនាក់ទំនងការទូតជាផ្លូវការក្នុងឆ្នាំ១៩៥៦ ហើយនៅក្នុងឆ្នាំ២០១៩ ទំនាក់ទំនងទ្វេភាគីកម្ពុជា-ឡាវ ត្រូវបានលើកកម្ពស់ទៅជា “ភាពជាដៃគូយុទ្ធសាស្ត្រគ្រប់ជ្រុងជ្រោយ និងយូរអង្វែង។ រដ្ឋមន្ត្រីអមគណៈប្រតិភូលោក ស៊្រី ថាមរង្គ បានថ្លែងរៀបរាប់ជុំវិញគម្រោង ដំណើរទស្សនកិច្ច របស់សម្តេចដែលនឹងត្រូវមានកម្មវិធីក្នុងរយៈពេល២ថ្ងៃក្នុងប្រទេសឡាវ រវាងពីថ្ងៃទី១៣ ដល់ ១៤កុម្ភៈឆ្នាំ២០២៣។ មន្ត្រីកម្ពុជាថ្លែងទៀតថានៅក្នុងដំណើរទស្សនកិច្ចក្នុងប្រទេសឡាវនោះក៏ នឹងមានការចុះហត្ថលេខាលើឯកសារចំនួន២សំខាន់ ដែលក្នុងនោះគឺជាឯកសារសកម្មភាពសម្រាប់អនុវត្តក្នុងភាពជាដៃគូយុទ្ធសាស្ត្រគ្រប់ជ្រុងជ្រោយរវាងប្រទេសទាំង២ និងឯកសារមួយទៀតស្តីពីឯកសារ នៃសន្ធិសញ្ញាកំណត់ព្រំដែនរវាងប្រទេសទាំង២។ កម្ពុជា និងឡាវមានខ្សែបន្ទាត់ព្រំដែនរួមគ្នាប្រវែង ៥៤០គីឡូម៉ែត្រដែលត្រូវបោះបង្គោលព្រំដែនចំនួន១៤៥បង្គោល។ ភាគីទាំងពីរទើបបានសម្រេចការបោះបង្គោលព្រំដែន ចំនួន១២១ បង្គោលដែលស្មើនឹង៨៦% ។ សម្តេចតេជោ និងគណៈប្រតិភូនឹងអញ្ជើញវិលត្រឡប់មកកម្ពុជាវិញ នៅថ្ងៃទី១៤កុម្ភៈឆ្នាំ២០២៣ ។

តួលេខឆ្លងថ្មីកូវីដ១៩ ក្នុងប្រទេសអាស៊ាននៃរយៈពេល ២៤ម៉ោងចុងក្រោយនេះ បានថយចុះចំនួន ៤៩ករណីថែមទៀត បើប្រៀបធៀបនឹងតួលេខឆ្លងកាលពីម្សិលមិញ ។ តួលេខឆ្លងថ្មីកូវីដ១៩ នៅអាស៊ាថ្ងៃនេះមានចំនួន ១ពាន់ ២៤៦ករណី ដែលបានកើតលើប្រទេសចំនួន៩ រួមមានប្រទេស ឥណ្ឌូនេស៊ី, ម៉ាឡេស៊ី, វៀតណាម, សឹង្ហបុរី, ហ្វីលីពីន, កម្ពុជា, ឡាវ, ប្រុយណេ និងប្រទេសមីយ៉ាន់ម៉ា ។ សឹង្ហបុរី គឺជាប្រទេសដែលមានតួលេខឆ្លងច្រើនជាងគេ ដែលមានចំនួន ៤៦៥ករណី ។ តួលេខឆ្លងតិចជាងគេ គឺប្រទេសឡាវ ដែលមានចំនួនអ្នកឆ្លងតែ ២ករណីប៉ុណ្ណោះ ។ ប្រទេសថៃ គឺជាប្រទេសដែលគ្មានសេចក្តីរាយការណ៍ជុំវិញតួលេខឆ្លង និងស្លាប់ឡើយ ក្នុងរយៈពេល២៤ម៉ោងចុងក្រោយនេះ ។ តួលេខស្លាប់ដោយសារកូវីដ១៩ ក្នុងប្រទេសអាស៊ានរយៈពេល ២៤ម៉ោងចុងក្រោយនេះ មានចំនួន ២១នាក់ ដែលជាពលរដ្ឋនៃប្រទេសហ្វីលីពីន និងប្រទេសឥណ្ឌូនេស៊ី ។ គិតសរុបរួមនៃប្រទេសទាំង១០ អាស៊ាននាពេលនេះ ការឆ្លងសរុបមានចំនួន ៣៥លាន ៥៨ម៉ឺន ៧ពាន់ ៥៣៧ករណី, និងការស្លាប់សរុបមានចំនួន ៣៦ម៉ឺន…

កម្ពុជាក្នុងរយៈពេល ២៤ម៉ោងចុងក្រោយនេះ មានការឆ្លងចំនួន ៣ករណីឡើងវិញ បន្ទាប់ពីបាត់មិនមានអ្នកឆ្លងសោះកាលពីម្សិលមិញ ។ យោងតាមក្រសួងសុខាភិបាល ក្នុងរយៈពេលជាង ២សប្តាហ៍កន្លងមកនេះ ការឆ្លងបានថយចុះជាលំដាប់ដែលជួនកាលមានតិចតួចប៉ុណ្ណោះ និងជួនកាលក៏គ្មានអ្នកឆ្លងសោះផងដែរ ។ កម្ពុជាបានចាប់ផ្តើមចាក់ដូសជំរុញទី៦ ចាប់តាំងពីដើមខែមករា ដែលរហូតមកទល់ពេលនេះ មានពលរដ្ឋទៅចាក់បានចំនួន ២១ម៉ឺន ៨ពាន់ ២៣នាក់ហើយ ។ កម្ពុជាបច្ចុប្បន្នកំពុងរៀនរស់នៅជាមួយនឹងជម្ងឺកូវីដ១៩ ខណៈដែលការចាក់វ៉ាក់សាំងដូសមូលដ្ឋានទូទាំងប្រទេសមាន ប្រមាណជាង ៩៥ភាគរយរួចមកនេះ ។