សហគមន៍ខ្មែរក្នុងប្រទេសអូស្ត្រាលី និងនូវ៉ែលហ្សេឡង់ បានជួបជុំគ្នាក្នុងពិធីអបអរខួប ៤៤ឆ្នាំ ថ្ងៃ៧មករាដែលជាទិវាជួយរំដោះប្រជាពលរដ្ឋខ្មែររួចចាកផុតពីរបបកាប់សម្លាប់ខ្មែរក្រហម។ ពិធីជួបជុំពលរដ្ឋខ្មែរនៅក្រៅប្រទេសនេះ បានរៀបចំធ្វើនៅក្នុងក្រុងកង់បេរ៉ា នៃប្រទេសអូស្ត្រាលី នារសៀលថ្ងៃទី៤ មករា ឆ្នាំ២០២៣ ក្រោមអធិបតីភាពរដ្ឋលេខាធិការក្រសួងយុត្តិធម៌បណ្ឌិត គឹម សន្តិភាព។ អប្សរាណិតធ្វើសេចក្តីរាយការណ៍

បណ្ឌិត ហ៊ុន ម៉ាណែត បានថ្លែងថាទិវា៧មករាដែលនឹងមកដល់វេលាចុងសប្តាហ៍នេះ គឺជាទិវា ដែលតែងស្ថិតដក់ជាប់ក្នុងក្រអៅបេះដូងរបស់ប្រជាពលរដ្ឋទូទៅ។ ប្រសាសន៍ថ្លែងរបស់ បណ្ឌិត ហ៊ុន ម៉ាណែត បានធ្វើឡើងនៅក្នុងពិធីកាត់ឫសសីមា និងសម្ពោធសមិទ្ធផលនានា ក្នុងវត្តឧត្តមសាមគ្គី ហៅវត្តវាលកន្សែង នាខេត្តក្រចេះ នៅថ្ងៃទី០៥ ខែមករា ឆ្នាំ២០២៣។ កម្ពុជាត្រៀមនឹងរៀបចំពិធីខួប៤៤ឆ្នាំ នៃទិវា៧មករា ដែលរំលឹកការរំដោះប្រទេសនាអតីតកាល ចេញរួចផុតពីរបបកាប់សម្លាប់ខ្មែរក្រហម ដឹកនាំដោយប៉ុលពតនាវេលាចុងសប្តាហ៍នេះ។ បណ្ឌិត ហ៊ុន ម៉ាណែត បានថ្លែងក្នុងពិធីសាសនាក្នុងខេត្តក្រចេះថា «ឈរលើមូលដ្ឋាននៃថ្ងៃជ័យជម្នះ៧មករា, កម្ពុជាបានបោះជំហានទៅមុខឥតឈប់ឈរ និងសម្រេចបាននូវសមិទ្ធ ផលប្រវត្តិសាស្ត្រជាច្រើន។ លោកបានថ្លែងទៀតថា អត្ថន័យ នៃគុណបំណាច់ ៧ មករានេះ នឹងបន្តស្ថិតដក់ជាប់ក្នុងក្រអៅបេះដូងរបស់ប្រជាជនខ្មែរគ្រប់រូប ដែលទទួលបានការជួយសង្គ្រោះអាយុជីវិតឱ្យរួចផុតពីការកាប់សម្លាប់ក្នុងរបបវាលពិតឃាតដ៏សាហាវយង់ឃ្នង។ កម្ពុជាក្នុងអតីតកាលដែលរស់នៅក្នុងរបបវាលពិឃាតខ្មែរក្រហម, ក្រុមអង្គការស្លៀកខោអាវ ខ្មៅ បានចាប់បង្ខំពលរដ្ឋធ្វើពលកម្មធ្ងន់ធ្ងរដោយផ្តល់អាហារទទួលទានមិនបានគ្រប់គ្រាន់ ឡើយ។ អតីតអ្នករដ្ឋការ, សាស្ត្រាចារ្យ, និស្សិតបញ្ញវ័ន្ត បានក្លាយជាមុខព្រួញនៃការ វាយ កម្ទេចរបស់ក្រុមអង្គការស្លៀកខោអាវខ្មៅ។ ក្នុងអតីតកាលនៃការគ្រប់គ្រងរបស់របបខ្មែរក្រហម រយៈពេល៣ឆ្នាំ ៨ខែ ២០ថ្ងៃ មានមនុស្សស្លាប់ច្រើនលាននាក់ដោយសារការឈឺគ្មានថ្នាំ សង្កូវ,…

តួលេខឆ្លងថ្មីកូវីដ១៩ ក្នុងប្រទេសអាស៊ាននៃរយៈពេល ៧២ម៉ោងចុងក្រោយនេះ បានបន្តថយចុះចំនួន ៦ពាន់ ១០៧ករណី បើប្រៀបធៀបនឹងតួលេខឆ្លងសរុបរយៈពេល ៣ថ្ងៃ ដូចគ្នាកាលពីសប្តាហ៍មុន ។ តួលេខឆ្លងថ្មីកូវីដ១៩ នៅអាស៊ានរយះពេលបីថ្ងៃមកនេះ មានចំនួន ៧ពាន់៨៥៥ករណី ដែលឆ្លងលើប្រទេសចំនួន៩ នៅអាស៊ាន រួមមានប្រទេស ឥណ្ឌូនេស៊ី, ម៉ាឡេស៊ី, វៀតណាម, មីយ៉ាន់ម៉ា, សឹង្ហបុរី, ហ្វីលីពីន, ប្រុយណេ, ឡាវ និងប្រទេសកម្ពុជា ។ ប្រទេសសឹង្ហបុរី គឺជាប្រទេសដែលមានតួលេខឆ្លងច្រើនជាងគេ ដែលមានចំនួន ២ពាន់ ៤០៣ ករណី ។ តួលេខឆ្លងតិចជាងគេ គឺប្រទេសកម្ពុជា ដែលមានចំនួនតែ ១៧ករណីប៉ុណ្ណោះ ។ ប្រទេសថៃ ជាប្រទេសដែលគ្មានសេចក្តីរាយការណ៍ជុំវិញតួលេខឆ្លង និងស្លាប់ឡើយ ក្នុងរយៈពេល ៧២ម៉ោងចុងក្រោយនេះ ។ តួលេខស្លាប់ដោយសារកូវីដ១៩ ក្នុងប្រទេសអាស៊ានរយៈពេល ៧២ម៉ោងចុងក្រោយនេះ មានចំនួន ១០៩នាក់ ក្នុងនោះប្រទេសហ្វីលីពីន មានមនុស្សស្លាប់ចំនួន ៦៥នាក់ ដែលជាតួលេខ ស្លាប់ច្រើនជាងគេ…

ការឆ្លងថ្មីកូវីដ១៩ក្នុងរយៈពេល៧២ម៉ោងចុងក្រោយនេះ មានចំនួន១៧ករណី ដែលថយចុះ អស់២៤ករណី បើប្រៀបធៀបនឹងតួលេខឆ្លង ៧២ម៉ោងដូចគ្នាកាលពីសប្តាហ៍មុន ។ យោងតាមក្រសួងសុខាភិបាលតួលេខឆ្លងថ្មី នៃ៧២ម៉ោងចុងក្រោយនេះរួមមានការឆ្លងថ្ងៃសៅរ៍ មានចំនួន ៦ករណី, ថ្ងៃអាទិត្យមាន៧ករណី និងនៅថ្ងៃច័ន្ទនេះ មានចំនួន ៤ករណី។ តួលេខឆ្លងថ្មីទាំង ១៧ករណី នាវេលា ៧២ម៉ោងចុងក្រោយនេះ គឺកើតឡើងក្នុងរង្វង់សហគមន៍ទាំងអស់ ។ កម្ពុជាបច្ចុប្បន្នកំពុងរៀនរស់នៅជាមួយនឹងជម្ងឺកូវីដ១៩ ខណៈដែលការចាក់វ៉ាក់សាំងដូសមូលដ្ឋានទូទាំងប្រទេស មានប្រមាណជាង ៩៥ភាគរយរួចមកនេះ។

សម្តេចក្រឡាហោម ស ខេង បានអំពាវនាវការឈប់ផ្ទេរមន្ត្រីនានាពីខាងក្រៅក្រសួង ចូលមកបំរើកិច្ចការជានគរបាលដោយសារតែបញ្ហាមិនបានឆ្លងកាត់ការបណ្តុះបណ្តាលផ្នែកវិជ្ជាជីវៈនគរបាល។ សម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ បានថ្លែងថាឆ្នាំ២០២៣ ដែលមកដល់នេះ គេគួរតែបញ្ឈប់នូវការផ្ទេរនោះហើយ។ នេះជាប្រសាសន៍ដកស្រង់មួយ ក្នុងឱកាសដែលបានអញ្ជើញជាអធិបតី ក្នុងពិធីបិទវគ្គសុក្រិតការថ្នាក់ដឹកនាំនគរបាលកម្រិត១ និងកម្រិត២ ជំនាន់ទី២ នៅរាជបណ្ឌិតសភានគរបាលកម្ពុជា ថ្ងៃទី២៧ ធ្នូ ឆ្នាំ២០២២ មុនដំណាច់ឆ្នាំសកល។

រដ្ឋបាលរាជធានីភ្នំពេញ បានចេញសេចក្តីដំណឹងស្តីពីការបញ្ចៀសចរាចរណ៍ ក្នុងអំឡុងពេលប្រារព្ធពិធីមីទ្ទិញ អបអរសាទរខួបលើកទី៤៤ នៃទិវាជ័យជម្នះ ៧មករា ។ សេចក្ដីជូនដំណឹងរបស់រដ្ឋបាលរាជធានីភ្នំពេញនៅថ្ងៃច័ន្ទនេះ បានសរសេរថានៅថ្ងៃទី០៧ ខែមករា ឆ្នាំ២០២៣ វេលាម៉ោងកន្លះព្រឹក គណបក្សប្រជាជនកម្ពុជា នឹងរៀបចំប្រារព្ធពិធី មីទ្ទិញអបអរសាទរខួបលើកទី៤៤ នៃទិវាជ័យជម្នះ ៧មករា នាមជ្ឈមណ្ឌលសន្និបាត និងពិព័រណ៍កោះពេជ្រ ដែលស្ថិតនៅក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។ សេចក្តីជូនដំណឹងដដែលបានបញ្ជាក់ថា ដើម្បីឲ្យការប្រារព្ធពិធីប្រព្រឹត្តទៅដោយរលូន រក្សាបាននូវសន្តិសុខ សុវត្ថិភាព សណ្ដាប់ធ្នាប់ និងរបៀបរៀបរយសាធារណៈ ព្រមទាំងបញ្ចៀស បាននូវការកកស្ទះចរាចរណ៍, រដ្ឋបាលរាជធានីភ្នំពេញ នឹងបញ្ចៀសចរាចរណ៍ ចំពោះយានយន្តគ្រប់ប្រភេទ លើកំណាត់មហាវិថីសម្ដេចសុធារស ចាប់ពីស្តុបជលផលដល់ផ្លូវឧកញ៉ាឈុន, លើកំណាត់វិថីព្រះស៊ីសុវត្ថិ ចាប់ពីរង្វង់មូលសម្តេចសង្ឃ ជួន ណាត ដល់ផ្លូវឧកញ៉ាឈុន, លើកំណាត់មហាវិថីព្រះសុរាម្រឹត ចាប់ពីនាគបាញ់ទឹក ដល់វិមានឯករាជ្យ, លើកំណាត់មហាវិថី ព្រះសីហនុ ចាប់ពីវិមានឯករាជ្យ ដល់នាគបាញ់ទឹក និងលើផ្លូវនៅជុំវិញទីតាំងប្រារព្ធពិធី រហូតដល់ពិធីត្រូវបានបញ្ចប់។

មន្ត្រីជាន់ខ្ពស់ម្នាក់នៃគណបក្សភ្លើងទៀន បានបង្ហើបជុំវិញផែនការឃុបឃិតរវាងគណបក្សភ្លើងទៀន និងមេខ្លោងក្រុមឧទ្ទាម សម រង្ស៊ី ដើម្បីប៉ុនប៉ងបង្កចលាចលនៅមុនការបោះឆ្នោត សកលឆ្នាំ២០២៣។ មន្ត្រីគណបក្សភ្លើងទៀនជារៀងរាល់ដងតែបដិសេធថាគណបក្សរបស់ខ្លួនមិនដែលបានពាក់ព័ន្ធជាមួយនឹងក្រុមឧទ្ទាមក្រៅស្រុកដឹកនាំដោយ សម រង្ស៊ី នោះឡើយ ប៉ុន្តែសម្តីសារភាពរបស់ប្រធានចលនាខ្មែរឥស្លាមរបស់គណបក្សភ្លើងទៀន ឈ្មោះ ឯល រ៉ាហ្វើត បានបង្ហាញថាគណបក្សភ្លើងទៀន និងមេខ្លោងក្រុមឧទ្ទាមក្រៅស្រុកគឺជាបក្ខពួកតែមួយ។ សូមបញ្ជាក់ថាលោក ឯល រ៉ាហ្វើត បានភ្ញាក់រលឹកចាកចេញពីគណបក្សភ្លើងទៀន ដោយសារតែបណ្តាំម្តាយរបស់លោកមុនការចែកឋាន។ នេះជាការរៀបរាប់មួយរបស់ឈ្មោះ ឯល រ៉ាហ្វើត តាមបណ្តាញសង្គមជំរាបជួនសម្តេចតេជោ ហ៊ុន សែន ដែលបានផ្សព្វផ្សាយថ្ងៃនេះតាមប្រព័ន្ធ Fresh News។ ការបញ្ចេញសារលិខិតនេះតាមបណ្តាញសង្គម គឺនៅបន្ទាប់ពីលោក ឯល រ៉ាហ្វើត បានវិលត្រឡប់មកកម្ពុជាវិញដោយសុវត្ថិភាព និងលោកត្រៀមប្រកាសការផ្តាច់ខ្លួនរបស់លោកចេញពី គណបក្សភ្លើងទៀននាពេលខាងមុខបន្តិចទៀតនេះ។ គណបក្សភ្លើងទៀនតែងបដិសេធជាប់ជានិច្ចថាគណបក្សប្រឆាំងរបស់ខ្លួននេះ មិនជាប់ពាក់ព័ន្ធនឹងមេខ្លោងក្រុមឧទ្ទាមក្រៅច្បាប់ សម រង្ស៊ី នោះឡើយ។ គេនឹងរង់ចាំមើលថាតើគណបក្សភ្លើងទៀននឹងដោះសារយ៉ាងណាទៅវិញជាមួយនឹងភស្ថុតាងបង្ហាញការជាប់ពាក់ព័ន្ធរបស់ខ្លួនជាមួយក្រុមឧទ្ទាមខុសច្បាប់ សម រង្ស៊ី នេះ?