តួលេខឆ្លងថ្មីកូវីដ១៩ ក្នុងប្រទេសអាស៊ាននៃរយៈពេល ៧២ម៉ោងចុងក្រោយនេះ មានការថយ ចុះចំនួន១ម៉ឺន ៣ពាន់ ៦២៦ករណី បើប្រៀបធៀបនឹងតួលេខឆ្លងសរុប រយៈពេល៣ថ្ងៃដូចគ្នា កាលពីសប្តាហ៍មុន ។ តួលេខឆ្លងថ្មីកូវីដ១៩ នៅអាស៊ានរយះពេលបីថ្ងៃមកនេះ មានចំនួន ២ម៉ឺន៤ពាន់ ២៣២ករណី ដែលឆ្លងលើប្រទេសចំនួន ៨ នៅអាស៊ានរួមមានប្រទេស ឥណ្ឌូនេស៊ី, ម៉ាឡេស៊ី, វៀតណាម, មីយ៉ាន់ម៉ា, សឹង្ហបុរី, ហ្វីលីពីន, ឡាវ និង ប្រទេសកម្ពុជា ។ ប្រទេសឥណ្ឌូនេស៊ី នៅតែជាប្រ ទេសដែលមានតួលេខឆ្លងច្រើនជាងគេដដែល ដែលមានចំនួន ១ម៉ឺន ៣៨៣ករណី ។ តួលេខឆ្លងតិចជាងគេ គឺប្រទេសកម្ពុជា ដែលមានចំនួនតែ ៣៧ករណី ។ ប្រទេសព្រុយណេ និងប្រទេសថៃ ជាប្រទេសដែលគ្មានសេចក្តីរាយការណ៍ជុំវិញតួលេខឆ្លង និងស្លាប់ឡើយ ក្នុងរយៈពេល ៧២ម៉ោងចុងក្រោយនេះ ។ តួលេខស្លាប់ដោយសារកូវីដ១៩ ក្នុងប្រទេសអាស៊ានរយៈពេល ៧២ម៉ោងចុងក្រោយនេះ មានចំនួន ១៨២នាក់ ក្នុងនោះប្រទេសឥណ្ឌូណេស៊ី មានមនុស្សស្លាប់ចំនួន…

ក្នុងរយៈពេល ៧២ម៉ោងចុងក្រោយនេះ ការឆ្លងថ្មីកូវីដ១៩មានចំនួន ៣៧ករណី ដែលកើន ឡើងច្រើនជាងសប្តាហ៍មុនជាងទ្វេដង ។ តួលេខឆ្លងកូវីដ១៩ កាលពីសប្តាហ៍មុនមានតែចំនួន ១៨ករណីនោះទេ ដែលសកម្មភាពកម្រើកសាឡើងវិញនេះ គឺជាតួលេខកើនខ្ពស់គួរឲ្យកត់សម្គាល់ ក្នុងរយៈពេលជាង ២ខែកន្លងមកនេះ ។ យោងតាមក្រសួងសុខាភិបាលកាលពីថ្ងៃសៅរ៍ មានការឆ្លងចំនួន ១១ករណី, ថ្ងៃអាទិត្យមាន ១១ករណី និងនៅថ្ងៃច័ន្ទនេះកើនដល់ ១៥ករណីផងទៀត ។ យោងតាមក្រសួងសុខាភិបាល ការឆ្លងទាំង ៣៧ករណី វេលា៧២ម៉ោងចុងក្រោយនេះ គឺកើតឡើងក្នុងរង្វង់សហគមន៍ទាំង អស់ ។ កម្ពុជានៅតែបន្តការចាក់វ៉ាក់សាំងកូវីដ១៩ ជាដដែល ដើម្បីជម្រុញភាពស៊ាំក្នុងសហគមន៍ ។ តួលេខអ្នកចាក់វ៉ាក់សាំងដូសមូលដ្ឋានទូទាំងប្រទេស គិតត្រឹមថ្ងៃទី២៨ វិច្ឆិកា បាន កើនដល់ចំនួន ១៥លាន ២២ម៉ឺន ៦ពាន់ ៧៧៣នាក់ ដែលស្មើនឹង ៩៥,១៩ ភាគរយ ៕

ក្រសួងសេដ្ឋកិច្ចនិងហិរញ្ញវត្ថុ បានចេញសេចក្តីប្រកាសមួយ បញ្ជាក់ថា គ្រួសារងាយរងហានិភ័យពីសំពាធអតិផរណា នឹងទទួលបានប្រាក់ឧបត្ថម្ភពីរាជរដ្ឋាភិបាលចាប់ពីថ្ងៃទី១០ ខែធ្នូ ឆ្នាំ២០២២តទៅ ។ សេចក្តីប្រកាសដែលទទួលបាននៅថ្ងៃចន្ទនេះ បានបញ្ជាក់ថា គ្រួសារងាយរងហានិភ័យ ដែលបានកំណត់អត្តសញ្ញាណដោយក្រសួងផែនការ នឹងត្រូវទទួលបានការឧបត្ថម្ភជាសាច់ប្រាក់ចំនួន៣លើក ដែលលើកទី១នៅថ្ងៃទី១០ ខែធ្នូ ឆ្នាំ២០២២, លើកទី២នៅថ្ងៃ ទី១០ ខែមេសាឆ្នាំ២០២៣ និងលើកទី៣ នៅថ្ងៃទី១០ ខែកក្កដា ឆ្នាំ២០២៣។ សេចក្តីប្រកាស ដដែលបញ្ជាក់ថាការឧបត្ថម្ភសាច់ប្រាក់ជូនគ្រួសារងាយរងហានិភ័យ ក្នុងអំឡុងពេលមាន សំពាធអតិផរណា ត្រូវបានអនុវត្តដោយមូលនិធិជាតិជំនួយសង្គម ដោយប្រើប្រាស់យន្តការ ដែលមានស្រាប់របស់កម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះក្នុងអំឡុង ពេលប្រយុទ្ធនឹងជំងឺកូវីដ១៩ តាមរយៈធនាគារវីង៕

គណៈឆ្មបកម្ពុជាបានរៀបចំសិក្ខាសាលាផ្សព្វផ្សាយស្តីពីដែនកំណត់និងនិយាមវិជ្ជាជីវៈឆ្មប ដែលសិក្ខាសាលានេះ ធ្វើឡើងក្រោយមានការរិះគន់ជុំវិញសេវាកម្ម ឆ្មបនៅគ្លីនីកឯកជនមួយ ក្នុងខេត្តកំពង់ស្ពឺ បានប៉ះពាល់សុខភាពមាតាម្នាក់ ដែលស្ទើរតែនឹងបាត់បង់ជីវិតថែមទៀត។ សិក្ខាសាលានៅថ្ងៃទី៥ ធ្នូ ឆ្នាំ២០២២ បានស្ថិតក្រោមអធិបតីភាព រដ្ឋលេខាធិការក្រសួងសុខាភិបាលលោកសាស្ត្រាចារ្យ ធា គ្រុយ ដែលបានថ្លែងថាកិច្ចការរបស់ឆ្មប គឺខុសពីអាជីវកម្មរក ស៊ីលក់ដូរ។ ប្រសាសន៍បញ្ជាក់របស់សាស្ត្រាចារ្យ ធា គ្រុយ អំពីកាតព្វកិច្ចរបស់ឆ្មបនេះ គឺនៅបន្ទាប់ពីក្រសួងសុខាភិបាលបានដាក់ពិន័យឆ្មបម្នាក់ឈ្មោះ អ៊ឹង ធារិន នៃមជ្ឈមណ្ឌលឯកជនដើមអង្ក្រង នៃស្រុកគងពិសីខេត្តកំពង់ស្ពឺ។ ស្ត្រីជាមាតាអាយុ២២ឆ្នាំឈ្មោះ សឿន ស្រីអូន បានទៅរកពេទ្យឆ្មបនៅទីនោះដើម្បីជួយវះកាត់ បន្ទាប់ពីទារកអាយុ៥ខែស្លាប់ក្នុងផ្ទៃ ប៉ុន្តែក្នុងការព្យាបាលនោះ ស្ត្រីឆ្មបដែលគ្មានជំនាញនោះទាល់តែសោះ ត្រូវគេរាយការណ៍ថា គាត់ថែមទាំងបានកាត់ ដោយទាំងពោះវៀនស្ត្រីអ្នកជម្ងឺ ដែលវិះតែនឹងអស់ជីវិត។ លោកសាស្ត្រាចារ្យ ធា គ្រុយ បានថ្លែងដាស់តឿនថាឆ្មបដែលគ្មានជំនាញ មិនត្រូវធ្វើអ្វីដែលហួសពីជំនាញរបស់ខ្លួននោះទេ។ ក្រសួងសុខាភិបាល នៅក្នុងសេចក្តីប្រកាសព័ត៌មានមួយថ្ងៃទី៣០វិច្ឆិកា បានដាក់ទណ្ឌកម្មឆ្មប ឈ្មោះ អ៊ឹង ធារិន នោះ ដោយការផ្អាកការប្រកបវិជ្ជាជីវៈឆ្មបរយៈពេល២ឆ្នាំ។ លោកសាស្ត្រាចារ្យ ធា គ្រុយ បានថ្លែងព្រមានថាបើស្ត្រីឆ្មបរូបនោះ បន្តប្រព្រឹត្តនូវអំពើដដែល…

ដំណើរទស្សនកិច្ចសម្តេចតេជោ ហ៊ុន សែន និងគណៈប្រតិភូក្នុងប្រទេសបែលហ្ស៊ីក នៃទ្វីបអឺរ៉ុប នឹងមកដល់រយៈពេល៧ថ្ងៃទៅមុខទៀតនេះ។ សម្តេចតេជោ ហ៊ុន សែន ក្នុងនាមជាប្រធានអាស៊ានប្តូរវេនឆ្នាំ២០២២ នឹងអញ្ជើញចូលរួមក្នុងខួបលើកទី៤៥នៃភាពជាដៃគូសន្ទនារវាង អឺរ៉ុប និងអាស៊ាន ដែលនឹងមានរៀបចំព្រឹត្តិការណ៍ជួបប្រជុំកំពូលមួយចំនួនថែមទៀត។ ប្រជាពលរដ្ឋខ្មែរជាច្រើនក្នុងទ្វីបអឺរ៉ុប បានបន្តធ្វើសារលិខិតតាមប្រព័ន្ធវីដេអូសង្គម ស្វាគមន៍ដំណើរទស្សនកិច្ចរបស់សម្តេចតេជោ ហ៊ុន សែន ដែលនឹងចាកចេញពីកម្ពុជានៅថ្ងៃទី១២ ធ្នូ ឆ្នាំ២០២២។ ចម្ងាយរវាងកម្ពុជានិងប្រទេសបែលហ្ស៊ីក មានប្រវែងជាង៩ពាន់៥៦៧គីឡូម៉ែត្រ ដែលនឹងធ្វើដំណើររយៈពេលជាង១៨ម៉ោងតាមជើងយន្តហោះ។ អប្សរាណិតរាយការណ៍

បណ្ឌិត ហ៊ុន ម៉ាណែត បានថ្លែងថា ប្រទេសកម្ពុជាបានបើកចំហសម្រាប់ធុរកិច្ចមកពីគ្រប់បណ្តាប្រទេស លើសាកលលោក ដែលប្រសាសន៍ថ្លែងនេះ បានធ្វើឡើងក្នុងឱកាសជួបសំណេះសំណាលមួយជាមួយក្រុមពាណិជ្ជករ និងអាជីវករមកពីរដ្ឋកាលីហ្វ័រនីញ៉ាសហរដ្ឋអាមេរិកដែលបានមកជួបជុំគ្នាធ្វើសិក្ខាសាលានៅរាជធានីភ្នំពេញ។ ជាមួយនឹងប្រសាសន៍បញ្ជាក់ថាកម្ពុជាបើកចំហរទ្វារសម្រាប់ធុរកិច្ចនោះ, បណ្ឌិត ហ៊ុន ម៉ាណែត បានថ្លែងរំពឹងថា ទីផ្សារសកលលោកក៏នឹងបើកចំហរសម្រាប់គ្រប់ផលិតផលរបស់កម្ពុជា ក្នុងការនាំចេញនោះ ផងដែរ។ ប្រសាសន៍សំណេះសំណាលនេះ បានធ្វើឡើងនារសៀលថ្ងៃអាទិត្យទី៤ ធ្នូ បន្ទាប់ពីសិក្ខាសាលាមួយដែលប្រមូលក្រុមពាណិជ្ជករ និងវិនិយោគបរទេសនានាពីរដ្ឋកាលីហ្វ័រនីញ៉ាសហរដ្ឋអាមេរិកមកជួបជុំគ្នាក្នុងរាជធានីភ្នំពេញ។ សិក្ខាសាលាស្តីពី «ការនាំចេញផលិតផល ចំណី អាហារទៅកាន់ទីផ្សារសហរដ្ឋអាមេរិក» ប្រព្រឹត្តទៅថ្ងៃទី៣ខែធ្នូ បានរៀបចំសម្របសម្រួល ដោយលោក ហួត គីមឆា អគ្គកុងស៊ុលកិត្តិយស នៃព្រះរាជាណាចក្រកម្ពុជាប្រចាំទីក្រុងឡងប៊ិច រដ្ឋកាលីហ្វ័រនីញ៉ា។ ក្នុងប្រសាសន៍សំណេះសំណាលនោះ បណ្ឌិត ហ៊ុន ម៉ាណែត បានថ្លែងលើកទឹកចិត្តដល់ក្រុមពាណិជ្ជករ និងអាជីវករមកពីសហរដ្ឋអាមេរិក ក្នុងការប្រមើលលើវិស័យ ដទៃទៀតនៅក្នុងគ្រប់ខ្សែចង្វាក់ផលិតកម្ម ដើម្បីពង្រីកនូវកាលានុវត្តភាពនៃការអភិវឌ្ឍន៍។

តួលេខឆ្លងថ្មីកូវីដ១៩ ក្នុងប្រទេសអាស៊ាននៃរយៈពេល ២៤ម៉ោងចុងក្រោយនេះ មានការកើន ឡើងចំនួន៤០៣ករណី បើប្រៀបធៀបនឹងតួលេខឆ្លងសរុប ដែលបានរកឃើញឆ្លងកាលពីម្សិលមិញ ។ តួលេខឆ្លងថ្មីកូវីដ១៩ នៅអាស៊ានថ្ងៃនេះ មានចំនួន ១ម៉ឺន ៥៤១ករណី ដែលឆ្លង លើប្រទេសចំនួន ៨ នៅអាស៊ានរួមមានប្រទេស ឥណ្ឌូនេស៊ី, ម៉ាឡេស៊ី, វៀតណាម, មីយ៉ាន់ ម៉ា, សឹង្ហបុរី, ហ្វីលីពីន, ឡាវ និង ប្រទេសកម្ពុជា ។ ប្រទេសឥណ្ឌូនេស៊ី នៅតែជាប្រទេសដែល មានតួលេខឆ្លងច្រើនជាងគេដដែល ដែលមានចំនួន៤ពាន់ ៩៧៧ករណី។ តួលេខឆ្លងតិចជាងគេ គឺប្រទេសកម្ពុជា ដែលមានចំនួនតែ ១៤ករណីប៉ុណ្ណោះ ។ ប្រទេសប្រុយណេ និងប្រទេសថៃ ជាប្រទេសដែលគ្មានសេចក្តីរាយការណ៍ជុំវិញតួលេខឆ្លង និងស្លាប់ឡើយ ក្នុងរយៈពេល ២៤ ម៉ោងចុងក្រោយនេះ ។ តួលេខស្លាប់ដោយសារកូវីដ១៩ ក្នុងប្រទេសអាស៊ានរយៈពេល ២៤ម៉ោងចុងក្រោយនេះ មានចំនួន ៨៣នាក់ ក្នុងនោះប្រទេសឥណ្ឌូណេស៊ី មានមនុស្សស្លាប់ចំនួន ៥៤នាក់ ជាតួលេខ…

តួលេខឆ្លងថ្មីកូវីដ១៩ នៅកម្ពុជា ក្នុងរយៈពេល ២៤ម៉ោងមកនេះ មានចំនួន ១៤ករណី ដែលជាតួលេខឆ្លងកើនឡើងច្រើនជាងម្សិលមិញចំនួន ៧ករណី ។ យោងតាមក្រសួងសុខាភិបាលការឆ្លងថ្មីកូវីដ១៩ ទាំង ១៤ករណី នៅថ្ងៃនេះ សុទ្ធកើតឡើង ក្នុងរង្វង់សហគមន៍ទាំងអស់ ។ កម្ពុជាដែលកំពុងរស់នៅក្នុងរបត់នៃគន្លងថ្មីនៃជម្ងឺកូវីដ១៩នៅ តែបន្តការចាក់វ៉ាក់សាំងកូវីដ១៩ ជាដដែលដើម្បីជម្រុញភាពស៊ាំក្នុងសហគមន៍កាន់តែខ្លាំង ។ តួលេខអ្នកចាក់វ៉ាក់សាំងដូសមូលដ្ឋានទូទាំងប្រទេស គិតត្រឹមថ្ងៃទី២៩ វិច្ឆិកា បានកើនដល់ចំនួន ១៥លាន ២២ម៉ឺន ៨ពាន់ ៨៥៥នាក់ ដែលស្មើនឹង ៩៥,១៨ភាគរយ ។

តម្លៃប្រេងសាំង បានបន្ដធ្លាក់ចុះថែមទៀត សម្រាប់ក្នុងការលក់រយៈពេល១០ថ្ងៃខាងមុខនេះ។ យោងតាមក្រសួងពាណិជ្ជកម្មតម្លៃប្រេងឥន្ធនៈ សម្រាប់ការលក់រវាងពីថ្ងៃទី០១ រហូតដល់ថ្ងៃទី១០ ខែធ្នូ ឆ្នាំ២០២២នេះ គឺប្រេងសាំងធម្មតាមានតម្លៃ៤ពាន់២០០រៀលក្នុង១លីត្រ ដែលតម្លៃនេះបានថយចុះចំនួន១៥០រៀល បើធៀបទៅការលក់រយៈពេល១០ថ្ងៃមុន… ចំណែកប្រេងម៉ាស៊ូតមានតម្លៃចំនួន៤ពាន់៦៥០រៀល ក្នុង១លីត្រ ដែលតម្លែនេះ ធ្លាក់ចុះចំនួន ៣៥០រៀល បើធៀបទៅនឹងការលក់រយៈ ពេល១០ថ្ងៃមុន។ ដោយឡែកតម្លៃប្រេងស៊ុបពែ័រមិនបានកំណត់ក្នុងតារាងក្រសួងពាណិជ្ជកម្មទេ ប៉ុន្តែតម្លៃលក់ តែងតែខ្ពស់ជាងតម្លៃប្រេងសាំងធម្មតា។ នៅថ្ងៃនេះប្រេងសាំងស៊ុបពែ័រ តាមស្ថានីយ៍ខ្លះគឺមាន តម្លៃចំនួន៤ពាន់៨៥០រៀល និងកន្លែងខ្លះមានតម្លៃចំនួន៤ពាន់៨០០រៀល ក្នុងមួយលីត្រ។ សូមជម្រាបថា រាជរដ្ឋាភិបាលតែងតែចំណាយប្រាក់ ជួយខាតយ៉ាងហោច ៦ចុច៥សេនដុល្លារ ក្នុងមួយលីត្រ ដើម្បីជាការទប់ស្កាត់តម្លៃប្រេង ក្នុងការជួយសម្រាលបន្ទុកដល់ពលរដ្ឋ។

អដ្ឋិធាតុយុទ្ធជនកម្ពុជា៤៩រូប ដែលបានធ្វើពិធីសាសនានាំមកពីប្រទេសវៀតណាម ត្រូវបានធ្វើពីធីបូជាតាមប្រពៃណីនៅតំបន់ X16 នៅថ្ងៃទី២ធ្នូឆ្នាំ២០២២។ ពិធីនេះបានធ្វើឡើងក្រោមវត្តមានលោកឧបនាយករដ្ឋមន្ត្រី ជា សុផារ៉ា ដែលជាតំណាងដ៏ខ្ពង់ខ្ពស់របស់សម្តេចតេជោ ហ៊ុន សែន។ ពិធីដ៏អធិកអធមនេះ ការចូលរួមពីថ្នាក់ដឹកនាំ វៀតណាម ថ្នាក់ដឹកនាំរាជរដ្ឋាភិបាល កងកម្លាំងប្រដាប់អាវុធ និងមន្រ្តីពាក់ព័ន្ធជាច្រើននាក់ ផ្សេងទៀតក្នុងតំបន់ប្រវត្តិសាស្រ្តយោធាតេជោកោះថ្ម X១៦ ស្ថិតនៅឃុំទន្លូង ស្រុកមេមត់ ខេត្តត្បូងឃ្មុំ។ អគ្គមេបញ្ជាការរងកងយោធពលខេមរភូមិន្ទ នាយឧត្តមសេនីយ៍ សៅ សុខា បានថ្លែងក្នុងពិធីបូជាអដ្ឋិធាតុយុទ្ធជនតស៊ូកម្ពុជាទាំង៤៩រូប។ កម្ពុជាក្នុងអម្លុងកាលនៃការដឹកនាំតស៊ូដើម្បីធ្វើការរំដោះប្រទេសជាតិ មានយុទ្ធជនតស៊ូ៤៩ រូបនៃអង្គភាព១២៥ ដែលបង្កើតដោយសម្តេចអគ្គមហាសេនាបតីតេជោ ហ៊ុន សែន បានពលីជីវិត ។ អដ្ឋិធាតុរបស់យុទ្ធជនតស៊ូទាំងនោះ មុននេះត្រូវបានរក្សាទុកក្នុងវិមានអនុស្សាវរីយ៍ មួយនៅក្នុង ឃុំឡុងយ៉ាវ ស្រុកឡុងខាញ់ ខេត្តដុងណាយ។ ប្រវត្តិនៃយុទ្ធជនតស៊ូទាំង៤៩នាក់នោះ ត្រូវប្រវត្តិសាស្ត្របានកត់ត្រានៃការបង្កើតអង្គភាព ១២៥ ដែលជាចំណុចចាប់ផ្តើមដំបូងបង្អស់ នៃចលនាតស៊ូរំដោះប្រទេសកម្ពុជា ចេញពីយុគខ្មៅងងឹត នៃសម័យរបបខ្មែរក្រហមប៉ុលពត។ នាយឧត្តមសេនីយ៍ សៅ សុខា បានថ្លែងបង្ហាញទឹកចិត្តនឹករលឹកដល់អ្នកតស៊ូដែលលះបង់ជីវិតក្នុងបុព្វហេតុរំដោះជាតិ។