ប្រទេសសឹង្ហបុរី គឺជាប្រទេសដែលមានការឆ្លងច្រើនជាងគេបំផុត ក្នុងអាស៊ាននារយៈពេល ៧២ម៉ោងចុងក្រោយនេះ។ ក្នុងរយៈពេល ៣ថ្ងៃមកនេះ ប្រទេសអាស៊ាន មានការឆ្លងចំនួន ៣ម៉ឺន ២ពាន់ ៤៩១ករណី និងការស្លាប់ថ្មីមានចំនួន ១៥០នាក់ ។ អប្សរាណិតរាយការណ៍ជុំវិញការឆ្លងក្នុងប្រទេសទាំង១០ ក្នុងរយៈពេល ៧២ម៉ោងចុងក្រោយ

កម្ពុជាបានដកចេញនូវតម្រូវការឆែកវិញ្ញាបនបត្រវ៉ាក់សាំងដល់អ្នក ធ្វើដំណើរមកពីក្រៅប្រ ទេសហើយខណៈដែលតួលេខឆ្លងថ្មីដោយសារជម្ងឺកូវីដ១៩ បានបន្តធ្លាក់ចុះជាលំដាប់ថែម ទៀតនៅកម្ពុជា។ យោងតាមសេចក្តីប្រកាសរបស់ក្រសួងសុខាភិបាល ការដកចេញនូវតម្រូវ ការឆែកវិញ្ញាបនបត្រវ៉ាក់សាំងកូវីដ១៩ដល់អ្នកធ្វើដំណើរមកពីក្រៅប្រទេស នឹងចាប់ផ្តើមពីថ្ងៃ ទី៣តុលានេះទៅ។

មន្ត្រីក្រសួងការពារជាតិបានថ្លែងថា រហូតមកដល់ពេលនេះ គេបានរកឃើញអដ្ឋិធាតុកង ទ័ពស្ម័គ្រចិត្តវៀតណាមនាសម័យសង្គ្រាមនៅក្នុងកម្ពុជា បានសរុបជាង២ម៉ឺនធាតុ នោះ ហើយ។

ពលិកម្មជីវិតរបស់យោធិន២រូបដែលជួយសង្គ្រោះកុមារ២នាក់ដែលបានលង់ទឹក កំពុងក្លាយ ជាវីរភាពមួយរបស់កងយោធពលខេមរភូមិន្ទ។ ពលទោ វ៉ាន ថុន មានអាយុ ២៣ ឆ្នាំ និង ពល បាលឯក ឈន ស៊ីដេត នៃកងវរសេនាតូច៤២២ បានបាត់បង់ជីវិតខ្លួនឯងក្នុងទឹកកំពុងហូរគួច ខណៈចុះជួយសង្គ្រោះជីវិតកុមារ២រូបដែលកំពុងលង់ទឹក។ កុមារទាំង២ បានរូចផុតពីការស្លាប់ ប៉ុន្តែយោធិនទាំង២ បានបាត់ជីវិតដោយសារទឹកហូរគូចខ្លាំងពេក។

សម្តេចតេជោហ៊ុនសែន បានបញ្ជាក់សាជាថ្មីម្តងទៀតជុំវិញចំណាត់ការរក្សាសន្តិសុខនិង សណ្តាប់ធ្នាប់អង្គរ ខណៈដែលរាជរដ្ឋាភិបាលបានរៀបចំធ្វើជាច្រើនលើករួចមកនេះដើម្បីការ បំពេញកាតព្វកិច្ចដាក់ចេញដោយអង្គការយូណេស្កូ។

សម្តេចតេជោ ហ៊ុន សែន បានថ្លែងថាវិបត្តិសេដ្ឋកិច្ចដែលពិភពលោកកំពុងប្រឈមនាពេលនេះ គឺមិនមែនដោយសារតែកត្តាសង្គ្រាមរវាងរុស្ស៊ីនិងអ៊ុយក្រែនមួយមុខនោះទេ។ ការដាក់ទណ្ឌ កម្មរបស់មហាអំណាចពិភពលោក គឺជាបញ្ហាពាក់ព័ន្ធសំខាន់នៃការធ្វើឱ្យរបត់នៃដំណើរ សេដ្ឋកិច្ចពិភពលោកបានជួបនូវវិបត្តិរបស់វា។

កិច្ចប្រជុំឧត្តមមន្ដ្រីបរិស្ថានអាស៊ាន និងកិច្ចប្រជុំពាក់ព័ន្ធលើកទី៣៣ នៅខេត្ដសៀមរាប បាន ចាប់ផ្តើមនៅថ្ងៃទី៣តុលានេះហើយ ដែលនឹងមានការចូលរួមពីមន្ត្រីពាក់ព័ន្ធមកពីចំនួន១៥ប្រទេស។

សម្តេចតេជោ ហ៊ុន សែន បានដាក់បទបញ្ជាឱ្យអាជ្ញាធរចាត់វិធានការនូវមុខសញ្ញាណាដែល ធ្វើវិចេ្ឆទ្ធសេដ្ឋកិច្ចញុះញង់អ្នកជំពាក់ប្រាក់ធនាគារដោយការមិនឱ្យសងលុយ។ ប្រសាសន៍ របស់សម្តេចតេជោ ហ៊ុន សែន ថ្ងៃទី៣តុលាឆ្នាំ២០២២ បានរំលឹកសាឡើងវិញនូវអំពើញុះញង់ អ្នកនយោបាយក្នុងក្រុមឧទ្ទាមដែលឃោសនាថានៅពេលដែលពួកគេបានឈ្នះឆ្នោត, គឺពួក អ្នកជំពាក់ធនាគារ នឹងមិនត្រូវធ្វើការសងលុយដល់ធនាគារឡើយ។ (សម្លេង)

សម្តេចនាយករដ្ឋមន្ត្រី បានដាស់តឿននិស្សិតដែលទទួលសញ្ញាបត្រនៃវិទ្យាស្ថានវ៉ាន់ដា ជុំវិញ កិច្ចការខ្លះពាក់ព័ន្ធនឹងការដឹកនាំប្រទេសជាតិក្នុងវិស័យរក្សាតុល្យភាពដំណើរការសេដ្ឋកិច្ច ក្នុងសង្គម។ វិទ្យាស្ថានវ៉ាន់ដា គឺជាគ្រឹះស្ថានឧត្តមសិក្សាឯកជននិងជាវិទ្យាស្ថានឯកទេសគណ នេយ្យនិងពន្ធដា ។

រដ្ឋសភាបានបើកបវេសនកាលរបស់ខ្លួននៅថ្ងៃទី៣តុលាឆ្នាំ២០២២ ដោយអ្នកតំណាងរាស្ត្រ ដែលចូលរួមទាំងអស់ បានស្តាប់នូវព្រះរាជសាររបស់ព្រះមហាក្សត្រជាទីគោរពសក្ការៈ។ ព្រះ មហាក្សត្រ បានមានព្រះរាជបន្ទូលកោតសរសើរការដឹកនាំរបស់រាជរដ្ឋាភិបាលកម្ពុជា ដែល បានធ្វើឱ្យការងារលើគ្រប់វិស័យមានដំណើរការជាប្រក្រតីឡើងវិញ ក្រោយការបើកប្រទេស សាឡើងវិញ។