មន្ត្រីដឹកនាំក្រុមការងារបង្ក្រាបការលេងល្បែងស៊ីសងខុសច្បាប់គ្រប់ប្រភេទទូទាំងប្រទេស នាយសន្ដិបណ្ឌិត សុខ ផល បានថ្លែងប្តេជ្ញារៀបចំបោសសំអាតល្បែងស៊ីសងខុសច្បាប់ឱ្យ អស់នៅក្នុងខេត្តព្រះសីហនុ និងការយកខេត្តមួយនេះជាគំរូសម្រាប់ខេត្តដទៃ។

បណ្ឌិត ហ៊ុន ម៉ាណែត តំណាងដ៏ខ្ពង់ខ្ពស់របស់សម្តេចនាយករដ្ឋមន្ត្រី បានអញ្ជើញចូលរួម ក្នុង ពិធីសម្ពោធរោងចក្រមួយក្នុងក្រុងបាវិតខេត្តស្វាយរៀងនៅថ្ងៃទី៣០កញ្ញានេះ។ អប្សរាណិត រាយការណ៍

សម្តេចតេជោហ៊ុនសែន កំពុងស្ថិតក្នុងខេត្តសៀមរាបនៅថ្ងៃសុក្រនេះដើម្បីគ្រោងជួបសំ ណេះ សំណាលជាមួយពលរដ្ឋស្ម័គ្រចិត្តរើសំណង់ចេញពីតំបន់អង្គរ។ សម្តេចតេជោនឹងអញ្ជើញជួប ពលរដ្ឋនៅថ្ងៃទី១តុលាស្អែកនេះ។

ប្រទេសសឹង្ហបុរី គឺជាប្រទេសដែលមានករណីឆ្លងថ្មីច្រើនជាងគេបំផុតក្នុងអាស៊ាន នា រយៈ ពេល ២៤ម៉ោងចុងក្រោយនេះ។ ប្រទេសអាស៊ានថ្ងៃនេះ មានការឆ្លងមានចំនួន ១ម៉ឺន ២ពាន់ ២២២ករណី និងការស្លាប់ថ្មីមានចំនួន ៦៩នាក់ ។ អប្សរាណិតរាយការណ៍ជុំវិញការឆ្លងក្នុងប្រ ទេសទាំង១០ ក្នុងរយៈពេល ២៤ម៉ោងចុងក្រោយ

អគ្គមេបញ្ជាការរងនៃកងយោធពលខេមរភូមិន្ទលោកឧត្តមសេនីយ៍ឯក ហ៊ុន ម៉ាណែត ដែលជាមេបញ្ជាការកងទ័ពជើងគោកបានអញ្ជើញចូលរួមក្នុងពិធីសិក្ខាសាលាបូកសរុបមួយ រវាងអង្គភាពនៃកងយោធពលខេមរភូមិន្ទ ជាមួយនឹងស្ថាប័នអង្គភាពស៊ីវិល ប្រព្រឹត្តទៅ នៅទី ស្តីការក្រសួងការពារជាតិនា ថ្ងៃទី២៩ ខែកញ្ញា ឆ្នាំ២០២២នេះ។ វត្តមានរបស់លោកឧត្តមសេ នីយ៍ឯកម៉ា ណែត ក្នុងពិធីបើកសិក្ខាសាលាបូកសរុបលទ្ធផលការងារសម្ព័ន្ធមេត្រីភាពឆ្នាំ ២០២១ និងឆមាសទី១ឆ្នាំ២០២២នេះ គឺជាវត្តមាននៃតំណាងដ៏ខ្ពង់ខ្ពស់របស់សម្តេចអគ្គមហា សេនាបតីតេជោហ៊ុន សែន។

ប្រជាពលរដ្ឋចំនួន ២ម៉ឺន៥ពាន់៣១គ្រួសារ និង ដំណាំស្រូវ៣ម៉ឺន២ ពាន់៦៥៣ ហិកតាបាន រងផលប៉ះពាល់ដោយសារជំនន់ទឹកភ្លៀងនៅក្នុងខេត្តសៀមរាប។

កម្ពស់ទឹកទន្លេមេគង្គនឹងហក់ឡើងក្នុងពេលរយៈពេលពី៣ទៅ៥ថ្ងៃ ខាងមុខនេះ។ ការហក់ ឡើងនៃកម្ពស់ទឹកទន្លេមេគង្គនេះ គឺដោយសារឥទ្ធិពលព្យុះទី១៦ ឈ្មោះ ណូរុ «NORU» ដែលបានបោកបក់មកលើអាងទន្លេមេគង្គ ក្នុងប្រទេសថៃ ឡាវ វៀតណាម និងកម្ពុជា ដែល ធ្វើឲ្យមានភ្លៀងធ្លាក់ច្រើន។

សំណុំរឿបរិហាកេរ្តិ៍ពាក់ព័ន្ធនឹងសម្តីរបស់អនុប្រធានគណបក្សភ្លើងទៀនលោក សុន ឆ័យ ត្រូវតុលាការបានធ្វើសវនាការពេញមួយព្រឹកនៅថ្ងៃទី២៩កញ្ញានេះ ប៉ុន្តែនៅមិនទាន់បានចប់ សព្វគ្រប់នៅឡើយនោះទេ។ តុលាការបានសម្រេចបន្តសវនាការនេះ ទៅថ្ងៃក្រោយបន្ថែម ទៀត។

សេដ្ឋកិច្ចពិភពលោកកំពុងបង្ហាញសញ្ញាប្រកាសអាសន្នដោយសារតែកត្តាអតិផរណាបានកើនឡើងខ្ពស់ និងអត្រាការប្រាក់បានកើនយ៉ាងគំហុក ខណៈដែលសង្គ្រាមនៅ ក្នុង ប្រទេសអ៊ុយក្រែនកំពុងតែបន្ត។ សង្គ្រាមក្នុងប្រទេសអ៊ុយក្រែនបានជះឥទ្ធិពលជាខ្លាំង លើដំណើរការសេដ្ឋកិច្ចពិភពលោក គ្រាដែលប្រទេសរុស្ស៊ីបានស្ថិតក្រោមការដាក់ទណ្ឌកម្ម ដែលទណ្ឌកម្មនោះហើយ បានធ្វើឱ្យវិបត្តិប្រឥន្ធនៈ និងការឡើងថ្លៃនៃទំនិញនានា។ សម្តេច តេជោហ៊ុនសែន ក្នុងប្រសាសន៍ថ្ងៃទី២៩កញ្ញានេះបានថ្លែងថាពិភពលោកនាពេលនេះ កំពុង ស្ថិតក្នុង ភាពមិនទាន់ច្បាស់លាស់ឡើយ។ (សម្លេង)

តួលេខឆ្លងកូវីដ១៩ ក្នុងរយៈពេល២៤ម៉ោង កន្លងមកនេះបានកើនឡើងចំនួន ៤ នាក់ បើប្រៀបធៀបនឹងម្សិលមិញ។ តួលេខឆ្លងថ្ងៃនេះ ៩ករណី ដែលជាការឆ្លងនៅក្នុងសហគមន៍ ទាំងអស់។