ក្រុងកំពង់ឆ្នាំង បានរងការជន់លិចដោយសារតែជំនន់ទឹកភ្លៀងដែលបានបណ្តាលឱ្យផ្លូវមួយ ចំនួនមិនអាចធ្វើដំណើរឆ្លងកាត់បានឡើយ។ អភិបាលខេត្ដកំពង់ឆ្នាំង លោក ស៊ុន សុវណ្ណារិទ្ធ បានអំពាវនាវដល់ពលរដ្ឋ សូមបញ្ឈប់ការ ធ្វើដំណើរឆ្លងកាត់មួយរយៈសិន ដើម្បីជៀស វាង នូវគ្រោះថ្នាក់ជាយថាហេតុណាមួយកើតឡើងផងដែរ។ អប្សរាណិតធ្វើសេចក្ដីរាយការណ៍

ធាតុអាកាសមិនអំណោយផលដោយសារតែការធ្លាក់ភ្លៀងខ្លាំងពេក បានធ្វើឱ្យតួលេខភ្ញៀវ ទេសចរធ្លាក់ចុះក្នុងសប្តាហ៍នេះ។ រដ្ឋមន្ត្រីក្រសួងទេសចរណ៍លោក ថោង ខុន បានថ្លែងនៅថ្ងៃច័ន្ទនេះថាតួលេខភ្ញៀវទេសចរថយចុះប្រមាណ ២០.៧៧% ប្រៀបធៀបនឹងសប្តាហ៍ កន្លងមកដោយសារតែអាកាសធាតុមិនអំណោយផង។

ទូរទស្សនិកជន នៅថ្ងៃនេះ អប្សរាណិតមានសេចក្តីរាយការណ៍ពិសេសមួយទាក់ ទងនឹងស្ថានការណ៍សង្គ្រាមក្នុងប្រទេសអ៊ុយក្រែនដែលបានឈានចូលដល់ថ្ងៃទី១៤៤នេះ

ស្ថានទូតរុស្ស៉ី គ្រោងនឹងរៀបចំសន្និសីទមួយនៅថ្ងៃពុធសប្តាហ៍នេះ ដើម្បីបង្ហាញពីស្ថានភាពសង្គ្រាមនៅអ៊ុយក្រែន, បង្ហាញពីគោលនយោបាយរុស្ស៉ី និងទំនាក់ទំនងរវាង កម្ពុជានិង រុស្ស៉ីថែមទៀត។ យោងតាមសេចក្តីជូនដំណឹងរបស់ក្រសួងព័ត៌មានកម្ពុជា សន្និសីទនោះ នឹងប្រព្រឹត្តទៅតាមប្រព័ន្ធវីដេអូ ជាភាសាអង់គ្លេស នៅវេលាម៉ោង១០ព្រឹកម៉ោងនៅកម្ពុជា។

រដ្ឋមន្ត្រីក្រសួងសាធារណការនិងដឹកជញ្ជូន លោក ស៊ុន ចាន់ថុល នឹងត្រៀមចុះពិនិត្យផ្លូវ ល្បឿនលឿនភ្នំពេញ- ក្រុងព្រះសីហនុនៅថ្ងៃអង្គារទី១៩កក្កដា ខណៈការធ្វើតេស្តសាកល្បង ផ្ទៃក្នុងនូវបញ្ជរបង់ប្រាក់ កំពុងតែប្រព្រឹត្តទៅ។

ប្រទេសអាស៊ានទាំង១០ នៅតែមានតួលេខឆ្លង និងស្លាប់ដោយសារកូវីដ១៩ជាបន្តក្នុងរយៈ ពេល២៤ម៉ោងចុងក្រោយនេះ។ ករណីឆ្លងដោយសារកូវីដ១៩ ក្នុងប្រទេសអាស៊ាន ក្នុងរយៈ ពេល ២៤ថ្ងៃចុងក្រោយមកនេះមានចំនួន ២ម៉ឺន ៦ពាន់ ៩៨ករណី និងការស្លាប់ថ្មីមានចំនួន ៤៥នាក់ ។ ប្រទេសសឹង្ហបុរី គឺជាប្រទេសដែលមានតួលេខឆ្លងច្រើនជាងគេបង្អស់ដដែល ក្នុង រយៈពេល ២៤ម៉ោងចុងក្រោយនេះ។ អប្សរាណិតរាយការណ៍ជុំវិញការឆ្លងក្នុងប្រទេសទាំង១០ ក្នុងរយៈពេល ២៤ម៉ោងចុងក្រោយ 

កម្ពុជាក្នុងរយៈពេល២៤ម៉ោងកន្លងមកនេះ បានរកឃើញការឆ្លងថ្មីចំនួន១៤ករណីបន្ថែមទៀត ដែលជាករណីឆ្លងក្នុងសហគមន៍។ ក្នុងរយៈពេល ១៧ថ្ងៃបន្តបន្ទាប់ជាប់គ្នាមកនេះ, កម្ពុជាបាន រកឃើញករណីឆ្លង ១៥៣នាក់ហើយ ក្រោយការលែងឆ្លងមានប្រមាណជាង៥០កន្លងមក។

នៅក្នុងខេត្តព្រះវិហារនោះវិញ, អង្គភាពប្រតិបត្តិការសឹករងខេត្ត បានត្រៀមសម្ភារៈនិងការ ចេញសង្គ្រោះគ្រប់ពេលវេលាដើម្បីជួយពលរដ្ឋខណៈការព្យាករណ៍បានជូនដំណឹងពលរដ្ឋ ត្រូវប្រុងប្រយ័ត្ននឹងគ្រោះធម្មជាតិ។ យោងតាមការព្យាករណ៍រវាងពីថ្ងៃទី១៣ដល់១៩កក្កដា  កម្ពុជានឹងទទួលរងនូវឥទ្ធិពលសម្ពាធទាប ITCZ, សម្ពាធទាបសកម្មនៅលើសមុទ្រ ចិនខាង ត្បូង និងខ្យល់មូសុងនិរតីក្នុងកម្រិតពីមធ្យមទៅខ្លាំងថែមទៀត។ អប្សរាណិតរាយការណ៍ការ ត្រៀមបង្ការបស់កងកម្លាំងយោធាក្នុងខេត្តព្រះវិហារ