រដ្ឋាភិបាលជប៉ុនបានផ្តល់រថយន្តដឹកសំរាមចំនួន១៥គ្រឿង មកក្រសួងប​រិស្ថាន ដើម្បីការគាំទ្រកម្ពុជាលើវិស័យបរិស្ថាននិងអនាម័យ។ ពិធីប្រគល់និងទទួលបានធ្វើឡើងនៅថ្ងៃទី១៨ កក្កដានេះនៅក្រសួងបរិស្ថាន ក្រោមអធិបតីភាពរដ្ឋមន្ត្រីក្រសួងបរិស្ថានលោក សាយ សំអាល់ និងឯកអគ្គរាជទូតជប៉ុន លោក Mikami Massahiro ។

សន្និបាតគណៈកម្មាធិការកណ្តាលវិសាមញ្ញនៃគណបក្សប្រជាជនបានបញ្ចប់កិច្ចប្រជុំរយៈ ពេល២ថ្ងៃរបស់ខ្លួនដោយបានអនុម័ត គាំទ្រសំណើវិសោធនកម្មលើកទី១០ នៃរដ្ឋធម្មនុញ្ញនៃ ព្រះរាជាណាចក្រកម្ពុជា។

គណៈកម្មាធិការអចិន្ត្រៃយ៍រដ្ឋសភាដឹកនាំដោយសម្តេចអគ្គមហាពញាចក្រី ហេង សំរិន នឹងដឹកនាំក្រុមជំនាញធ្វើការពិនិត្យលើសេចក្តីស្នើនៃសេចក្តីព្រាងច្បាប់ស្តីពីវិសោធនកម្មមាត្រា រដ្ឋធម្មនុញ្ញនៅថ្ងៃនេះ។

ប្រទេសអាស៊ានទាំង១០នៅតែមានតួលេខឆ្លង និងស្លាប់ដោយសារកូវីដ១៩ជាបន្តក្នុងរយៈ ពេល៧២ម៉ោងចុងក្រោយនេះ។ ករណីឆ្លងថ្មីកូវីដ១៩ ក្នុងប្រទេសអាស៊ាន ក្នុងរយៈពេល ៣ថ្ងៃមកនេះមានចំនួន ៧ម៉ឺន ១ពាន់ ៣៩៣ករណី និងការស្លាប់ថ្មីមានចំនួន ១០៦នាក់ ។ ប្រទេសសឹង្ហបុរី គឺជាប្រទេសដែលមានតួលេខឆ្លងច្រើនជាងគេបង្អស់ដដែល ក្នុងរយៈពេល ៧២ម៉ោងចុងក្រោយនេះ ។ អប្សរាណិតរាយការណ៍ជុំវិញការឆ្លងក្នុងប្រទេសទាំង១០ ក្នុងរយៈពេល ៧២ម៉ោងចុងក្រោយ

តួលេខឆ្លងថ្មីនៃជម្ងឺកូវីដ១៩ បានកើនឡើងតិចតួចជារៀងរាល់ថ្ងៃ ខណៈរយៈពេល២៤ម៉ោង ចុងក្រោយនេះ អ្នកឆ្លងថ្មីមានចំនួន២២នាក់។ កាលពីថ្ងៃសៅរ៍ តួលេខឆ្លងមាន១៦នាក់ និងថ្ងៃអាទិត្យមានចំនួន១៨នាក់។

ដំណើររបស់ប្រធានាធិបតីអាមេរិកលោកចូបៃដិនទៅប្រទេសអារ៉ាប់សាអ៊ូឌី បានធ្វើឱ្យអ្នក ទ្រទ្រង់សិទ្ធិមនុស្ស និងប្រជាធិបតេយ្យជាច្រើនបានខកចិត្ត។ ហេតុអ្វីបានជាដំណើររបស់លោក ចូបៃដិន បានធ្វើឱ្យអ្នកទាំងនោះខកចិត្ត? លោក ម៉ារ យ៉ារិទ្ធិ រាយការណ៍ជុំវិញព័ត៌មានអន្តរជាតិទាំងនោះ

សមត្ថកិច្ចនគរបាលរាជធានី បានចាប់ខ្លួនជនសង្ស័យ១០១នាក់ដែលធ្វើសកម្មភាពឆក់ទ្រព្យ សម្បត្តិពលរដ្ឋតាមដងផ្លូវក្នុងរយៈពេល៦ខែដើមឆ្នាំនេះ។ អប្សរាណិតធ្វើសេចក្តីរាយការណ៍

ប្រធានសមាគមវារីវប្បករកម្ពុជាលោក សុខ រ៉ាដែន បានថ្លែងថាត្រីប្រាកម្ពុជា នឹងអាចនាំ ចេញជាផ្លូវការទៅកាន់ទីផ្សារចិនក្នុងពេលឆាប់ៗខាងមុខនេះ។