(ភ្នំពេញ)៖ ឯកឧត្តម កិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ដ្រីចាត់តាំងរបស់កម្ពុជា បានប្រកាសជំហរមិនគាំទ្រចំពោះការដាំដំណាំកញ្ឆា នៅក្នុងប្រទេសកម្ពុជា ដាច់ខាត ។ តាមរយៈការសម្រង់សម្ដីដែលបង្ហោះនៅលើបណ្តាញសង្គមតេឡេក្រាមផ្លូវការ នៅថ្ងៃទី១៦ ខែសីហា ឆ្នាំ២០២៣ ឯកឧត្តម កិត្តិទេសាភិបាលបណ្ឌិត ហ៊ុន ម៉ាណែត បានមានប្រសាសន៍ថា៖ កន្លងទៅ មានអ្នកលុបប៊ី ចង់ដាំកញ្ឆា នៅស្រុកខ្មែរ ខ្ញុំមិនដឹងថា ស្រុកណាធ្វើទេ ប៉ុន្ដែសម្រាប់ខ្ញុំ ទស្សនៈខ្ញុំ គឺខ្ញុំប្រឆាំងដាច់ខាត ទោះបីវាចូលចំណូលយ៉ាងមិចក៏ដោយ តែមិនចំណេញសម្រាប់កូនចៅខ្មែរ។ គេថា ដាំដើម្បីផ្គត់ផ្គង់ទៅឱ្យផ្នែកសុខាភិបាល, ប្រទេសថៃ គេចង់ធ្វើមានអ្នកលុបប៊ី ។ ឯកឧត្តម កិត្តិទេសាភិបាលបណ្ឌិត ហ៊ុន ម៉ាណែត បានបន្តថា ខ្ញុំសូមនិយាយជាចំហរតែម្តង អត់មានថយក្រោយទេ, សំខានយើងគ្រប់គ្រងបានឬអត់? គ្រាន់តែយើងមិនអនុញ្ញាតផងហ្នឹង ចាប់ប៉ុន្មានដងនៅតាកែវហ្នឹង ទម្រាំតែយើងបើកទៀត តើទៅណា ? ស្របច្បាប់ យើងគ្រប់គ្រងយ៉ាងម៉េច ហើយខ្ញុំថា ដំណាំមានរាប់ម៉ឺនមុខទៅដាំស្អីអាហ្នឹង (កញ្ឆា) និយាយឲ្យច្បាស់តែម្តង ពីណាគាំទ្រ…

(ភ្នំពេញ)៖ គ្រូពេទ្យទាំងអស់ត្រូវចងចាំថា ការប្រកបវិជ្ជាជីវៈសុខាភិបាល មិនមែន ជាការរកស៊ីធម្មតានោះឡើយ ពោលគឺមិនមែនគិតតែប្រយោជន៍ខ្លួនឯងនោះទេ ដូច្នេះយើងត្រូវគោរពគោលការណ៍ និងគិតពីប្រយោជន៍អតិថិជន និងអ្នកជំងឺជាមុន ហើយក្នុងនោះប្រសិនបើអ្នកជំងឺមានទំនុកចិត្តលើការផ្តល់សេវាព្យាបាលបានល្អ ប្រាកដណាស់យើងនឹងទទួលបានផលប្រយោជន៍ពីកិច្ចការ និងស្នាដៃរបស់យើង ។ នេះជាការលើកឡើងរបស់ ឯកឧត្តម សាស្ត្រាចារ្យ ធា គ្រុយ រដ្ឋលេខាធិការក្រសួងសុខាភិបាល និងជាប្រធានគណៈកម្មការសម្របសម្រួលនៃគណៈវិជ្ជាជីវៈសុខាភិបាល និងជាប្រធានគណៈគ្រូពេទ្យកម្ពុជា ក្នុងសិក្ខាសាលាស្តីពីការផ្សព្វផ្សាយ និងដាក់ឲ្យអនុវត្តជាផ្លូវការនូវដែនកំណត់វិជ្ជាជីវៈឱសថការី និងនិយាមវិជ្ជាជីវៈឱសថការី នាព្រឹកថ្ងៃទី១១ ខែសីហា ឆ្នាំ២០២៣ នៅសណ្ឋាគារភ្នំពេញ ។ ឯកឧត្តម សាស្ត្រាចារ្យ ធា គ្រុយ បានលើកឡើងថា ភាពខ្វះខាតទាំងការយល់ដឹង ទាំងការអនុវត្តរបស់មន្រ្តីសុខាភិបាល ទាំងឡាយ រាប់ទាំងឱសថការី, វេជ្ជបណ្ឌិត, ពេទ្យឆ្មប, ពេទ្យគិលានុប្បដ្ឋាក ការផ្តល់វិជ្ជាជីវៈក្នុងវិស័យសុខាភិបាលជាទូទៅ គឺពាក់ព័ន្ធគុណភាពនៃការផ្តល់សេវាជំនាញរបស់ខ្លួន ក្នុងនោះផលវិបាកទាំងឡាយ អនុវត្តមិនបានត្រឹមត្រូវគឺប៉ះពាល់ទៅដល់អតិថិជន ឬអ្នកជំងឺ ឬអាចបង្ករគ្រោះថ្នាក់ដល់អ្នកជំងឺ ពិសេសដែនកំណត់វិជ្ជាជីវៈរបស់អ្នកប្រកបវិជ្ជាជីវៈសុខាភិបាល។ ក្នុងឱកាសនោះដែរ ឯកឧត្តម បាន បុត្តា អនុរដ្ឋលេខាធិការក្រសួងសុខាភិបាល និងជាប្រធានក្រុមប្រឹក្សាគណៈឱសថការីជាតិអាណត្តិទី២ បានថ្លែងយ៉ាងមុតមាំថា…

(ភ្នំពេញ)៖ រយៈពេលជាង ៣ថ្ងៃ អ្នកជួបការលំបាកចំនួន ៥០០នាក់ មានជម្ងឺមាត់ធ្មេញ និងកុមារដែលមានពិការភាពធ្ងន់ធ្ងរចំនួន ១៦២នាក់ បានទទួលការពិនិត្យ និងព្យាបាលឥតគិតថ្លៃក្រោមកម្មវិធីរបស់ អង្គការសប្បុរសធម៌មិនស្វែងរកប្រាក់ចំណេញរបស់អូស្ត្រាលី (Australian Health Humanitarian Aid (AHHA)។ នេះបើតាមការឱ្យដឹងពី លោកជំទាវបណ្ឌិត ជា សិរី ទេសាភិបាលធនាគារជាតិនៃកម្ពុជា ក្នុងឱកាសអញ្ជើញពិនិត្យសកម្មភាពពិនិត្យព្យាបាល កាលថ្ងៃទី៦ សីហា ។ កម្មវិធីពិនិត្យព្យាបាលជម្ងឺមាត់ធ្មេញ និងកុមារពិការភាពធ្ងន់ធ្ងរនេះ មានការចូលរួមពីក្រុមគ្រូពេទ្យធ្មេញ របស់អង្គការសប្បុរសធម៌មិនស្វែងរកប្រាក់ចំណេញរបស់អូស្ត្រាលី, ក្រុមនិស្សិតមន្ទីរពេទ្យធ្មេញ នៃសាកលវិទ្យាល័យពុទ្ធិសាស្ត្រ ,ការចូលរួមសហការពីក្រុមយុវជនស្ម័គ្រចិត្ត ធនាគារជាតិនៃកម្ពុជា និង អង្គការចំនួន ១៣ លើការដឹកជញ្ជូនអ្នកជំងឺ មកពីតំបន់ផ្សេងៗមកកាន់មន្ទីរពេទ្យធ្មេញ នៃសាកលវិទ្យាល័យពុទ្ធិសាស្ត្រ ផងដែរ ។ លោកជំទាវបណ្ឌិត ជា សិរី បានថ្លែងអំណរគុណដល់អង្គការសប្បុរសធម៌មិនស្វែងរកប្រាក់ចំណេញរបស់អូស្ត្រាលី ដែលតែងតែចុះមកជួយពិនិត្យព្យាបាលជម្ងឺឥតគិតថ្លៃ ជូនប្រជាជនខ្មែរ ដែលជួបការខ្វះខាតជាបន្តបន្ទាប់។ លោកជំទាវបណ្ឌិត ជា សិរី បានកោតសរសើរចំពោះក្រុមគ្រូពេទ្យអង្គការសប្បុរសធម៌មិនស្វែងរកប្រាក់ចំណេញរបស់អូស្ត្រាលី ដែលបានធ្វើកិច្ចសហការយ៉ាងជិតស្និតជាមួយក្រុមគ្រូពេទ្យកម្ពុជា និងក្រុមយុវជនស្ម័គ្រចិត្ត ធនាគារជាតិនៃកម្ពុជា…

ស្វាយរៀង៖អភិបាលខេត្តស្វាយរៀងឯកឧត្តម ម៉ែន វិបុល បានជំរុញដល់មន្ត្រីសុខាភិបាលទាំងអស់ គោរពក្រមសីលធម៌វិជ្ជាជីវៈនិងខិតខំកែលម្អគុណភាពសេវាសុខភាពជូនប្រជាពលរដ្ឋឱ្យបានល្អបន្ថែមទៀត និងចូលរួមលុបបំបាត់ឱសថក្លែងក្លាយដែលនឹងបង្កផលប៉ះពាល់ដល់សុខុមាលភាពសាធារណៈ។ ការជំរុញនិងស្នើនេះ បានធ្វើឡើងនៅក្នុងពិធីប្រគល់ប័ណ្ណសរសើររបស់រាជរដ្ឋាភិបាលជូនថ្នាក់ដឹកនាំ និងមន្ដ្រីសុខាភិបាល នៃរដ្ឋបាលខេត្តស្វាយរៀងដែលចូលរួមប្រយុទ្ធប្រឆាំងជំងឺកូវីដ១៩ កាលព្រឹកថ្ងៃទី២៨ ខែកក្កដា ឆ្នាំ២០២៣នេះ។ នាឱកាសនោះឯកឧត្តម ម៉ែន វិបុល អភិបាលខេត្តស្វាយរៀងបានធ្វើការណែនាំទៅកាន់ថ្នាក់ដឹកនាំ មន្ត្រីរាជការ និងបុគ្គលិកសុខាភិបាលទាំងអស់ ឱ្យខិតខំបំពេញនូវកិច្ចការភារកិច្ចរបស់ខ្លួនឱ្យបានខ្ជាប់ខ្ជួន ដោយត្រូវលើកកម្ពស់ស្មារតីទទួលខុសត្រូវក្នុងការងារ គោរពម៉ោងពេលបម្រើការងារនៅតាមបណ្ដាមន្ទីរពេទ្យបង្អែក និងមណ្ឌលសុខភាព ពិសេសយកចិត្តទុកដាក់ខ្ពស់ថែរក្សាបរិស្ថានអនាម័យឱ្យបានស្អាតល្អទាំងនៅក្នុង និងក្រៅបរិវេណមន្ទីរពេទ្យ។ ទន្ទឹមគ្នានេះ លោកក៏បានស្នើដល់មន្ត្រីសុខាភិបាលទាំងអស់ ត្រូវតែគោរពក្រមសីលធម៌វិជ្ជាជីវៈ និងខិតខំកែលម្អគុណភាពសេវា ដោយធ្វើយ៉ាងណាក្រុមគ្រូពេទ្យទាំងអស់ ត្រូវប្រកាន់ខ្ជាប់នូវក្រមសីលធម៌គ្រូពេទ្យ ដោយត្រូវប្រើឥរិយាបទ និងពាក្យសម្តីឱ្យបានសមរម្យ និងមិនត្រូវរើសអើងជាមួយប្រជាពលរដ្ឋ និងអ្នកជំងឺ ដែលមកទទួលសេវានៅតាមមណ្ឌលសុខភាព និងមន្ទីរពេទ្យរដ្ឋជាដាច់ខាត។ ជុំវិញចំណុចនេះដែរ លោក អំ​ សំអាត នាយក​ទទួលបន្ទុក​កិច្ចការ​ទូទៅ​នៃ​អង្គការ​លីកាដូ​នៅ​ថ្ងៃទី​ ២៨ ខែកក្កដា ថ្លែងថា ក្នុងនាម​ជា​អង្គ​ការសង្គមស៊ីវិលគាំទ្រចំពោះការជំរុញឱ្យគ្រូពេទ្យទាំងអស់ ទាំងនៅមន្ទីរពេទ្យរដ្ឋ និងឯកជន គោរពនូវក្រមសីលធម៌វិជ្ជាជីវៈជាគ្រូពេទ្យល្អ។ លោកថា៖« ត្រូវគិតពីតម្លៃជីវិតមនុស្សធំជាងលុយ ទោះបីប្រជាពលរដ្ឋដែលមកព្យាបាលជំងឺគ្មានប្រាក់ ត្រូវពិនិត្យព្យាបាលជូនពួកគាត់ ដោយយកចិត្តទុកដាក់ខ្ពស់ ជាមួយពាក្យសំដីសមរម្យ»៕…

(ស្វាយរៀង)៖ ឯកឧត្តម ម៉ែន វិបុល អភិបាលខេត្តស្វាយរៀង បានថ្លែងក្រើនរំលឹកដល់មន្ត្រីសុខាភិបាល ត្រូវតែគោរពក្រមសីលធម៌វិជ្ជាជីវៈ និងខិតខំកែលម្អគុណភាពសេវា ដោយមានបែងចែកវេនប្រចាំការ ២៤ម៉ោង លើ២៤ម៉ោង ។ ឯកឧត្តមអភិបាលខេត្ត បានថ្លែងបែបនេះ នៅក្នុងពិធីប្រគល់ប័ណ្ណសរសើរ របស់រាជរដ្ឋាភិបាលកម្ពុជា ជូនថ្នាក់ដឹកនាំ និងមន្ត្រីសុខាភិបាល នៃរដ្ឋបាលខេត្ត ដែលបានរួមចំណែកក្នុងការប្រយុទ្ធប្រឆាំងនឹងជំងឺកូវីដ-១៩ នាព្រឹកថ្ងៃទី២៨ ខែកក្កដា ឆ្នាំ២០២៣ ដោយមានអ្នកចូលរួម ជាង ៥៦០នាក់ ។ ឯកឧត្តមអភិបាលខេត្ត បន្តថា ការសម្រេចរបស់រាជរដ្ឋាភិបាលក្នុងការផ្ដល់ប័ណ្ណសរសើរជូនមន្ត្រីសុខាភិបាល នាឱកាសនេះ គឺពិតជាសរបញ្ជាក់ឲ្យឃើញពីការគិតគូរយកចិត្តទុកដាក់ខ្ពស់ចំពោះ ក្រុមគ្រូពេទ្យ និងមន្ត្រីសុខាភិបាលគ្រប់លំដាប់ថ្នាក់ ដែលបានខិតខំបំពេញការងារប្រកបដោយគុណតម្លៃ និងស្នាដៃល្អប្រសើរជូនជាតិមាតុភូមិ ជាពិសេសនៅក្នុងកិច្ចការប្រតិបត្តិការប្រយុទ្ធប្រឆាំងទៅនឹងជំងឺឆ្លងរាតត្បាតកូវីដ-១៩ ។ ឯកឧត្តម ម៉ែន វិបុល បានថ្លែងផ្ដាំផ្ញើដល់ថ្នាក់ដឹកនាំ មន្ត្រីរាជការ និងបុគ្គលិកសុខាភិបាលទាំងអស់នូវកិច្ចការសំខាន់ៗមួយចំនួន ដើម្បីពង្រឹងគុណភាពសេវាសុខាភិបាលទូទាំងខេត្តស្វាយរៀង បានកាន់តែល្អប្រសើរថែមទៀត ៕ នុត នាង