ភ្នំពេញ៖ ឯកឧត្តម ឈិន កេតនា បានជំរុញឱ្យ ក្រសួងស្ថាប័នពាក់ព័ន្ធ រដ្ឋបាលរាជខេត្ត រៀបចពិធីបុណ្យចូលឆ្នាំថ្មី ឲ្យមានភាពសប្បាយរីករាយជូនប្រជាពលរដ្ឋនៅតាមមូលដ្ឋានរបស់ខ្លួន ដើម្បីចូលរួមអបអរសាទរឆ្នាំថ្មី ដែលមានរយៈពេល៣ថ្ងៃ ពោលគឺចាប់ពីថ្ងៃទី១៤ ដល់ថ្ងៃទី១៦ ខែមេសា ឆ្នាំ២០២៣ខាងមុខនេះ។ ឯកឧត្តម បន្តថា នៅក្នុងបុណ្យចូលឆ្នាំថ្មី ក្រសួង រដ្ឋលេខាធិការដ្ឋាន ស្ថាប័នពាក់ព័ន្ធ រដ្ឋបាលរាជធានី និងតាមទីវត្តអារាមនីមួយៗ ត្រូវរៀបចំនូវកម្មវិធីឲបានច្រើន ដូចជាកម្មវិធីតាមបែបសាសនា ពិធីក្រុងពាលី បួងសួងសុំសេចក្តីសុខ ពិធីចម្រើនព្រះបរិត្ត សូត្រមន្តលើករាសី របាំបួងសួងនិងរបាំត្រុដ ពិធីទទួលទេវតាឆ្នាំថ្មី ពិធីពូនភ្នំខ្សាច់ ស្រង់ព្រះ ពិធីកម្សាន្តសប្បាយដូចជាកម្មវិធីលេងល្បែងប្រជាប្រិយខ្មែរ ចោលឈូង បោះអង្គុយ លាក់កន្សែង ទាញព្រ័ត ស្តេចចង់ ជាដើម ។ ការលើកឡើងរបស់ ឯកឧត្តម ឈិន កេតនា ទីប្រឹក្សារាជរដ្ឋាភិបាល អនុប្រធានអចិន្ត្រៃយ៍ និងជាអគ្គលេខាធិការនៃគណៈកម្មាធិការជាតិរៀបចំបុណ្យជាតិ-អន្តរជាតិធ្វើឡើងនៅថ្ងៃទី២៨ ខែមីនា ឆ្នាំ២០២៣ ក្នុងឱកាសអញ្ជើញដឹកនាំកិច្ចប្រជុំជាមួយ តំណាងក្រសួង រដ្ឋលេខាធិការដ្ឋាន ស្ថាប័ន រដ្ឋបាលរាជធានីភ្នំពេញ…

ភ្នំពេញ៖ ក្នុងឱកាសបុណ្យចូលឆ្នាំថ្មីប្រពៃណីជាតិ ខាងមុខនេះ មនី្ទរវប្បធម៌ និងវិចិត្រសិល្បៈ រាជធានីភ្នំពេញ បានត្រៀមរៀបចំកម្មវិធីសង្រ្កានវត្តភ្នំនៅរមណីយដ្ឋានវប្បធម៌ ប្រវតិ្តសាស្រ្តវត្តភ្នំ ដែលនឹងប្រព្រឹត្តទៅចាប់ពីថ្ងៃទី១៤ ដល់ថ្ងៃទី១៦ ខែមេសា ឆ្នាំ២០២៣។ លោក ជុំ វុឌី្ឍ ប្រធានមនី្ទរវប្បធម៌និងវិចិត្រសិល្បៈ រាជធានីភ្នំពេញ បានប្រាប់សារព័ត៌មាននាព្រឹកថ្ងៃទី២០ ខែមីនា ឆ្នាំ២០២៣ថ្មីៗនេះថា មនី្ទរវប្បធម៌ បានត្រៀមរៀបចំពិធីអបអរសាទរបុណ្យចូលឆ្នាំប្រពៃណីខ្មែរ ឆ្នាំថោះ បញ្ចស័ក ព.ស.២៥៦៦ គ.ស.២០២៣ សម្រាប់ដែនដីរាជធានីភ្នំពេញ គឺរដ្ឋបាលរាជធានីភ្នំពេញបានជ្រើសរើសយករមណីយដ្ឋានវប្បធម៌ប្រវតិ្តសាស្រ្តវត្តភ្នំធ្វើជាសង្រ្កាន ដែលហៅថា «សង្រ្កានវត្តភ្នំ»។ ទន្ទឹមនឹងនោះថ្នាក់ដឹកនាំក៏បានរៀបចំប្រារព្ធឡើងជារៀងរាល់ឆ្នាំកន្លងមកហើយ នូវរដូវបុណ្យចូលឆ្នាំប្រពៃណីជាតិខ្មែរ។ ជាពិសេសដើម្បីតៀមរៀបចំកម្មវិធីកម្សាន្តសប្បាយរីករាយជូនបងប្អូនប្រជាពលរដ្ឋ ដែលរស់នៅក្នុងទឹកដីរាជធានីភ្នំពេញ ក៏ដូចជាជុំវិញរាជធានីភ្នំពេញ និងមកពីបណ្តាខេត្តមួយចំនួនដែលចូលចិត្តមករាជធានីភ្នំពេញ ខ្លះក៏មិនចង់ទៅឆ្ងាយ អញ្ជើញមកកម្សាន្តសប្បាយនៅរមណីដ្ឋានវប្បធម៌ប្រវតិ្តសាស្រ្តវត្តភ្នំ។ ប្រធានមនី្ទរវប្បធម៌ និងវិចិត្រសិល្បៈរាជធានីភ្នំពេញ លោក ជុំ វុឌី្ឍ បាននិយាយថា ឆ្នាំនេះគឺចូលឆ្នាំថោះ បញ្ចស័ក គឺនៅថ្ងៃសុក្រ ៩រោច ខែចេត្រ ឆ្នាំថោះ បញ្ចស័ក ព.ស.២៥៦៦ ត្រូវនឹងថ្ងៃទី១៤ ខែមេសា ឆ្នាំ២០២៣…

ភ្នំពេញ៖​ សិក្ខាកាមដែលជាមន្ត្រី-បុគ្គលិកបច្ចេកទេសអាជ្ញាធរជាតិអប្សរាបាននិយាយថា ការប្រើប្រាស់ម៉ាស៊ីនGPRដើម្បីសិក្សាស្រាវជ្រាវអំពីបុរាណវិទ្យា គឺពិតជាមានសារៈសំខាន់ ដែលជាផ្នែកមួយជួយសម្រួលដល់រាល់ការធ្វើកំណាយស្រាវជ្រាវ ចំណេញពេលវេលា និងកម្លាំងពលកម្មផងដែរ។ ការលើកឡើងនេះ បន្ទាប់ពីសិក្ខាកាមចំនួនប្រាំមួយនាក់ បានចូលរួមវគ្គបណ្តុះបណ្តាលស្តីពី ការកសាងសមត្ថភាពលើកទី៣ ក្នុងការប្រើប្រាស់ម៉ាស៊ីន GPR (Ground Penetrating Radar) រយៈពេល៤ថ្ងៃ ចាប់ពីថ្ងៃទី១៣ ខែមីនា រហូតដល់ថ្ងៃទី១៦ ខែមីនា ឆ្នាំ២០២៣។ សិក្ខាកាមចំនួនប្រាំមួយនាក់ ជាមន្ត្រី-បុគ្គលិកបច្ចេកទេសអាជ្ញាធរជាតិអប្សរា ក្នុងនោះមកពីនាយកដ្ឋានអភិរក្សប្រាសាទ និងបុរាណវិទ្យា ចំនួនបួននាក់ និងនាយកដ្ឋានគ្រប់គ្រងទឹក ព្រៃឈើ និងហេដ្ឋារចនាសម្ពន្ធ ចំនួនពីរនាក់ ។ អាជ្ញាធរជាតិអប្សរា បានឱ្យដឹងថា វគ្គបណ្តុះបណ្តាលនេះ គឺផ្តោតទៅលើការប្រើប្រាស់ម៉ាស៊ីន GPR ដើម្បីសិក្សាស្រាវជ្រាវអំពីបុរាណវត្ថុនៅក្រោមដីក្នុងតំបន់អង្គរ ដោយសិក្សាលើទ្រឹស្តី និងការអនុវត្តជាក់ស្តែងនៅទីតាំងបុរាណដ្ឋានផ្ទាល់ ដែលអាជ្ញាធរជាតិអប្សរា សហប្រតិបត្តិការជាមួយទីភ្នាក់ងារសហប្រតិបត្តិការអន្តរជាតិកូរ៉េ (KOICA) តាមរយៈមូលនិធិបេតិកភណ្ឌកូរ៉េ (KCHF)។ លោក រ៉ម វិចិត្រ មន្រ្តីបច្ចេកទេសរបស់នាយកដ្ឋានគ្រប់គ្រងទឹក ព្រៃឈើ និងហេដ្ឋារចនាសម្ពន្ធនៃអាជ្ញាធរជាតិអប្សរា បានឱ្យដឹងថា វគ្គបណ្តុះបណ្តាលនេះផ្តោតលើការប្រើប្រាស់ម៉ាស៊ីន GPR និងការវិភាគទិន្នន័យ។…

ភ្នំពេញ៖ ថ្លែងនៅក្នុងពិធីប្រគល់វត្ថុបុរាណខ្មែរដែលធ្វើនៅព្រឹកថ្ងៃទី១៧ ខែមីនា ឆ្នាំ២០២៣ នៅវិមានសន្តិភាព សម្តេចតេជោ ហ៊ុន សែន នាយករដ្ឋមន្ត្រីកម្ពុជា អំពាវនាវដល់វិស័យឯកជន ចូលរួមគាំទ្រចំពោះគំនិតផ្ដួចផ្ដើមនៃការបង្កើតមូលនិធិវប្បធម៌ដែលជាគុណតម្លៃថ្មី ក្នុងការអភិរក្ស និងអភិវឌ្ឍន៍វប្បធម៌ជាតិ ។ សម្តេចតេជោ ហ៊ុន សែន បានថ្លែងអំណរគុណចំពោះធនាគារកាណាឌីយ៉ាដែលបានផ្ដល់នូវថវិកាជួយគាំទ្រដល់បេសកកម្មវប្បធម៌គ្រប់ទម្រង់ទាំងអស់នាពេលកន្លងមក ។ ឆ្លៀតក្នុងឱកាសនេះ សម្តេចក៏សូមអំពាវនាវដល់វិស័យឯកជនចូលរួមឲ្យបានច្រើន ដើម្បីបុព្វហេតុនៃវប្បធម៌ជាតិយើងក្នុងនោះគាំទ្រចំពោះគំនិតផ្ដួចផ្ដើមនៃការបង្កើតមូលនិធិវប្បធម៌ ដែលជាគុណតម្លៃថ្មី ក្នុងការអភិរក្ស និងអភិវឌ្ឍន៍វប្បធម៌ជាតិ។ សម្តេចតេជោ នាយករដ្ឋមន្ត្រី ក៏បានបួងសួងដល់បារមីនៃព្រលឹងបុព្វបុរសខ្មែរដែលបានវិលត្រឡប់មកមាតុភូមិកំណើតវិញ ជានិមិត្តរូបនៃការជួបជុំរបស់ប្រជាជាតិកម្ពុជា ជាមង្គលរបស់ជាតិ នៅក្នុងឱកាសចូលឆ្នាំថ្មីប្រពៃណីជាតិ ដែលនឹងឈានមកដល់នៅពេលខាងខ្លីខាងមុខ។ សូមបារមីនៃបុព្វបុរសទាំងអស់ តាមជួយបីបាច់ថែរក្សាកម្ពុជា ឲ្យជួបតែ សេចក្តីសុខ សន្តិភាព វិបុលភាព និងសុខដុមរមនា ៕ អត្ថបទ៖វណ្ណ លុក ,រូបភាព ៖ វេង លឹមហួត+សួង ពិសិដ្ឋ

ភ្នំពេញ៖ ថ្លែងនៅក្នុងពិធីប្រគល់វត្ថុបុរាណខ្មែរដែលធ្វើនៅព្រឹកថ្ងៃទី១៧ ខែមីនា ឆ្នាំ២០២៣ នៅវិមានសន្តិភាព សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានស្នើឱ្យសារមន្ទីរ ស្ថាប័ននានា និងអ្នកដែលកំពុងរក្សាទុកវត្ថុបុរាណខ្មែរ ប្រគល់មកឱ្យកម្ពុជា ដោយស្ម័គ្រចិត្តវិញ ។ សម្ដេចប្រមុខរាជរដ្ឋាភិបាលកម្ពុជា បានថ្លែងថា៖ រាជរដ្ឋាភិបាលកម្ពុជា ចាត់ទុកការប្រគល់វត្ថុបុរាណខ្មែរ ដែលជាម្ចាស់ដើម គឺជាកាយវិការដ៏ថ្លៃថ្លាគួរឱ្យគោរព ជាការបង្ហាញក្រមសីលធម៌ចូលរួមលើកកម្ពស់វប្បធម៌ នៃជាតិសាសន៍មួយដែលបានរួមចំណែកដ៏ឧដុង្គឧត្តមផ្សេះផ្សារ និងព្យាបាលរបួសរបស់ប្រជាជនកម្ពុជា ដែលបានឆ្លងកាត់សង្គ្រាមដ៏រ៉ាំរ៉ៃ និងសោកនាដកម្មនៃប្រល័យពូជសាសន៍ ។ សម្តេចបញ្ជាក់ថា ពិធីប្រគល់វត្ថុបុរាណនៅថ្ងៃនេះ គឺជាពិធីដ៏ឧដុង្គឧត្តម ពោលមិនមែនសម្រាប់កម្ពុជា ដែលជាម្ចាស់វត្ថុបុរាណនោះទេ ប៉ុន្តែឆ្លុះបញ្ជាំងឱ្យឃើញពីសារសំខាន់នៃកិច្ចសហប្រតិបត្តិការល្អជាមួយប្រទេសនានា និងការខិតខំប្រឹងប្រែងរបស់សហគមន៍អន្តរជាតិ នៅក្នុងយុទ្ធនាការសកលប្រយុទ្ធទប់ស្កាត់អំពើចោរកម្ម និងការចរាចរជួញដូរខុសច្បាប់នៃសម្បត្តិវប្បធម៌។ សម្តេចតេជោ បានបន្តទៀតថា បច្ចុប្បន្ន កម្ពុជា កំពុងតែប្រមូលភស្តុតាងដែលបរទេស លួចវត្ថុបុរាណខ្មែរយកទៅដោយខុសច្បាប់ ខណៈកម្ពុជា កំពុងតែធ្វើនីតិវិធីចរចាជាមួយគ្រប់ភាគីពាក់ព័ន្ធ ទាមទារវត្ថុបុរាណខ្មែរត្រឡប់មកវិញ។ សម្តេចតេជោ នាយករដ្ឋមន្ត្រី ក៏បានកោតសរសើរចំពោះរដ្ឋាភិបាល នៃប្រទេសនានា និងភាគីពាក់ព័ន្ធ ដែលបានរួមចំណែកធ្វើឱ្យសម្រេចបាន នូវសមិទ្ធផលដ៏វិសេសវិសាលទាំងនេះ ៕ អត្ថបទ៖​ វណ្ណលុក…

ខេត្តព្រះវិហារ ៖ ឯកឧត្តម បណ្ឌិត ហ៊ុន ម៉ាណែត តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន និង សម្តេចកិត្តិព្រឹទ្ធបណ្ឌិត បានអញ្ជើញជាអធិបតី ក្នុងពិធីសម្ពោធឆ្លងអគារសាលារៀន អគារសាលាវិបស្សនា និងសមិទ្ធផលនានា ក្នុងវត្តព្រះបរមរាជមហាពោធិបញ្ចសហស្សារាម (ហៅវត្តពោធិ៍ ៥.០០០ ដើម) និងពិធីបញ្ចុះបឋមសិលាសាងសង់អគារចិញ្ចឹម និងថែទាំមនុស្សចាស់ជរា នៅមជ្ឈមណ្ឌលវិបស្សនាធុរៈភូមិភាគឦសាននៃកម្ពុជា ខេត្តព្រះវិហារ, ថ្ងៃទី០៣ ខែមីនា ឆ្នាំ២០២៣ ។ ឯកឧត្តម បណ្ឌិត បានចូលរួមអបអរសាទរចំពោះសមិទ្ធផលជាច្រើនដែលកើតមាននៅក្នុងទីអារាមទើបមានអាយុកាលប្រមាណជាង ០៦ឆ្នាំមួយនេះ និងសូមកោតសរសើរចំពោះចក្ខុវិស័យវែងឆ្ងាយរបស់ព្រះចៅអធិការវត្ត ដែលបានផ្តួចផ្តើមប្រកបដោយភាពច្នៃប្រឌិត ក្នុងការកសាងសមិទ្ធផលទាំងអស់នេះឱុ្យចេញជារូបរាងទ្បើង ដោយមានការចូលរួមពីសប្បុរសជនជិតឆ្ងាយ ដើម្បីជាប្រយោជន៍ដល់ពុទ្ធបរិស័ទគ្រប់រូប ជាពិសេសប្រជាពលរដ្ឋនៅក្នុងមូលដ្ឋាននេះ។ ឯកឧត្តម បណ្ឌិត ហ៊ុន ម៉ាណែត បន្តថា គ្រប់សាសនាទាំងអស់បានអប់រំមនុស្សឱ្យប្រកាន់ខ្ជាប់នូវការប្រព្រឹត្តអំពើបុណ្យ និងកិរិយាមាយាទប្រកបដោយសីលធម៌ និងគុណធម៌ ដែលរួមចំណែកដល់ការធានានូវភាពសុខដុមរមនា ការយល់យោគអត់ឱនអធ្យាស្រ័យ និងសុចរិតធម៌ក្នុងសង្គម។ ជាមួយនឹងជំនឿយ៉ាងមុតមាំនេះ សម្តេចតេជោ តែងបានប្រកាន់ខ្ជាប់នូវការខិតខំកសាងអំពើបុណ្យជាមួយប្រជាពលរដ្ឋខ្មែរដោយក្តីអាណិតអាសូរ និងមិនមានការរើសអើង ដែលនេះគឺជាមូលដ្ឋានចម្បងក្នុងការសម្រេចបាននូវការផ្សះផ្សាររួបរួមជាតិខ្មែរ រហូតឈានមកដល់ការបញ្ចប់សង្រ្គាមស៊ីវិលទាំងស្រុងនៅលើទឹកដីអង្គរដ៏បវរនៃយើង។ អំពើជាកុសលទាំងនេះ…

ភ្នំពេញ ៖លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា និងសហការី បានអញ្ជើញជួបសំណេះសំណាលជាមួយក្រុមនិស្សិតជ័យលាភីអាហារូបករណ៍ រដ្ឋាភិបាលអូស្ត្រាលី ឆ្នាំ២០២៣ ចំនួន ១១នាក់ នៅទីស្នាក់ការកណ្តាលកាកបាទក្រហមកម្ពុជា នាព្រឹកថ្ងៃទី ២ ខែមីនា ឆ្នាំ២០២៣ ។ ក្នុងឱកាសនោះដែរ លោកជំទាវអគ្គលេខាធិការ បាននាំប្រសាសន៍ផ្តាំផ្ញើសួរសុខទុក្ខពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចំពោះ ក្មួយៗទាំងអស់។ លោកជំទាវអគ្គលេខាធិការ បានមានប្រសាសន៍បន្តថា “កាកបាទក្រហមកម្ពុជាបានបង្កើតឡើងនៅថ្ងៃទី១៨ ខែកុម្ភៈ ឆ្នាំ១៩៥៥ ដែលជាសមាជិកទី៨៥ ហើយចលនាអន្តរជាតិ កាកបាទក្រហម និងអឌ្ឍចន្ទក្រហម មានសមាជិកទូទាំងពិភពលោកសរុប១៩២ប្រទេស ដើម្បីទទួលស្គាល់សមាគមជាតិមួយបានក្នុងឆាកអន្តរជាតិ លុះត្រាតែសមាគមជាតិមានតែមួយគត់នៅក្នុងប្រទេស និងត្រូវគោរពលក្ខណៈវិនិច្ឆ័យ១០យ៉ាងរបស់សហព័ន្ធអន្តរជាតិ និងត្រូវអនុវត្តការងារមនុស្សធម៌ស្របតាមគោលការណ៍គ្រឹះទាំង៧របស់ចលនា ហើយកាកបាទក្រហមកម្ពុជា គឺជាជំនួយការឱ្យអាជ្ញាធរសាធារណៈក្នុងវិស័យមនុស្សធម៌ផងដែរ។ នៅឆ្នាំ១៩៧៥ មកដល់ឆ្នាំ១៩៧៩ មិនមានដំណើរនោះទេនៅក្នុងរបបប្រល័យពូជសាសន៍ បន្ទាប់ពីរំដោះប្រទេសមកវិញ ១៩៧៩-១៩៩២ កាកបាទក្រហមកម្ពុជាត្រូវបាត់បង់អសណៈរបស់ខ្លួនព្រោះកាកបាទក្រហមកម្ពុជាបានបាត់បង់គោលការណ៍ឯកភាព ដោយមានកាកបាទក្រហមកម្ពុជា ចំនួន៤ក្រុម។ មកដល់ឆ្នាំ១៩៩២-១៩៩៤ ព្រះករុណា ព្រះបាទសម្តេច ព្រះបាទនរោត្តម សីហនុ…

ភ្នំពេញ ៖ នៅព្រឹក ថ្ងៃ ទី៣ ខែមីនា ឆ្នាំ ២០២៣ នេះ ក្លិបអ្នកកាសែតកម្ពុជា ( ក.អក ) សហការជាមួយអង្គការ Oxfam បានរៀបចំសិក្ខាសាលាផ្សព្វផ្សាយ ស្តី ពី របបសន្តិសុខសង្គម (ប.ស.ស) ជូនដល់សមាជិកអ្នកសារព័ត៌មាន ក្នុងគោលបំណងកសាង និងពង្រឹងសមត្ថភាពអ្នកសារ ព័ត៌មានតាមរយៈបទបង្ហាញពីអ្នកជំនាញបេឡាសន្តិសុខជាតិសង្គម ( បស.ស ) ដើម្បីលើកកម្ពស់ការផ្សព្វផ្សាយតាមប្រពន្ធ័ផ្សព្វផ្សាយឲ្យកាន់តែទូលំទូលាយដល់សាធារណៈជាពិសេសនិយោជិតក្នុង វិស័យកាត់ដេរនៅកម្ពុជា ។ សិក្ខាសាលា បណ្តុះបណ្តាលនេះ ធ្វេីឡេីងក្រោយគម្រោង«គាំពារសង្គមប្រកបដោយបរិយាបន្នដែលឆ្លើយតបទៅនឹងតម្រូវការ របស់កម្មករនិយោជិតក្នុងវិស័យកាត់ដេរ» សិក្ខាសាលា នេះបានចែករំលែកចំណេះដឹងនិងលទ្ធផលការអនុវត្តគម្រោង INSPIRE រួម ទាំងបង្កើនប្រសិទ្ធភាពនៃទំនាក់ទំនង និងផ្សព្វផ្សាយគាំពារសង្គមកម្ពុជា។ គោលនយោបាយគាំពារសង្គម គឺ ជាយន្តការចម្បងមួយ ដើម្បីបង្កើតឲ្យមានសេដ្ឋកិច្ចដែលប្រកបដោយបរិយាបន្ន ដែលបង្កលក្ខណៈឲ្យកម្មករ និយោជិតវិស័យកាត់ដេរ និងក្រុមគ្រួសាររបស់ពួកគាត់មានលទ្ធភាពកាត់បន្ថយភាពងាយរងគ្រោះ ដែលបង្កឡើងដោយវិបត្តិសេដ្ឋកិច្ច។ ក្លិបអ្នកកាសែតកម្ពុជា យល់ឃើញថាសិក្ខាសាលានេះ មានសារសំខាន់ណាស់សម្រាប់អ្នកសារព័ត៌មានក្នុងការស្វែង យល់ដឹងអំពីគម្រោង . INSPIRE របស់…

ភ្នំពេញ ៖ ទិវាវប្បធម៌ជាតិ តែងតែធ្វើឡើងជារៀងរាល់ឆ្នាំ នាថ្ងៃ៣មីនា ដើម្បីរំលឹកដល់គុណូបការៈបុព្វបុរស ខ្មែរគ្រប់ជំនាន់ដែលបានពលី ទាំងកម្លាំងកាយ កម្លាំងចិត្ត កម្លាំងបញ្ញា និងអាយុជីវិត ក្នុងការបង្កើតថែរក្សា និងការពារសម្បត្តិវប្បធម៌ ដ៏សម្បូរបែប និងមានតម្លៃមិនអាចកាត់ថ្លៃបាន បន្សល់ទុកមកដល់កូនចៅជំនាន់ក្រោយ និងជាឱកាសដ៏មានតម្លៃមួយ ដើម្បីបំផុសនូវស្មារតីស្រឡាញ់ជាតិ វប្បធម៌ ទំនៀមទម្លាប់ ប្រពៃណី និងអត្តសញ្ញាណជាតិ ។ សូមជម្រាបថា ក្រសួងវប្បធម៌ និងវិចិត្រសិល្បៈ បានរៀបចំសន្និសីទសារព័ត៌មាន ស្តីពីការរៀបចំទិវាវប្បធម៌ ៣មីនា លើកទី២៥ ឆ្នាំ២០២៣ នាថ្ងៃទី២៧ ខែកុម្ភៈ ឆ្នាំ២០២៣ ។ ក្នុងឱកាសនេះ ឯកឧត្តម សោម សុគន្ធ រដ្ឋលេខាធិការក្រសួងវប្បធម៌ និងវិចិត្រសិល្បៈ បានឲ្យដឹងថា «ទិវាវប្បធម៌ជាតិ គឺជាទិវាដ៏មានសារៈសំខាន់មួយ របស់ប្រជាជាតិកម្ពុជា។ ទន្ទឹមគ្នានេះដែរ ទិវាវប្បធម៌ជាតិក៏ជាឱកាសដ៏មានតម្លៃមួយ ដើម្បីបំផុសនូវស្មារតីស្រឡាញ់ជាតិ វប្បធម៌ ទំនៀមទម្លាប់ ប្រពៃណី និងអត្តសញ្ញាណជាតិ ក្នុងចំណោមប្រជាជនខ្មែរគ្រប់រូប ក្នុងគោលបំណង ធានាឲ្យបាននូវការអភិវឌ្ឍ…