យោងតាមសេចក្ដីជូនដំណឹងរបស់ក្រសួងធនធានទឹកនៅថ្ងៃទី២៦កក្កដាឆ្នាំ២០២១ បានឲ្យដឹងថា ក្នុងរយៈពេលកន្លងមក ព្យុះទី៧ឈ្មោះ សេមប៉ាកា និងបណ្ដាឥទ្ធិពលព្យុះផ្សេងៗទៀត និងប្រពន្ធ័នានាដែលមានឥទ្ធិពលមកលើអាងទន្លេមេគង្គ បានធ្វើឲ្យមានភ្លៀងធ្លាក់ក្នុងកម្រិតពីបង្គួរទៅច្រើន ក្នុងអាងទន្លេងមេគង្គភាគខាងលើរួមមាន ចិន ថៃ និងប្រទេសឡាវ ព្រមទាំងតំបន់ខ្ពង់រាបភាគឦសានប្រទេសកម្ពុជា។ ក្រសួងធនធានទឹកបានព្យាករណ៍ថាថា ស្ថានភាពនោះ ធ្វើឲ្យទឹកទន្លេមេគង្គហក់ឡើង ហើយនឹងបន្តឡើងរយៈពេលពី៣ទៅ៤ថ្ងៃខាងមុខទៀត ដែលអាចបណ្ដាលឲ្យជន់លិចតំបន់ទំនាបអបមាត់ទន្លេមេអង្គលើ នៅខេត្តស្ទឹងត្រែង ក្រចេះ កំពង់ចាម និងខេត្តត្បូងឃ្មុំ។ តែក្រសួងបញ្ជាក់ថា ការហក់ឡើងនោះ មិនទាន់ដល់កម្រិតកម្ពស់ដែលត្រូវឲ្យមានការប្រុងប្រយ័ត្ននៅឡើយទេ។ ជាមួយគ្នានោះ ក្រសួងធនធានទឹកបានអំពាវនាវឲ្យអាជ្ញាធរ និងប្រជាពលរដ្ឋដែលរស់នៅអមសងខាងទន្លេមេគង្គ និងតំបន់ទំនាបនានា រួសរាន់ប្រមូលកសិផលរបស់ខ្លួនឲ្យបានទាន់ពេលវេលា និងបង្កើនការប្រុងប្រយ័ត្នខ្ពស់ ដើម្បីចៀសវាងនូវគ្រោះថ្នាក់ផ្សេងៗដែលអាចកើតមានជាយថាហេតុ។

ដីឥដ្ឋ : វិទ្យាស្ថានព័ត៌មានវិទ្យានិងភាសាបរទេសនៃបណ្ឌិត្យសភានគរបាលកម្ពុជា បានបើកកិច្ចប្រជុំតាមប្រព័ន្ធZoom ដើម្បីបូកសរុបលទ្ធផលការងារប្រចាំឆមាសទី១និងលើកទិសដៅការងារបន្ដសម្រាប់ឆមាសទី២ ឆ្នាំ២០២១ ក្រោមអធិបតីភាព ឯកឧត្តម ឧត្តមសេនីយ៍ឯក សាស្ដា្រចារ្យ ស្វាយ ចាន់ដា អនុប្រធានបណ្ឌិត្យសភានគរបាលកម្ពុជា ដោយមានការអញ្ជើញចូលរួមពីលោកនាយក លោកនាយករង លោកនាយការិយាល័យ ប្រធានដេប៉ាតឺម៉ង់ និងមន្រ្តីចំណុះវិទ្យាស្ថាន។ កិច្ចប្រជុំនេះ ផ្តោតលើរបៀបវារៈ ដូចខាងក្រោម៖ ១- ត្រួតពិនិត្យលទ្ធផលបូកសរុបការងារប្រចាំឆមាសទី១និងលើកទិសដៅការងារបន្ដសម្រាប់ឆមាសទី២ ឆ្នាំ២០២១២- បញ្ហាផ្សេៗ។ ជាកិច្ចចាប់ផ្តើម ឯកឧត្តម ឧត្តមសេនីយ៍ឯក សាស្ដា្រចារ្យ ប្រធានអង្គប្រជុំ បានអនុញ្ញាតឱ្យលោកនាយកវិទ្យាស្ថានធ្វើសេចក្ដីរាយការណ៍សង្ខេបអំពីលទ្ធផលនៃការអនុវត្តផែនការសកម្មភាពក្នុងឆមាសទី១និងទិសដៅបន្ត ព្រមទាំងអនុញ្ញាតឱ្យនាយការិយាល័យនិងប្រធានដេប៉ាតឺម៉ង់ ធ្វើសេចក្ដីរាយការណ៍លម្អិតអំពីសកម្មភាពការងារនិងលទ្ធផលនៅក្នុងការិយាល័យ និងដេប៉ាតឺម៉ង់នីមួយៗ ជូនអង្គប្រជុំជ្រាប។ ជាចុងបញ្ចប់ ឯកឧត្តមប្រធានអង្គប្រជុំ បានឯកភាពនិងបានមានប្រសាសន៍ណែនាំមួយចំនួនដូចខាងក្រោម៖ ស្នើឱ្យការិយាល័យនិងដេប៉ាតឺម៉ង់ទាំងអស់ ត្រូវយកចិត្ដទុកអនុវត្ដការងារតាមកម្មវិធីការងារប្រចាំខែឱ្យស្របតាមផែនការសកម្មភាពរបស់វិទ្យាស្ថាន ស្នើឱ្យគ្រប់ការិយាល័យនិងដេប៉ាតឺម៉ង់ បន្តពង្រឹងការអនុវត្តការងារនិងវិន័យរបស់មន្ត្រីខ្លួនឱ្យបានខ្ជាប់ខ្ជួន។ ស្នើឱ្យគ្រប់ការិយាល័យនិងដេប៉ាតឺម៉ង់ បន្តអនុវត្តគោលការណ៍ប្រឡងប្រណាំងរបស់បណ្ឌិត្យសភានគរបាលកម្ពុជាឱ្យកាន់តែល្អប្រសើរ ស្នើឱ្យក២ ពង្រឹងការងារត្រួតពិនិត្យនិងគ្រប់គ្រងសម្ភារៈឧបទេសនិងសោតទស្សន៍ឱ្យបានល្អ ស្នើឱ្យថ្នាក់ដឹកនាំនិងមន្ត្រីនៃវិទ្យាស្ថាន បន្តអនុវត្តតាមគោលការណ៍ណែនាំរបស់បណ្ឌិត្យសភានគរបាលកម្ពុជានិងវិធានការបង្ការទប់ស្កាត់ជំងឺកូវីដ-១៩ របស់រាជរដ្ឋាភិបាលនិងក្រសួងសុខាភិបាល។ដោយ-រ៉ាវុធ

ថ្ងៃពុធ ទី២១ ខែកក្កដា ឆ្នាំ២០២១ ឯកឧត្តម ជា សុមេធី អភិបាលខេត្តព្រៃវែង បានអញ្ជេីញចូលរួមក្នុងកិច្ចប្រជុំវិសាមញ្ញលើកទី៣ អាណត្តិទី៣ របស់ក្រុមប្រឹក្សាខេត្តព្រៃវែង ក្រោមអធិបតីភាពឯកឧត្តម ស្បោង សារ៉ាត ប្រធានក្រុមប្រឹក្សាខេត្តព្រៃវែង ដែលបានប្រព្រឹត្តទៅតាមរយៈប្រព័ន្ធអនឡាញ ហ្សូម (Online Zoom)។ ក្នុងនេះ ក៏មានការអញ្ជើញចូលរួមពី ឯកឧត្តម លោកជំទាវ សមាជិក សមាជិកា ក្រុមប្រឹក្សាខេត្ត លោកអភិបាលរង នៃគណៈអភិបាលខេត្ត លោកនាយក នាយករងរដ្ឋបាលខេត្ត លោកនាយកទីចាត់ការ ប្រធានអង្គភាពចំណុះរចនាសម្ព័ន្ធសាលាខេត្ត លោក លោកស្រី ប្រធាន អនុប្រធាន មន្ទីរអង្គភាព និងអស់លោក លោកស្រីពាក់ព័ន្ធមួយចំនួនទៀត។ កិច្ចប្រជុំវិសាមញ្ញលើកទី៣ អាណត្តិទី៣ របស់ក្រុមប្រឹក្សាខេត្តព្រៃវែង មានរបៀបវារៈចំនួន៤ យកមកពិនិត្យ និងពិភាក្សា រួមមាន៖ ១-ពិនិត្យ និងអនុម័ត លើការកសាងផែនការយុទ្ធសាស្ត្រថវិការឆ្នាំ២០២២-២០២៤ និងការរៀបចំគម្រោងចំណូលចំណាយថវិការសម្រាប់ការគ្រប់គ្រងឆ្នាំ២០២២ របស់មន្ទីរសុខាភិបាល និងទីភ្នាក់ងារប្រត្តិបត្តិការពិសេស របស់ខេត្តព្រៃវែង។ ២-ពិនិត្យ និងអនុម័ត…