(ភ្នំពេញ)៖ នៅព្រឹកថ្ងៃទី១៨ ខែកញ្ញា ឆ្នាំ ២០២៣នេះ រដ្ឋបាលរាជធានីភ្នំពេញ បានចេញសេចក្ដី ជូនដំណឹងឲ្យពលរដ្ឋ និងអាជ្ញាធរខណ្ឌ សង្កាត់ មន្ទីរ និងគ្រឹះស្ថានឯកជនទាំងអស់ត្រូវចូលរួមធ្វើការវាយគង ទូងស្គរ ទះប៉ោត និងគោះត្រដោក តាមគ្រប់ធ្យោបាយ នៅម៉ោង០៧:០០ព្រឹក នៅថ្ងៃពុធទី២០ ខែកញ្ញា ឆ្នាំ២០២៣ខាងមុខ ។ ការអនុវត្តន៍នេះ តាមអនុសាសន៍ដឹកនាំដ៏ខ្ពង់ខ្ពស់បំផុតរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្តី នៃព្រះរាជាណាចក្រកម្ពុជា ចុះថ្ងៃទី១៧ ខែកញ្ញា ឆ្នាំ២០២៣ ដើម្បីអបអរសាទរព្រឹត្តិការណ៍ជាប្រវត្តិសាស្ត្រដ៏សំខាន់ មួយរបស់ជាតិ និងប្រជាជនកម្ពុជាទាំងមូល នាឱកាស “រមណីយដ្ឋានប្រាសាទកោះកេរ ត្រូវបានគណៈកម្មាធិការ បេតិកភណ្ឌពិភពលោកនៃអង្គការយូណេស្កូ បានសម្រេចចុះក្នុងបញ្ជីបេតិកភណ្ឌពិភពលោក នោះ៖ រដ្ឋបាលរាជធានីភ្នំពេញ សូមធ្វើការណែនាំដូចខាងក្រោម៖ ១គ្រប់ស្ថាប័នរដ្ឋ ឯកជន រដ្ឋបាលខណ្ឌ-សង្កាត់ មន្ទីរ-អង្គភាពជុំវិញរដ្ឋបាលរាជធានីភ្នំពេញ រោងចក សហគ្រាស ក្រុមហ៊ុន សាលារៀន មន្ទីរពេទ្យ វត្តអារាម វិហារសាសនា និងប្រជាពលរដ្ឋទាំងអស់ក្នុង រាជធានីភ្នំពេញ…

ភ្នំពេញ៖ កម្ពុជានឹងទទួល​ត្រឡប់មកវិញ​នូវសមុច្ច័​យវត្ថុបុរាណខ្មែរដ៏ល្អឯកចំនួន​៣៣​ បន្ទាប់​ពី​មានការព្រមព្រៀង​ប្រ​គល់មកប្រទេសកំណើតវិញ​ពីសំណាក់គ្រួសារ​មួយនៅ​សហរដ្ឋអាមេរិក។ក្រសួងវប្បធម៌បានបញ្ជាក់ថា នេះ​ជាលទ្ធផល​នៃកិច្ចសហប្រតិបត្តិការជាច្រើនឆ្នាំរវាងក្រុមការងារកម្ពុជា និងរដ្ឋាភិបាលសហរដ្ឋអាមេរិក។ យោងតាម​សេចក្តី​​ជូនព័ត៌មាន​របស់​​ក្រសួងវប្បធម៌និងវិចិត្រសិល្បៈ​នៅថ្ងៃទី​១៣ ខែកញ្ញា ឆ្នាំ​២០២៣ បាន​ឱ្យដឹងថា​ ​សមុច្ច័​យ វត្ថុបុរាណខ្មែរដ៏ល្អឯកមួយចំនួនទៀតនឹងត្រូវបញ្ជូនត្រឡប់មកកម្ពុជាវិញ។  ​​ព្រឹត្តិការណ៍ដ៏សំខាន់នេះ គឺជាលទ្ធផល នៃកិច្ចសហប្រតិបត្តិការជាច្រើនឆ្នាំរវាងក្រុមការងារកម្ពុជា និងរដ្ឋាភិបាលសហរដ្ឋអាមេរិក ដោយអនុលោមតាម អនុស្សារណៈនៃការយោគយល់​គ្នារវាងរាជរដ្ឋាភិបាលកម្ពុជា និងរដ្ឋាភិបាលសហរដ្ឋអាមេរិក ដែលបានបន្តសុពលភាពកាលខែសីហា​ ឆ្នាំ២០២៣ថ្មីៗនេះ។ សេចក្តីជូនព័ត៌មានបន្តថា រដ្ឋាភិបាលសហរដ្ឋអាមេរិកតាមរយៈការិយាល័យរដ្ឋអាជ្ញាប្រចាំសង្កាត់ភាគខាងត្បូងនៃក្រុងញូវយ៉ក  (USAO-SDNY និងការិយាល័យស៊ើបអង្កេតសន្តិសុខមាតុភូមិ  (HSI) បានឈានដល់កិច្ច ព្រមព្រៀងជាមួយអ្នកកាន់កាប់សមុច្ច័យឯកជន គឺគ្រួសារ Lindemann ទាក់ទងនឹងវត្ថុបុរាណខ្មែរចំនួន ៣៣។ ការិយាល័យ HSI សហការជាមួយ USAO-SDNY បានដកហូតរូបចម្លាក់ទាំងនេះពីគ្រួសារខាងលើ។ វត្ថុបុរាណទាំងនោះរួមមាន៖ បដិមាព្រះវិស្ណុផ្ទុំ និងបដិមាអឌ្ឍនារីស្វរ/អធ៌នារីស្វរ (មួយចំហៀងជាភេទប្រុស និងមួយចំហៀងជាភេទស្រី) ដែលគេជឿជាក់ថា មានប្រភពមកពីប្រាសាទក្រចាប់ ស្ថិតក្នុងអតីតរាជធានី កោះកេរ។ យោងតាមសាក្សីបានឱ្យដឹងថា រូបចម្លាក់ទាំងនេះត្រូវបានលួចយកចេញក្នុងទសវត្សរ៍១៩៩០ ជាប្រាសា​ទតែមួយ ដែលតម្កល់បដិមាព្រះឥសូរនិងព្រះស្កន្ទ និងបដិមាព្រះស្កន្ទគង់លើក្ងោក។ ក្នុងចំណោមវត្ថុដែល ប្រគល់មកវិញនេះ ក៏មានចម្លាក់ទេពមួយអង្គ ដែលគេជឿថាជាបដិមា ព្រះធ្ឬស្ថទ្យុមន៍…

ភ្នំពេញ៖ឯកឧត្តម សុខ សូកេន រដ្ឋមន្រ្តីក្រសួងទេសចរណ៍ បាន អញ្ជើញចូលរួមពិធីកាត់ខ្សែបូបើកសម្ពោធពិព័រណ៍អន្តរជាតិលើកទី១៧ (ITE-HCMC 2023)ក្រោមមូលបទ «ការតភ្ជាប់ កំណើន និងចីរភាព» ។ពិធីនេះបានប្រព្រឹត្តិទៅកាលពីថ្ងៃទី០៧ ខែកញ្ញា ឆ្នាំ២០២៣។ ប្រភពក្រសួងទេសចរណ៍បានឱ្យដឹងថា បន្ទាប់មកពីពិធីកាត់ខ្សែបូ ឯកឧត្តមរដ្ឋមន្រ្តីក្រសួងទេសចរណ៍កម្ពុជា បានចូលរួមទស្សនាស្តង់ ពិព័រណ៍ ជាមួយថ្នាក់ដឹកនាំជាន់ខ្ពស់ នៃបណ្តា ប្រទេសជាច្រើន ។ ទន្ទឹមនឹងនេះនៅពន្លាពិព័រណ៍របស់កម្ពុជា មានការសម្តែងរបាំជូនពរ ស្វាគមន៍ និងសិល្បៈវប្បធម៌ប្រពៃណី ដើម្បីបង្ហាញ ពីទេសចរណ៍ វប្បធម៌ធម្មជាតិដ៏ល្អផូរផង់របស់កម្ពុជា ព្រមទាំង មានការផ្តល់ជូននូវវត្ថុ អនុស្សាវរីយ៍ដល់ប្រតិភូជាន់ខ្ពស់ទាំងអស់ផងដែរ។ ដោយឡែកសម្រាប់ផ្នែកឯកជន ដែលមានចំនួន ១១ក្រុមហ៊ុនក៏មាន ការណាត់ជួបរវាងដៃគូធុរកិច្ចទេសចរណ៍ លក់ផលិតផល និងកញ្ចប់ ទេសចរណ៍ផ្សេងៗ ដើម្បីជំរុញ ការមកទស្សនានៅកម្ពុជាផងដែរ។ ក្រោយពីបញ្ចប់ការទស្សនាតាមស្តង់ពិព័រណ៍ឯកឧត្តមរដ្ឋមន្រ្តី បាន អញ្ជើញចូលរួម និងថ្លែងសុន្ទរកថាគន្លឹះស្ដីពី “ការយល់ដឹងអំពី បរិវត្តកម្ម ឌីជីថលក្នុងការជំរុញការអភិវឌ្ឍន៍ទេសចរណ៍អន្តរជាតិ” ក្នុងវេទិកា ទេសចរណ៍ កម្រិតថ្នាក់ដឹកនាំជាន់ខ្ពស់។ នៅក្នុងវេទិកាទេសចរណ៍ដ៏មានសារៈសំខាន់នេះ ក៏មានការចូលរួមពី សំណាក់ថ្នាក់ដឹកនាំជាន់ខ្ពស់វៀតណាមដែលរួមមាន…

(ខេត្តពោធិ៍សាត់)៖ បូជនីយដ្ឋាន ប្រវត្តិសាស្ត្រ លោកឧកញ៉ា ឃ្លាំង មឿង និងលោកជំទាវ ខាន់ ខៀវនៅតែស្ថិតក្នុងការគោរបូជា និងការជឿជាក់លើអប្បិយជំនឿក្នុងស្រទាប់ពលរដ្ឋកម្ពុជា។ទីកន្លែងមួយនេះបានក្លាយជាកន្លែងប្រតិបត្តិ និងក្រុមមនុស្សចាស់ក្មេងរាប់សិបនាក់រៀងរាល់ថ្ងៃតែងចូលបន់ស្រន់សុំសេខក្តីសុខ សេចក្តីចម្រើននៅពេលឆ្លងកាត់។ បូជនីយដ្ឋានលោកឧកញ៉ា ឃ្លាំង មឿង មានទីតាំងស្ថិតនៅ ភូមិជំរំ សៀម ឃុំ ស្នាមព្រះ ស្រុក បានកាន ខេត្តពោធិ៍សាត់។ជំនឿដែលនៅតែស្ថិតក្នុងដួងចិត្តពលរដ្ឋខ្មែរ អស់កាលដ៏យូរលង់មកហើយនេះដែរ ដោយសារថា អ្នកតាឃ្លាំងមឿងជាមេទ័ពកំពូលម្នាក់ដែលមានមហិទ្ធិឫទ្ធិ ខ្លាំងពូកែកាលពីសម័យដើម ហ៊ានហក់ចូលក្នុងរណ្ដៅចម្រូងពលីជីវិត រួចហើយបានកេណ្ឌទ័ពខ្មោចទៅប្រយុទ្ធជាមួយទ័ពសៀម រហូតដណ្ដើមបានទឹកដីមកវិញ។ លោក ប៊ុន តូ ដែលជាអ្នកមើលខុសត្រូវមួយរូបប្រចាំនៅបូជនីយដ្ឋានអ្នកតាឃ្លាំងមឿងបានបញ្ជាក់ប្រាប់ថាទីសក្ការៈបូជា និង ជាទីកន្លែងជំនឿមួយនេះបានក្លាយជារមណីយដ្ឋានប្រវត្តិសាស្ត្រមួយដ៏សំខាន់ ដែលអ្នកដំណើរឆ្លងកាត់ពីទីជិតឆ្ងាយ ក៏ដូចប្រជាពលរដ្ឋក្នុងខេត្តពោធិ៍សាត់ ចេញចូលដើម្បីបន់ស្រន់ ពុំសូវខានសោះឡើយ។ អ្វីដែលល្បីរន្ទឺនោះគឺត្រូវបានគេដឹងថាមនុស្សភាគច្រើនបានសមដូចក្តីប៉ងប្រាថ្នាផង។ លោកថា៖”មនុស្សចាស់ក្មេងតែងចូលមកបន់ស្រន់តាមជំនឿរៀងៗខ្លួន ហើយតែងនិយាយថាសក្តិសិទ្ធណាស់។ក្រុមពលរដ្ឋចូលមកកាន់ទីកន្លែងនេះចាប់តាំងតែពីព្រឹករហូតដល់ល្ងាចមិនថាថ្ងៃណាជាថ្ងៃណានោះឡើយ”។ គួរបញ្ជាក់ថា ឧកញ៉ា ឃ្លាំង មឿងឬអ្នកតាឃ្លាំងមឿង ត្រូវបានកត់ត្រាទុកប្រវត្តិដ៏អស្ចារ្យ និងអច្ឆរិយ ដែលជាវីរៈជនក្លាហានក្នុងប្រវត្តិសាស្ត្រខ្មែរជំនាន់មុ។ ក្រៅពីជាទីតាំងជំនឿ និង ទីតាំង ប្រវត្តិសាស្ត្រ បូជនីយដ្ឋាន…

(ឧត្តរមានជ័យ)៖ សម្តេចកិត្តិសង្គហបណ្ឌិត ម៉ែន សំអន ឧបនាយករដ្ឋមន្រី្ត រដ្ឋមន្រ្តីក្រសួងទំនាក់ទំនង ជាមួយរដ្ឋសភា-ព្រឹទ្ធសភា និងអធិការកិច្ច បានអញ្ជើញអុជធូបថ្វាយគ្រឿងសក្ការៈ និងបួងសួងនៅស្ពានទ័ព និងប្រាសាទព្រហ្មកិល ស្ថិតភូមិជើងទៀន ឃុំជើងទៀន ស្រុកចុងកាល់ ខេត្តឧត្តរមានជ័យ នាព្រឹកថ្ងៃទី១៧ ខែសីហា ឆ្នាំ២០២៣ ។ ក្នុងពិធីនោះផងដែរក៏មានការអញ្ជើញចូលរួមពីសំណាក់ ឯកឧត្តម ប៉ែន កុសល្យ អភិបាលនៃគណៈអភិបាលខេត្តឧត្តរមានជ័យ ឯកឧត្តមប្រធានក្រុមប្រឹក្សាខេត្តឧត្តរមានជ័យ ក្រុមការងាររបស់ក្រសួងវប្បធម៌វិចិត្រសិល្បៈ មន្រ្តីរាជការជុំវិញខេត្តឧត្តរមានជ័យយ៉ាងច្រើនកុះករ ។ សម្តេចកិត្តិសង្គហបណ្ឌិត បានបួងសួងថ្វាយព្រះពរជ័យថ្វាយព្រះមហាក្សត្រ ព្រះមហាក្សត្រី ជាសម្តេចម៉ែ សម្តេចយាយ សម្តេចយាយទួត មុនីនាថ សីហនុ និង ប្រគេនពរដល់ព្រះសង្ឃគ្រប់ព្រះអង្គ និង ជូនពរ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ក្នុងតំណែងនាយករដ្ឋមន្ត្រីកម្ពុជា ថ្នាក់ដឹកនាំ…