ភ្នំពេញ៖ សារមន្ទីរជាតិតាមរយៈរយៈ​ក្រសួង​វប្បធម៌ និង​វិចិត្រ​សិល្បៈ បាន​ទទួល​នូវ​ហូលពិដាន និងផ្ទាំងកំណាត់សូត្រជាលើកទី២ ជាង៤០ផ្ទាំង​បន្ថែមទៀត ពី​ក្រុម​ការងារ​​ពិដាន​ជន​ជាតិ​ជប៉ុន ដែល​ការប្រគល់ ទទួល​នេះបានធ្វើឡើង​កាល​ពី​ថ្ងៃទី​៨ ខែសីហា ​​ក្រោម​អធិបតីភាព​នៃថ្នាក់ដឹកនាំ​ក្រសួងវប្បធម៌ និង​វិចិត្រសិល្បៈផ្ទាល់​។​ ​ការប្រគល់នូវ​ហូលពិដាន និង​ផ្ទាំងកំណាត់សូត្រនេះដោយ​ក្រុមការងារពិដានជនជាតិជប៉ុន ដែល​ដឹកនាំដោយលោកស្រី​ YONEKURA Yukiko និង​លោកស្រី MIYAMOTO Kazuko ដែល​​ទទួលការអនុញ្ញាតចូ​លរួមសម្តែងការគួរសមជាមួយ​នឹង​លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ នៅទី​ស្តីការក្រសួង​។ ​តាមរយៈសារមន្ទីរជាតិ​បាន​ឱ្យដឹងថា ក្នុង​ជំនួបនោះ ក្រុមការងារជប៉ុន បានប្រគល់ហូលពិដាន និងផ្ទាំងកំ​ណាត់សូត្រលើកទី២ សរុបចំនួន ៤១ផ្ទាំង ជូនក្រសួង ដើម្បីរក្សាទុកជាសម្បត្តិរដ្ឋនៅសារមន្ទីរជាតិកម្ពុជា។ សារមន្ទីរជាតិបាន​លើកឡើងថា ៖ «​កាលពីកំឡុងទសវត្សរ៍ឆ្នាំ២០០០ ក្រុមការងារពិដាននេះ​ បានប្រគល់ផ្ទាំងកំណាត់សូត្រចំនួន២៥ផ្ទាំងរួចម្តងមកហើយ។ សមុច្ច័យទាំង៤១ផ្ទាំងនេះ ជាបណ្តុំសមុច្ច័យដ៏សំ​ខា​ន់​ដែលបានឆ្លុះបញ្ចាំងពីភាពសំបូរបែបនៃការបន្តមរតកបេតិកភណ្ឌអរូបីនៃវិស័យតម្បាញខ្មែរ នារយៈពេលជាងមួយសតវត្សរ៍កន្លងមកនេះ»។ សារមន្ទីរជាតិ ក៏បានបញ្ជាក់ដែរថា គោលបំណងចម្បងនៃការប្រគល់នេះ ​ដើម្បីធានាបាននូវនិរន្តរភាពនៃការអភិរក្ស ថែរក្សា និងផ្សព្វផ្សាយពីភាពប្រណិត និងល្អឯក នៃមរតកតម្បាញសូត្រខ្មែរ។ ក្បាច់លម្អ ដែលមាននៅលើផ្ទាំងសូត្របាន រម្លេចពីទិដ្ឋភាពទូទៅនៃជីវភាពប្រចាំថ្ងៃ និងជំនឿនានា…

ភ្នំពេញ៖ គណៈប្រតិភូកម្ពុជាដែលមកពីក្រសួងវប្បធម៌ និងវិចិត្រសិល្បៈ ផលិតករ និងសិល្បៈខ្មែរមួយចំនួន នឹង​ទៅចូលរួមមហោស្រពភាពយន្តអន្តរជាតិវិថីសូត្រឆ្នាំ២០២៣ នៅខែកញ្ញា ខាងមុខនេះ នៅ​ប្រទេសចិន​។​ផលិតករទាំងពីរកំពុងពិភាក្សាពីឱកាសសហការផលិតភាពយន្តរួមគ្នានៅលើទឹកដីកម្ពុជាផងដេរ។ រដ្ឋមន្រ្តីក្រសួងវប្បធម៌ និងវិចិត្រសិល្បៈលោកជំទាវ  ភឿង សកុណា កាលពីថ្ងៃទី ​៨ ខែសីហានេះ បានអនុ​ញ្ញាតឱ្យលោកស្រី លូ ជីង (LU JING) សមាជិកាអចិន្រ្តៃយ៍គណៈកម្មាធិការបក្សទីក្រុងហ្វូចៀន ខេត្តហ្វូចូវ នៃសា​ធា​រណរដ្ឋប្រជាមាននិតចិនព្រមទាំងគណៈប្រតិភូចូលជួបសម្តែងការគួរសម ក្នុងឱកាសដែលបានអញ្ជើញមកបំពេញទស្សនកិច្ច និងចូលរួមក្នុងកម្មវិធីសប្តាហ៍ផ្លាស់ប្តូរវប្បធម៌ និងភាពយន្តកម្ពុជា-ចិន ឆ្នាំ២០២៣ ។ ក្នុងឱកាសនោះ ភាគីចិនក៏បាន​អញ្ជើញលោកជំទាវ ភឿង សកុណា រួមនឹងគណៈប្រតិភូ ផលិតករ និងសិ​ល្ប​​ករកម្ពុជា ដើម្បីទៅចូលរួមមហោស្រពភាពយន្តអន្តរជាតិវិថីសូត្រឆ្នាំ២០២៣ ដែលគ្រោងនឹងរៀបចំនៅពាក់កណ្តាលខែកញ្ញា ឆ្នាំ២០២៣ នៅទីក្រុងហ្វូចូវ​ ខេត្តខេត្តហ្វូជៀន​។ តាមរយៈក្រសួង​វប្បធម៌ និង​វិចិត្រសិល្បៈ ​លោកជំទាវ ភឿង សកុណា បានថ្លែងថា ឈរលើមូលដ្ឋាននៃទំ​នាក់ទំនងជាប្រវត្តិសាស្រ្តនេះ ថ្នាក់ដឹកនាំនៃប្រទេសទាំងពីរ បានរួមគ្នាប្រឹងប្រែងពូនជ្រំចំណងមិត្តភាព និ​ងកិច្ចសហប្រតិបត្តិការទ្វេភាគី ឱ្យកាន់តែរឹងមាំថែមទៀតជាលំដាប់ រហូតឈានដល់ភាពជាដៃគូយុទ្ធសា ស្ត្រគ្រប់ជ្រុងជ្រោយ។ លោកជំទាវមានប្រសាសន៍​ថា…

ភ្នំពេញ៖ អាជ្ញា​ធរ​ជាតិ​ព្រះវិហារបាន​រៀប​ចំ​សិក្ខា​សាលា​ស្តី​ពីការ​ងារ​អភិ​រក្ស និង​បច្ចេក​ទេស​ជួស​ជុល​ថ្ម នៅ​រម​ណីយ​ដ្ឋាន​ប្រាសាទ​កោះ​កេរ ដើម្បី​ប្រមូល​ធាតុ​ចូល​ពី​អ្នក​ជំនាញ​ជាតិ និង​អន្តរ​ជាតិ លើ​វិធី​សាស្រ្ត​ក្នុង​ការ​ងារ​អ​ភិ​​រក្ស ជួស​ជុល​ប្រាសាទ​ទាំង​នោះ​នា​ពេល​ខាង​មុខ។ សិក្ខា​សាលា​នេះ បាន​រៀប​ចំ​ឡើង​រយៈ​ពេល​ពីរថ្ងៃ ចាប់​ពី​ថ្ងៃ​ទី៣ ដល់ ថ្ងៃ​ទី៤ ខែសីហា ក្រោម​អធិបតី​លោក ហែម ស៊ីណាត អគ្គ​នាយក​រង​អាជ្ញា​ធរ​ជាតិ​ព្រះ​វិហារ, ​លោក​សាស្ត្រា​ចារ្យ Dr. Hans Lei​sen, លោក គឹម សុធិន អគ្គ​នាយក​រង​អាជ្ញា​ធរ​ជាតិ​អប្សរា ព្រម​ទាំង​អ្នក​ជំនាញ​ជាតិ អន្តរ​​ជាតិ​មក​ពី​អាជ្ញា​ធរ​ជាតិ​សំបូរ​ព្រៃ​គុក សារ​មន្ទីរ​ជាតិ​ភ្នំពេញ អភិ​រក្ស​ដ្ឋាន​អង្គរ ស្ថាប័ន World Monument Fund និង​ស្ថា​ប័ន GIZ​។ ​យោងតាម​​អាជ្ញាធរ​ជាតិ​ព្រះ​វិហារ បាន​ឱ្យ​ដឹង​នៅ​ថ្ងៃ​ទី​៥ ខែ​សីហា ​ថា​ ​ការ​រៀប​ចំ​នេះ​ក្នុង​គោល​បំណង​ដើម្បី​ប្រ​មូល​ធាតុ​ចូល ពី​អ្នក​ជំនាញ​ជាតិ និង​អន្តរ​ជាតិ លើ​វិធី​សាស្រ្ត​ក្នុង​ការ​ងារ​អភិ​រក្ស ជួស​ជុល និង​ការ​ប្រើ​ប្រា​ស់​​សម្ភារ​​សម្រាប់​អនុ​វត្ត​នៅ​ប្រាសាទ​បល្ល័ង្ក​ត្បូង និង​ប្រាសាទ​នា​នា​ក្នុង​រមណីយ​ដ្ឋាន​ប្រាសាទ​កោះ​កេរ​នា​ពេល​ខាង​មុខ​។ លោក គង់ ពុទ្ធិការ អគ្គ​នាយក​អាជ្ញា​ធរ​ជាតិ​ព្រះ​វិហារ បានថ្លែងប្រាប់​ឱ្យ​ដឹងនៅថ្ងៃទី​៦ ខែសីហា ​ថា ទាក់​ទ​​ង​នឹង​ការ​អភិ​រក្ស…

សៀមរាប៖ ក្រុមការងារបច្ចេកទេសជួសជុលនៃនាយកដ្ឋានអភិរក្សប្រាសាទនិងបុរាណវិទ្យា កំពុងធ្វើការ​ជួសជុល​ខឿនជណ្ដើរនៃខ្លោងទ្វារខាងកើតប្រាសាទអង្គរវត្ត ដែល​រងការខូចខាតដោយសារអាយុកាល និងធម្មជាតិដែលធ្វើឱ្យរលុះរចនាសម្ពន្ធគ្រឹះខូចរូបរាង។​ ប្រភពអាជ្ញាធជាតិអប្សរា បុរាណវិទូលោកស្រី ភិន វិជ្ជាសច្ចរ៉ា បាន​និយាយថា ការ​ជួសជុលពង្រឹងខឿនជណ្ដើរនៃខ្លោងទ្វារខាងកើតប្រាសាទអង្គរវត្ត​នេះ គឺ​ក្នុងបំណងដើម្បីពង្រឹងខឿនជណ្ដើរឱ្យរឹងមាំឡើងវិ​ញ ដោយសារតែស្ថានភាពកម្រាលថ្មភក់ខឿនជណ្តើរនៃខ្លោងទ្វារខាងកើតប្រាសាទអង្គរវត្តនេះ មានការហែកញែកចេញពីគ្នា សសរទ្រេត ថ្មខ្លះបានធ្លាក់ចុះ និងខ្លះទៀតក៏បម្រុងនឹងធ្លាក់ផងដែរ​។ លោកស្រីថា ក្រុមការងារនឹងរៀបចំរុញថ្មទាំងនោះឱ្យទៅចូលទីតាំងដើមវិញ ក្នុងន័យពង្រឹងខឿនឱ្យមានភាពរឹងមាំ គង់វង្សតទៅមុខទៀត។​ លោកស្រី វិជ្ជាសច្ចរ៉ា ​បញ្ជាក់ថា  កត្តាដែលបណ្ដាលឱ្យខឿនជណ្ដើរនេះរងការខូចខាត គឺដោយសារអាយុកាល និងធម្មជាតិដែលធ្វើឱ្យរលុះរចនាសម្ពន្ធគ្រឹះខូចរូបរាង ហើយ​ក្រុមការងារបានចាប់ផ្ដើមកិច្ចការដំ​បូង គឺសិក្សាទៅលើសម្រង់ប្លង់ ចុះបញ្ជីលេខ ស្វែងរកថ្ម ការផ្គុំថ្ម ថាតើថ្មចេញពីប្រភពណាជាដើម ។ លោកស្រីបន្តទៀតថា​ បន្ទាប់ពីផ្គុំចេញរូបរាងរួចហើយ ទើបក្រុមការងារសិក្សាទៅលើគ្រឹះ ថាតើគួរជុសជុស ឬគួររើ គួរពង្រឹងដើម្បីយកទៅដាក់កន្លែងដើមវិញឬក៏យ៉ាងណា ហើយ​ក្រៅពីនេះក្រុមការងារបានធ្វើការទល់ទ្រដំបូលកណ្ដាលកុំឱ្យរលុះធ្លាក់ថែមទៀតផង។ អ្នកនាំពាក្យអាជ្ញាធរជាតិអប្សរា លោក ឡុង កុសល បាន​ប្រាប់ឱ្យដឹងនៅថ្ងៃទី១ ខែសីហាថា ការងារជួសជុលប្រាសាទ​នេះ គឺជាកិច្ចការងារប្រចំាថ្ងៃរបស់ក្រុមការងារអាជ្ញាធរជាតិអប្សរា ប៉ុន្តែ​អ្វីដែលសំខាន់ គឺអាជ្ញាធរជាតិអប្សរា មានផែនការ​អនុវត្តកិច្ចការងារច្បាស់លាស់​ទៅលើការជួសជុល ការថែទាំ និ​ងសម្អាត។ ​…