យោងតាមក្រសួងទេសចរណ៍បានឲ្យដឹងថា ក្នុងខែឧសភា ឆ្នាំ២០២១ នៅទូទៅប្រទេសកម្ពុជាទទួលបានភ្ញៀវទេសចរសរុប១៩ម៉ឺន៤ពាន់២៥នាក់។ ក្នុងនោះមានភ្ញៀវជាតិ ១៩ម៉ឺន១ពាន់៨២០ នាក់ និងភ្ញៀវបរទេសផ្ទៃក្នុង ២ពាន់២០៥ នាក់។ របាយការណ៍របស់ក្រសួងក្នុងរយៈពេល៤សប្ដាហ៏នៃខែឧសភាគឺភ្លៀវទេសចរណ៍មានកំណើន ដោយក្នុងសប្តាហទី១ ទទួលបានភ្ញៀវប្រមាណ ១ម៉ឺន៩ពាន់៧០៥ នាក់, សប្តាហទី២ទទួលបានភ្ញៀវប្រមាណ ៤ម៉ឺន៩ពាន់៨៨០នាក់, ក្នុងសប្តាហទី៣ ទទួលបានភ្ញៀវប្រមាណ ៥ម៉ឺន២ពាន់៨៩១នាក់ និងសប្តាហទី៤ ទទួលបានភ្ញៀវប្រមាណ ៧ម៉ឺន១ពាន់៥៤៩នាក់។ គោលដៅទេសចរណ៍សំខាន់ៗដែលមានសកម្មភាពទេសចរណ៍ច្រើនជាងគេក្នុងខែឧសភារួមមាន ខេត្តកំពតលំដាប់ទី១ ទទួលបានភ្ញៀវទេសចរណ៍ចំនួន៣ម៉ឺន៨ពាន់៨១៧ នាក់, លំដាប់ទី២ គឺខេត្តបាត់ដំបងទទួលបានភ្ញៀវ២ម៉ឺន៦ពាន់៨៤០នាក់, លំដាប់ទី៣គឺខេត្តកែបទទួលបានភ្ញៀវចំនួន២ម៉ឺន៣ពបាន់៤នាក់, លំដាប់ទី៤គឺខេត្តសៀមរាបទទួលបានភ្ញៀវចំនួន១ម៉ឺន៨ពាន់៧៥៧នាក់, លំដាប់ទី៥គឺខេត្តកំពង់ស្ពឺទទួលបាន១ម៉ឺន៦ពាន់១៨៧ នាក់ និងលំដាប់ទី៦គឺ ខេត្តព្រះសីហនុទទួលបានភ្ញៀវទេសចរចំនួន១ម៉ឺន២ពាន់ ១៦០នាក់។ រដ្ឋមន្ត្រីក្រសួងទេសចរណ៍ លោកថោង ខុន បានបញ្ជាក់ថា ចំនួននោះមានការកើនឡើងប្រមាណ ៦៩៦,៣៣% ធៀបនឹងខែមេសា ដោយសារក្នុងខែមេសា រាជរដ្ឋាភិបាលបានផ្អាកដំណើរការរមណីយដ្ឋានទេសចរណ៍ទូទាំងប្រទេសជាបណ្តោះអាសន្ន រយៈពេលជាងពីរសប្តាហ៍ ចាប់ពីថ្ងៃទី៧ដល់ថ្ងៃ២៥មេសា។ លោករដ្ឋមន្ត្រីបានបន្តថា រមណីយដ្ឋានគោលដៅទេសចរណ៍ និងមូលដ្ឋានអាជីវកម្មទេសចរណ៍ បានចាប់ផ្តើមបើកដំណើរឡើងវិញជាបណ្តើរៗ ចាប់ពីរាជរដ្ឋាភិបាលបានបើកដំណើរការរមណីយដ្ឋានទេសចរណ៍ឡើងវិញរហូតដល់ដំណាច់ចុងខែឧសភានេះ ដោយបានអនុវត្តយ៉ាងហ្មត់ចត់តាមវិធានការ «៣ កុំ»…

យោងតាមក្រសួងទេសចរណ៍នៅថ្ងៃទី២៤ឧសភាបានាឲ្យដឹងថា ក្នុងឱកាសថ្ងៃចុងសប្តាហ៍ទីបីនៃខែឧសភា ចាប់ពីថ្ងៃទី២២ដល់ថ្ងៃ២៣ ខែឧសភា ឆ្នាំ២០២១ នៅទូទាំងប្រទេសកម្ពុជាទទួលបានភ្ញៀវទេសចរសរុប ៥ម៉ឺន២,ពាន់៨៩១ នាក់ ពោលគឺកើនឡើង ៦.១១% ធៀបនឹងចុងសប្តាហ៍កន្លងទៅ ក្នុងនោះមានភ្ញៀវជាតិ ៥ម៉ឺន២ពាន់២៤៧ នាក់។ រដ្ឋមន្ត្រីក្រសួងទេសចរណ៍ លោក ថោង ខុន បានមានប្រសាសន៍ថា រយៈពេលបួនសប្តាហ៍ បន្ទាប់ពីរាជរដ្ឋាភិបាលបានអនុញ្ញាតឲ្យបើកដំណើរការរមណីយដ្ឋានទូទាំងប្រទេសឡើងវិញ ភ្ញៀវសរុបមានចំនួនប្រមាណ ១៣ម៉ឺន១ពាន់៤៩០ នាក់។ លោកថា គោលដៅទេសចរណ៍សំខាន់ៗដែលមានសកម្មភាពទេចរច្រើនជាងគេ នាចុងសប្តាហ៍កន្លងមកនេះ រួមមាន ខេត្តកំពត១ម៉ឺន៩៤២ នាក់, ខេត្តកែបទទួលបាន៧ពាន់២៥៧ នាក់, ខេត្តបាត់ដំបងទទួលបាន ៦ពាន់៩៣០ នាក់, ខេត្តសៀមរាបទទួលបាន ៦ពាន់៣៣ នាក់, ខេត្តកំពង់ស្ពឺទទួលបាន ៣ពាន់៨៩០ នាក់ និង ខេត្តព្រះសីហនុទទួលបាន ៣ពាន់២១៦ នាក់។ លោករដ្ឋមន្ត្រី ថោង ខុន បានបង្ហាញការកត់សម្គាល់ថា ចលនាភ្ញៀវទេសចរនោះ មិនមានការប្រែប្រួលខ្លាំងទេធៀបនឹងសប្តាហ៍កន្លងមក ពោលគឺភ្ញៀវភាគច្រើននៅតែជាភ្ញៀវក្នុងខេត្តនៅឡើយ ហើយភ្ញៀវទេសចរពីភ្នំពេញនៅមិនទាន់មានចំនួនច្រើននៅឡើយទេ។ លោករដ្ឋមន្ត្រីបានបន្តថា រមណីយដ្ឋាន…

ទិដ្ឋភាពសម្រស់ប្រាសាទអង្គរវត្ត ខេត្តសៀមរាប៖