ឯកឧត្តម កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទនិងកសិកម្មលើកទឹកចិត្តដល់ប្រជាកសិករពង្រឹងនិងពង្រីកការដាំដុះបន្លែ ខណៈដែលក្រុមហ៊ុនផ្សារបន្លែសុវត្ថិភាពខ្មែររងចាំទទួលទិញជានិច្ច ធានាបានទាំងតម្លៃនិរន្តរភាពទីផ្សា។ ជាមួយគ្នានេះដែរ ឯកឧត្តម កៅ ថាច បានគូសបញ្ជាក់ដែរថា ធនាគារអភិវឌ្ឍន៍ជនបទនិងកសិកម្មដែលជាសេនាធិការរបស់រាជរដ្ឋាភិបាលនៅតែបន្តផ្តល់កម្ចីឥណទានអត្រាការប្រាក់ទាប ត្រឹម០,៤២ភាគរយក្នុងមួយខែ ជូនប្រជាកសិករដែលត្រូវការដើមទុនក្នុងការផលិត ជាកញ្ចប់ហិរញ្ញប្បទានពិសេស ៥០ លានដុល្លារអាមេរិករបស់រាជរដ្ឋាភិបាល តាមរយៈធនាគារអភិវឌ្ឍន៍ជនបទនិងកសិកម្ម ហៅកាត់ថាអេអឌីប៊ី ជាការផ្តល់កិច្ចអន្តរាគមន៍ក្នុងបរិបទកូវីដ១៩។ ឯកឧត្តម កៅ ថាច បានមានប្រសាសន៍បែបនេះ ក្នុងពេលអញ្ជើញជួបសំណេះសំណាល និងផ្សព្វផ្សាយអំពីគោលការណ៍ឥណទានផ្សារភ្ជាប់ជាមួយទីផ្សារ ជូនដល់បងប្អូនប្រជាកសិករ ដាំដុះបន្លែសុវត្ថិភាពក្នុងខេត្តសៀមរាប សរុបប្រមាណ ជិត៣០០នាក់ កាលពីរសៀលថ្ងៃទី២៦ មករា ២០២១ ដោយក្នុងកម្មវិធីនោះ ក៏មានការចូលរួមពីលោក ទា គឹមសុទ្ធ ប្រធានមន្ទីកសិកម្ម ខេត្តសៀមរាប និងលោកស្រី សាន សុភ័គ តំណាងក្រុមហ៊ុនផ្សារបន្លែសុវត្ថិភាពខ្មែរផងដែរ។ ឯកឧត្តម កៅ ថាច ប្រតិភូរាជរដ្ឋាភិបាល បានជម្រាបជូនបងប្អូនប្រជាកសិករថា កម្មវិធីនៅព្រឹកនេះគឺរៀបចំឡើងដោយធនាគារអេអឌីប៊ី គឺក្នុងបំណងណែនាំ ឱ្យបងប្អូនស្គាល់ក្រុមហ៊ុនផ្សារបន្លែសុវត្ថិភាពខ្មែរ និងលើកទឹកចិត្តឱ្យបងប្អូនប្រជាកសិករចុះកិច្ចសន្យាកសិកម្មជាមួយក្រុមហ៊ុននេះដើម្បីឱ្យបងប្អូនមានទីផ្សារច្បាស់លាស់ និងធានាបានតំលៃពិតប្រកដ។ ឯកឧត្តមបញ្ជាក់ថា ក្រុមហ៊ុននេះបានបង្កើតឡើងដោយមានការចូលរួមគាំទ្រពីធនាគារអភិវឌ្ឍន៍ជនបទ…

ក្នុងដំណើរអញ្ជើញចុះពិនិត្យការដាំដុះបន្លែ និងការចិញ្ចឹមសត្វ ការធ្វើវារីវប្បកម្ម នៅតាមបណ្តាខេត្តនានា ឯកឧត្តម កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃធនាគារអភិវឌ្ឍន៍ជនបទនិងកសិកម្ម អញ្ជើញសំណេះសំណាលសួរសុខទុក្ខប្រជាកសិករ នៅខេត្តបន្ទាយមានជ័យ ដើម្បីផ្សព្វផ្សាយឥណទានក្រោមគម្រោងហិរញ្ញប្បទានពិសេសរបស់រាជរដ្ឋាភិបាល ដែលមានអត្រាការប្រាក់ទាបត្រឹម០,៤២ភាគរយក្នុងខែ ផ្តល់ជូនប្រជាកសិករក្នុងបរិបទជំងឺកូវីដ១៩។ ក្នុងពេលអញ្ជើញចុះជួបសំណេះសំណាល នាឳកាសនោះ ប្រជាកសិករនៅខេត្តបន្ទាយមានជ័យបង្ហាញក្តីសង្ឃឹមជាថ្មី ជាមួយនឹងឥណទានពិសេសពីធនាគារអភិវឌ្ឍន៍ជនបទនិងកសិកម្ម ដោយពួកគាត់ពិតជាត្រូវការកម្ចីដែលមានអត្រាការប្រាក់ទាបបែបនេះ យមកពីពង្រីងនិងពង្រឹងរបរកសិកម្មរបស់ពួកគាត់។ ក្នុងពេលមានវត្តមាននៅសហគមន៍កសិកម្មបន្លែបៃតង ពង្រកងវ៉ា ស្ថិតនៅភូមិភ្នំពង្រកងវ៉ា សង្កាត់កំពង់ស្វាយ ក្រុងសេរីសោភ័ណ្ឌ ខេត្តបន្ទាយមានជ័យ ឯកឧត្តម កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទនិងកសិកម្ម ដោយមើលឃើញពីសក្ដានុពលរបស់សហគមន៍កងវ៉ា និងការខិតខំប្រឹងប្រែងរបស់សមាជិកសហគមន៍ ឯកឧត្តម កៅ ថាច បានធ្វើការលើកទឹកចិត្តអោយសហគមន៍បន្តពង្រឹង និងពង្រីកការដាំដុះបន្ថែមទៀត ដោយគិតគូរទៅលើគុណភាព និងស្នើរអោយរៀបចំផែនការអោយបានច្បាស់លាស់លើការដាំដុះ និងគិតគូរទៅដល់ការផ្គត់ផ្គង់ប្រកបដោយស្ថេរភាពលើទីផ្សារ។ ចំណោទទៅនឹងបញ្ហាទីផ្សារ ដែលបងប្អូនសហគមន៍តែងតែត្អូញត្អែរថាបន្លែផលិតបានរកអ្នកទិញមិនបានជាដើម ឆ្លើយតបចំនុចនេះ ឯកឧត្តម កៅ ថាច បានណែនាំអោយសហគមន៍ ចុះកិច្ចសន្យាកសិកម្មជាមួយក្រុមហ៊ុនបន្លែសុវត្ថិភាពខ្មែរ ដើម្បីធានាលើភាពច្បាស់លាស់ទីផ្សារ ព្រោះក្រុមហ៊ុននឹងធានាទិញបន្លែតាមតំលៃដែលមានចែងក្នុងកិច្ចព្រមព្រាង។ ក្នុងឱកាសនោះ ក៏មានវត្តមានក្រុមហ៊ុនបន្លែសុវត្ថិភាពខ្មែរ ផងដែរហើយភាគីទាំងពីរក៏បានធ្វើការចរចារគ្នា និងសម្រេចបានលទ្ធផលល្អប្រសើរផងដែរ។ សហគមន៍កងវ៉ា…

ម្ចាស់កសិដ្ឋានរបស់លោក អ៊ីវ វណ្ណា ស្ថិតនៅភូមិព្រែកក្រប៉ៅ សង្កាត់ព្រែកក្រប៉ៅ ក្រុងស្ទឹងសែន ខេត្តកំពង់ធំ បានអោយដឹងថា បច្ចុប្បន្នកសិដ្ឋានរបស់លោក មានស្រះធំៗទាំងអស់ចំនួន ៨ លើផ្ទៃដី១០ហិកតា ហើយ លោកបានដាក់កូនត្រីចំរុះសរុប ប្រមាណ ១៦ម៉ឺនកូន ។ លោក ក៏បានធ្វើការថ្លែងអំណរគុណ ដល់ឯកឧត្តម កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយកធនាគារអេអឌីប៊ី ដែលបានយកចិត្តទុកដាក់ខ្ពស់ជួយដល់កសិករ ក៏ដូចជាជួយពង្រឹងដល់វិស័យកសិកម្ម។ ជាក់ស្តែង រូបលោកផ្ទាល់ ក្នុងតំណាក់កាលរីករាលដាលជំងឺឆ្លង កូវិដ ១៩ កសិដ្ឋានរបស់លោកបានជួបនឹងបញ្ហាវិបត្តហិរញ្ញវត្ថុយ៉ាងខ្លាំង ហើយជិតក្ស័យធនផងដែរ ប៉ុន្តែតាមរយៈកញ្ចប់ហិរញ្ញប្បទានពិសេសរបស់រាជរដ្ឋាភិបាល តាមរយៈធនាគារអភិវឌ្ឍន៍ជនបទ និងកសិកម្ម បានជួយជីវិតកសិដ្ឋានរបស់លោកអោយរស់ឡើងវិញ។ សូមបញ្ជាក់ដែរថា លោក អ៊ីវ វណ្ណា ជាអតិថិជនរបស់ អេអឌីប៊ី ដែលទទួលបានកម្ចីឥណទានក្រោមគម្រោងហិរញ្ញប្បទានពិសេសរបស់រាជរដ្ឋាភិបាលចំនួន ៥០លានដុល្លារអាមេរិក ដែលមានអត្រាការប្រាក់ ០,៤២%ក្នុង១ខែ ដើម្បីយកទៅពង្រីកវិស័យវារីវប្បកម្ម។ លោក កាន់ សាឡន អនុប្រធានមន្ទីរកសិកម្ម ខេត្តកំពង់ធំដែលបានអមដំណើរជាមួយនឹងឯកឧត្តម កៅថាច ក្នុងការចុះទៅពិនិត្យមើលការចិញ្ចឹមរបស់កសិករនោះបានលើកឡើងពីការខិតខំប្រឹងប្រែងរបស់ធនាគារអភិវឌ្ឍជនបទនិងកសិកម្ម…

ធនាគារអភិវឌ្ឍន៍ជនបទ និងកសិកម្មលើកទឹកចិត្តប្រជាកសិករបានលើកទឹកចិត្តដល់ប្រជាកសិករធ្វើការពង្រឹង និងពង្រីកការដាំដុះបន្លែ សុវត្ថិភាព ក្នុងដំណាក់កាលកូវិដ ១៩ ដោយសហការជាមួយក្រុមហ៊ុនផ្សារបន្លែខ្មែរ ដើម្បីធានាដល់ការផ្គត់ផ្គង់គ្រប់គ្រាន់និងទៀងទាត់ ព្រមទាំងរក្សាតម្លៃបានល្អប្រសើរ។ ពិធីនេះ បានធ្វើឡើងនាថ្ងៃទី២៤ មករា ២០២១ នៅខេត្តកំពង់ធំ។ ឯកឧត្តម កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្មបានលើកឡើងថា គោលបំណងនៃកម្មវិធីនេះគឺដើម្បីធ្វើការណែនាំក្រុមហ៊ុនទទួលទិញបន្លែសុវត្ថិភាពមួយដែលពិតប្រាកដ ដែលកើតចេញពីកិច្ចសហការរវាងធនាគារអេឌីប៊ី ដែលជាធនាគាររបស់រដ្ឋ និងតំណាងខាងឯកជន ដើម្បីធ្វើជាភ្នាក់ងារមួយទទួលទិញបន្លែសុវត្ថិភាពពីបងប្អូនក្នុងតំលៃទីផ្សារមួយពិតប្រាកដ និងតាមតំលៃដែលបានព្រមព្រាងគ្នាក្នុងកិច្ចសន្យា។  ឯកឧត្តមបញ្ជាក់ថា បញ្ហាធ្លាក់ថ្លៃកសិផល ដោយសារឈ្មួញកណ្តាល , ការនាំចូលបន្លែដែលគ្មានប្រភពច្បាស់លាស់ និងមានសាធាតុគីមី បានធ្វើឱ្យប៉ះពាល់យ៉ាងខ្លាំងដល់ដំណើរការផលិត ការដាំដុះបន្លែរបស់បងប្អូនក្នុងស្រុក ដូចនេះដើម្បីរកដំណោះស្រាយកុំអោយបញ្ហានេះកើតឡើងដដែលៗ ឯកឧត្តម កៅ ថាច បានស្នើឱ្យបងប្អូនកសិករ សូមគិតគូររៀបចំអោយមានផែនការដាំដុះ  (គិតគូរដល់តំលៃដើមដើម្បីផលិត មាន ជី ថ្នាំ ថ្លៃភ្ជូរ ពូជ …) ,ផែនការផលិត និងតម្រូវការលើទីផ្សារ ,និងផែនការលក់ ដែលមានលទ្ធភាពចំណេញបានខ្ពស់ និងផ្គត់ផ្គង់មានស្ថេរភាព ដោយជៀសវាង ការផលិត ការដាំដុះដែលជុញ…