កោះកុង៖ លោក ថោង ខុន រដ្ឋមន្ត្រីក្រសួងទេសចរណ៍ បានបញ្ជាក់ថា គ្រប់ការរៀបចំដំណើរទស្សនកិច្ចទេសចរណ៍ទៅកាន់សហគមន៍ទេសចរណ៍ សហគមន៍អេកូទេសចរណ៍ និងតំបន់ទេសចរណ៍ជនបទ ត្រូវប្រើប្រាស់សេវាកម្មរបស់សហគមន៍ឱ្យបានច្រើន ដាច់ខាតមិនអាចរំលងការទំនាក់ទំនងជាមួយប្រជាសហគមន៍ឡើយ ដោយហេតុថាកិច្ចសហការ និងទំនាក់ទំនងល្អជាមួយសហគមន៍ នឹងអាចចូលរួមជំរុញជីវភាពរបស់ប្រជាពលរដ្ឋមូលដ្ឋានឱ្យកានតែប្រសេីរឡេីង។ ការថ្លែងបែបនេះរបស់លោករដ្ឋមន្ត្រី ថោង ខុ ន ត្រូវបានធ្វើឡើងក្នុងឱកាសដែលលោករួមជាមួយលោកស្រី មិថុនា ភូថង អភិបាលខេត្តកោះកុង ចូលរួមក្នុងពិធីប្រកាសចូលកាន់តំណែងប្រធានមន្ទីរទេសចរណ៍ថ្មីនៃខេត្តកោះកុង នាថ្ងៃទី០៨ ខែកុម្ភៈ ឆ្នាំ២០២១ នៅសាលមហោស្រពខេត្តកោះកុង។ លោក សុខ ចាន់គ្រឹះស្នា ត្រូវបានតែងតាំងជាប្រធានមន្ទីរទេសចរណ៍ខេត្តកោះកុង ជំនួសលោក ប៊ុន ប៊ីវ ដែលត្រូវចូលនិវត្តន៍។ នាឱកាសនោះ លោក ថោង ខុន បានលើកឡើងថា វិស័យអេកូទេសចរណ៍ និងសហគមន៍ទេសចរណ៍ ត្រូវបានអង្គការទេសចរណ៍ពិភពលោក (UNWTO) ចាត់ទុកជាអនុវិស័យដ៏សំខាន់បំផុតនៃវិស័យទេសចរណ៍ពិភពលោក ដោយអនុវិស័យនេះបានចូលរួមទាក់ទាញភ្ញៀវទេសចរបានយ៉ាងច្រើន ពិសេសក្នុងដំណាក់កាលនៃវិបត្តិជំងឺកូវីដ និងក្រោយវិបត្តិនេះ វិស័យអេកូទេសចរណ៍ និងសហគមន៍ទេសចរណ៍បាននិងកំពុងចូលរួមចំណែកយ៉ាងសំខាន់ក្នុងការស្ដារវិស័យទេសចរណ៍ជាតិ។ លោករដ្ឋមន្ត្រីបានបញ្ជាក់ថា បច្ចុប្បន្ន រាជរដ្ឋាភិបាលកម្ពុជា ក៏ដូចជាប្រទេសសមាជិកអាស៊ានទាំងមូល ក៏កំពុងយកចិត្តទុកដាក់ខ្លាំងណាស់ដែរចំពោះការអភិវឌ្ឍ…

កិច្ចប្រជុំរដ្ឋមន្ត្រីទេសចរណ័អាស៊ាន លើកទី២៤ ថ្ងៃទី០៤ ខែកុម្ភៈ ឆ្នាំ២០២១ តាមប្រព័ន្ធវីដេអូខនហ្វើរិន ដែលរៀបចំ និងដឹកនាំដោយ ឯ ឧ ថោង ខុន រដ្ឋមន្រ្តីក្រសួងទេសចរណ៍កម្ពុជា និងជាប្រធាន នៃកិច្ចប្រជុំ បានបញ្ជាក់ថា រដ្ឋមន្ត្រីទេសចរណ៍អាស៊ានគាំទ្រ បានអនុម័តសេចក្តីថ្លែងការណ៍ភ្នំពេញ ស្តីពីវិស័យទេសចរណ៍អាស៊ានប្រកបដោយចីរភាព បរិយាប័ន្ន និងភាពធន់កាន់តែប្រសើរ (PHNOM PENH DECLARATION ON A MORE SUSTAINABLE, INCLUSIVE AND RESILIENT ASEAN TOURISM) ផ្តួចផ្តើម និងរៀបចំដោយក្រសួងទេសចរណ៍កម្ពុជា ។ សេចក្តីថ្លែងការណ៍នេះផ្តោតលើចំណុចសំខាន់ចំនួន៣រួមមាន៖១. រួមគ្នាដោះស្រាយផលប៉ះពាល់វិបត្តកូវីដ-១៩៖ ពង្រឹងកិច្ចសហប្រតិបត្តិការឲ្យកាន់តែស្អិតរម៉ួតក្នុងក្របខ័ណ្ឌកិច្ចសហប្រតិបត្តិការអាស៊ាន ដើម្បីរៀបចំអភិវឌ្ឍន៍ទេសចរណ៍អាស៊ានប្រកបដោយចីរភាព បរិយាប័ន្ន និងមានភាពធន់ តាមរយៈការរៀបចំផែនការស្តារវិស័យទេសចរណ៍អាស៊ានឡើងវិញ ។ ២. វិស័យទេសចរណ៍អាស៊ានកាន់តែប្រសើរឡើងនៅពេលអនាគត៖ ការអភិវឌ្ឍទេសចរណ៍អាស៊ានប្រកបដោយចីរភាព បរិយាប័ន្ន និងមានភាពធន់ ដោយផ្តោតសំខាន់លើការបង្កើតឱកាសការងារ ការគាំទ្រសហគ្រាសខ្នាតតូចបំផុត ខ្នាតតូច និងខ្នាតមធ្យម ( MSME)…

ភ្នំពេញ៖ ដើម្បីពង្រឹងគុណភាពផលិតផលទេសចរណ៍ក្នុងឱកាសបុណ្យចូលឆ្នាំប្រពៃណីប្រជាជនចិន និងវៀតណាម ត្រូវនឹងថ្ងៃទី១២-១៤ ខែកុម្ភៈ ឆ្នាំ២០២១ និងដើម្បីចូលរួមទប់ស្កាត់ការរីករាលដាលនៃជំងឺកូវីដ-១៩ ក្រសួងទេសចរណ៍សូមធ្វើការណែនាំដល់មន្ទីរទេសចរណ៍រាជធានី-ខេត្ត ៕

ភ្នំពេញ៖ ដោយសារជួបនូវវិបត្តិជំងឺកូវីដ-១៩ កម្ពុជាទទួលបានភ្ញៀវទេសចរអន្តរជាតិតែ ១.៣១ លាននាក់ប៉ុណ្ណោះ ដោយមានការថយចុះប្រមាណ ៨០% និងទទួលបានភ្ញៀវទេសចរផ្ទៃក្នុងប្រមាណ ៩ លាននាក់ ថយចុះ ២០% បើធៀបនឹងឆ្នាំ២០១៩ កន្លងទៅ, នេះបើតាមការឱ្យដឹងរបស់ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍។ ការថ្លែងបែបនេះរបស់ឯកឧត្តមរដ្ឋមន្ត្រី ថោង ខុន ត្រូវបានធ្វើឡើងនៅក្នុងឱកាសបើកវេទិកាជាតិអេកូទេសចរណ៍លើកទី២ ឆ្នាំ២០២១ នាថ្ងៃទី២៧ ខែមករា ឆ្នាំ២០២១ សណ្ឋាគារសុខាអង្គរ ខេត្តសៀមរាប ក្នុងនាមជាប្រធានក្រុមការងារអន្តរក្រសួងគ្រប់គ្រង និងអភិវឌ្ឍសហគមន៍ទេសចរណ៍ និងអេកូទេសចរណ៍ និងជាតំណាងសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា។ ឯកឧត្តមបណ្ឌិត ថោង ខុន បានថ្លែងយ៉ាងដូច្នេះថា «ទោះស្ថិតក្នុងបរិការណ៍ប្រឈមខាងលើ ដែលធ្វើឲ្យកម្ពុជាទទួលបានភ្ញៀវទេសចរអន្តរជាតិត្រឹមតែប្រមាណ ១.៣១ លាននាក់ ក្នុងឆ្នាំ២០២០ ថយចុះ ៨០% ធៀបនឹងឆ្នាំ២០១៩»។ ឯកឧត្តមរដ្ឋមន្ត្រីបានបន្តថា សកម្មភាពទេសចរណ៍ផ្ទៃក្នុងបានបង្ហាញសញ្ញានៃការងើបឡើង ដោយយើងទទួលបានភ្ញៀវទេសចរផ្ទៃក្នុងប្រមាណ ៩ លាននាក់ ថយចុះ ២០%។ ទោះជាយ៉ាងណា…