ភ្នំពេញៈខណៈពេលដែលអាជ្ញាធររដ្ឋាភិបាល និងសមត្ថកិច្ចគ្រប់ប្រភេទនិងក្រុមគ្រូពេទ្យបានបូជាកម្លាំងកាយចិត្ត បានលះបង់ពេលវេលា និងការជួបជុំគ្រួសាររបស់ខ្លួនទាំងស្រុងដោយនាំគ្នាធ្វើការទាំងយប់ទាំងថ្ងៃ ក្រោមកម្តៅថ្ងៃ ក្រោមទឹកភ្លៀង ដោយមិនគិតអំពីការនឿយហត់ ក្រុមមួយទៀតដែលមានឈ្មោះជាខ្មែរដែរ តែបែរជាធ្វើនយោបាយបែបឧទ្ទាមចង់ឃើញខ្មែរឆ្លងរោគរាតត្បាតដ៏កាចសាហាវនិងស្លាប់ដោយកូវីដ-១៩ ទៅវិញ៕

ភ្នំពេញៈ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជានៅថ្ងៃទី០៣ ខែឧសភា ឆ្នាំ២០២១នេះ បានសម្រេចបិទបញ្ចប់ការបិទខ្ទប់ ភូមិសាស្រ្តរាជធានីភ្នំពេញ និងក្រុងតាខ្មៅ នៃខេត្តកណ្តាលហើយ ប៉ុន្តែតំបន់ប្រឈមខ្លាំងមួយចំនួនអាចនៅបន្តបិទខ្ទប់។ នេះបើយោងលើសេចក្តីសម្រេចដែលផ្សព្វផ្សាយនៅមុខនេះបន្តិច។សូមអានខ្លឹមសារនៃសេចក្តីសម្រេចៈ

​ភ្នំពេញៈ​កាលពី​ព្រឹក​ថ្ងៃទី​៣​ខែឧសភា​ជាមួយនឹង​រូបថត​ជាច្រើន​សន្លឹក​នៅលើ​បណ្តាញ​សង្គម​គេ​ឃើញ​សកម្មភាព​លោកជំទាវ គឹម សុ​វណ្ណា តំណាងរាស្ត្រ​មណ្ឌល​រាជធានី​ភ្នំពេញ ​ធ្វើដំណើរ តាម​រថយន្ត​ចែក​បន្លែស្រស់ៗ​ជូន​ដល់​បងប្អូន ប្រជាពលរដ្ឋ​តាម បណ្តោយ​ផ្លូវ៣៧៦ សង្កាត់​បឹង​កេងកង​ទី​៣ ខណ្ឌ​បឹង​កេងកង រាជធានី​ភ្នំពេញ​។​ ​ចំណែក​កាលពី​ព្រឹក​ថ្ងៃទី​២ ខែឧសភា​ម្សិលមិញ​លោកជំទាវ ម៉ាណ ណាវី តំណាងរាស្ត្រ​មណ្ឌល​រាជធានី​ភ្នំពេញ បាន​នាំយក​អំណោយ​ដ៏​ថ្លៃថ្លា​របស់​ឯកឧត្តម ហ៊ុន ម៉ា​នី ប្រធាន​គណៈកម្មការ អប់រំ យុវជន កីឡា ធម្មការ កិច្ចការ​សាសនា វប្បធម៌ និង​ទេសចរណ៍ នៃ​រដ្ឋសភា និង​ជា​ប្រធាន​សហភាព​សហព័ន្ធ​យុវជន​កម្ពុជា តាមរយៈ​ឯកឧត្តម សាយ សំ​អាល់ រដ្ឋមន្ត្រី​ក្រសួងបរិស្ថាន និង​ជា​ប្រធាន​សហភាព​សហព័ន្ធ​យុវជន​កម្ពុជា​រាជធានី​ភ្នំពេញ​ចែកជូន​ប្រជាពលរដ្ឋ ខ្វះខាតចំនួន២២៦​គ្រួសារ ស្ថិតក្នុង​ភូមិ​ព្រែ​កតា​ពៅ សង្កាត់​ព្រែកប្រា ខណ្ឌ​ច្បារអំពៅ រាជធានី​ភ្នំពេញ និង​ចែកជូន​ប្រជាពលរដ្ឋ​ខ្វះខាត​ចំនួន៧៤​គ្រួសារ​ទៀត នៅក្នុង​ភូមិ​ព្រែ​កតា​ពៅ​១ សង្កាត់​ដើម​មៀន ក្រុង​តាខ្មៅ ខេត្តកណ្តាល។ ​ ​ក៏​នៅមាន​សកម្មភាព​របស់​តំណាងរាស្ត្រ​ និង​សមាជិក​ព្រឹទ្ធសភា​ប្រចាំ​ភូមិភាគ​ជាច្រើនរូប​ទៀត​បាន​ធ្វើជា​បន្តបន្ទាប់ ក្នុងអំឡុង​ពេលដែល​ប្រជាពលរដ្ឋ​កំពុង​ជួប​ការលំបាក​នៅតាម​ទីកន្លែង​មិនមែនជា​តំបន់​មាន​ហានិភ័យ​ខ្ពស់​ដោយ​ជំងឺ​កូ​វីដ និង​ទទួលបាន​នូវ​ការអនុញ្ញាត​។ ​ចំពោះ​តំបន់​ក្រហម តំបន់​បិទ​ខ្ទប់ គឺ​មិន​អាចធ្វើ​សកម្មភាព​ដូចនេះ​បានទេ​។ ប៉ុន្តែ​សកម្មភាព​ទាំងឡាយ​នោះ ហាក់​ត្រូវបាន​ធ្វើជា​មិនឃើញ​ដោយ​ក្រុម​ជន​ និង​ក្រុម​សង្គម​ស៊ីវិល​ដែលមានគំនិត​ទុច្ចរិត​ធ្វើ​អាជីវកម្ម​នយោបាយ​លើ​ទុក្ខលំបាក​របស់​ប្រជាជន​…

ប៉េកាំង៖ «ពួកយើងជ្រើសរើសទៅធ្វើការនៅក្រុមហ៊ុនដោយស្ម័គ្រចិត្ត ក្នុងរោងចក្រមិនបានរងការអើសអើងទាល់តែសោះ ហើយទទួលបានការគោរពយ៉ាងខ្លាំងលើវិស័យជឿសាសនា ទម្លាប់រស់នៅប្រចាំថ្ងៃ និងសិទ្ធិប្រើប្រាស់ភាសាជនជាតិ តើហេតុអ្វីបានជាមានមនុស្សមួលបង្កាច់ថាជា ការបង្ខិតបង្ខំឱ្យធ្វើពលកម្ម?» ក្នុងសន្និសីទសារព័ត៌មានស្តីពីបញ្ហាស៊ីនជាំង ដែលបានបើកធ្វើនៅក្រុងប៉េកាំងនាពេលថ្មីៗកន្លងទៅនេះ អ្នកនាង អៃលីដា ធូអាសមៃធី បុគ្គលិកការងារនៃសហគ្រាសសម្លៀកបំពាក់មួយ នៅក្រុងយីលីតំបន់ស៊ីនជាំងបានចោទសួរ ដូចពេលខាងលើ។ សូមបញ្ជាក់ថា ក្នុងមជ្ឈដ្ឋានមតិអន្តរជាតិ ពាក្យសំដីស្តីពី “ការបង្ខិតបង្ខំឱ្យធ្វើពលកម្ម” ជាខែលមួយរបស់លោកខាងលិច ដើម្បីលាបពណ៌លើតំបន់ស៊ីនជាំង។ ក្នុងក្រសែភ្នែករបស់មនុស្សដែលមានចេតនាអាក្រក់ ពួកគេមិនដែលឃើញការពិតជាក់ស្តែងទាល់តែសោះ ពោលគឺនៅតំបន់ស៊ីនជាំង មុខរបរដាំដំណាំកប្បាសជាដើម សម្រេចបាននូវយន្តូបនីយកម្មជាទូទៅរួចរាល់ហើយ។ ពួកគេគ្រាន់តែគិតពិចារណាថា តើធ្វើយ៉ាងណាទើបអាចរារាំងមិនឱ្យតំបន់ស៊ីនជាំង ចូលរូមកិច្ចសហប្រតិបតិ្តការក្នុងខ្សែសង្វាក់តម្លៃសកល កាត់បន្ថយកម្លាំងប្រកួតប្រជែងអន្តរជាតិរបស់សហគ្រាសចិន ក៏ដូចជាសម្រេចបាននូវឧបាយកលរបស់ខ្លួនដែល “ទប់ស្កាត់ប្រទេសចិនដោយយកបញ្ហាស៊ីនជាំងធ្វើជាលេស” ក្រុងក្របខ័ណ្ឌកាន់តែធំ។ ការប៉ុនប៉ងបែបនេះមិនមែនជាការសម្ងាត់ ក្នុងសហគមន៍អន្តរជាតិតាំងពីដំបូងម៉្លេះ។ នាពេលថ្មីៗកន្លងទៅនេះ «កាសែត Lianhezaobao» របស់ប្រទេសសិង្ហបុរីបានចុះផ្សាយអត្ថបទវិភាគមួយ ដែលមានចំណងជើងថា «រឿងដែលពាក់ព័ន្ធនឹងកប្បាសរបស់ស៊ីនជាំង» អ្នកនិពន្ធអត្ថបទនេះធ្លាប់រស់នៅ និងធ្វើការនៅតំបន់ស៊ីនជាំងអស់រយៈពេល១០ឆ្នាំ លោកបានថ្លែងថា ពាក្យសំដីដែលហៅថា “ការបង្ខិតបង្ខំឱ្យធ្វើពលកម្ម” នៅតំបន់ស៊ីនជាំង គ្មានភស្តុតាងទាល់តែសោះ វាមិនត្រឹមតែមិនសមហេតុផលប៉ុណ្ណោះទេ ថែមទាំងក៏បង្ហាញពីភាពល្ងង់ខ្លៅផងដែរ។ នាពេលថ្មីៗកន្លងទៅនេះ អគ្គលេខាធិការអង្គការសហការសៀងហៃ អង្គទូត និងមន្រ្តីការទូតរបស់ប្រទេសចំនួន២១…

​ភ្នំពេញៈ​ព័ត៌មាន​ស្តីពី​ការ​នឹង​បញ្ចប់​ការបិទ​ខ្ទប់​រាជធានី​ភ្នំពេញ ​និង​បណ្តា​ខេត្ត​ត្រូវបាន​បញ្ជាក់​ដោយ​សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា​កាលពី​រាត្រី​ថ្ងៃទី​២​ខែឧសភា​ម្សិលមិញ​។​ ប៉ុន្តែ​ការបិទ​ខ្ទប់​នឹង​បន្ត​ធ្វើជាតំបន់​តូចៗ​ដែលមាន​ហានិភ័យ​ខ្ពស់​។​ ​បញ្ជាក់​ពី​ចំណុច​នេះ​សម្រាប់​រាជធានី​ភ្នំពេញ​ឯកឧត្តម ឃួ​ង ស្រេង អភិបាល​រាជា​ធានី​ភ្នំពេញ​មានប្រសាសន៍ ថា ក្រោយ​បញ្ចប់​ការបិទ​ខ្ទប់​នៅ​ថ្ងៃទី​០៥​ឧសភា​ក្តី ក៏​រាជធានី​ភ្នំពេញ​នៅតែ​រក្សា​ការកំណត់​តំបន់​ចំនួន​បីដដែល គឺតំបន់​លឿង តំបន់​លឿងទុំ និង​តំបន់​ក្រហម ដើម្បី​បង្ការ​ទប់ស្កាត់​នូវ​ជំងឺ​កូ​វីដ​-១៩ ​ដោយ​គ្រាន់តែ​បង្រួម​តំបន់​តំបន់ លឿងទុំ​ និង​តំបន់​ក្រហម ឱ្យនៅ​តូច​ជាង​មុន​ប៉ុណ្ណោះ​។​ ​ឯកឧត្តម​អភិបាល​រាជធានី​ភ្នំពេញ ​បានបញ្ជាក់​បញ្ហា​នេះ​នៅក្នុង​កិច្ចប្រជុំ​គណៈបញ្ជាការ​ឯកភាពរ​ដ្ឋ​បាល​រាជធានីភ្នំពេញ តាមរយៈ​ប្រព័ន្ធ​វីដេអូ នៅ​ព្រឹក​ថ្ងៃទី​០៣ ឧសភា​នេះ នា​សាលា​រាជធានី​ភ្នំពេញ។ ​ឯកឧត្តម​បាន មានប្រសាសន៍ថា រាជរដ្ឋាភិបាល​នឹង​បើក​ឱ្យធ្វើ​ចរាចរណ៍​ឡើងវិញ​នៅ​ទូទាំងប្រទេស ពី​តំបន់​មួយ ទៅ​តំបន់​មួយ ពី​ខេត្ត​មួយ​ទៅ​ខេត្ត​មួយ។ ដោយឡែក សម្រាប់​រាជធានី​ភ្នំពេញ​នៅ​រក្សា​តំបន់​បី​ដដែល​។ តំបន់​លឿង តំបន់​រឿង​ទុំ និង​តំបន់​ក្រហម​។ ជាមួយនឹង​ការបញ្ជាក់​នេះ ឯកឧត្តមបាន​ជំរុញ​ឲ្យ​អាជ្ញាធរ​ខណ្ឌ កងកម្លាំង​មាន​សមត្ថកិច្ច ត្រូវ​ពង្រឹង​ឲ្យ​បាន​ម៉ត់ចត់​ទៅលើ​ទីតាំង​ដែល​បានកំណត់ ជៀសវាង​ការបន្ត​រីករ​រាលដាល​ជំងឺ​កូ​វីដ​-១៩ ទៅ​តំបន់​ផ្សេងទៀត​។​ ​កិច្ចប្រជុំ​គណៈបញ្ជាការ​ឯកភាព​រា​ជ​ធានី​ភ្នំពេញ​នា​ព្រឹក​នេះ មាន​គោលបំណង​ដើម្បី​រៀបចំ​នូវ​យន្តការ​ថ្មី​មួយទៀត ក្រោយពី​រាជរដ្ឋាភិបាល​បាន​បើក​ការធ្វើ​ចរាចរណ៍​នៅក្នុង​រាជធានី​ភ្នំពេញ ដូចជា​នៅតាម​បណ្ដា​ខេត្ត​នានា​ឡើងវិញ​។ ​ឯកឧត្តម ឃួ​ង ស្រេង បាន​ប្រាប់​អង្គប្រជុំ​ថា ចំពោះ​តំបន់​លឿង យើង​នៅ​រក្សា​ការអនុវត្ត​វិធានការ​ដដែល ដោយ​មិន​ឲ្យ​បើកហាង​ហូបចុក…

ភ្នំពេញៈ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិបានមានប្រសាសន៍ប្រាប់ AMS ថានៅព្រឹកថ្ងៃទី0៣ ខែឧសភា នេះថា ការចាក់វ៉ាក់សាំងការពារ ជំងឺកូវីដ១៩ ជូនដល់ប្រជាពលរដ្ឋនៅតំបន់ក្រហម ដែលស្ថិតនៅក្នុងភូមិសាស្ត្ររាជធានីភ្នំពេញ គឺខណ្ឌខណ្ឌមានជ័យ ខណ្ឌពោធិ៍សែនជ័យ ខណ្ឌដង្កោ និងខណ្ឌកំបូល ចាប់ពីថ្ងៃទី0១ ខែឧសភា ឆ្នាំ២០២១ មកដល់ពេលនេះ គឺបានប្រព្រឹត្តដោយរលូនមិនមានបញ្ហាអ្វីនោះទេ។ ក្រុមការងារចាក់វ៉ាក់សាំងបានបំពេញការងារយ៉ាងពេញលេញតាមអ្វីដែលបានប្រគល់ភារកិច្ចជូន។ សម្តេចពិជ័យសេនា ទៀ បាញ់ បានបញ្ជាក់ថា “តំបន់ក្រហមត្រូវបានយកចិត្តទុដាក់ តម្រង់ទិសយ៉ាងត្រឹមត្រូវ និងធ្វើតាមបទដ្ឋានបច្ចេកទេស គឺក្រុមការងារបានបំពេញយ៉ាង ពេញលេញជាបន្តបន្ទាប់”។ ប្រមុខការពារជាតិបានសម្តែងការជឿជាក់ថា ការចាក់វ៉ាកសាំងការពារជំងឺកូវីដ១៩ ជូនដល់ប្រជាពលរដ្ឋនៅតំបន់ក្រហម គឺនឹងកាត់បន្ថយបាននូវការ ឆ្លងរីករាលដាលជំងឺកូវីដ១៩ នៅតំបន់នោះផងដែរ។ “ការជឿជាក់របស់យើង គឺវិធានការជាច្រើនដែលយើងបានបំពេញ គឺតាំងពីការបិទខ្ទប់ តាំាំងពីការអំពាវនាវឲ្យពាក់ម៉ាស់ ការរក្សាគន្លាត ការធ្វើអនាម័យ បានដំណើរការជាបន្តបន្ទាប់។ ការជឿជាក់មួយផ្សេងទៀត គឺអំពីសារធាតុវ៉ាក់សាំងដែលវាចូលទៅក្នុងរាងការយរបស់ប្រជាពលរដ្ឋ គឺវាបានជួយមួយចំណែកធំជាក់ជាពុំខាន ហើយការចាក់វ៉ាក់សាំងនេះ និងជួយសង្គ្រោះដល់សុខភាពសាធារណៈបានមួយចំណែកទៀតនៅលើការជឿជាក់លើវ៉ាក់សាំងនេះ”។ សម្តេចពិជ័យសេនា ទៀ បាញ់ បានមានប្រសាសន៍ថា…

ភ្នំពេញៈ នៅយប់ថ្ងៃ០២ ខែឧសភា ឆ្នាំ២០២១​ នៅលើទំព័រហ្វេសបុកសម្តេច ក្រោមអត្ថបទ«តើកំពូលកីឡាករ បាល់ទាត់ Messi និង Neymar អាចស្លាប់ទេ ក្រោយចាក់វ៉ាក់សាំងចិន? មានអ្នកលេងហ្វេសប៊ុកម្នាក់ឈ្មោះ «Ben KH» បាន Comment ស្នើដល់សម្តេចថា «ខ្ញុំបាទសូមគោរព សម្តេចពុក។ ខ្ញុំបាទស្នាក់នៅភូមិ៨ ក្រុមទី៣០ សង្កាត់បឹងកក់១ ផ្លូវ៥១៦ ខណ្ឌទួលគោក ខ្ញុំបាទនិងអ្នកភូមិអាយុក្រោម៦០ឆ្នាំ ប្រហែល៩៨ភាគរយ មកដល់ពេលនេះមិនទាន់បានទទួលការចាក់ វ៉ាក់សាំង លើកទី១ នៅឡើយទេ។ សូមសម្តេចពុក ជួយកូនចៅអោយបានចាក់និងគេផង។ សូមអរគុណ»។ ជាការឆ្លើយតបនឹងសំណូមពរនេះ សម្តេចតេជោ ហ៊ុន សែន បានបញ្ជាក់ថា«នឹងចាក់ជូនគ្រប់ៗគ្នាគ្រាន់តែមាន មុនមានក្រោយ ព្រោះពេទ្យយើងមិនអាចធ្វើមួយថ្ងៃឬមួយសប្តាហ៍អស់ទេ។ យើងនឹងចាក់ជូនបងប្អូននៅភ្នំពេញ និងខេត្តកណ្តាលឱ្យរួចរាល់ក្នុងខែឧសភានិងមិថុនា២០២១នេះ។ពេលនេះកំពុងប្រម៉ូលផ្តុំការខិតខំចាក់នៅតំបន់ក្រហមឱ្យបានមុន»។ ជាមួយគ្នានោះដែរ សម្តេចតេជោ ហ៊ុន សែន បានអំពាវនាវឱ្យប្រជាពលរដ្ឋរស់នៅរាជធានីភ្នំពេញ និងខេត្តកណ្តាល មានការអត់ធ្មត់រង់ចាំបន្តិចទៀត ដោយរាជរដ្ឋាភិបាលផ្តល់ជូនវ៉ាក់សាំងបង្ការជំងឺកូវីដ១៩ជូនពួកគាត់បាន គ្រប់ៗគ្នា។ សម្តេចបញ្ជាក់ថា ខ្ញុំប្រើពាក្យថាស្រោចវ៉ាក់សាំងជូនប្រជាជននៅភ្នំពេញឱ្យមានភាពស៊ាំ មិនឱ្យមានឆ្លងកូវីដ១៩តទៅទៀត»។…

ភ្នំពេញៈការបិទខ្ទប់រាជធានីភ្នំពេញនឹងបើកឡើងវីញនៅថ្ងៃទី៥ឧសភាខាងមុខនេះ បើតាមអ្វីដែលសម្តេចតេជោហ៊ុន សែន នាយករដ្ឋមន្រ្តីនៃកម្ពុជាបានបញ្ជាក់។ សម្ដេចតេជោ នៅយប់ថ្ងៃទី០២ ខែឧសភានេះ បានអះអាងច្បាស់ៗថា នឹងមិនបន្ដបិទរាជធានីភ្នំពេញ និងតាមបណ្ដាខេត្តទៀតនោះទេ។ ពោលអាចនឹងបិទតំបន់តូចៗមួយចំនួនដែលមានហានិភ័យខ្ពស់ លើការឆ្លងជំងឺកូវីដ១៩តែប៉ុណ្ណោះ។ សម្ដេចតេជោ ហ៊ុន សែនបញ្ជាក់បែបនេះ ជាការគឺឆ្លើយតបទៅនឹងអ្នកខមមិន( Comment) ដែលបានចូលទៅ Comment ក្នុងហ្វេសបុករបស់សម្ដេចថា ចង់ដឹងអំពីស្ថានភាពក្រោយថ្ងៃទី០៥ ខែឧសភា ឆ្នាំ២០២១ ដែលជាថ្ងៃកំណត់បើករាជធានីភ្នំពេញឡើងវិញ ក្រោយបិទខ្ទប់រយៈពេល៣សប្ដាហ៍ ដើម្បីទប់ស្កាត់ការឆ្លងរីករាលដាល ជំងឺកូវីដ១៩។ ម្ចាស់គណនីហ្វេសបុកឈ្មោះ Tuo បានសរសេរថា «សម្តេចថ្ងៃទី៥នេះ សូមសម្តេចបើកផ្លូវវិញមែនទែនមក។ ក្មួយជាប់នៅខេត្តយូរថ្ងែមកហើយដែរ មិនទាន់ចូលទៅភ្នំពេញវិញបាន ព្រោះត្រូវឡើងមកចាក់វ៉ាក់សាំង ហើយថវិកាក៏ជិតអស់។ សំណាងហើយក្មួយស្គាល់គេគេឲ្យផ្ទះស្នាក់នៅអត់គិតអ្វីពីក្មួយ»។ សម្ដេចតេជោបានមានប្រសាសន៍ឆ្លើយតបដោយគូសបញ្ជាក់ថា «ពុំមានហេតុផលបន្តបិទទេ។ យើងនឹងបើក តែខេត្ត ឬរាជធានីអាចបិទតំបន់តូចៗ ដែលនៅមានហានិភ័យ លើការឆ្លងខ្ពស់។ ការបិទកន្លងមក គឺជាការបង្ខំចិត្តដើម្បីកាត់បន្ថយការឆ្លងនិងការស្លាប់របស់ប្រជាជនយើង។ សូមយោគយល់ដល់ការលំបាករួមរបស់ជាតិ»។ គួររំលឹកថា រាជរដ្ឋាភិបាលកម្ពុជា សម្រេចជ្រើសយកវិធានការបន្ដបិទខ្ទប់រាជធានីភ្នំពេញ និងក្រុងតាខ្មៅ ខេត្តកណ្ដាល ដើម្បីទប់ស្កាត់ការឆ្លងរីករាលដាលជំងឺកូវីដ១៩ ហើយការកំណត់បិទខ្ទប់នេះ ត្រឹមថ្ងៃទី០៥…

ភ្នំពេញៈឆ្នាំនេះ គឺជាខួបលើកទី៣០ នៃសេចក្តីប្រកាសវីនធុក (Windhoek) ដែលបានត្រួសត្រាយផ្លូវសម្រាប់ការបង្កើតថ្ងៃទី0៣ ឧសភា ជាទិវាសេរីភាពសារព័ត៌មានពិភពលោក។ ពីប្រទេសណាមីប៊ី ចាប់ពីពេលនោះមកជារៀងឆ្នាំអ្នកសារព័ត៌មានគ្រប់ប្រទេសទូទាំងពិភពលោកតែងតែជួបជុំគ្នាដើម្បីប្រារព្ធទិវាដ៏មានសារៈសំខាន់សម្រាប់អាជីពរបស់ពួកគេ។ នៅឆ្នាំនេះ ដោយសារវិបត្តិនៃជំងឺកូវីដ១៩ រាតត្បាតពាសពេញសកលលោក ការប្រារព្ធដែលជារបៀបវារៈប្រចាំឆ្នាំជាទៀងទាត់ ត្រូវបានធ្វើតាមទម្រង់ថ្មី គឺការជួបជុំពីចម្ងាយ ឬការផ្សព្វផ្សាយ អេឡិចត្រូនិក។ មានបញ្ហាពីរ ដែលត្រូវបានបង្ហាញ គឺការប្រឆាំងនឹងព័ត៌មានមិនពិត ក្លែងក្លាយ និងសេរីភាពអ្នកសារព័ត៌មាន។ នៅប្រទេសកម្ពុជា ទោះបីពុំមានការជួបជុំអ្នកកាសែតក៏ដោយ ក៏នៅថ្ងៃទី0២ ខែឧសភា ឆ្នាំ២០២១នេះ មានក្លិបចំនួនពីរ បានចេញនូវសេចក្តីថ្លែងការណ៍ដាច់ដោយឡែកពីគ្នា ដោយបង្ហាញ នូវការចាប់អារម្មណ៍ចំពោះអ្វីដែលជាការពាក់ព័ន្ធនឹងអាជីពអ្នកសារព័ត៌មាន។ ចាប់អារម្មណ៍ទៅលើការប្រឆាំងព័ត៌មានក្លែងក្លាយ ក្នុងសេចក្តីថ្លែងការណ៍ជាងមួយទំព័ររបស់ក្លិបអ្នកកាសែតកម្ពុជា (ក.អ.ក) បានលើកឡើងថា សារព័ត៌មានពិតជាដើរតួនាទីយ៉ាងសំខាន់ នៅក្នុងកាលៈទេសៈដ៏លំបាកនេះ។ សារព័ត៌មានមិនត្រឹមតែជាអ្នកនាំសារពីថ្នាក់ដឹកនាំប្រាប់ដល់មហាជន និងពីមហាជនប្រាប់ដល់ថ្នាក់ដឹកនាំបានយ៉ាងលឿនរហ័សប៉ុណ្ណោះទេ ប៉ុន្តែ សារព័ត៌មានក៏បានដើរតួនាទីជាអ្នកផ្សព្វផ្សាយសារអប់រំនានាដល់មហាជនក្នុងការបង្ការទប់ស្កាត់ការឆ្លងរាលដាលនៃជំងឺកូវីដ-១៩ផងដែរ។ ទន្ទឹមនឹងនោះ សារព័ត៌មានក៏បានដើរតួនាទីជា អ្នកបន្សាបព័ត៌មានក្លែងក្លាយដែលកើតមានយ៉ាងច្រើនក្នុងអំឡុងពេលនៃការរាតត្បាតនៃជំងឺកូវីដ-១៩។ ស្រដៀងគ្នានឹងការលើកឡើងរបស់ក្លិបអ្នកកាសែតកម្ពុជា ក្នុងទំព័រហ្វេសប៊ុកផ្លូវការរបស់អង្គការយូណេស្កូ កម្ពុជានៅរសៀលថ្ងៃទី0២ ខែឧសភានេះ ក្នុងឱកាសទិវាសេរីភាពសារព័ត៌មាន ពិភពលោកឆ្នាំ២០២១ លោកស្រី Audrey Azoulay អគ្គនាយកអង្គការយូណេស្កូ បានលើកឡើងថា…

ក្រុមជនក្បត់ជាតិ កំពុងកេងចំណេញនយោបាយអំឡុងពេលជាតិ និងប្រជាជនកម្ពុជាកំពុងស្ថិតក្នុងសង្គ្រាមប្រយុទ្ធ និងទប់ស្កាត់ការឆ្លងជំងឺកូវីដ-១៩