-
មន្ទីរបរិស្ថានខេត្តសៀមរាប បានប្រគល់សត្វអណ្ដើកចំនួន ១១ក្បាល ទៅអង្គការអភិរក្ស
សៀមរាប៖មន្ទីរបរិស្ថានខេត្តសៀមរាប បានប្រគល់សត្វអណ្ដើកចំនួន ១១ក្បាល ដែលបានមកពីការបង្ក្រាបបទល្មើស ទៅឱ្យមជ្ឈមណ្ឌលអង្គរសម្រាប់ការអភិរក្សជីវៈចម្រុះ (ACCB) ដើម្បីយកទៅត្រួតពិនិត្យ និងព្យាបាល មុនយកទៅលែងឱ្យរស់នៅក្នុងព្រៃធម្មជាតិ។ លោក ស៊ុន គង់ ប្រធានមន្ទីរបរិស្ថានខេត្តសៀមរាប បានឱ្យដឹងនៅថ្ងៃទី៣១ ខែសីហានេះថា សត្វអណ្ដើតទាំងចំនួន ១១ក្បាលនេះ គឺបានមកពីការបង្ក្រាបបទល្មើសពីក្រុមក្មេងៗអាយុក្រោម ១៦ឆ្នាំ ដែលបានយកសត្វអណ្តើកទៅលក់ឱ្យអាជីករ ឫក៏ភ្ញៀវទេសចរនៅតាមតំបន់ប្រាសាទអង្គរវត្ត។ លោកបន្តថា នៅក្នុងចំណោមសត្វអណ្ដើកទាំងចំនួន ១១ក្បាលនេះ ក្នុងនោះមានមួយប្រភេទមិនមែនជាប្រភេទសត្វអណ្ដើកនៅក្នុងស្រុកនោះទេ។ លោកបានឱ្យដឹងទៀតថា បន្ទាប់ពីបានបង្ក្រាបបទល្មើសនេះហើយ ខាងមន្ទីរបរិស្ថាន បានសហការជាមួយអាជ្ញាធរជាតិអប្សរានៅតាមមូលដ្ឋានដើម្បីចុះទៅទប់ស្កាត់ និងបង្រ្កាបកុំឱ្យមានការលក់ទៅឱ្យអាជីវករ ឫភ្ញៀវទេសចរជាតិ និងអន្តរជាតិ ដែលមកកម្សាន្តនៅតាមតំបន់ប្រាសាទអង្គរវត្ត។ បើតាមលោក ស៊ុន គង់ ករណីក្មេងៗដែលបានចាប់សត្វអណ្ដើកយកមកលក់នេះ មិនមែនជាលើកទីមួយនោះទេ ហើយអាជ្ញាធរក៏បង្ក្រាប និងធ្វើកិច្ចសន្យាដើម្បីបញ្ចប់សកម្មភាពជួញដូរសត្វអណ្ដើកនេះដែរ។ លោកបញ្ជាក់ថា សត្វអណ្ដើកដែលយើងបានពីការបង្ក្រាបបទល្មើសទាំងនេះ គឺយកទៅឱ្យអង្គការ ACCB យកទៅថែរក្សា និងព្យាបាលវាឱ្យមានសុខភាពល្អ ដើម្បីយើងអាចលែងវាឱ្យទៅរស់នៅក្នុងព្រៃធម្មជាតិឡើងវិញ ពីព្រោះបើកាលណាវារស់នៅក្នុងព្រៃធម្មជាតិ សត្វអណ្ដើកនឹងមានកំណើនក្នុងការបង្កបង្កើតកូន»។ លោកលើកឡើងថា៖ «យើងឃើញការប្រឈមរបស់សត្វអណ្ដើក គឺការចាប់អណ្ដើកយកមកបរិភោគ និងយកមកលក់ជូនភ្ញៀវជាតិ និងអន្តរជាតិ។ការប្រឈមមួយទៀតរបស់វា គឺមានភ្លើងឆេះព្រៃកន្លងមក…
-
រដ្ឋបាលខេត្តព្រះវិហារ បានដាក់ចេញនូវយន្តការតាមប្រព័ន្ធទំនាក់ទំនងសង្គមដើម្បីទទួលសំណូមពរប្រជាពលរដ្ឋ
ព្រះវិហារ៖រដ្ឋបាលខេត្តព្រះវិហារបានដាក់ចេញនូវយន្តការតាមប្រព័ន្ធទំនាក់ទំនងបណ្ដាញសង្គមមួយចំនួន ដើម្បីទទួលពាក្យបណ្ដឹង និងសំណូមពររបស់ប្រជាពលរដ្ឋ សំដៅធានាបាននូវការឆ្លើយតបឱ្យទាន់ពេលវេលាជូនប្រជាពលរដ្ឋ និងមានប្រសិទ្ធភាព។ លោក ណុប វុទ្ធី អភិបាលរងខេត្តព្រះវិហារ បានឱ្យដឹងនៅថ្ងៃទី៣១ ខែសីហានេះថា រដ្ឋបាលខេត្ត បានរៀបចំ និងកំពុងផ្សព្វផ្សាយប្រព័ន្ធទំនាក់ទំនងមួយចំនួន ដែលជាយន្តការទទួលពាក្យបណ្តឹង និងសំណូមពរពីប្រជាពលរដ្ឋនិងសាធារណជន ដើម្បីធានាបាននូវការឆ្លើយតបឱ្យទាន់ពេលវេលាជូនប្រជាពលរដ្ឋ។ លោកបន្តថា តាមរយៈយន្តការមួយចំនួននេះ រដ្ឋបាលខេត្តបានដាក់ចេញនូវប្រព័ន្ធទំនាក់ទំនាក់មានដូចជា លេខទូរសព្ទទាន់ហេតុការណ៍ «៤៣៣៣» ដែលដំណើរការរៀងរាល់ម៉ោងធ្វើការ ផេកហ្វេសបុកផ្លូវការរបស់រដ្ឋបាលខេត្ត «រដ្ឋបាលខេត្តព្រះវិហារ» តេឡេក្រាមតាមរយៈលេខទូរសព្ទ ០១៧ ៤៣៣ ៤៣៣ និងការិយាល័យប្រជាពលរដ្ឋ ដែលមានទីតាំងស្ថិតនៅក្នុងបរិវេណសាលាខេត្តដែរ។ លោកបានបញ្ជាក់ថា មូលហេតុដែលអាជ្ញាធរជ្រើសរើសប្រព័ន្ធទំនាក់ទំនងទាំងនោះ ប្រើប្រាស់ជាយន្តការក្នុងការទទួលពាក្យបណ្ដឹង និងសំណូមពររបស់ប្រជាពលរដ្ឋ គឺដោយសារវាមានភាពងាយស្រួលសម្រាប់ទំនាក់ទំនង ប្រមូលព័ត៌មាន ហើយវាអាចរក្សាការសម្ងាត់ និងការពារសុវត្ថិភាពបានខ្ពស់ផងដែរ។ ក្រៅពីនេះ ការជ្រើសរើសប្រព័ន្ធទំនាក់ទំនងទាំងនេះ វាក៏ផ្ដល់ភាពងាយស្រួលសម្រាប់ប្រជាពលរដ្ឋអាចផ្ញើរវីដេអូ ផ្ញើរូបភាព សំឡេង និងអាចផ្ញើរឯកសារធំៗបាន ហើយជាពិសេសវាអាចធ្វើការឆ្លើយតបបានទាន់ពេលវេលាជូនប្រជាពលរដ្ឋ។ លោក ណុប វុទ្ធី បានថ្លែងថា ការដាក់ចេញយន្តការនេះ គឺបានផ្ដល់ប្រយោជន៍ដល់បងប្អូនប្រជាពលរដ្ឋ គាត់ងាយស្រួលក្នុងការបញ្ជូនឯកសារ កាត់បន្ថយពេលវេលា…
-
រដ្ឋាភិបាលឥណ្ឌាផ្តល់ថវិកាជាង ៤២ម៉ឺនដុល្លារ លើគម្រោងបោសសម្អាតមីនក្នុងស្រុកចំនួនបួននៃខេត្តកោះកុង
ភ្នំពេញ៖អនុស្សរណៈនៃការយោគយល់គ្នាលើគម្រោងបោសសម្អាតមីននៅក្នុងស្រុកចំនួនបួនក្នុងខេត្តកោះកុង ដែលនឹងត្រូវប្រើប្រាស់ថវិកា៤២៦ ៧០៩ ដុល្លារអាមេរិក បានចុះហត្ថលេខាអនុម័តរវាងអាជ្ញាធរមីនកម្ពុជា និងស្ថានទូតឥណ្ឌាប្រចាំកម្ពុជា កាលពីថ្ងៃទី៣១ ខែសីហា ឆ្នាំ២០២៣។ ពិធីចុះហត្ថលេខាលើអនុស្សរណៈនៃការយោគយល់គ្នាពី «គម្រោងភូមិអស់មីននៅខេត្តកោះកុង» បានធ្វើឡើងនាខេត្តកោះកុង ដោយមានការចូលរួមពីឯកឧត្តមទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន,លោកស្រី Devyani Khobragade ឯកអគ្គរដ្ឋទូតឥណ្ឌាប្រចាំកម្ពុជា និងលោកជំទាវ មិថុនា ភូថង អភិបាលខេត្តកោះកុង រួមនឹងមន្រ្តីពាក់ព័ន្ធជាច្រើនរូបទៀត។ យោងតាមការប្រកាសរបស់អាជ្ញាធរមីន បានបញ្ជាក់ថា «គម្រោងភូមិអស់មីននៅខេត្តកោះកុង»នេះ ទទួលការឧបត្ថម្ភគាំទ្រថវិកាពីរដ្ឋាភិបាលនៃសាធារណរដ្ឋឥណ្ឌា ក្រោមក្របខ័ណ្ឌគម្រោងផ្តល់ផលរហ័ស និងសហការជាមួយអាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្រ្គោះជនពិការដោយសារមីន(អាជ្ញាធរមីន)។ នាពិធីចុះហត្ថលេខានោះឯកឧត្តមទេសរដ្ឋមន្រ្តី លី ធុជ មានប្រសាសន៍ថា ៖ «តាមរយៈការគាំទ្រពីរាជរដ្ឋាភិបាលឥណ្ឌា អាជ្ញាធរមីន បានរៀបចំផែនការបោសសម្អាតមីនក្នុងស្រុកបុទុមសាគរ ស្រុកស្រែអំបិល ស្រុកថ្មបាំង និងស្រុកកោះកុង លើទំហំផ្ទៃដី ១.៩៧២.០៩១ ម៉ែត្រក្រឡា ស្មើនឹង ៣៣ ចម្ការមីន ដោយត្រូវប្រើប្រាស់ថវិកាសរុប ៤២៦ ៧០៩ ដុល្លារអាមេរិក»។ គម្រោងនេះ នឹងប្រែក្លាយស្រុកទាំង៤…
-
ស្ថាប័នពាក់ព័ន្ធ រៀបចំសិក្ខាសាលា «ផ្សព្វផ្សាយផែនការសកម្មភាពនៃគោលនយោបាយជាតិស្តីពីមនុស្សវ័យចាស់
ភ្នំពេញ៖អង្គការមនុស្សចាស់កម្ពុជា រួមជាមួយកម្មវិធីអភិវឌ្ឍន៍សហប្រជាជាតិ(UNDP) សហការជាមួយរាជរដ្ឋាភិបាល បានរៀបចំសិក្ខាសាលា «ផ្សព្វផ្សាយ និងអនុវត្តផែនការសកម្មភាពនៃគោលនយោបាយជាតិស្តីពីមនុស្សវ័យចាស់ ២០១៧-២០៣០ ក្នុងគោលបំណងលើកកម្ពស់ជីវភាពរស់នៅរបស់មនុស្សវ័យចាស់នៅកម្ពុជាឱ្យមានភាពប្រសើរឡើង។ លោក ទុំ វីរ៉ា នាយកប្រតិបត្តិអង្គការមនុស្សចាស់កម្ពុជាបានឱ្យដឹងនៅថ្ងៃទី៣១ ខែសីហានេះថា ក្រោមកិច្ចសហការជាមួយភាគីពាក់ព័ន្ធ បានរៀបចំសិក្ខាសាលាមួយដែលមានរយៈពេលពីរថ្ងៃ ចាប់ពីថ្ងៃទី៣០ រហូតដល់ថ្ងៃទី៣១ ខែសីហានេះ ដោយមានការបែងចែកសិក្ខាសាលានេះជា ២ផ្នែកធំ។ទីមួយ ផ្ដោតទៅលើការផ្សព្វផ្សាយ ការអនុវត្តផែនការសកម្មភាព និងលិខិតបទដ្ឋាននៃមណ្ឌលថែទាំមនុស្សចាស់ និងសៀវភៅគោលនយោបាយជាតិស្ដីពីមនុស្សវ័យចាស់ ហើយផ្នែកទីពីរ ផ្ដោតលើការពិភាក្សាគ្នា ដើម្បីប្រមូលធាតុចូលពីគ្រប់ភាគីពាក់ព័ន្ធ សម្រាប់ការធ្វើជាសេចក្ដីព្រាង និងសៀវភៅណែនាំក្នុងការបង្កើត និងគ្រប់គ្រងសមាគមមនុស្សចាស់អន្តរជំនាន់។ លោកបានឱ្យដឹងទៀតថា ការអនុវត្តផែនការសកម្មភាពនៃគោលនយោបាយជាតិស្ដីពីមនុស្សវ័យចាស់ កន្លងមកឃើញថា បញ្ហារាំងស្ទះនោះគឺការទំនាក់ទំនងរវាងក្រសួងពាក់ព័ន្ធនីមួយៗ ដែលបានអនុវត្តផែនការសកម្មភាពទាំងនោះ ស្របពេលដែលមានការផ្លាស់ប្ដូរអ្នកដែលធ្វើការលើតួនាទីនេះ ដូច្នេះនៅពេលដែលពួកគាត់ផ្ទេរមកនេះ វាជារឿងថ្មី ក្នុងការអនុវត្តផែនការសកម្មភាពនៃគោលនយោបាយ។មួយវិញទៀត បញ្ហាកញ្ចប់ថវិកា ក៏ជាបញ្ហារាំងស្ទះមួយដែរ សម្រាប់យកទៅបែងចែក ក្នុងការអនុវត្តផែនការសកម្មភាពនៃគោលនយោបាយជាតិស្ដីពីមនុស្សវ័យចាស់។ ក្រៅពីនេះ លោកក៏មើលឃើញថា ប្រព័ន្ធនៃការពិនិត្យតាមដាន និងវាយតម្លៃទៅលើការអនុវត្តគោលនយោបាយនេះ គឺនៅមិនទាន់រៀបចំឱ្យបានរៀងរាល់ឆ្នាំ ដើម្បីពិនិត្យមើលវឌ្ឍនភាពពីដំណើរការដែលក្រសួងសាមីបានអនុវត្ត។ លោកបញ្ជាក់ថា ដូច្នេះនៅក្នុងសិក្ខាសាលានេះ ភាគីពាក់ព័ន្ធក៏បានពិនិត្យ និងរកឃើញការអនុវត្តផែនការសកម្មភាពនៃដំណាក់កាលទី២ ក្នុងគោលនយោបាយជាតិស្ដីពីមនុស្សវ័យចាស់…
-
សូមប្រុងប្រយ័ត្ន ៖ទឹកទំបន់វារីអគ្គិសនីសេសានក្រោម២ បានហក់ឡើងលើសបន្ទាត់ក្រហមហើយ
(ស្ទឹងត្រែង)៖ យោងតាមរបាយការណ៍របស់រដ្ឋបាលខេត្តស្ទឹងត្រែង បានប្រកាសនៅព្រឹកថ្ងៃទី១ ខែកញ្ញា ឆ្នាំ២០២៣នេះថា កម្ពស់ទឹកទំបន់វារីអគ្គិសនីសេសានក្រោម២ បានហក់ឡើងលើសបន្ទាត់ក្រហមហើយ ពោលគឺចំណុចប្រុងប្រយ័ត្នត្រឹម ៧៥.០០ម៉ែត្រ តែនៅព្រឹកនេះទឹកក្នុងអាងបានកើនឡើងដល់ទៅ ៧៥.២៧ម៉ែតឯណោះ ។ រដ្ឋបាលខេត្តស្ទឹងត្រែង បានឱ្យដឹងថា ចំពោះមូលហេតុនៃការកើនឡើងនៅកម្ពស់បែបនេះ គឺដោយសារតែប៉ុន្មានថ្ងៃមកនេះ មានភ្លៀងធ្លាក់ជោកជាំជាច្រើនថ្ងៃជាប់ៗពាសពេញខេត្តស្ទឹងត្រែង និងភ្លៀងធ្លាក់នៅតំបន់ផ្នែកខាងលើៗថែមទៀតផង។ បើតាមរបាយការណ៍របស់មន្ទីរធនធាន និងឧតុនិយមនៃរដ្ឋបាលខេត្តស្ទឹងត្រែងស្តីពីស្ថានភាពទឹកទន្លេទាំង៤ក្នុងខេត្តស្ទឹងត្រែងបានឱ្យដឹងនៅព្រឹកថ្ងៃទី១ ខែកញ្ញា ឆ្នាំ២០២៣ រួមមាន៖១៖ ទន្លេមេគង្គ៖ប្រកាសប្រុងប្រយ័ត្ន គឺ១០.៧០ម៉ែត្រ*ពីម្សិលមិញកម្ពស់ទឹក គឺ៦.៨៤ម៉ែត្រ*ព្រឹកនេះកម្ពស់ទឹក គឺ៧.៣៤ម៉ែត្រ*កើនឡើង ០.៥០ម៉ែត្រ២៖ ទន្លេសេកុង៖ ប្រកាសប្រុងប្រយ័ត្ន គឺ១១.៥០ម៉ែត្រ*ពីម្សិលមិញកម្ពស់ទឹក ៦.១២ម៉ែត្រ*ព្រឹកនេះកម្ពស់ទឹក ៧.២៤ម៉ែត្រ*កើនឡើង ១.១២ម៉េត្រ៣៖ ទន្លេសេសាន៖ ប្រកាសប្រុងប្រយ័ត្ន គឺ១០.៥០ម៉ែត្រ*ពីម្សិលមិញកម្ពស់ទឹក ៥.៩៧ម៉ែត្រ*ព្រឹកនេះកម្ពស់ទឹក ៦.២៧ម៉ែត្រ*កើនឡើង ០.៣០ម៉ែត្រ៤៖ ទំនប់វារីសេសាន៖ កម្ពស់ទឹកប្រុងប្រយ័ត្ន គឺ៧៥.០០ម៉ែត្រ*កម្ពស់ទឹកក្នុងអាង ៧៥.២៧ម៉ែត្រ*ធារទឹកហូរចូលអាង ៣៩៦៧m3/s*ធារទឹកហូរចេញ ៤០៣០m3/sសូមបញ្ជាក់ផងដែរថា កាលពីថ្ងៃទី៣០ ខែសីហា ឆ្នាំ២០២៣កន្លងទៅ នាយកក្រុមហ៊ុនវារីអគ្គិសនីសេសានក្រោម២ បានចេញលិខិតជូនដំណឹង មកកាន់រដ្ឋបាលខេត្តស្ទឹងត្រែង ស្តីពីស្ថានភាពកម្ពស់ទឹកក្នុងទំនប់វារីអគ្គិសនីដែលមានការកើនឡើងក្នុងរយៈពេលប៉ុន្មានថ្ងៃមកនេះ ដើម្បីឱ្យមានការប្រុងប្រយ័ត្នខ្ពស់ចំពោះអ្នកនៅខ្សែទឹកខាងក្រោម ដើម្បីការពារនូវភយន្តរាយផ្សេងៗដែលនឹងកើតឡើងជាយថាហេតុ៕…
-
ទេសរដ្ឋមន្រ្តី លី ធុជ ៖ ក្រោយឆ្នាំ២០២៣ ស្រុក-ក្រុងស្ទើរទាំងអស់ក្នុងខេត្តកោះកុង នឹងអស់មានការគំរាមកំហែងដោយគ្រាប់មីន
កោះកុង៖ ទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានឱ្យដឹងថា ក្រោយឆ្នាំ២០២៣ ស្រុក-ក្រុងស្ទើរទាំងអស់ក្នុងខេត្តកោះកុង នឹងអស់មានការគំរាមកំហែងដោយគ្រាប់មីន។បច្ចុប្បន្ន នៅសល់តែស្រុកមណ្ឌលសីម៉ាមួយតែប៉ុណ្ណោះដែលមានគ្រាប់មីន ខណៈរាជរដ្ឋាភិបាលអាណត្តិថ្មីនៅតែបន្តយកចិត្តទុកដាក់ក្នុងការផ្តល់ដីសុវត្ថិភាពជូនប្រជាពលរដ្ឋ។ ឯកឧត្តមបានថ្លែងបែបនេះ ក្នុងកំលុងពេលបានអញ្ជើញជួបសំណេះសំណាលជាមួយប្រជាពលរដ្ឋជាអ្នកទទួលផលពីការងារបោសសម្អាតមីនក្នុងភូមិត្រពាំងរូង ឃុំត្រពាំងរូង ស្រុកកោះកុង ខេត្តកោះកុង ក្រោមការគាំទ្រពីរដ្ឋាភិបាលនៃសាធារណរដ្ឋឥណ្ឌា ក្រោមក្របខ័ណ្ឌគម្រោងផ្តល់ផលរហ័ស ដែលពិធីនេះប្រព្រឹត្តិទៅនៅសាលាស្រុកកោះកុងកាលពីថ្ងៃទី៣១ ខែសីហា ឆ្នាំ ២០២៣។ពិធីនេះ ក៏មានការចូលរួមពីលោកស្រី Devyani Khobragade ឯកអគ្គរដ្ឋទូតឥណ្ឌាប្រចាំកម្ពុជា ថ្នាក់ដឹកនាំអាជ្ញាធរមីន លោក ស្រេង ហុង អភិបាលរងខេត្តកោះកុង អាជ្ញាធរគ្រប់ជាន់ថ្នាក់នៃស្រុកកោះកុង និងតំណាងមជ្ឈមណ្ឌលជាតិរក្សាសន្តិភាព។ ក្នុងពិធីនេះឯកឧត្តមទេសរដ្ឋមន្រ្តី លី ធុជ បានលើកឡើងថា ៖«បន្ទាប់ពីឡើងកាន់តំណែងជានាយករដ្ឋមន្រ្តីបានប៉ុន្មានថ្ងៃ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បានផ្តល់នូវកាដូពិសេសមួយជូនដល់បងប្អូនប្រជាពលរដ្ឋខេត្តកោះកុង តាមរយៈគម្រោងបោសសម្អាតមីន និងការបង្កបង្កើនផលលើដីប្រកបដោយសុវត្ថិភាព ដែលនេះជាផ្នែកមួយយ៉ាងសំខាន់ក្នុងចូលរួមលើកកម្ពស់ជីវភាពរស់នៅ និងពង្រឹងសន្តិសុខសុវត្ថិភាពជូនដល់ប្រជាពលរដ្ឋនៅតាមមូលដ្ឋាន»។ ជាមួយគ្នានេះឯកឧត្តមទេសរដ្ឋមន្រ្តីបានជម្រាបប្រាប់ប្រជាពលរដ្ឋនិងមន្រ្តីរាជការខេត្តកោះកុងថា ក្រោយឆ្នាំ២០២៣ ស្រុក-ក្រុងស្ទើរទាំងអស់ក្នុងខេត្តកោះកុង នឹងអស់មានការគំរាមកំហែងដោយគ្រាប់មីនដែលយើងបានដឹង នៅសល់តែស្រុកមណ្ឌលសីម៉ាមួយតែប៉ុណ្ណោះ នៅមានបន្តរងផលប៉ះពាល់ដោយសារគ្រាប់មីន ហើយមានភាពស្មុគស្មាញខ្លាំង ដែលតម្រូវឱ្យយើងរួមគ្នាដោះស្រាយបន្តទៀត។…
-
រដ្ឋមន្រ្តីក្រសួងសុខាភិបាល បន្តជំរុញមន្រ្តី និងបុគ្គលិក ពង្រឹងការផ្តល់សេវាសុខាភិបាលសាធារណៈ
ភ្នំពេញ៖ រដ្ឋមន្រ្តីក្រសួងសុខាភិបាលឯកឧត្តម ឈាង រ៉ា បានស្នើនិងជំរុញថ្នាក់ដឹកនាំ មន្រ្តី និងបុគ្គលិកទាំងអស់ បង្កើនប្រសិទ្ធភាពការងារតទៅមុខទៀត ដើម្បីពង្រឹង និងពង្រីកការផ្តល់សេវាសុខាភិបាលសាធារណៈជូនប្រជាពលរដ្ឋ សំដៅធានាឱ្យបាននូវ គុណភាព និងសុវត្ថិភាព។ ការស្នើនេះ ធ្វើឡើងក្នុកំលុងពេលអញ្ជើញចុះសួរសុខទុក្ខ និងសំណេះសំណាល ជាមួយថ្នាក់ដឹកនាំនិងមន្រ្តីរាជការ បុគ្គលិកទាំងអស់ នៅទីស្តីការក្រសួងសុខាភិបាល កាលពីថ្ងៃទី៣១ខែសីហា ឆ្នាំ ២០២៣ ។ នាឱកាសនោះឯកឧត្តម ឈាង រ៉ា បានថ្លែងអំណរគុណដល់ថ្នាក់ដឹកនាំ និងមន្រ្តីរាជការ បុគ្គលិកទាំងអស់ តាមអគ្គនាយកដ្ឋាន នាយកដ្ឋាន ការិយាល័យនានា នៅទីស្តីការក្រសួងសុខាភិបាល ដែលបានខិតខំបំពេញកាតព្វកិច្ចការងារបម្រើជូនជាតិ និងប្រជាពលរដ្ឋ តាមរយៈស្ថាប័នខ្លួន ដោយយកចិត្តទុកដាក់ខ្ពស់ និងបន្តខិតខំដោយឥតសំចៃក្នុងការអនុវត្តការងារក្នុងវិស័យសុខាភិបាល តាមជំនាញរបស់ខ្លួន ឱ្យកាន់តែរីកចំរើន និងកាន់តែប្រសើរឡើង។ បន្ថែមពីនេះឯកឧត្តមស្នើថា៖«សូមថ្នាក់ដឹកនាំ និងមន្រ្តី បុគ្គលិកទាំងអស់ បន្តនិរន្តរភាព និងបង្កើនប្រសិទ្ធភាពការងារតទៅមុខទៀត ដើម្បីពង្រឹង និងពង្រីកការផ្តល់សេវាសុខាភិបាលសាធារណៈជូនប្រជាពលរដ្ឋ ធានាឱ្យបាននូវ គុណភាព សុវត្ថិភាព ប្រសិទ្ធភាព ស័ក្តិសិទ្ធិភាព និងសមធម៌»។ គួរជម្រាបជូនថា…
-
ស្ថាប័នឯកជនចំនួនពីរ នឹងរៀបចំ «ពិព័រណ៍បើកចិត្ត» ដើម្បីលើកកម្ពស់ភាពចម្រុះ និងក្រុមងាយរងគ្រោះស្រឡាញ់ភេទដូចគ្នា និងចាស់ជរា
ភ្នំពេញ៖ អ៊ីមផេកហាប់ភ្នំពេញ និងអង្គការអុកស្វាម នឹងរៀបចំ “ពិព័រណ៍បើកចិត្ត” នៅថ្ងៃទី៣ ខែកញ្ញា វេលាម៉ោង២រសៀល នៅ Factory Phnom Penh ដើម្បីចូលរួមផ្សព្វផ្សាយ និងលើកកម្ពស់ភាពចម្រុះ និងបរិយាបន្ននៃក្រុមគោលដៅទាំងប្រាំរួមមាន ជនដែលមានពិការភាព ក្រុមសហគមន៍អ្នកស្រឡាញ់ភេទដូចគ្នា ឬអ្នកប្តូរភេទ(LGBTI)ក្រុមស្រ្តីងាយរងគ្រោះ ក្រុមយុវជន និងចាស់ជរា ព្រមទាំងជនជាតិដើមភាគតិច។ សេចក្តីប្រកាសព័ត៌មានរួមគ្នារបស់ស្ថាប័នទាំងពីរខាងលើ បានឱ្យដឹងថា គម្រោង “កម្មវិធីភាពចម្រុះ និងបរិយាបន្នសង្គម ឬហៅថា NOW-Us! Award Cambodia គឺដើម្បីពង្រឹងកិច្ចសហការជាមួយអង្គការ និងបណ្តាញយុវជនទាំងប្រាំបីរ ដែលជាជយលាភីចូលរួមអនុវត្តកម្មវិធី NOW-Us! Award Cambodia ។ ប្រភពដដែលបន្តថា៖«នៅក្នុងពិព័រណ៍នេះនឹងមានការចែករំលែកចំណេះដឹង និងសកម្មភាពក្រុម ការតាំងបង្ហាញស្នាដៃពីក្រុម NOW-Us! Awards ការសម្តែង និងប្រគំតន្រ្តីពីសិល្បៈករជាច្រើនរូប ដែលការសម្តែងឆ្លុះបញ្ចាំងពីតថភាពក្នុងសហគមន៍ដែលពួកគេរស់នៅ និងការអបអរសាទរនូវរឿងរ៉ាវផ្សេងៗដែលបានបង្កើតឡើងដើម្បី ផ្តល់សិទ្ធិអំណាចដល់ក្រុមគោលដៅទាំងប្រាំ ដែលយើងធ្វើការជាមួយ»។ នេះជាការរៀបចំពិព័រណ៍លើកទី២ ដោយលើកទី១ត្រូវបានរៀបចំឡើងនៅខេត្តបាត់ដំបង កាលពីថ្ងៃទី២៧ ខែសីហា នាពេលថ្មីៗនេះ។ លោកស្រី ភាណ…
-
អង្គការអភិរក្សអន្តរជាតិ បានកត់ត្រាសត្វព្រៃចំនួន២១ប្រភេទដែលជិតផុតពូជក្នុងតំបន់ជួរភ្នំក្រវាញកណ្តាលនៃកម្ពុជា
ភ្នំពេញ ៖តាមរយៈលទ្ធផលបឋមនៃម៉ាស៊ីនថតស្វ័យប្រវត្តិលើកទី១ នៅក្នុងតំបន់ជួរភ្នំក្រវាញកណ្តាល បានកត់ត្រាសត្វព្រៃចំនួន២១ប្រភេទ ដែលប្រភេទទាំងនេះត្រូវបានចាត់ចូលជា ប្រភេទជិតផុតពូជបំផុត, ប្រភេទកំពុងទទួលរងការគំរាមកំហែង, ប្រភេទជិតទទួលរងការគំរាមកំហែង និងប្រភេទរងគ្រោះតិចតួចនៃបញ្ជីក្រហមរបស់អង្គការសហភាពអន្តរជាតិដើម្បីការអភិរក្សធម្មជាតិ(IUCN)។ នេះបើតាមអង្គការអភិរក្សអន្តរជាតិប្រចាំកម្ពុជា(CI) បានចេញផ្សាយកាលពីថ្ងៃទី៣១ខែសីហា ឆ្នាំ២០២៣។ អង្គការនេះបានបន្តថា ការសិក្សា និងតាមដានសត្វព្រៃនេះបានផ្តិតយករូបភាពសត្វព្រៃកម្រជាច្រើនប្រភេទមានដូចជា ពង្រូល ដំរីអាស៊ី ឆ្កែព្រៃ ខ្លាភ្ញីថ្មកែវ ខ្លាពពក ខ្ទីង ខ្លាលឿងមាសនិងសត្វកែះជាដើម។ អង្គការអភិរក្សអន្តរជាតិ បានបញ្ជាក់ថា លទ្ធផលបឋមទាំងនេះ បានសបញ្ជាក់ឱ្យយើងបានឃើញថាទោះជាប្រឈមទៅនឹងកត្តាគំរាមកំហែងដូចជាការបរបាញ់សត្វព្រៃនិងការកាប់រានដីព្រៃ តំបន់ជួរភ្នំក្រវាញកណ្តាល នៅតែជាទីជម្រក ដ៏មានសារៈសំខាន់ដល់ប្រភេទសត្វកំពុងរងការគំរាមកំហែងជាច្រើន» ។ នេះជាលទ្ធផលមោទកភាពមួយសម្រាប់កិច្ចការងារអភិរក្សជីវៈជម្រុះ និងប្រភេទសត្វព្រៃងាយរងគ្រោះស្ថិតក្នុងបញ្ចីក្រហមរបស់អង្គការ IUCN ក្រោមកិច្ចសហការរវាងអង្គការអភិរក្សអន្តរជាតិកម្ពុជា ជាមួយក្រសួងបរិស្ថាន ក្រោមជំនួយថវិកាពី USAID Morodok Baitang-មរតកបៃតង។ គួរជម្រាបផងដែរ កាលពីប៉ុន្មានថ្ងៃមុននេះ USAID មរតកបៃតង បានបង្ហោះនៅលើបណ្តាញសង្គមហ្វេសប៊ុករបស់ខ្លួនថា ខ្លាឃ្មុំតូច ឬខ្លាឃ្មុំព្រះអាទិត្យ ត្រូវបានថតជាប់ដោយកាមេរ៉ាស្វ័យប្រវត្តិ។ មរតកបៃតង បានឱ្យដឹងថា ខ្លាឃ្មុំតូចត្រូវបានគេដាក់ឈ្មោះបែបនេះដោយសារតែរោមពណ៌មាសនៅលើទ្រូងរបស់ពួកវា ដែលស្រដៀងនឹងព្រះអាទិត្យ ហើយពួកវា ជាប្រភេទខ្លាឃ្មុំដែលមានមាឌតូចជាងគេបំផុត។ ខ្លាឃ្មុំតូច មានទេពកោសល្យក្នុងការឡើងដើមឈើនៅតំបន់ព្រៃច្រើនដែលវាតែងតែចំណាយពេលវេលានៅទីនោះ។…
-
ប្រាក់ខែសន្ដិសុខចាយមិនគ្រប់ យប់ឡេីងនាំបក្ខពួក បម្រុងចេញ កាច់ ក ម៉ូតូ តែត្រូវសមត្ថកិច្ចខណ្ឌឫស្សីកែវ ដេញឃាត់ខ្លួនបាន០២នាក់
(ភ្នំពេញ)៖ កម្លាំងសមត្ថកិច្ចជំនាញ នៃអធិការដ្ឋាននគរបាលខណ្ឌឫស្សីកែវ បានប្រដេញ តាមចាប់ជនសង្ស័យកាច់ ក ម៉ូតូ ចំនួន ២នាក់ ពីចំណុចរង្វង់កាំកូ ផ្លូវ៥៩៨ ក្រុមទី១១ភូមិពោងពាយ សង្កាត់ទួលសង្កែទី២ ខណ្ឌឫស្សីកែវ និងឃាត់ខ្លួនបាន នៅសង្កាត់បឹងកក់២ កាលពីម៉ោង១ រំលងអាធ្រាត្រ ឈានចូលនៅថ្ងៃទី ០១ ខែកញ្ញា ឆ្នាំ ២០២៣។ លោកវរសេនីយ៍ឯក ហ៊ាង ថារ៉េត អធិការខណ្ឌឫស្សីកែវ បានឱ្យដឹងថា ជនសង្ស័យ ទាំង០២នាក់ មាន ឈ្មោះ ចាន់ ពិសិទ្ធិ អាយុ២២ឆ្នាំ មុខរបរ សន្តិសុខ មានទីលំនៅផ្ទះលេខ០៣៥ ផ្លូវលំ ភូមិដើមស្លែង សង្កាត់ច្បារអំពៅ២ ខណ្ឌច្បារអំពៅ (មានសារធាតុញៀន) និងឈ្មោះ រិទ្ធ ហេង អាយុ២៥ឆាំ្ន មុខរបរមិនប្រាកដ មានទីលំនៅផ្ទះគ្មានលេខ ផ្លូវបេតុង ភូមិបាគូ សង្កាត់បាគូ ខណ្ឌដង្កោ រាជធានីភ្នំពេញ (មានសារធាតុញៀន)…