ខេត្តកណ្ដាល ៖ ក្នុងពិធីសំណេះសំណាលជាមួយកម្លាំងប្រជាការពារទូទាំងស្រុកកណ្ដាលស្ទឹងចំនួន ២០២០នាក់ នាព្រឹកថ្ងៃទី១ ខែមិថុនានេះ ឯកឧត្ដមនាយឧត្ដមសេនីយ៍កិត្តិបណ្ឌិត ហ៊ីង ប៊ុនហៀង ប្រធានក្រុមការងាររាជរដ្ឋាភិបាលចុះមូលដ្ឋានស្រុកកណ្ដាលស្ទឹងខេត្តកណ្ដាល មានប្រសាសន៍ថា កម្លាំងប្រដាប់អាវុធគ្រប់ប្រភេទត្រូវត្រៀមខ្លួនដើម្បីការពារសន្តិសុខសណ្ដាប់ធ្នាប់សង្គមក្នុងអំឡុងពេលបោះឆ្នោតសកលជ្រើសរើសតំណាងរាស្រ្តអណត្តិទី៧ដែលនឹងប្រព្រឹត្តទៅនៅថ្ងៃទី២៣ កក្កដា ឆ្នាំ២០២៣ ប្រព្រឹត្តិទៅតាមលទ្ធប្រជាធិបតេយ្យសេរីពហុបក្ស និងដោយគ្មានអំពើហឹង្សា ។ ឯកឧត្ដម បានសម្ដែងនូវការកោតសរសើរចំពោះកងកម្លាំងសមត្ថកិច្ច នៅតាមមូលដ្ឋានកន្លងមកបម្រើប្រជាពលរដ្ឋបានល្អ ក្នុងការការពារសន្តិសុខសុវត្ថិភាព ទប់ស្កាត់បាននូវបទល្មើសផ្សេងៗចោរលួច ប្លន់ គ្រឿងញៀន ល្បែងស៊ីសង ក្មេងទំនើង ធ្វើឱ្យភូមិឃុំមានសុវត្ថិភាព ។ នាយឧត្តមសេនីយ៍ កិត្តិបណ្ឌិត បានផ្តាំផ្ញើដល់កម្លាំងប្រដាប់អាវុធគ្រប់ប្រភេទ សូមអញ្ចើញទៅបោៈឆ្នោតជ្រើសរើសតំណាងរាស្រ្តអណត្តិទី៧ ជូនគណបក្សប្រជាជនកម្ពុជាឱ្យបានគ្រប់ៗគ្នានៅថ្ងៃទី២៣កក្កដា២០២៣និងបន្តការគាំទ្រសម្ដេចតេជោ ហ៊ុន សែន ជានាយករដ្ឋមន្រ្តី និង ឯកឧត្ដមបណ្ឌិត ហ៊ុន ម៉ាណែត ជាបេក្ខជននាយករដ្ឋមន្រ្តី នាពេលអនាគត ដើម្បីការពារថែរក្សាសុខសន្តិភាពនិងបន្តការអភិវឌ្ឍប្រទេសឱ្យបានរីកចម្រើនជានិរន្ត ៕ ដោយ-រ៉ាវុធ

ភ្នំពេញ ៖ អគ្គីសនីកម្ពុជា បានចេញសេចក្តីជូនដំណឹងស្តីពីការអនុវត្តការងារជួសជុល ផ្លាស់ប្តូរ តម្លើងបរិក្ខារនានា និងរុះរើគន្លងខ្សែបណ្តាញអគ្គិសនីរបស់អគ្គិសនីកម្ពុជា ដើម្បីបង្កលក្ខណៈងាយស្រួលដល់ការដ្ឋានពង្រីកផ្លូវ នៅថ្ងៃទី០១ ខែមិថុនា ឆ្នាំ២០២៣ ដល់ថ្ងៃទី០៤ ខែមិថុនា ឆ្នាំ២០២៣ នៅតំបន់មួយចំនួនទៅតាមពេលវេលា និងទីកន្លែងដូចសេចក្តីជូនដំណឹងលម្អិតខាងក្រោម។ អគ្គីសនីកម្ពុជា បានឱ្យដឹងទៀតថា ទោះជាមានការខិតខំថែរក្សាមិនឱ្យមានការប៉ះពាល់ដល់ការផ្គត់ផ្គង់អគ្គិសនីធំដុំ ប៉ុន្តែការផ្គត់ផ្គង់ចរន្តអគ្គិសនីនៅតំបន់ខាងលើអាចនឹងមានការរអាក់រអួលខ្លះៗជៀសមិនផុតដែលយើងខ្ញុំស្នើសុំអភ័យទោសទុកជាមុន។ បច្ចុប្បន្ន ក្រុមការងារបច្ចេកទេស បានធ្វើការភ្ជាប់ចរន្តជូនអតិថិជនឱ្យមានចរន្តអគ្គិសនីប្រើប្រាស់ឡើងវិញនៅតាមពេលវេលាកំណត់។ អាស្រ័យហេតុនេះ សូមសម្តេច ទ្រង់ ឯកឧត្តម លោកជំទាវ អ្នកឧកញ៉ា លោកលោកស្រី មេត្តាជ្រាបជាព័ត៌មាន និងសូមអធ្យាស្រ័យចំពោះការដាច់ចរន្តអគ្គិសនី នេះដោយអនុគ្រោះ ។ សូមអានព័ត៍មានលម្អិតនៅក្នុង សេចក្តីជូនដំណឹងរបស់ អគ្គីសនីកម្ពុជា មានដូចខាងក្រោម ៖ ដោយ ៖ ភារ៉ា និង ប៊ុនធី

កែប៖ ខេត្តកែបនឹងប្រកាសបញ្ចប់ទាំងស្រុងនូវការបន្ទោបង់ពាសវាលពាសកាល(ODF) ត្រឹមពាក់កណ្តាលខែមិថុនាខាងមុខនេះ ខណៈដែលខ្នងផ្ទះប្រជាពលរដ្ឋនៅទូទាំងខេត្តនេះ មានបង្គន់ប្រើប្រាស់រហូតដល់ ៩៨ភាគរយហើយ។ ​មន្ទីរព័ត៌មានខេត្តកែប បានលើកឡើង​កាលពី​​ថ្ងៃទី២៩ ខែឧសភា ថា គិតត្រឹមខែឧសភា ឆ្នាំ២០២៣នេះ ខេត្តកែបនៅមានខ្នងផ្ទះពលរដ្ឋចំនួន ១៩៨ ខ្នងផ្ទះទៀត ដែលគ្មានបង្គន់សម្រាប់ប្រើប្រាស់ ឬស្មើនឹង២ភាគរយ ខណ:ខ្នងផ្ទះប្រជាពលរដ្ឋដែលមានបង្គន់ប្រើប្រាស់រហូត៩៨ភាគរយ ទូទាំងខេត្ត។ ​តាមផែនការត្រឹមពាក់កណ្តាល​ខែមិថុនាខាងមុខនេះ ខេត្តកែបនឹងបញ្ចប់ទាំងស្រុងនូវការបន្ទោបង់ពាសវាលពាសកាល។ មន្ទីរព័ត៌មានខេត្តកែបបានឱ្យដឹងទៀតថា មន្រ្តីជាន់ខ្ពស់នៃ​ក្រសួងអភិវឌ្ឍន៍ជនបទ បានបើកកិច្ចប្រជុំពិនិត្យ​តាមដានស្តីពីលទ្ធផលនៃការជំរុញស្ថានភាពបញ្ចប់ការបន្ទោរបង់ពាសវាលពាសកាលនៅខេត្តកែបនេះ​ផងដែរ។ តាមរយៈមន្ទីរព័ត៌មានខេត្តកែប ឯកឧត្តម ជ្រុន ថេរ៉ាវ៉ាត រដ្ឋលេខាធិការ​ក្រសួង​អភិវឌ្ឍន៍ជនបទ បានលើកឡើ​ងក្នុង​កិច្ច​ប្រជុំថា ​​ដោយមានការជំរុញពីថ្នាក់ដឹកនាំនៃក្រសួងអភិវឌ្ឍន៍ជ​នបទ និងថ្នាក់ដឹកនាំខេត្ត នឹងខិ​ត​ខំ​គ្រប់មធ្យោបាយឱ្យខ្នងផ្ទះដែលនៅខ្វះបង្គន់ទាំងអស់មានបង្គន់ប្រើប្រា​ស់១០០ភាគរយដើម្បីឈានទៅសម្រេ​ចនូវគោលដៅដែលដាក់ខេត្តកែបជាខេត្តលេខរៀងទី៦ ក្នុងការបញ្ចប់កា​របន្ទោបង់ពាសវាលពាសកាល ក្នុ​ងឆ្នាំ២០២៣នេះ។ ជុំវិញរឿងនេះឯកឧត្តម សោម ពិសិដ្ឋ អភិបាលខេត្តកែប បានប្រាប់​ឱ្យដឹងនៅថ្ងៃទី​៣១ ខែឧសភាថា ការបញ្ចប់ទាំងស្រុងនូវការបន្ទោបង់ពាសវាលពាសកាលទូទាំងខេត្តនេះ ​​មានសារៈសំខាន់ខ្លាំងណាស់ ​​ព្រោះខេត្តកែបជាខេត្តគោលដៅទេសចរណ៍ ដែលមានតំបន់សមុទ្រដ៏ស្រស់ស្អាត។ ខេត្តនេះក៏ត្រូវបានរាជរដ្ឋាភិបាលកំណត់ជាខេត្តគោលដៅទេសចរណ៍ល្អប្រណិតកម្រិតខ្ពស់ ផងដែរ ហេ​តុនេះទាមទារឱ្យអាជ្ញាធរខេត្តត្រូវមានការរៀបចំសម្បទាទេសចរណ៍ឱ្យបានសមស្របផងដែរ។ ឯកឧត្តម សោម ពិសិដ្ឋ បាន​ថ្លែងថា ៖ ​​«​ការបញ្ចប់ការបន្ទោបង់ពាសវាលពាសកាលនេះ ​ក៏ជះឥទ្ធិពលដ​ល់សេ​ដ្ឋកិច្ចសង្គមនៅមូលដ្ឋាន…

ភ្នំពេញ៖ ថវិ​កា​សរុបជាង ១៣ លានដុល្លារអាមេរិក ត្រូវ​បាន​សប្បុរសជន​រួម​ទាំងព្រះករុណា​ព្រះមហាក្សត្រនៃព្រះរាជាណាចក្រនិង​ព្រះ​មហាក្សត្រី​ព្រះ​វររាជមាតាជាតិខ្មែរ​ បានចូលរួម​បរិច្ចាគថវិកាដល់​កាកបាទក្រហមកម្ពុជា នា​ឱកាសខួបលើកទី១៦០ ទិ​វាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ​២០២៣។ យោងតាម​លិខិត​ថ្លែង​អំណរគុណ​របស់​​​សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា ចុះ​ថ្ងៃទី​២៩ ខែឧសភា បាន​ឱ្យដឹងថា ឱកាសខួបលើកទី១៦០ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៣នេះ បានធ្វើឡើង​ក្រោមប្រធានបទ​ «រួមគ្នាជាមួយកាកបាទក្រហមកម្ពជា ដើម្បី​បរិយាបន្នសង្គម»។ សម្ដេចកិត្តិព្រឹទ្ធបណ្ឌិតបាន​លើកឡើងថា ៖ «ក្នុងនាមខ្ញុំ​ផ្ទាល់ ​សូមក្រាបបង្គំថ្វាយអំណរ ព្រះរាជគុណយ៉ាងជ្រាលជ្រៅបំផុត ចំពោះព្រះករុណា ព្រះបាទសម្តេចព្រះបរមនាថ នរោត្តម សីហមុនី ​និងសម្តេចព្រះមហាក្សត្រី ​ព្រះវររាជមាតាជាតិខ្មែរ រួមនឹងសប្បុរសជនគ្រប់មជ្ឈដ្ឋាន ដែលបានឧបត្ថម្ភថវិកា និងសម្ភារៈដល់កាកបាទក្រហមកម្ពុជា ​​ក្នុង​ឱកាសខួបលើកទី១៦០ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៣​»។​ សម្ដេចកិត្តិព្រឹទ្ធបណ្ឌិតបាន​បន្តថា ៖ «គិតមកថ្ងៃនេះ​ ​មានសប្បុរសជនសរុបចំនួន ៩៩៧អង្គ/នាក់ បាន​ធ្វើការបរិច្ចាគ​…

ភ្នំពេញ៖ ក្រោយមានករណីប្លន់ប្រដាប់ដោយអាវុធកាលពីថ្ងៃទី១៨ ខែឧសភា ឆ្នាំ២០២៣ យកបានកាបូបស្ពាយ ដែលមានមាសចំនួន១២តម្លឹង, ផ្លាកទីនទឹក៣ និងទឹក៧ ចំនួន១០០តម្លឹងជាង និងប្រាក់ចំនួន១លានរៀលជាងនៅចំណុចក្រោយផ្សារស្ទឹងមានជ័យចាស់ ផ្លូវលំ ភូមិថ្មី សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ បង្កឡើងដោយជន សង្ស័យចំនួន៥នាក់ ជិះម៉ូតូ២គ្រឿង និងរ៉ឺម៉កម៉ូតូ ០១គ្រឿង ប្រដាប់ដោយអាវុធខ្លី ០៤ដើម ពីជនរងគ្រោះកំពុងដើរស្ពាយកាបូបស្ពាយ ពណ៌ខ្មៅ បានសម្រេចរួចជនសង្ស័យជិះម៉ូតូគេចខ្លួនបាត់ ។ កម្លាំងការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ បានស្រាវជ្រាវពីថ្ងៃទី២៧ ដល់ថ្ងៃទី៣០ ខែឧសភា ឆ្នាំ២០២៣ បានធ្វើការឃាត់ខ្លួនជនសង្ស័យចំនួន ០៨នាក់ជាបន្តបន្ទាប់ នៅរាជធានីភ្នំពេញ, ខេត្តកណ្តាល, ខេត្តកំពង់ស្ពឺ និងខេត្តកំពង់ចាម ដោយចាប់យកវត្ថុតាងអាវុធខ្លីជាមធ្យោបាយធ្វើសកម្មភាព និងភស្តុតាងជាគ្រឿងអលង្ការមួយចំនួនរបស់ជនរងគ្រោះ និងបញ្ជូនមកការិយាល័យ ដើម្បីចាត់ការតាមនីតិវិធី ។ ជនសង្ស័យទាំង ៨នាក់រួមមាន៖ ១-ឈ្មោះ សុខ សំណាង ហៅ អាង ហៅ ៥៥ ភេទប្រុស អាយុ៤៣ឆ្នាំ ជនជាតិខ្មែរ…

ខេត្តកណ្តាល ៖ ឯកឧត្តម ជាប ដាវុធ អនុប្រធានក្រុមការងារថ្នាក់ជាតិចុះជួយស្រុកល្វាឯម បានអំពាវនាវចំពោះប្រជាពលរដ្ឋ សូមចូលរួមថែរក្សានូវសមិទ្ធផលដែលយើងទទួលបាន ជាពិសេសគឺផ្លូវ ដែលយើងទទួលបាន ព្រោះថា ប្រសិនបើមានការថែទាំ និងជួសជុលដិតដល់ ផ្លូវនេះអាចប្រើប្រាស់បានរាប់សិបឆ្នាំតទៅមុខ ។ ឯកឧត្តម ជាប ដាវុធ មានប្រសាសន៍បែបនេះ ខណៈអញ្ជើញសម្ពោធជាផ្លូវការ ផ្លូវបេតុងមួយខ្សែមានប្រវែង ៤០០ម៉ែត្រ និងទទឹង ៦ម៉ែត្រ និងផ្លូវក្រាលគ្រួសក្រហមមួយខ្សែប្រវែង ៥៥០ម៉ែត្រ និងទទឹង ៦ម៉ែត្រ ស្ថិតនៅភូមិថ្មគរ ឃុំថ្មគរ ស្រុកល្វាឯម ខេត្តកណ្តាល ជាអំណោយរបស់ ឯកឧត្តមអគ្គបណ្ឌិតសភាចារ្យ អូនព័ន្ធ មុន្នីរ័ត្ន ប្រធានក្រុមការងារថ្នាក់កណ្តាលចុះជួយខេត្តកណ្តាល ។ ក្នុងឱកាសនេះ គណៈអធិបតីបានផ្តល់ជូននូវម៉ាស៊ីនកុំព្យូទ័រ ម៉ាស៊ីនព្រីន ដែលជាអំណោយរបស់សប្បុរសជនជូនដល់ឃុំថ្មគរ និងឃុំទឹកឃ្លាំងសម្រាប់ប្រើប្រាស់ ការងាររដ្ឋបាល និងផ្តល់ជូនសម្លៀកបំពាក់ដល់ប្រជាការពារឃុំថ្មគរចំនួន ២៤នាក់ផងដែរ។ បន្ទាប់មកគណៈអធិបតីបានបន្តដំណើរទៅសួសុខទុក្ខស្ត្រីសម្រាលមាតុភាពចំនួន ៧គ្រួសារនៅភូមិផ្លូវត្រី និងភូមិថ្មគរ ឃុំថ្មគរ ៕ ដោយ ៖ ប៊ុន ធី

កណ្តាល ៖ ក្នុងឱកាសសម្ពោធដាក់ឱ្យប្រើប្រាស់ ផ្លូវបេតុងអាមេប្រវែង ១០០០ម៉ែត្រ ទទឹង ៦ម៉ែត្រ កម្រាស់ ០.១៥ម៉ែត្រ និងបើកការដា្ឋនជួសជុលផ្លូវចាក់បេតុងអាមេ ប្រវែង ១ ០០០ម៉ែត្រ ទទឹង ៦ម៉ែត្រ កម្រាស់ ០.១៥ម៉ែត នៅភូមិដំបូកមានល័ក្ខ និងភូមិត្រពាំងអណ្តូង ឃុំទំនប់ធំ ស្រុកពញាឮ ខេត្តកណ្ដាល ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្ដាល បានដាក់បញ្ជាយ៉ាងម៉ឺងម៉ាត់ដល់អាជ្ញាធរស្រុកពញាឮ មិនអោយមានដាច់ខាតគ្រប់ល្បែងស៊ីសងទាំងអស់នៅក្នុងមូលដ្ឋានរបស់ខ្លួន ពិសេសកងកម្លាំងមានសមត្ថកិច្ចមិនត្រូវពាក់ព័ន្ធជាមួយបទល្មើសឡើយ ។ ឯកឧត្តមអភិបាលខេត្ត បន្តថា អាជ្ញាធរស្រុកពញាឮ ត្រូវខិតខំយកចិត្តទុកដាក់បង្ក្រាបអោយបានគ្រប់បទល្មើសនានា និងរាល់ល្បែងស៊ីសងទាំងអស់ដែលមាននៅក្នុងមូលដ្ឋានរបស់ខ្លួន ពិសេសត្រូវជៀសឱ្យបានកុំពាក់ព័ន្ធនឹងបទល្មើសគ្រប់ប្រភេទ។ ឯកឧត្តមអភិបាលខេត្ត បានលើកទឹកចិត្តដល់ប្រជាពលរដ្ឋ សូមរាយការណ៍ដល់អាជ្ញាធរមានសមត្ថកិច្ចគ្រប់លំដាប់ថ្នាក់ រាល់បទល្មើសនានាដែលកើតមានឡើងនៅក្នុងមូលដ្ឋានរបស់ខ្លួន សំដៅធ្វើយ៉ាងណាឱ្យភូមិ-ឃុំរបស់យើងគ្មានបទល្មើសកើតមាននៅក្នុងមូលដ្ឋានរបស់ខ្លួនឡើយ។ ឯកឧត្តមអភិបាលខេត្ត ស្នើឱ្យរដ្ឋបាលស្រុក ឃុំ និងអាជ្ញាធរគ្រប់លំដាប់ថ្នាក់ យកចិត្តទុកដាក់ពង្រឹងអភិបាលកិច្ចល្អ និងអនុវត្តឱ្យបានជាប់ជានិច្ច នូវបាវចនា២ និង អភិក្រម៥ ដែលបានដាក់ចេញដោយ សម្ដេចតេជោ នាយករដ្ឋមន្ត្រី គឺ៖…