រាជធានីភ្នំពេញ៖ កោះព្រហ្មចារីយ៍ គ្រប់គ្រងដោយប្រជាសហគមន៍កោះព្រហ្មចារីយ៍ដែលជាសហគមន៍អេកូទេចរណ៍ថ្មីមួយ នៅតាមបណ្តោយដងទន្លេមេគង្គ ស្ថិតក្នុងឃុំជ្រោយបន្ទាយ ស្រុកព្រែកប្រសព្វ ខេត្តក្រចេះ សហគមន៍អេកូទេចរណ៍គួរជាទីចាប់អារម្មណ៍កន្លែងថ្មីមួយនេះមានចម្ងាយប្រមាណ ១៧ គីឡូម៉ែត្រពីទីរួមខេត្តក្រចេះ។ សហគមន៍នេះទើបតែត្រូវបានបង្កើតឡើងនៅចុងឆ្នាំ២០២០ ។

សៀមរាប ៖ យុទ្ធនាការទេសចរណ៏បរិស្ថានប្រមូលសំណល់ប្លាស្ទិកបឹងទន្លេសាបនារដូវទឹកសម្រកឆ្នាំ២០២២ ដើម្បីបរិស្ថានស្អាត លើកកំពស់ជីវភាពសហគមន៍ បឹងទន្លេសាបបៃតងស្អាត ដោយគ្មានប្លាស្ទិក អង្គការមូលនិធិទំពាំងស្នងឫស្សី សហការជាមួយសមាគមទីភ្នាក់ងារទេសចរណ៍កម្ពុជា ដែលហៅកាត់ថា (CATA) មន្ទីរបរិស្ថានខេត្ត សហគ្រិនវ័យក្មេង អាជ្ញាធរស្រុក អង្គភាពពាក់ព័ន្ធនានាជាច្រើននាក់បានចូលរួមផងដែរ យើងចូលរួមទាំងអស់គ្នា ដើម្បីបរិស្ថានស្អាត លើកកំពស់ជីវភាពសហគមន៍ ទន្លេសាបបៃតងស្អាត ដោយគ្មានប្លាស្ទិក។

ដេីម្បីរួមចំណែកក្នុងការលេីកកម្ពស់បរិស្ថានសិក្សានៅតាមសាលារៀន នារសៀល ថ្ងៃទី២៩ ខែមករា ឆ្នាំ២០២២នេះ ក្រុមការងារបាននាំយកធុងញែកសំរាម មានរចនាបថអង្រុត និងក្អម សរុបចំនួន ១៤ធុង ទៅប្រគល់ជូនសាលារៀន ចំនួន ០៧ទីតាំង (ជំហានទី១) ដែលជាការគាំទ្ររបស់ក្រសួងបរិស្ថាន ដោយមានការចូលរួមពីតំណាងគណៈអភិបាលខណ្ឌច្បារអំពៅ ស.ស.យ.ក.ខណ្ឌ តំណាងការិយាល័យអប់រំខណ្ឌ គណៈគ្រប់គ្រងសាលា និងនាយកសាលា នៅក្នុងកម្មវិធី សំណេះសំណាលជាមួយសិស្សានុសិស្ស និងប្រគល់-ទទួលធុងញែកសំរាម ចំនួន២កម្មវិធី៖

«រាជរដ្ឋាភិបាលកម្ពុជា ដែលមានក្រសួងបរិស្ថានជាសេនាធិការលើកិច្ចការបរិស្ថាន និងការអភិវឌ្ឍ ដោយចីរភាព បាននិងកំពុងបន្តជំរុញការអនុវត្តកម្មវិធីកំណែទម្រង់ គោល នយោបាយ ផែនការយុទ្ធសាស្ត្រ ការពង្រឹងនិងពង្រីកកិច្ចសហប្រតិបត្តិការក្នុងភាពជាដៃគូជាមួយ ដៃគូ អភិវឌ្ឍន៍និងអ្នកជំនាញពាក់ព័ន្ធ ដោយផ្ដោតលើការចូលរួមពង្រឹងមូលដ្ឋានសេដ្ឋកិច្ច ការរៀបចំសង្គមកម្ពុជាសម្របទៅនឹងនិន្នាការសកល …

សៀមរាប ៖ ក្រសួងបរិស្ថាន និងអាជ្ញាធរខេត្ដសៀមរាប បានដាំកូនឈើជាង ២០០០ដើម ដើម្បីស្តាឡើងវិញក្នុងតំបន់៣ នៃព្រៃលិចទឹកប្រមាណជាង ៤០ហិកតា ក្នុងក្រុងសៀមរាប ស្ថិតនៅបឹងពារាំងលើផ្ទៃដីដកហូតប្រមាណ៤០ហិកតា ក្នុងក្រុងសៀមរាប ក្នុងចំណោមព្រៃលិចទឹកសរុបជាង២ពាន់២រយហិកតាក្នុងខេត្ដសៀមរាប នាព្រឹកថ្ងៃទី២៥ ខែមករា ឆ្នាំ២០២២នេះ ក្រោមអធិបតីភាពឯកឧត្តម សូ ខនឬទ្ធិគុណ រដ្ឋលេខាធិការក្រសួងបរិស្ថាន ឯកឧត្តម ខ្វៃអាទិត្យា អនុរដ្ឋលេខាធិការក្រសួងបរិស្ថាន លោក ង៉ាន់ ភីរុណ អភិបាលរងខេត្ត លោក ងួន សែប អគ្គនាយករងនៃអគ្គនាយកដ្ឋានសហគមន៍មូដ្ឋាននៅក្រសួងបរិស្ថាន ប្រធាមន្ទីរ អង្គភាព ស្ថាប័នបាក់ព័ន្ធជាច្រើននាក់។

រាជធានីភ្នំពេញ៖ កាលពីថ្មីៗមកនេះក្រុមមន្ត្រីជំនាញនៃក្រសួងបរិស្ថានក្រៅពីបានរកឃើញប្រភេទខ្លាឃ្មុំតូចដែលកំពុងបង្ហាញវត្តមាននៅក្នុងតំបន់ការពារធម្មជាតិកម្ពុជាហើយ គេក៏បានរកឃើញប្រភេទខ្លាឃ្មុំធំក៏កំពុងរស់នៅប្រទេសកម្ពុជាផងដែរ។

កំពង់ឆ្នាំង៖ ឯកឧត្តម សុខ គាង អនុរដ្ឋលេខាធិការក្រសួងបរិស្ថាន នៅក្នុងពិធីដាំកូនឈើស្តារព្រៃលិចទឹកនៅក្នុងតំបន់៣ ក្នុងភូមិសាស្រ្តឃុំច្រណុក ស្រុកកំពង់លែង ខេត្តកំពង់ឆ្នាំង កាលពីថ្ងៃទី១៤ ខែមករា ឆ្នាំ២០២២ បានវាយតម្លៃខ្ពស់ចំពោះ អត្ថប្រយោជន៍ នៃការដាំកូនឈើស្តារព្រៃលិចទឹកឡើងវិញនៅតាមតំបន់៣នៃបឹងទន្លេសាប ដែលនឹងផ្តល់អត្ថប្រយោជន៍យ៉ាងសំខាន់ដល់ការពង្រឹងប្រព័ន្ធការពារធនធានជីវ៖ចម្រុះនៃបឹងទន្លេសាប។

ក្រសួងបរិស្ថាន នៅថ្ងៃទី១៤ ខែមករា ឆ្នាំ២០២២ នេះបានបង្ហាញពីទិន្នន័យនៃវត្តមានសត្វព្រៃជាច្រើនប្រភេទនៅក្នុងតំបន់ការពារធម្មជាតិរបស់ប្រទេសកម្ពុជាក្នុងភូមិសាស្ត្រខេត្តពោធិ៍សាត់ បាត់ដំបង និងខេត្តកោះកុង។ ឯកឧត្តម នេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថានបានថ្លែងឱ្យដឹងថា ប្រភេទជិតផុតពូជ ប្រភេទទទួលរងគ្រោះថ្នាក់ ប្រភេទទទួលគំរាមកំហែងចំនួន ១០ប្រភេទ ត្រូវបានកត់សម្គាល់តាមរយៈទិន្នន័យប្រមូលបានពីរូបថតម៉ាស៊ីនថតស្វ័យប្រវត្តិ ដែលមន្ត្រីជំនាញនៃក្រសួងបរិស្ថាន បានអនុវត្តសិក្សាក្រោមការគាំទ្រពីគម្រោងនិរន្តរភាពតំបន់ទេសភាព និងទេសចរណ៍ធម្មជាតិកម្ពុជា នៃក្រសួងបរិស្ថាន។

ព្រះសីហនុ៖ ប្រព័ន្ធគ្រប់គ្រងព័ត៌មានបរិស្ថានកម្ពុជា (CEMIS) ” គឺពិតជាយន្តការមួយដ៏សំខាន់ ក្នុងការប្រមូលចងក្រង និងបង្កើតឱ្យមានប្រព័ន្ធគ្រប់គ្រងទិន្នន័យទំនើប មានប្រសិទ្ធភាព និងតម្លាភាពលើការបែងចែក និងវិភាគអោយបានទាន់ពេលវេលាលើវិស័យបរិស្ថាន។

ដើម្បីចូលរួមលើកកម្ពស់ធនធានមនុស្ស និងជាការគិតគូរពីសុខុមាលភាពរបស់ប្រជាពលរដ្ឋ ជាពិសេសប្អូនៗយុវជន ស.ស.យ.ក រាជធានីភ្នំពេញ និង មន្ទីរអប់រំ យុវជន និងកីឡា រាជធានីភ្នំពេញ ដោយមានការគាំទ្រពីក្រសួងបរិស្ថាន បានបំពាក់ជូននូវម៉ាស៊ីនចម្រោះទឹកស្អាតជូនដល់វិទ្យាល័យបឹងត្របែកសម្រាប់លោកគ្រូ អ្នកគ្រូ និងសិស្សានុសិស្សបានទទួលទានទឹកស្អាត ទឹកមានគុណភាព និងសុវត្ថិភាពជាកត្តាចាំបាច់សម្រាប់ទ្រទ្រង់ដល់ការលូតលាស់ទាំងផ្នែកបញ្ញា និងស្មារតី។